歇腳亭 (得寶商場)

營業中

休息中

買左2杯飲品，其中一杯葡萄柚紅茶加寒天晶球，返到屋企先開黎飲，就發現無比寒天......單上又無電話無得追，白白比佢賺多6蚊，呢間野唔額外加野，應該就唔會出事唔會比漏野

我想投訴多次比錯同漏嘢嘅問題。平均三次有一次有錯誤或者漏咗。服務質素令人懷疑。明明講清楚要求，仲係錯漏。浪費時間，準確度有疑問。少配料或飲料，錢唔值。多次失望。希望重視問題，改善準確度。建議加強準確度，培訓員工，設有效檢查機制。考慮退款，彌補損失。希望認真對待投訴，解決問題。多謝！我多次係你哋度訂購嘅時候都出現咗比錯同埋漏嘢嘅問題，真係好唔開心！又唔係賣得平 十幾蚊杯都可接受吖 沖得又慢 出到黎仲要錯晒

天氣炎熱，就諗住買杯凍飲消下暑，見到門口貼住芋圓芋頭鮮奶，咁就試下喇。搖兩搖先飲，一飲落去完全冇奶味，似係少少奶白色既冰水，撕開塊膠，成半杯冰。極度失望！唔會再幫襯！

青年女店員態度好 我嗌黑糖珍珠奶茶 佢就問我係黑糖珍珠奶茶定係厚黑糖珍珠奶茶 我就問有咩分別 佢就好細心咁解釋俾我聽 厚黑糖係珍珠有黑糖而沖繩黑糖係奶茶有黑糖 非常好 於是我嗌了厚黑糖

加完胚芽冇胚芽，因為個杯唔係平時嘅透明杯，所以飲嗰時先知冇（我行到好遠先飲，所以費事再晒我時間去翻間舖同佢講）建議大家去尼間舖買嘢飲要即刻飲，睇吓有冇加漏咗配料俾你🥲俾得尼個價錢都唔會expect啲員工有好好嘅服務態度，但都唔好咁唔細心/咁hea做囉，我一攞個杯上手就成隻手都係奶。

行過見口渴，找點台飲飲下先剛好有間歇腳亭 Sharetea自稱台北第一 Taipei No.1試試先 落單前，前排的男客人想落單，男店員大聲話：「未得住，等陣先！」隔了兩三分鐘，男店員就為這位男客人下單。到我時，男店員非常溫柔地為我解答疑問，又非常細心提醒我：「妳點的是寒天，細的飲管不適合的，可以選用大的飲管。」服務態度突然非常良好！寒天烏龍茶（走甜少冰）HK$25.00效率：3/5衛生：3/5好飲度：3/5抵飲度：3/5服務態度：10/5

每杯等十五分鐘是基本。老闆沒有打理的收完錢發覺冇個樣野 會用熱飲杯沖 貨不對辦。服務一般 成班學生玩玩下咁 唔似做生意如果價錢打個五折就接受既～希望快點有第間台飲店取代。

原本我都以為冇加到料就去問多一次，職員同我講因為佢透明，即使係透明正常都會見到啲，翻到屋企開來飲，一啖一粒，冇幾啖就冇曬啲晶球，加料加左$6咁少係正常？質量真係好差

幫襯唔到買第二杯。九龍灣得寶店的職員說不給膠袋，無論你買幾多杯，凍飲熱飲，就算加錢$0.5，都不會給膠袋。好彩我今日只是買一杯，而且是凍飲。疫情期間大家都是買外賣回家飲，不會企在街飲，這個時候堅持不給膠袋，很難明白。我都真是好難說服自己幫襯，不明白你們老闆的想法。唯有祝福你們，希望你們的生意額，能夠撐得過這場疫症了！飲品方面，味道一般，只是微甜，適合健康人士。而且奇異果肉也不是很多，底部只有一點點，幾乎發現不到。$26算啦！都無乜要求，反正也不打算再幫襯了！改去其他有膠袋的茶飲店舖，淘大有FreshTea。

這間鋪在我屋企樓下，過去買野飲非常方便，店面非常之整潔，呢度的膠袋也不用錢，每次都會自動幫我入袋，我宜家已經係常客了，每次經過我都會買一杯來飲，每次見到收銀員的態度都非常好，受過專業訓練。然後見到裡面沖茶的靚仔，見到拒沖茶有效率，但是有效率得來又靚仔，沖出來的野飲還是非常好喝，非常專業又靚仔，總體來說，這間鋪是我飲個最好飲的一間，店員都好專業，好有水平，經過專業的訓練，係呢度我推薦幾杯我常飲的 黑糖鮮奶 芝士芒果 芝士系列非常好飲

