歌德(美式)餐廳酒吧

營業中

休息中

嘿嘿嘿其實去荃灣Co Co Duck 都已經成為了之前讀design時的同學們的必到飯堂,原因是地方不錯,方便,有卡座聊天,可以坐得耐,食物也不錯,吃飯的吃飯,飲酒的飲酒,不飲酒的話cocktail也很不錯,而他們的侍應生也很nice,很主動,很健談,給我們的感覺很好,每次去到就算是去pudding,到會叫一客牛肋骨,除了它的外觀吸引外,bbq汁很不錯,肋骨的生熟也控制得很好,不過他們的牛肋骨和豬肋骨味道是一樣的,但可以說!!比起outback,他們的肋骨有過之而無不及.但以上我說我,是荃灣店...其他分店的.....總之一句!!荃灣店是各分店中最理想的!!不管.味道.環境.服務.衛生.抵食,都是其他分店不可比美的!!希望他們的質素不會下降,一直維持這水準吧!!p.s:10:30後會有66折,所以晚點去會比較便宜,留意每間分店的折扣都不一樣阿!

真係好搶錢lo, happy hour 落左去食飯,d 野食食一般,跟住order 左兩ｓｅｔ　beer,諗住同朋友吹下水等睇波,其實佢地都同我想同我講過睇波會有miｎｉｕｍ　ｃｈａｒｇｅ．．但係都係６０元一個，　計埋我地食野都唔只啦．．一到開波個時，俾張單我叫我埋單，仲話頭先個ｄ唔會計落去ｍｉｎｉｕｍ　ｃｈａｒｇｅ喎，要睇波就要埋單再計過．．．．好啦，都算啦，如是者又埋單再玩過，玩㔆咁上下，又叫我埋單．．佢話第二場波開啦喎，又要再埋單再計過minium charge...又話就算飲唔到可以存酒喎,我諗諗下都係唔好啦,存存埋既酒都唔知咩時候先飲得,下次落黎又話要話mininmu,一日咁多場波,飲黎飲去都係mininum 既酒,邊度出到存酒喎,d存酒仲要有時間限制...真係其他地方冇位先會再諗下去唔去呢間啦....本來唔洗咁貴ge, 但係經過咁多次ininumcharge，一個人大約要件３００元啦．．．．

** 此 食 肆 的 第 三 個 OK **尋晚(10-6-2008 Tue)晚,全家人探完入院o既媽媽o黎一餐晚飯,又咁o岩係姪女o既生日,由佢決定食咩啦.佢答想鋸扖,大嫂就決定o黎歌德.8點左右到o黎,唔多人,但有煙味.我o地7個人左諗右諗,要o左6個餐.爸好少食西餐,又怕佢唔夠飽,於是為佢揀o左個B餐有豬扖,牛肋骨,青魚.飲忌廉湯.而我要o左個比目魚.由於冇乜心情,唔多理佢o地叫咩餐喇.先o黎三個湯三個蒜蓉包,原來佢o地叫o左兩個忌廉湯,四個羅宋湯,但飲羅宋湯o既人唔多,攪咩?爸一向唔太好酸o野,所以一定要畀忌廉湯佢,大嫂飲一淡羅宋湯話辣,於是我同佢對調,我飲落又冇o野啊,都唔辣,只係酸酸地.但蒜蓉包就唔係好掂,又凍又淰.之後另外三個湯都到o黎,侍應話欠三個包遲啲到.然後有5個什菜沙律,其實我畀家人攪到亂晒,究竟叫o左幾多個餐?點解好似有啲o野唔夠咁.什菜幾新鮮,而且自己加沙律汁.之後,晚餐都逐一o黎到,原來個個都係鐵板餐,有一隻焗帶子,而最肚餓o既爸爸個餐竟然重未到,我o地催一催個侍應,侍應轉頭返o黎話我o地知整o緊,好快.我先畀啲比目魚爸爸,而二嫂都畀啲意粉佢.比目魚份量唔太

男友同事提議來這間，於是又來了。這次我學聰明了，沒下單就show了學生證，以免結賬時沒有優惠。三人分別點了豬肋骨、bbq豬扒和龍利柳焗飯。也分別點了忌廉湯、羅宋湯及salad各一。我吃的是salad，菜不算新鮮，沙拉醬隨意按自己喜好下少，有沙拉醬的幫助下，我完成了這份salad。兩位男士喝的湯，看樣子應該不差；餐包就不算好吃，而且配的是jam，沒有butter。龍利柳焗飯($36)︰沒有吃到，但據了解味道不錯。bbq豬扒($40)︰兩塊豬扒十分大，但是並不覺得有bbq味。不過肉質不會太軔，可接受。有一些salad伴吃，減低肥膩感。豬肋骨($39)︰等了很久又要催促才來到。味道和以往吃的都一樣，略嫌醬汁太少了。以前薯菜是很好吃的薯條，這次轉成了薯餅，一點都不好吃。服務態度一如既往，就是不好囉。服務是老樣子，可set lunch的價錢卻上升了。

