欅 居酒屋

營業中

休息中

今晚慶祝朋友加人工，揀左間野食睇落好吸引既餐廳慶祝😎見到門口有一部幾得意的清酒售賣機，就入左去試！1. 吞拿魚牛油果沙律配芥末醬 ($68)清新嘅沙律，配上芥末醬👍🏻吞拿魚好鮮味係一個好好既開胃前菜2. 木桶豆腐 ($78）用一個二人份量嘅細桶，裝有豆腐花。上菜既時候，職員細心介紹食法，有蔥、姜、香粉做配菜，可以隨自己口味調配。最後仲加上日本豉油，鹹淡相撞嘅感覺好味道。3. 串燒10串 (共$520）串燒每個類型我哋都揀咗一啲有牛肉，豚肉，海鮮和蔬菜。每一款我都覺得好味（大家可以睇圖😋）但如果真係要我揀幾款介紹俾大家，我會pick 以下三款。3.1 厚燒牛舌（$78）我諗聽個名，都會覺得好食。而佢燒得好香口，薄薄一片一啖食晒，好易咬開，食完個口充滿油香！3.2 煙肉帆立貝（$58）介紹呢一款嘅原因係佢配搭比較新穎。新配搭有時會出事，但呢款就唔會。因為有幾件嘅關係，我試過將煙肉同帶子一齊食和分開食一齊食，軟身帶子成為咸味煙肉既夾心，好得意；將佢兩樣分開食，你又會食咗兩種唔同嘅味道！3.3 原條日本茄子（$68）燒後既茄子，上面加左木魚，比起其他店燒既更有心思。茄子係去咗皮，亦將茄子入面一

今日同返啲舊同事食飯去咗MegaBox搵食，最近朋友好想食日本嘢，於是我哋就上咗去11樓見到有間新開嘅日本餐廳居酒屋。環境非常舒適，以木系設計置身於日本的感覺。 有闊落既卡位坐，啱晒想靜傾計既朋友們聚會傾偈。吞拿魚牛油果沙律日式沙律入面有吞拿魚刺身，非常新鮮爽口。牛油果亦都好新鮮，唔會過冧。估唔到牛油果配吞拿魚，再加上蔬菜。係咁好食。豚肉牛油果卷幾特別嘅串燒，出邊見唔到呢款，估唔到豚肉包牛油果🥑，都幾好食。串燒可搵以下粉作調味。煙肉荔枝卷煙肉荔枝卷出面都試過幾次，佢用嘅荔枝好大粒新鮮、爽口。 荔枝吸了煙肉過多既油份，令到唔會覺得好油膩。 甜中帶鹹估唔到咁match豚肉酒盜芝士卷喜歡食芝士嘅朋友一定要叫，啖啖濃郁芝士味散發喺口中。美國牛肋筋/美國牛柳粒/美國牛小排超重牛味可以自己點一啲芥末醬或者沖繩海鹽辣椒醬等等。厚燒牛舌燒到牛舌好有彈性，好Juice。好爽口,好重牛味。煙肉帆立貝帆立貝好新鮮好大粒，用煙肉包住帆立貝更加提鮮。明太子雞肉明太子去九州名產，再配上日本雞肉。非常好味。原條日本茄子冇落任何調味料即刻嘅茄子非常大調，可以自己加入唔同漲了去食茄子，佢講返剛才好肥膩嘅食物產生嘅高血壓

