歌德(美式)餐廳酒吧

營業中

休息中

今日(1-3-2014 Sat)等男友放工後一齊去食晏兼買餸,去邊o度食好呢?健康工房都有飯同米線食,不過都係4X以上,咁去食千色車仔麵,人多;四海遊龍,一樣人多;津味雲吞麵又係;歌德吖,男友話未o黎過,但我記得佢係o黎過(睇返呢個食評就知http://www.openrice.com/restaurant/commentdetail.htm?commentid=2010888&tc=sr2&con=rvwer).是但啦,行o黎睇睇,有個亞姐o係地下派單張,睇睇,set lunch都係$4X.00,就呢間啦.我o地上一樓o既西餐廳,門口o岩o岩有張吉o既四人卡位,但未執o野,問個男侍應可唔可以坐呢張?佢答可以,咁我o地就坐低諗食咩o野,諗好就叫人,點知個男仔問我o地係咪埋單? 未嗌o野就埋單?叫o左佢點知佢話呢啲單張係外賣餐單,唔o岩用,就俾兩張堂食o既我o地. 我o地又要諗過.而佢o地都終於執o野.諗好喇,我要$38.00o既香檳忌廉雞皇燴意粉餐,跟沙律或餐湯,新鮮麵包同飲品;男友要$42.00o既鮮茄紅酒汁焗豬扒飯,同樣跟上述o既o野,男侍應問男友飲咩o野湯,男友答白湯,我都話

一黎到就問..食唔食煙....因為佢有分吸煙區同非吸煙區...呢樣野..真係唔係度度都有起碼唔駛食2手煙先啦佢最正係有hoegaarde飲...黎返個大杯先....問過俄應..佢地話...平日1-5 10pm後...都有半價優惠嘅餐食...今次食左個牛扒...$60幾蚊...有湯 有野飲...個扒碟上 夠肉味...牛扒配薯菜..個牛又嫰口  我叫左7成熟.個味道都不過不失啦...初初諗住是旦食d..唔會期望好高..畢竟我都係一個飲酒嘅地方..但係出奇地..35知己坐響度...傾計食飯..真係一個好地方至於右邊果個係炸魚同薯條..炸得都幾脆卜卜...個炸魚仲有埋兩醬俾我地點...(泰式辣醬同埋 唔記得左影底個洋蔥圈..剛炸起又熱又脆卜卜....好好味..洋蔥圈仲多埋個wasabi味嘅醬俾我地點....真係好爽...一邊飲酒..一邊食下呢d小食...都幾唔錯...

同男友慶祝除夕夜,去食除夕大餐~呢間co co duck又幾好氣氛,都係好有bar既感覺暗暗地,又唔迫,坐得都ok舒服~叫食物~我地一人叫左一個除夕大餐,我要白汁香草魚柳男朋友就要安格斯牛~餐湯好似係雜菌湯,ok濃~幾好味,不過感覺冇咩料仲有餐包個沙律我覺得幾好味~~~煙肉蠔捲配沙律菜~~好味,我全部食哂~~不過主菜出既時間就可以改下,我男朋友個安格斯牛就好快到...但我既魚就耐d~不過我慢慢食~岩岩好食哂個沙律就到~個牛食左都ok,不過男朋友說烹得太熟了@@魚黎了~都ok 大舊~夠哂我飽~仲有多比男朋友^^魚都ok啦,夠林,夠味,不過有d滯~~最後我地唔記得左有甜品,但d waiter 都冇拎黎,我地叫比$$再問佢係咪有,佢先話有,埋完單就比我地..點知...............我地覺得唔食都冇所謂~因為係個好dry,,,冇咩味既mini chocolate cake...............唔食都唔會失望,我鍾意食甜品都冇食哂....呢間餐廳d食物都幾好食~但係就唔洗期待甜品同有好既服務d人都唔係咁有禮貌.......