擾攘了差不多四小時，想吃個tea才跟男友道別，恰巧看到這兒有cheese cake，就不理腳痛撐著上來了。Tea去到六時，我們剛好可以點。芝士餅+蜜桃茶($19)︰芝士餅細細件，芝士比較軟，也頗滑的。加上餅面有些sour cream，也蠻好吃的。蜜桃茶份量不少，有蜜桃味，不過有點甜。炒魷魚公仔麵+夢幻世界($31)︰公仔麵不是丁麵，幼幼的不是太爽口。但是魷魚份量很多，有微微的辣度，算是不錯的了。夢幻世界是菠蘿味的飲品，可是味道淡淡的，不算好喝。餐廳有一陣煙味，空氣不大好。其實餐廳也沒有人在用餐，但侍應看到我們吃完就立即來收拾桌子，就未免太趕客了﹗不過，我下次還想來吃cheese cake，因為真的蠻抵食﹗

** 此食肆的第十六個笑**約o左女友人T尋晚(14-2-2008 Thur)出o黎食飯兼逗利是,因佢老公唔o係香港呢.約佢6:35-6:40pm等,我o地冇訂枱,不過由於我早到荃灣,都先上o黎book一book穩陣啲.我book o左7:00pm,好彩仍有.6:30pm T o黎到荃灣,我o地決定食完o野至行陣街,於是6:50pm到o黎,我答o左我姓咩時,經理話冇,我見到我個電話No. o係張list o既最後,就指住話佢知,佢話寫o左姓李. @@”我o地被安排左邊最入o既兩人枱,今晚所有餐都以情人節為題,冇晒以往o既晚餐,算啦.我o地兩個都叫o左$148.00 o既男士篇o既餐,有:2. 奧里薩巴脆煙肉蕃茄豆湯第一次飲蕃茄湯,覺得OK,內裡o既料唔多,煙肉都幾硬,好彩得兩片仔,有我鍾意食o既紅腰豆,但唔多.T話好似有加忌廉,唔多鍾意,但我又覺得唔算杰喎.個人飲紅湯方面,首選應該係南瓜湯,蕃茄湯同羅宋湯.但如果只有羅宋湯我寧可唔飲.1. Salsa海鮮沙律沙律主要係羅馬生菜,個汁幾辣.海鮮就有兩粒唔完整o既蠔,有個應該係墨魚裝o左小量蕃茄粒o既醬汁.羅馬生菜有啲苦.呢個頭盤一般.3.

味道尼講..我覺得都唔算差..同一般椰記蘊記差唔多我前幾日食左個歌德四重奏..有"手八"..腸..羊架.個手八太咸..但係個羊架十分好味..本人本身係想搵個地方睇波..BK左台..九點上到去.睇到一點.BK台個陣佢會問你食唔食煙..我話唔食.睇到十一點到..佢係我個個區到每張台都派個煙灰缸.之後有人係附近食煙..如果以睇波尼講..吸煙區個邊似睇波多D.非吸煙區似食飯..WAITER態度唔錯..值得一去

荃灣揾食聖誕大餐,見佢唔係貴,$148一位再加一就上咗去,話要卡位佢話冇,咁算啦!諗住一樣啫.點知食食吓附近有人食煙,問侍應乜呢度食得煙咩?佢話一邊食得一邊唔食得,仲反問我係未介意?我當然話係啦!之後見佢同嗰啲人講整熄咗支煙.唔夠兩個字,有客問個女帶位食唔食得煙,女帶位話食得,跟住啲人又開始點煙.我今次話要同經理講呢度係未申請咗吸煙牌,點知佢話同我轉近門口卡位,唉!我知再講都係冇用,只好快快食完走人,臨走時已半個場都係煙民煙霧彌漫,咁你話仲會唔會有好食評呀?不過講真,唔係呢單野,食物質素,味道真係差!

行完街唔知食咩好，打邊爐老婆又唔餓，食粉面我又唔夠飽，所以去CO CO DUCK食，我可以食扒，老婆淨飲湯. 1. 晚餐(T骨扒) - 有梳打粉，少許失望. 2. 酥皮海鮮湯- 酥皮好味，但麵包太大，老婆食唔晒. 湯夠濃味. 不過不失. 其實呢個價錢可以有更多選擇，下次都唔會再來.