又黎左九龍灣做野，收工去附近的Mega Box 覓食。大佬推薦我去位置Mega Box 11樓的居酒屋🏮！佢話餐廳選用日本和哥山天然備長炭，以及日本直送食材，製作成各款炭香味濃的串燒。除左串燒，還有其他不同的菜式。 餐廳風格為日式居酒屋，環境舒適寬敞，仲設有自助清酒機，提供超過十多款的清酒放題，岩晒朋友小聚暢飲一杯！ - 清酒放題 -黎到居酒屋見到自助清酒機，唔係唔飲呀⁉️每位$188就可以任飲自助機上18款清酒，以及日本啤酒🍻。每款清酒的濃度、口味等都寫得非常清楚。每撳一次會出50ml，我同大佬酒量不大，都係小酌一下就算！ - 前菜 -⦁吞拿魚牛油果沙律配芥末醬⦁自家製木桶豆腐 兩款前菜份量都幾多，豆腐食落好滑，餐廳仲配有各款調味自由搭配。個人淨食都好香豆味，好似食緊豆腐花咁。 - 串燒 -🐥雞肝、雞皮🐷豚肉蘆筍卷、煙肉荔枝卷🐮厚燒牛舌、美國牛柳粒🥬焦糖菠蘿、粟米、鮮冬菇、原條日本茄子🐟炭火蒲燒原條鰻魚串燒款式好多，個人力推煙肉荔枝卷、厚燒牛舌、焦糖菠蘿、茄子同原條鰻魚！味道濃郁重口味，仲會有濃濃的炭香味，好有風味。 - 飯團 -⦁柚子胡椒鵝肝燒飯團⦁

啤酒任飲就聽得多清酒任飲，真係第一次聽而家每位$188優惠價任飲18款唔同特色清酒同埋日本啤酒仲要係自助撳機方式好飲又好玩前菜點左吞拿魚牛油果沙律配芥末醬沙律上面有少少魚子做點綴吞拿魚新鮮而且份量仲好多私心推介自家製木桶豆腐打開個蓋就聞到香濃嘅黃豆味香滑嘅豆腐仲可以配上薑絲、蔥花同埋海鹽調味啱晒健康嘅女生們餐廳主打唔同日式串燒特別推介豚肉秋葵卷、豚肉韭菜卷賣相好睇又好食厚燒牛舌、美國牛小排、厚燒雞肉串燒全部都燒到外脆內軟而且唔會太乾身肉汁全部鎖喺入邊柚子胡椒鵝肝燒飯團鵝肝濃郁而不膩柚子作為點綴，非常清新鯛魚燒飯團茶漬飯特別喜愛茶漬飯浸咗湯都唔會令飯團太鬆軟咬落去，依然有口感炭火蒲燒原條鰻魚呢個真係有驚喜成個炭爐出場鰻魚燒到恰到好處

有一段時間冇黎九龍灣，原來megabox開左呢間咁精緻既居酒屋！日式既裝修好似番左日本咁！ 最重要係有清酒放題！放左工同埋同事黎一邊飲酒一邊吹水 正！ 呢個清酒放題有18款唔同種類既酒！純米大吟釀到特別純米、唔同既米種、風格類型都有，仲有梅酒可以選擇添！而家有優惠都係$188就可以無限時任飲！好抵！😋油甘魚沙律配酸汁啫哩 厚厚既新鮮油甘魚刺身！份量好多！菜都好新鮮，酸汁啫哩唔會太酸，但加埋一齊就好清新開胃～😋自家製木桶豆腐好香滑既豆腐，蒸得岩岩好完全唔會老，一打開木桶就好濃既豆香， 份量兩至三人食岩岩好！😋串燒明太子雞肉有好多明太子！雞皮燒到好脆！雞翼連埋翼尖 裡面仲好嫩既雞肉！雞軟骨咬落咯咯聲食得好過癮！豚肉酒盜芝士卷必食！酒盜芝士好香又同豚肉好夾，食落唔會漏。煙肉帆立貝每一件裡面都大大粒帆立貝 好抵食！厚燒牛舌食落好彈牙！牛柳粒同牛小排都好香牛味 而且唔會太油膩，加埋清酒一絕！😋飯團柚子胡椒鵝肝燒飯團大大舊鵝肝燒得外脆內嫩，一咬落鵝肝油融入埋飯團裡面超好食！加埋微微辣既柚子胡椒去膩，必食！燒三文魚飯團成個飯團入面都平均分佈住三文魚，絕對唔會得中間先有，而且外面好脆既紫菜，好食！😋炭

