歐意餐廳 (已結業)

由於上水近返學既位置，我就同朋友決定去上水搵下好野食見到呢間賣西餐野食，又好抵咁，於是我地就去呢間歐意餐廳去試下我就叫咗個紐西蘭西冷牛扒，五成熟，配飯，加個酥皮海皇湯，同埋一杯oreo朱古力沙冰; 朋友就叫咗個海蝦魷魚伴蝦汁意大利飯，配酥皮忌廉湯，同埋一杯檸檬鴛鴦可樂。小食方面我地仲叫咗隻燒春雞同豬肋骨。食到好飽飽但係好滿足！個牛扒入口即溶，煮得啱啱好，唔會話太生太熟。個酥皮海皇湯有好濃郁既龍蝦味，酥皮又好脆口 個朱古力沙冰啲cream上面又有朱古力醬同朱古力脆脆棒，超好飲同解喝😍 可惜個海鮮意大利飯就冇乜蝦汁味，個海蝦既蝦味都唔係好重🙈 最好味既野食我會揀隻燒春雞，侍應有俾膠手套我地好貼心！隻燒春雞香噴噴，令我垂涎欲滴！

今次我地兩個人叫咗好多野因為真係好抵食!餐牌上好多野都係50-60蚊，已經有湯有野飲!我地叫咗個檸檬可樂同oreo朱古力，兩杯都超大杯超好味! 個可樂賣相仲好吸引添!!😍😍😋我地叫呢兩個都係招牌菜，隻燒春雞黎到係熱辣辣，d肉仲好嫩滑，食到唔停嘴👍個ribs嘅份量非常足夠，我地兩個人食完都幾乎飽晒，好有滿足感㗎!我地仲特登叫咗個蘇皮湯，個海皇湯真係落足料，有好多粒元貝，一流👍呢兩個主菜都非常高質，上面有兩隻中蝦，多肉彈牙，意大利飯嘅汁都好好味。我地叫個牛排都唔錯，五成熟，一d都唔un，我地仲試過點蛋黎食，好好味㗎! 另外粟米都好甜添!餐廳環境都唔錯，坐得好舒服，而且服務態度好好，下次一定會再黎!

去到上水廣場有一間裝修幾靚嘅餐廳，餐廳環境好舒適，座位寬敞，我哋就去咗坐沙發位置。首先叫咗個「巨人滋味套餐」，包括有「紐西蘭西冷牛扒」12安士重，我哋就叫咗七成熟配黑椒汁同埋飯，估唔到食落去牛扒好鬆軟，而且牛肉汁滲透晒出嚟，黑椒汁辣辣哋，配埋啲牛肉一齊食好滋味。除此之外，套餐升級加＄10可以要一個「酥皮海皇湯」，酥皮好香脆，再連埋好濃郁嘅海皇湯一齊飲，另有一番味道，而海皇湯入面仲有好多海鮮配料，既有口感又好味道。我哋另外叫咗一個套餐係「煙鴨胸片配特色田園番茄湯意粉」，套餐仲包左一個「牛角酥」同埋飲品。煙鴨胸片有兩三塊，仲要好厚，再配以好濃郁番茄湯嘅意粉一齊食，意粉非常入味。除此之外，牛角酥好香脆可口，點小小番茄湯一齊食，幾特別。飲品方面，就叫咗一杯「熱香濃朱古力」，果然好足料，有好濃郁嘅朱古力味道，而我朋友都叫咗一杯「忌廉Oreo朱古力特飲」，杯特飲好有份量，大大杯，而且入面滿佈曲奇餅碎，果然一分錢一分貨。最後埋單都只係＄200，就可以食到咁豐富嘅晚餐，下次會再試吓其他款式嘅食物。