食過呢度既蘋果批.我諗係即叫即焗既.因為等左好耐先有得食.一黎到熱辣辣.size都唔細..蘋果都ok多.我覺得好好味呀,不過價錢就貴左d,加埋一要50幾蚊!

第一次黎食咋！裝修得好靚架，食煙唔食煙位分得好好。坐得舒服又有電視睇，不過播好唔吸引既戲，但唔知點解有人可以睇得咁投入.............吃了煙三文魚扁意粉跟沙律和湯。湯是南瓜忌廉湯，無乜特別。沙律是整餐飯最正的！！！因為不是平時的"寒"貨，有一支sauce任你落，咁樣好好呀，最憎果d沙律醬多到乜，又好味喎！碟沙律present得好靚。意粉都好好味，唔會太"林"又足料，gd！又吃了牛肋骨，有炸洋蔥和薯條伴碟，炸洋蔥超大舊！！牛肋骨5成熟又太難切，同埋多肥膏又係難切。所以有人一邊食一邊energy consumption，哈哈！埋單比較慢.....一定要再來！！！！10pm後66折的！

首先要說明一點，這間餐廳是我和朋友們在中學時常來吃午餐的！貪佢坐得幾舒服同埋對當時我地黎講已經係幾好味既Lunch啦！！今次來慶祝兩位友人生日，便到了這兒慶祝...已有6-7年沒來這兒了，一入內，由於裝修了罷？所以環境其實都幾舒服，幾好Feel！看看Menu，也有一些正常的美國餐Dishes、小吃等...叫了小食拼盤、牛肉三重奏、墨西哥肉醬焗粟米片、煙三文魚海鮮麵、焗芝士波菜麵、肉醬千層麵...「小食拼盤」好唔得，份量唔多但要$108...「墨西哥肉醬焗粟米片」的肉醬就是和一般茶餐廳的肉醬是一樣的...不過那「焗芝士波菜麵」也真不錯，很creamy！算是全晚最好的了...由於叫主菜加$10會有沙律，便加了幾個啦...誰不知，那侍應真的是沒有service manner和common sense的，他們竟來收我們的沙律，但我地好明顯係未食完架...每次上菜也問那道菜是誰的，我想他們這間餐廳很少人會一班人來叫大堆食物Share的...給我的感覺真是和茶餐廳沒有分別的服務。咁既價錢咁既服務，真係去附近的Outback仲好啦！

我啱啱俾咗個'笑哈哈'食評呢間餐廳,再睇返年前d人對同一間店o既食評, 簡直係劣評如潮... 而家真係喺每一方面都進步咗勁多.希望可以keep到食物, 衛生同服務各方面都咁有水準啦, 而家可以維持住高質數o既餐廳實在係買少見少啦, 好多時d餐廳開頭會做得唔錯但過冇耐就變差, 一係keep到水平但就突然關門大吉...我會朋友都會繼續支持呢間係荃灣區難得o既好餐廳

昨日去完呢一間COCO DUCK, ORDER了一杯熱檸樂,買一送一o既Corola beer, 同埋\\\'牛油果芝士肉醬焗薯皮\\\' ($48), 一碟有6件, 有一兜仔酸忌廉撨唻食, 本人覺得好好味, 好啱送啤酒.再早幾日試過\\\'什菌汁露筍鴨胸天使麵\\\'都好好味, 份量好多, 每日過咗晚上10點仲有66折(頭盤小食同飲品除外), 真係好抵食! 之前食過炒飯,魚手指薯條,墨西哥辣肉醬粟米片... 都好掂, 佢\\\哋o既食物從來未令我失望過.佢\\\D飲品都好得, 普通嘢好似檸茶凍啡等等當然冇問題啦, 最掂係COCKTAIL調教得不錯, 唔會好似某D酒吧溝到杯嘢淡茂茂, 冇厘酒味, 一係就太甜成杯糖水咁. 價錢亦OK, 平過其他荃灣區o既bar.餐\\\廳環境不錯, 厠所乾淨. 都有客玩大話骰同猜枚,但個場夠大, 整體都唔算係好嘈吵, 可以同朋友舒舒服服咁傾吓計, 唔駛擘喉嚨唻講.D待應生都幾nice, 同客人有講有笑. 我朋友o既熱檸樂要求要用Zero Coca Cola都得; 有個waiter見我哋差不多飲晒自己杯嘢仲主動送上兩杯熱水; 如你覺得空調太大/唔夠, 同d

週日的午餐，價錢合格而出品絕不馬虎。吃了個午餐和甜品，都是誠意之作，讚！不過我同意下面朋友所講，學生証要點菜先出示是沒有寫明的！而且想想也沒有必要，除非是學生餐會有不同出品吧！