第一次係openrice寫食評 估唔到係寫劣評見d價錢偏貴，不過諗住有質素都可以一戰。叫左幾碟串燒，加一碟燒魚，其中一碟係碟明太子青椒仔，諗住食到咁上下再叫（因為係QR code落單）睇相都靚靚仔仔，釀明太子入去青椒仔第一碟黎到，一望，下？係燒青椒仔明太子topping🤯？第一碟就俾d咁既野我，嚇到唔敢再落order😰本身仲想試d sake，見佢有$30/50ml，有機撳，仲有sake free flow，但真係唔敢再落單。呢間野真係圖片只供參考，咁樣做生意好冇良心

去了位於mega box既欅居酒屋好多款美食…食得好過癮仲要有清酒任飲🍶首先是油甘魚沙律配酸汁啫喱這個沙律的口感非常清新配酸汁的味道令我胃口大開接著係木桶豆腐豆腐非常嫩滑..可以自己加調味令人回味既感覺然後係串燒🍢絕對係我的最愛不論是雞、豚、牛、野菜類每一種都各有特色明太子雞肉味道係濃郁既與雞肉配搭估唔到禁夾煙肉帆立貝和厚燒牛舌豚肉酒盗芝士卷都非常好吃仲有原條鰻魚 超正最後是焦糖菠蘿蜜用黎做ending岩哂喜歡日本料理和居酒屋風格的美食可以去試下

🏮 #九龍灣 #欅居酒屋 Happy Friday同男朋友食吓好嘢飲吓酒，地膽男朋友帶我去咗九龍灣MegaBox一間新開嘅居酒屋「酒池肉林」！🎎 🍶 清酒放題 （$188@）點解話係「酒池」？ 因為呢度有清酒🍶、日本啤酒🍻任飲！ 店內有多達18部清酒機，酒機上面仲有mark埋酒嘅資料👻 方便比客人自己玩，每撳一次會出50ml嘅酒，我哋試咗六款，唔知你又可以挑戰飲幾多杯呢😏 除咗清酒，其實都有燒酒、啤酒可以選擇㗎～至於食物方面，我哋就食咗：🐷🥗 慢煮黑豚暖玉子沙律 （$68）沙律加入咗柚子醋同橄欖油，冇多餘嘅調味，最清新、健康🥰！ 🍮🍲 自家製木桶豆腐 1客 （$98）第一次食木桶豆腐，佢係類似豆腐花，但比較堅挺Q彈，仲有更香嘅黃豆味😳 木桶豆腐配有三款配料，包括華鹽、香蔥、薑絲，估唔到鹽同豆腐係咁夾😍 🐮🍢串燒 （$32-$78）我講嘅「肉林」嚟喇😆 呢度有多款串燒任你叫，包括雞、豚、牛、海鮮、野菜類都有😋 我同男朋友每人都揀咗五款😚 雞方面揀咗「厚燒雞肉」、「明太子雞肉」、「雞翼」，牛就揀咗「牛小排」、「厚燒牛舌」、「牛肋筋」、「牛柳粒」，另外仲揀咗「煙肉帆立貝」、「豚肉牛油果卷」

我地今日第一次幫襯，環境唔錯，竟然冇乜人，我地叫左炭燒三藏丼，有牛肉同雞肉，雖然瞓啦唔多大都幾好味嘅，另一份系炭燒美國牛小排柚子丼，呢份都好味嘅嗰個柚子Wasabi醬都幾特別，最後一份系牛肉壽喜燒定食，呢個就差啲，以為會有一個爐俾埋我哋興住啲牛肉但係就冇，價錢都有啲貴