估唔到上水都有新驚喜，係商場入邊有間叫做「歐意餐廳」，門面裝修歐陸式，餐廳裏面大多以卡位設計，座位舒適而寬敞，我哋三個人就入去試吓。實在太肚餓了，我即刻叫咗個「水牛城雞翼餐」，套餐入面包括一個牛角酥、同埋特色田園番茄湯螺絲粉。雞翼上面有水牛城汁，食落去倍感特別，再配以番茄湯螺絲粉，每一啖都有好濃郁嘅蕃茄味道，而且螺絲粉非常入味，值得一試。套餐跟一杯餐飲，我就叫咗一杯「熱柚子茶」，入面有柚子同埋茶混合而成，飲落去暖暖地。之後再叫左「黑松露野菌忌廉汁天使麵套餐」，黑松露味道遠處已經可以聞到，而且天使麵非常入味，啖啖黑松露味道，入面仲有好多野菌，果然份量十足，而且非常足料。另外再叫左一個「酥皮海皇湯」，酥皮湯即整，啲酥皮仲係脆卜卜的，再配以香濃嘅海鮮湯，飲落去味道剛剛好，唔會太鹹太淡，而且仲有蝦仔、瑤柱粒等等嘅海鮮，好味道。套餐飲品方面就叫咗「忌廉焦糖榛子咖啡」，大大杯好抵飲，而且一杯入面有幾種味道，幾款味道混合成一起都幾特別。最後叫多咗個小食就係「清酒煮蜆」，蜆沒有沙，食落去爽口彈牙，而且真係每一隻入面有一粒蜆肉。食咗咁多野埋單＄200都唔使，果然經濟又實惠，最啱一家大細嚟共進晚餐。

約左住係上水嘅朋友行街，行完有啲肚餓想食野。朋友就帶左我去本區人先識去嘅歐意餐廳，8點入去基本係爆場咁濟，做街坊生意勁多人。餐廳裝潢以白色為主，天花有好多燈泡光線充足。牆身有一啲吊架擺左一啲花同書。整體比人感覺好舒服。忌廉湯、蒜蓉方包。餐湯份量唔算多，勝在夠足料，有火腿、粟米同小小香草鋪面。飲落有小小鹹，忌廉味唔重，不過不失。蒜蓉味好香，包都焗得夠脆夠香口。紐西蘭牛排拼薯角。大蝦牛扒七成熟，有好香嘅黑椒汁淋係面，大蝦都好細心幫我開邊，食起黎好方便。薯角稔身點埋d黑椒汁食好入味。牛扒好厚身大塊，7成熟隱約見到小小紅，食落好軟身好重牛味。大蝦肉好爽口，加18蚊就有2隻，好抵食！忌廉汁煮藍青口。$32都有成十幾隻，每一隻都好大隻。忌廉汁偏稀小小，唔可以隻隻青口都沾到啲汁。食落忌廉味都好重，同青口嘅鮮味好夾，唔會太膩又唔太鹹，可以一試。鴛鴦檸檬可樂。好大枝可樂插左係啲冰到，一面飲啲可樂一面落，飲極都仲有好多🤤🤤

平時除左翻大陸經過之外都好小會去上水e到地方，今日心血來潮就去左上水行下。係上水廣場行完就諗住搵個地方醫下肚。紅過歐意餐廳門口見到餐牌好似幾吸引，就入左去試下。女朋友本身想試楝篤燒春雞，奈何星期六夜晚餐廳實在太多人一早就賣曬，所以就轉叫左原隻烤魷魚釀野菌意大利飯。大大隻魷魚原碟上，仲長過佢手臂。魷魚入面釀左滿滿嘅意大利飯，啲飯超足料，有三色椒、煙肉同磨菇，食落好香嘅野菌味，煙肉同三色椒就增加左飯嘅口感。魷魚較為軟身唔太爽口，吸曬飯嘅香味，好特別。我會建議可以將啲飯連香草汁一齊食，會更加好味。由於唔係太肚餓我地只係叫左一個飯另外嗌左個小食-清酒煮蜆。上碟個時係一碗滿既，數量都唔少，每個殻都連住肉脹卜卜好吸引。女朋友話豆豉辣椒炒蜆好味啲，我就覺得豆豉同辣椒味會搶左蜆嘅鮮味，相反清酒煮蜆就更加試到蜆嘅新鮮。另外我地嗌左杯重量級特飲，係呢排好hit晚倒轉氣水--利賓納啫喱梳打。建議一開始要攪下先飲，開始飲到好濃既利賓納味。之後梳打味會比較重，中間會有小小利賓納味，都幾好飲。

今日放工就同朋友去食呢間 歐意餐廳一出上水火車站行五分鐘就到 夜晚七點幾左右 都唔難搵位 侍應都好快見到我地第一次食 環境幾好 好多卡位有湯 有餐飲餐湯咸到飲唔到 我叫左一個鐵板牛排餐 牛排落單個時無問我地要幾成熟 黎到係全熟既 鐵板好夠熱 薯條好食我朋友就叫左一個海蝦魷魚菇飯餐 湯或餐飲 揀左特飲 😍汁好食朋友個飯就吸引啲 個飯軟硬岩岩好 啲蝦好好食 個汁又岩岩好因為最驚喜係啲野飲!+$18跟餐轉特飲叫左杯 利賓納啫喱梳打 超好味 係懷舊既支裝梳打仲有杯 柚子七喜 呢杯比起杯滿滿既利賓納就好似少DD 😂 不過都好正 呢杯係插左支支裝七喜落去唔係全部餐牌都跟野飲 單叫要三十幾蚊其他例如焦糖咖啡個啲都好想試等左十幾分鐘左右就有 餐廳入面無廁所 要出商場去 唔見有做啲咩優惠 人手似係充裕 而侍應落單都好似有點急忙 整體黎講 我會為左杯野飲再去芝士個啲都可以試下 仲有蛋包飯