呢間餐廳聽就聽得多...食佢既野就係未試過甘岩星期四同個朋友行經呢度...想搵野食下就上去試下喇...唔講野食住..先講環境....坐位舒服唔會俾人好迫既感覺,但食晏黎講稍嫌黑左小小(雖然夜晚係酒吧)勉強可以接受.....再講服務員....我想讚下佢地....因為我朋友是外國人...但佢地完全聽得明白...唔駛我解釋多次...呢樣真係表揚下..因為我覺得好多餐廳既服務生英文都唔太好...最後講野食....真係份量岩岩好..唔會好似出面甘得細細件食兩下就食完甘...我叫左個扒食..有湯有野飲都只係40蚊左右!!食完真係飽晒....我諗我唔會太耐時間再食多次....

果曰去到荃灣行街醒起openrice度有人讚荃灣歌德呢度d野幾好特登上去試下,誰不知一試之下可以發生甘多事情!先講我入去時約下午1點多唔使等位,但有人問我吸唔吸煙!奇怪唔係全面禁煙咩冇所謂啦最緊要d野好食!坐底約5分鐘想叫野食但係冇人理我,當時很旺嗎非也!全場得5台伙計有4個,只係佢地掛住傾計睇我唔到嗜!大蓋揮手4次終於有人見到洛單了!我叫左個什扒餐飲羅宋湯同凍檸水!先講果湯夠味有小小辣好好味(唔夠埶),個什扒好底食有雞亦,豬扒,牛扒,腸(最正係果牛扒幾大件又唔痴牙)最後坯凍檸水真特色係用soda水沖架(太甜可能洛多左糖又冇咩冰啦)!食物方面大致都ok可以再試但係講完食物就要講番環境同服務態度啦!如上文有提及過吸煙問題,我坐下不久便看見有位先生吸堙了!當時我便找上一位黑衣女部長投訢但對話過程實在令我氣憒! 我:小姐可唔可以叫果位先生唔好食煙啊女部:小姐果便係吸煙區,你坐呢便係非吸煙區應該冇影響播!(態度什囂張)我:咩香港仲有餐廳可以食煙咩!女部:唔好意思我勸旨左佢但係佢真係要食都冇辦法,我再同佢講下啦!(特然有禮貌左)如是這果位先生停左冇食,但相隔15分鐘後佢再食,今次犀利,果女部長同

老婆一向喜歡扒餐，或西式有湯有包式午餐。在荃灣，這些餐廳不多，歌德是其中之一。其實是一間酒bar，但生意難做，午市有做特價午餐。晚上我沒來過，原因是我的朋友都不是這類人，但我相信有波睇的時候應該幾熱鬧，因為門口貼左英超時間表，始終現今酒bar的主打時間，都在球賽時段。超值午餐或精選午餐，三十幾蚊已有湯、包、主菜和飲品，價錢合理，當然仲要加一啦。我地叫左兩個餐，超值午餐要了歌德焗豬扒飯，精選午餐則叫了黑椒野菌燴牛脷意。餐湯也是各一款，忌廉湯味道不錯，但相比起羅宋湯是比下去，羅宋湯很夠味，也帶點辣，不錯。餐包微熱，這種包是大部份的西餐都入貨的。黑椒野菌燴牛脷意感覺是煮熟的意粉，再配上事先準備好的黑椒牛脷，即是各不相干。當然我也不期望會特別煮俾我地，牛脷不太入味，感覺中規中矩。歌德焗豬扒飯很足料，蕃茄很多，芝士味很足，豬扒切件方便食，最開心是夠熱，絕對比牛脷意好味。餐飲例牌無holick等等，最後叫左杯凍檸水。最後一提是餐廳分左幾個區域，我地就係坐在廂房，環境是好，但有時想搵個侍應都無。我記得我上次食中午係食什扒餐，感覺好味得多。下次還是來吃什扒吧。