朋友話九龍灣MegaBox新開左一間居酒屋可以有清酒放題😍即刻就約咗日過黎飲翻杯嚟到餐廳門口已見到18格清酒等緊我😋😋😋🔸自動清酒放題機任飲(任選18款日本酒同生啤) 呢個要現場手機注冊掃QR CODE出酒，幾特別，第一次咁飲清酒，幾過癮🤣🤣我哋大家一到餐廳，都係不期然走到清酒格前面下望飲邊款好，店員即刻提議一人一個杯各裝一款酒，大家就可每款酒小試一口，咁就可以試晒18款酒🤣🤣但最後我都只係鐘情17號伯樂星同梅酒♥️店員仲好好介紹我哋飲梅酒時要轉杯飲，好體貼🫶🏻🔸油甘魚沙律配酸汁啫喱♥️油甘魚好鮮，配酸汁啫喱味道好鮮，菜加埋沙律好好味🔸吞拿魚牛油果沙律配芥末醬♥️芥末醬異常地夾牛油果加呑拿魚🔸自家製木桶豆腐 用木桶裝嘅豆腐好有特色，配埋附上嘅海鹽同薑蔥好夾🔸串燒 叫咗好多款串燒夾清酒飲，最鐘意雞軟骨，豚肉蘆筍卷，煙肉荔枝卷同焦糖菠蘿♥️，推薦！🔸柚子胡椒鵝肝燒飯團飯團外脆內軟 鵝肝好夠油香 🔸炭火蒲燒原條鰻魚 ♥️鰻魚用一個炭爐端上，好多鰻魚汁又大份，好香口，超推薦🍀總結食物質素唔錯，員工態度又好 自動清酒放題機幾特別好好玩🤣係飲清酒另一特別體驗🫶🏻重有啤酒放題,滿足曬鐘意飲清酒同啤酒既朋友

好耐未去過MegaBox，前兩日去開見到新開咗間居酒屋，諗住就咁食吓串燒飲吓嘢傾吓計，估唔到咁都撞到間有驚喜嘅餐廳，每樣野食都好高質，再加上自助任飲清酒🍶！正！最吸引就係$188任飲18款清酒，雖然我地完全對清酒冇研究，但佢係出去任斟的，玩吓都覺得開心🤣，試咗幾款，個人比較喜歡彌榮鶴 亀の藏舞，唔會太辣，又唔會太甜，岩岩好嘅味道同易入口👍🏻前菜試咗吞拿魚牛油果沙律配芥末醬（HK$68)，份量都多，芥末醬令到成個味好出同好開胃！自家製木桶豆腐（HK$98)，第一次食一桶蒸嘅豆腐，唔知以為食緊豆腐花🤣，雖然豆腐唔算係好滑嘅feel，但加入咗薑、蔥同埋椒鹽，味道係唔錯！串燒平日有買三送一優惠，我地order咗10串，平均HK$18-$78一串，真心每款都整得好有水準，個人覺得必試 1）豚肉酒盗芝士卷、2）煙肉凡立貝、3）美國牛小排、4）明太子雞肉，極度推介🤤另外燒三文魚飯團（HK$42）同柚子胡椒鵝肝燒飯團（HK$98)，兩款都熱辣辣，燒得好脆身，我地勁喜歡，出色🫶🏻炭火蒲燒原條鰻魚(HK$268)，以炭火烤住咁上枱，好有氣勢🤣，鰻魚肥味脆身，個人建議連埋飯團一齊食最正👍🏻