呢頭其實都多同類選擇有happy lemon 天仁 茶理 茶狼但店員講態度差呢間真係第一又唔係特別平但就要特別受氣睇返食評原來其他人都咁覺得係店員無換過？ 請唔到新人？定換嚟換去d人嘅態度都係差？總之真係唔會再幫襯

收工一個人的晚餐，再去附近買珍珠奶茶外賣比肥髀，店面只係一個櫃檯，只做外賣，一貫紅黑顏色配搭！飲品款式好多，先去櫃臺落單，攞票等一下，好快出到比我，仲會問我要不要膠袋，袋好比我拎走珍珠奶茶（$20）叫了半糖/少冰，透明密封膠杯，半糖飲到茶味，奶茶幾滑，不太甜，珍珠比較粉，少了彈牙煙韌口感！整體只是ok!店員們都係後生男女，爽手又幾有禮！（問我要不要膠袋時！）台式奶茶店越開越多，款式多一定揀到啱口味！

夜晚九點鐘左右去買珍珠奶茶一杯(526號飛)。買完之後已叫到524號飛。原本諗住好快有，但係等咗十分鐘，見525號飛都未叫,我就覺得奇怪，跟住就行埋去收銀位附近望一望有冇員工整緊order.但我見到的情境，只是有四位員工在嬉戲，傾計，玩電話。而沒有一位員工在製作order。之後我估計收銀員小姐見到我有唔耐煩嘅情況，之後佢先通知入面嘅同事。大概又過多五分鐘左右。终於入面有位男員工出嚟同525號飛嘅客人講話珍珠要等多五分鐘。但再過多三分鐘左右嗰位男員工先再同我講話珍珠 要等多五分鐘。實在好笑，此店的管理(我完全不能接受，因為珍珠要等的話應該客人落單時已經知， 並非客人下單後15分鐘 先同客人講)之後我就話唔使啦，叫佢退返錢時，佢先再問我會否轉香草 。我話唔使喇。免得再浪費時間。我覺得呢間分店嘅員工及管理絕對有問題，由開店至今已不是第一次發生。早期話可儲印仔，我就問係咪可以儲印仔，但員工竟答他因冇咭所以冇得吸印。 但我畀完錢之後 等緊嘢飲嘅時候我見到收銀 櫃上面有一疊 印花卡 之後我再問 收銀員 。收銀員照答我冇， 跟住我就指住個塔印花卡。佢先肯畀我。( 畀完我之後，我見佢即刻收埋入櫃桶)可

我見只有一個差評，我都唔信，試左先覺。服務態度極差，叫左好多次點餐都沒人理 ，明明又不是得一位店員在。我點了杯奶蓋紅茶，一般店若非顧客要求，都會用杯蓋而不是封口，俾人試一試面果層奶蓋，就估唔到封左。一時忘了少甜走冰，即時通知店員但叫極都冇人應，一過來就俾杯野我。味道方面，一時忘了走冰我飲果時冰都溶哂，比較唔到。果然唔應該貪方便係呢間買，過九龍灣會有更好選擇。我諗如果唔係要湊夠字先可以差評，呢間野就唔會得一個差。

依間既歇腳亭分店飲品質素上有極大既分別...今日買既奶蓋抹茶走甜十分可惜地無走甜雖然明白歇腳亭既抹茶一向帶少甜，亦飲過很多次走甜既，但今次走甜既抹茶居然比大快活既低糖凍綠茶甜得多，同時抹茶亦相對其他分店既稀然而最失望既係，當我同收銀提出依個問題時佢同另一個店員表示一定有走甜，然後話係抹茶本身就係咁甜，再即刻改口話因爲奶蓋甜，真係諗唔到佢會用上層咸多過甜既奶蓋解釋下層抹茶唔正常既甜（當時只係過左幾分鐘，杯飲品仲明顯分層）最後，既然店員堅持，走甜亦唔可以用肉眼睇得出，咁就唯有失望地離開😵其實依間歇腳亭比其他分店包括觀塘、粉嶺、坑口既飲品遜色得多，用奶蓋抹茶來說，奶蓋密度會較高、抹茶會飲到有抹茶味、甜度較低，跟今次既完全唔同，所以得寶分店確實既令我極為失望😞