第一次到「歐意餐廳」」進膳，與友人兩人肚子空空的，見餐廳裝潢頗具特色而又無須排隊，就膽粗粗決定一試。餐廳服務態度頗佳，一位男經理為我們帶位及上水，與港式茶餐廳作風相似。餐廳食物種類多，細分為焗飯、蛋包飯、薄餅、天使麵及扒餐等等。入座後各點了一客「巨人滋味」扒餐，$148就包一塊12oz的牛扒、酥皮餐湯等。點餐後約五分鐘，兩杯重量級特飲首先上菜，友人點的鴛鴦檸檬可樂味道與外面喝到的「檸樂」味道一樣，未有太大的驚喜。而我點的忌廉oreo朱古力則比較出色，上面有一大層忌廉及oreo餅，忌廉味道較甜細滑，配合較苦的朱古力特飲，實在不錯！餐包方面蒜蓉醬多，多士焗的時間剛剛好，蒜香味濃，口感脆。但兩片多士的厚薄不一，厚的一片幾乎等於兩片薄的，這點值得改善。餐湯方面兩人皆加了$10將酥皮餐湯升級成酥皮海皇湯，酥皮夠酥脆應該是剛焗好，餐湯內果真啖啖海鮮料，裏面的元貝裙邊、粟米、火腿等食材應為冰鮮食物，口感較硬。但湯底味道意外地濃厚豐富，未開始正餐時已被這湯撑飽了半個胃。友人的黑椒汁牛扒首先上菜，一見12oz牛扒真身時，二人不禁「哇」了一聲，牛扒竟然比直放的叉子更厚。黑椒汁的味道很搶，應該有一定的辣度。

喺上水嘅餐廳，呢個價位黎講，侍應嘅服務態度可謂非常親切。倒插汽水喺香港已經流行咗一段時間， 造型別緻，小朋友一定會好鍾意，適合打卡得嚟都見到餐廳嘅小心思，有青檸同檸檬嘅鴛鴦檸，喺味覺上有比較微妙嘅差異。Oreo朱古力就勝在夠香滑，基本上都飲唔到粒粒，入口有好香濃嘅朱古力味， 飲品出得都幾快，裏面嘅oreo出到嚟仲係脆卜卜，冰塊就太大粒太多，飲到後尾就有啲淡。頭盤我哋加咗瑞士雞翼，微溫嘅溫度，但味道就有啲略咸，算係不過不失冇咩驚喜。主菜食咗兩個下午茶餐分別係蛋包飯同埋紅酒燉牛腩意粉。同一區嘅餐廳裏面蛋包飯都可謂頗為罕見，上面淋有蕃茄醬同沙律醬，味道層次豐富，但裏面就普通白飯，配咖哩汁同自選既帶子，肉類少，勝在蛋皮煎得夠香口，下午茶黎講都份量十足。小驚喜嘅地方就係紅酒燉牛腩意粉，估唔到竟然可以喺茶feel記嘅餐廳裏面食到紅酒燉牛腩，睇得出餐廳花咗唔少心思，食落口紅酒味就唔太濃，不過隱隱約約有一種好香嘅味道，後來發現原來裏面加咗八角，令到成個汁嘅香氣豐富好多,算係唔太差嘅紅酒燉牛肉。餐廳嘅食物水準就普通中上，成個感覺就係茶餐廳想升級，睇得出有花唔少心思，服務同誠意搭夠。

歐洲風味對香港人來說的確好吸引，假如試得多連鎖茶餐廳或快餐店，可以試下這些只此一家的歐式食肆，歐意餐廳。上個月其中一個星期日，睡了個晏覺起身後，有點肚餓，便跟太太在上水家附近的歐意餐廳來個下午茶。記得開張第二日吃過一次，由於新店剛開，服務和食品都很亂，當今年7月重臨，所有都穩定了。我們點了兩個下午茶，田園蕃茄通粉配半件三文治，超價，我雖然不吃生蕃茄，但是會喝茄湯，酸酸的，非常易入口；而老婆就點了素鮑魚湯意粉。嘴饞的我，當然要加配啦，加蒜蓉包和薯皇都只不過是8至9蚊，抵食，可以說是下午茶的絕配。隔離枱傳來蒜蓉香味，所以點蒜蓉包，很香，力推。