💛好味指數:4.6/5💛💜回頭指數:4.6/5💜俾餐廳嘅清酒放題吸引咗，約咗清酒愛好者一齊去🍶見到部清酒機已經相當吸引，仲會介紹埋每隻清酒嘅特點，好細心💕而且服務態度友善，不時留意我地嘅需要✅自動清酒放題 $188任選18款日本酒&生啤現場手機注冊掃QR CODE就可以出酒，成個過程都好方便快捷😀搞掂之後就開始選杯，勁多選擇好開心🍶🍶本身想試灑18款，但試下太多🤣已經盡力試咗10款🫣我最中意係10號白鶴梅原酒&17號伯樂星純米吟釀，梅酒香甜濃郁，同串燒好夾🥃另外伯樂星清酒嘅層次最豐富，帶清酒嘅芬香🍶其他有啲係偏辛口/口感順滑，視乎個人喜好😆✅吞拿魚牛油果沙律配芥末醬$68配芥末醬嘅味道幾特別，啲人成日話牛油果加芥末好似三文魚，原來真係幾似🤣沙律都幾好食😋✅木桶豆腐$98用木桶載駐嘅豆腐，相當有特色，最特別係佢嘅豆腐係配姜蓉、香蔥同海鹽，另有一番風味✅串燒🍢叫咗好多款串燒配清酒🍶推薦焦糖菠蘿、煙肉荔枝卷、雞翼🤤菠蘿超級香甜；煙肉同荔枝嘅味道好夾；雞翼燒得好香，層皮仲脆嘅😆✅飯糰🍙柚子胡椒鵝肝燒飯糰飯糰燒得好好，外脆內軟，鵝肝嘅油香連埋飯糰一齊食真係雙重享受🤤✅炭火蒲燒原條鰻魚$268鰻魚

位於megabox 新開既日式餐廳，中午menu價錢算係正常，味道唔錯，選擇好多，有定食，刺身丼，天婦羅丼，燒肉丼。環境舒適，位置闊落，適合中午休閒同同事吹水食飯。🫃辣味三文魚件香蔥拖羅蓉丼 ＄138有d喜出望外，都係同事帶我黎食，本身無咩期望，依份辣味三文魚件香蔥拖羅蓉丼，三文魚件新鮮，肉質爽滑，加埋香蔥同埋拖羅蓉，鮮味十足，撈哂所有材料一齊食超正勁開胃，有少少黑松露係上面，飯粒恰好彈牙。整體黎講，味道豐富，份量亦足夠，會再黎🫃串燒＋茶碗蒸午餐仲會配埋串燒＋茶碗蒸，雞肉燒得岩岩好，正常水準啦，茶碗蒸就普普通通，叫做熱辣辣上碟，蛋未去到好滑，但都可接受。總括黎講，個丼飯味道香濃，配搭恰到好處，好好食，值得再戰既日式餐廳，另外我見到有得比錢試清酒，以前係日本見過估唔到香港都有得咁玩，不過番緊工就無得試，可能下次放工黎食先再試啦

好難食，鰻魚是超市質素，白鱔是任食光烤串燒質素，清酒全部難似飲平野，我一定唔會再黎！！嬲到癲！！唯一可取係$188蚊任飲，但千其咪鬼飲清酒，只可以飲生啤，生啤抵返$188條數，清酒比埋啲cheap野你。無論魚生，串燒，飲品，都係今年食過最伏既料理。地方偏遠，野又難食，請都唔會再黎。各位睇路，唔好中伏！服務亦是最差之一，除左個女經理之外，其他後生仔女都睇唔到你舉手咁。

坦白講睇錯串燒放題先入座及聖誕節唔需要等位，但入座後先發現清酒放題…..😭😭兩公婆唔飲酒，但都有照order串燒同共他和食！但食物同招呼都一般，三人埋單要$1230🥵(冇order清酒放題)，只叫左兩罐汽水), 比想像中貴同食物order至上枱需時平均要30-45分鐘😳😳👉🏻需要改進，招呼都不敢恭維有待改進，斟茶會整濕客人衣物及袋，另有傳菜手震住熱湯烏冬”撻”落枱….睇見附近兩枱都係餐廳廚房及樓面既親友，佢地order既野都比我地既快，亦有可能以致我地食物慢左，所以應該唔會有下一次😳😳😳甲羅燒需時70分鐘以上，趕就唔好叫牛舌都係需時70分鐘以上串燒加單快左約20分鐘壽司🍣30分鐘以上生蠔最快到25分鐘