周日的下午茶時間, 總系心c c 想食d 野.今次行街行過, 決定比一次機會呢間成日有人系樓下派單的coco duck上一樓後, 己有人帶位, 非吸煙是卡位, 整店也是暗暗的, 有電視掛牆, 想是要來看足球的. 但現在就播韓劇.看看原來下午茶餐牌己更新, 種類選擇更多, 上一次己是年前了...歡喜地點了二份: 1) 迷你雞肉漢堡+田園薯條+七味龍鬚 2) 波蘿什腸比薩迷你雞肉漢堡, 細心的己把雞皮去掉, 而包塗了牛油輕烘, 夾著番茄, 生菜, 雞胸肉, 沒有不好吃的道理~薯條要這樣粗的才好吃, 然後加上少許五味粉, 茄漿, mustard ! 可惜坊間己少有這些粗(但不是有粗紋)的薯條 ..因為這樣子的薯條才能炸得乾身香脆, 而且絶不油膩. 七味龍鬚其實是魷魚鬚, 略煎 (沒有粉漿), 亦己灑了少許五味粉, 好吃一d 都唔un !再來是波蘿什腸比薩, 焗得頗loan, 因為多芝士, 小妹較愛吃這樣~ 但友人就不太喜歡loan ...比薩材料足, 有火煺, 腸, 波蘿, 紅青椒, 洋蔥, 芝士等.最後要了凍o茶同凍咖啡, 這裡的冷氣實在太大, 加埋凍飲就更寒,,,, 最後夾著外套速離現場

本人都係第一次寫openrice食評.....今次要寫原因係未試過會食一間野食到一肚火出來......我住係九龍個面...因為今日放假去荃灣行下...咁見佢留下個MENU學生有九折,冷飲唔駛+2蚊咪上去食lo入到去個裝修幾得意...好似mtr個車廂咁...叫了一碟<紅咖哩茄子鴨胸肉飯>回來...因為d汁太少...叫個waiter拿多少少汁回來....這就是惡夢的開始了...佢竟然拿了洋蔥汁回來...我即時向waiter講佢拿錯..我是紅咖哩來的佢再拿多一次洋蔥汁回來,我開始火la.....叫佢睇清楚先拿回來..點知第3次都係拿洋蔥汁回來,仲要同我講....係岩ge la....唔同色...嘩.....我個下真係火...味覺幾差的人唔會食到一個酸當紅咖哩回來瓜!!仲有,佢唔係想同我講...紅咖哩可以杰到ge境界???係好明顯比了洋蔥汁來的..係好過份lo....我個刻係好想叫佢...拿來食....試下係唔係紅咖哩先同我講....佢d湯係ok的....碟紅咖哩ok....但佢地d服務唔得lo....客人唔會冇lala叫你3次都講你拿錯的...紅咖哩同洋蔥汁係好明顯唔同味..

好坦白，我未食過，但都要俾面黎寫食評。我打黎 Book 張檯，好聲好氣，接電話那位先生十分巴閉，非常寸。我冇必要同佢爭持，但冇辦法唔上黎講聲。我知道有人寫食評話呢度 D Staff 好 Friendly但只係需要一個電話，我就肯定我唔會去呢間餐廳，或者呢間餐廳應該做「不設電話訂檯」咁成件事出色好多。不知所謂。

Co Co Duck is one of my favorite restaurants in Hong Kong, hands down. The food is fun, it's like American-HK bar-side hybrid. The drinks are good too. The best part is the atmosphere. Co Co Duck has a lot of charm. Friendly staff with all night fun make Co Co Duck an experience to remember.

琴日同今日都同左d同事去左呢間店食晏,因為呢間店o既水準唔錯,而且唔係貴,又夠飽,琴日就食左黑椒牛扒,今日就食左焗豬扒飯,兩個都有湯,有包,有野飲,而且野食o既份量好多,好似我今日食左焗豬扒飯咁,我就食唔曬啦.不過佢有一樣野唔好,就係佢o係食晏o既時候竟然播d恐怖同血腥片,大佬,我琴日就係就係一路睇住d人比人打到嘔血,一路据扒,我就話受得姐,但唔係個個都受得ga ma,呢點真係要改下.