歐意餐廳《利賓納啫喱梳打》HKD34/跟餐+$18用咗泰國重氣梳打水（Singha Soda Water)，配上利賓納。仲好飲過利賓納自家出品嘅梳打水。飲落去飲落去冇咁甜，梳打水多氣配埋裏面嘅青檸啫喱同提子啫喱，飲落去感覺好清新。唯獨是飲嗰時要小心啲，唔好搞個搞個樽，唔係個話啲梳打水會流晒出嚟。強烈推介依杯特飲！《香烤豬扒牛肝菌意大利飯》52意大利飯驚喜地做得好好食 意大利飯的確做到黏嘅效果，成個飯重忌廉同埋煙肉味，加上少少黑牛肝菌片， 意大利返嚟講佢都算整得幾正宗解決咗我好想食意大利飯嘅心願，洋蔥同牛肝菌切得大塊， 有口感，總體來講個意大利飯都唔錯豬扒大且肉質偏硬卻鬆豬扒大大塊，飯嘅份量亦都好多，食到大食嘅我都差啲食唔晒。 細食嘅朋友share一個飯食又可以慳錢 又食到正嘢歐意餐廳位於彩圍廣場去到上水想過下口癮食意大利飯或者麵，依間未嘗唔係個選擇。店員服務好好，好盡責，亦會介紹食品。但係收費偏貴。

未食過，抱好奇心試下。被安排坐既位置唔好，近廚房，侍應不停行出行入，而且經常送錯隔離台食物，制造左好幾次混亂。忌廉湯味道唔錯，都幾多火腿碎，只係咸左少許。羅宋湯酸左少少，但我唔怕酸，當開下胃，蔬果都幾多。蒜茸包麻麻地，無令人想再食既感覺，完全唔惹味。香煎漢堡扒芝士汁撈天使麵 $46太耐無食漢堡扒，諗住滿足一下味蕾。可惜天使麵完全痴埋左一舊，就算食哂表面上既芝士，麵與麵之間亦痴實哂，又乾又無味，唔係好知自己食緊咩。海陸空雜扒 $82包括有豬扒、雞扒、大蝦、法蘭克福腸豬扒硬身，味道真係唔好食，雞排正常，大蝦有口感，法蘭克福腸偏咸。價錢唔算話貴，但食物味道有侍改善。

唔知係咪因為我差不多關門嘅時候先走入去食， 我叫個「芝士忌廉汁焗魚柳飯」舊魚竟然係凍嘅啲白汁係無味既， 讚賞嘅係我叫佢換過第二碟侍應都無面露不悅野飲大大杯。 但呢個價錢同質素完全唔成正比 我去普通茶餐廳食好過佢，所以無回頭lu

上水餐廳愈來愈少係事實，想食個早餐都選擇無多。八半去到，餐廳都坐唔少客，要搭枱。隨然夏天未至，但裡面冷氣都幾凍下。我就無肉不歡的，有扒一定唔放過。但這個醒晨早餐一端上來，我就真係嚇到醒😂賣相著實有些糟糕。畢竟要食落肚，我也就不計較這麼多。煎蛋個蛋好差，蛋黃有種唔新鮮的味道；個雞扒鹹到飛起，勉強食都食唔落，食唔曬。唯一正常可能得片白水煮火腿吧？另外一份早餐就睇到真心無食慾，猶如殘羹冷炙，炒蛋同菜一pat pat，味道就不予評論，總之唔多掂。除咗杯奶茶過關，够晒大杯又未算澀，其他真係，中一次伏就够。

我是第一次出报告，很不幸是个目负面的。今晚一家大细去上水彩园邨商场食饭，叫左蛋包饭，什扒，谂住叫个德国猪手食，睇相皮趣，十足十德国猪手。点知一上到台面，变左蚊猪手，立即叫个士应梨问，重话佢地德国猪手係咁样，呢度猪手已经焗过，睇梨睇去，真係成隻只是蚊猪手，呢隻原本德国猪手变成一隻蚊猪手，欧意仍然收我128. 希望大家不要上档，无良歺饮。有广告图片同实物图片参考，如果各位想比128蚊食蚊猪手，可以一试。