權八居酒屋 (北京道一號)

營業中

休息中

大家睇過我寫野一定識得權八啦，原來佢剛剛係尖沙咀北京道開左分店，我想講，真係千祈唔好錯過。首先個分店環境真係不得了，同原址嘅前餐廳同樣享受勁開揚嘅海景，我哋選擇左年三十嘅下午去，可能餐廳仲係好新，唔算太多人，享受到足夠空間感，仲要而家餐廳有好多新張優惠，呢幾日假期去就最好。前菜個牛筋一定要點，配上酸汁，骨膠原一流，開胃又醒神。壽司試左幾件時令嘅，帶子、劍魚腩、赤鯥、銀鱈魚都好得，最推薦係拖羅配赤身，真係未聽過，但咁樣夾法又幾好食又幾新鮮。當日食左好多串燒，特別愛免治雞肉棒同燒腦天，後者真係好少見，仲有個燒牛舌，又juicy又香又多汁，不能不吃。個和牛壽喜燒見到啲牛都知靚又好食，仲有天婦羅拼盤又係個個鐘意，當中紫蘇葉海膽天婦羅係最令人難以忘懷，而每日手打嘅蕎麥麵又係不吃不能。大家如果呢幾日去，想知多啲優惠，睇下like佢個pages一定會滿載而歸。

新年試新野，今日去到北京道1號既權八居酒屋尖沙咀新店同食友過年前聚一聚。新店在28樓居高臨下望向港島及維港夜色，呢個景點睇都冇得輸。室內裝潢亦滿滿日式情懷。就算坐在大廳中央亦感到被日式居酒屋氣氛包圍。前菜是宮崎豚肉胡麻沙律及炸鮮蟹肉餅，宮崎豚肉肉味夠濃，而蟹肉餅內餡軟creamy。壽司先上極上三色卷，入口帶吞拿魚肉香加上海膽及魚籽既鮮甜，食多一件都冇問題。接著到了The Kabuki Sushi Omakase時間。鮟鱇魚肝壽司十分軟滑，完全係入口即溶，慢煮帆立貝壽司及鰤魚壽司入口鮮甜，而金目鯛壽司帶濃郁鯛魚鮮味，最後既赤身燒大拖羅壽司油潤度滿分。炭燒串燒中最愛蔥鹽牛舌既厚實口感，而蘆荀豚肉卷中的蘆荀除了鮮嫩，吸收了豚肉油份後更惹味。權八汁燒免治雞肉軟骨棒沾上蛋汁後，除左炭火肉香更帶蛋汁香滑。鍋物送上A5和牛壽喜燒，A5和牛油脂豐腴，在微甜既湯汁下油香更突出。食事來了用了北海道蕎麥籽新鮮製造而成的權八手打蕎麥麵。甘味甜品係十勝紅豆綠茶最中餅，餅中的綠茶雪糕帶不錯綠茶香氣。權八尖沙咀新店既有日式美食，又可從高處遠望港島海濱及維港夜色，加上店內居酒屋氛圍，在尖沙咀應該很難找到第二家。