午餐又來啦．都係跟左同事去到呢間半餐廳酒吧食嘢．時間唔多，一坐底即叫左個雜扒餐．餐廳人手唔夠，都等左幾耐先食得．午時人都唔算多，都要等咁耐．唉．．牛油餐飽 + 忌廉湯湯既味道就真係淡淡地，無乜味．飽可以接受．唉．．雜扒餐呢個扒餐都算叫Ok啦，唔係難食，叫岩岩合格囉．算係一般既午餐，食完都唔係有太大驚喜．同男/女友黎食，都係買個浪漫既地方啦．

尋日(9-7-2009 Thur)放工後,join男友一齊去醫院睇爸爸,全家人都o係o度,睇完就去食晚飯啦.佢o地鎖定o係荃灣食,食咩呢?七個人就唔可以去太迫o既地方坐,大嫂問姪女想食咩?呢樣唔食,o個樣又唔食o既姪女又話要鋸扒,咁一食扒王之王,一係歌德.咁就歌德啦.o黎到,又係坐上年6月o黎o既o個張枱,我o地叫o左七個餐,除o左我之外,佢o地個個都係叫有吉列蝦o既鐵板餐,我就叫o左精選晚餐,要$78.00o既香草豬豚柳配三文魚.男友要七成熟o既紐西蘭羊扒,大哥二哥都係西冷扒,大嫂就要豬扒,而二嫂同姪女我就唔知要咩,不過另加兩碟意粉.好快,法包先到o黎,有件係好燶o既,大哥要o左,食落,係咩都冇揸,就咁一件焗法包,攪咩?不過好脆同好熱.之後係佢o地餐o既沙律到o黎,姪女唔食畀我食,全部係蔬菜,有羅馬菜,粟米,青瓜條,胡蘿蔔條,千島醬另上,自己唧落去.啲蔬菜幾新鮮,食完覺得好凍,因為雪到好凍,而份量係碟碟唔同,一啲多一啲少.然後係湯,我要忌廉湯o既,料都幾夠,有蜆肉同啲薯仔咁,好諗,都唔錯.佢o地o既餐都到o黎,侍應上第一份o既係七成西冷,問係邊個o既,我o地冇人應佢,所象中七成熟o既

每次來這些地方都係篤波，從來沒想過會到此吃飯的，總覺得睇波打桌球的娛樂場所，應不會做到好的食物。是日見到有人在樓下派傳單，又剛好是開波時間，有人提議上去食，也沒所謂。原來到今時今日為止，仍然有分吸煙區和非吸煙區，我還以為已經是全面禁煙了！有些四十幾蚊的晚餐，也有些六七十蚊的，分別在於多一杯餐飲。大家叫了三個餐share食，試多幾味都好。至於湯，我要了白湯，是什麼素翅湯。這裡的餐湯，材料是意料之中的不豐富，也不夠熱，溫溫吞吞的，唔岩我；蒜茸飽要好一些，起碼脆口，也有點蒜茸香味。我既豬頸肉炒飯，又炒得幾乾身喎。有些提子乾和脆麵飽粒，冇咁單調，可是麵飽粒是稔的，不過總的說這個炒飯都可以收貨。至於豬頸肉，乾身之餘亦不會硬柴柴咁，唔太差。相對起來，什錦海鮮長通粉就遜色得多。只兩隻青口，但原來一隻是沒有肉 (只得個殼)，另一隻就不開口的；魷魚沒有味道，有如在吃擦字膠；可能是醬汁太稀，長通粉也沒有什麼味道的。還叫了雞扒，幾厚身的，肉質也不嚡口，不過並沒有雞味，全靠蒜茸汁的味道去補救。反而伴碟更特別，不是用薯條/薯仔，而是炸洋蔥，幾香口的。食物比預期中好一點，幾十蚊的價錢，不能苛求太多了。

是晚去睇波食飯 朋友推介~ 全間餐廳好多電視.由於有最低消費$120所以我地叫set dinner外仲叫多個小食一上餐湯我已經覺得好似BB的......用具同埋個甜品呢...係蜜瓜布丁 但係有雜果的......整體黎講食物係合格 最好味係餐湯 由於無book位就要搭台 由於多人睇波 經理點我地同另一pair迫卡位囉 好迫wo咁唔急住我話再等啦 經理之後帶左我地去吸煙區......(開波後先知)少少煙都算 d人半場休息個時係咁抽到成個area都係煙 勁辛苦下半場d人一路食一路睇我極級無奈呀建議1: 可唔可以問我去唔去抽煙區... 如果我知道我唔會坐.建議2: (讚)小食好大份, (彈)冷氣開得太大, 引致食物好快凍.