歐意餐廳 (已結業)

今晚，阿媽同人去街，自己出外搵飯開，到家附近歐意餐廳 ，貪佢唔晒排隊，又坐得舒服，環境夠大。望一望Menu, 有個天使麵系列，見咁耐都未食過天使麵，就點天使麵。點了個吉列海蝦芝士汁撈天使麵配熱檸水。（ 先講 ，有咩配菜，係只得得兩隻炸蝦，跟住菜都唔會送條 ，沒有粟米等配菜。 正常海蝦大細，吃到海蝦都算新鮮，不過不夠爽，因為不是即叫即炸的關係，炸粉有點淋，不是脆。芝士汁都吃到有芝士味，味道不錯。重點來，來了好似意大粉的天使麵，麵太淋，完全沒有咬口可言。

見都有唔少人正評這間“歐意餐廳”，正好到了晚飯時間，就一於試試上水商場這間食店吧！正擔心會否等很久的時候，服務員已經很快安排入座，心想這間食店的效率頗高，而且環境也佈置得不錯，尚算乾淨和整齊。由進入食店到坐在餐桌前為止，對這間餐廳的整體印象仍是良好的。然而，打破這些良好印象的就是以下要隆重介紹的“農場燒春雞(半隻)拼法蘭克福腸”！我點了“農場燒春雞(半隻)拼法蘭克福腸”配薯菜和黑椒汁。薯條完全被黑椒汁和生雞蛋浸得又軟又爛，簡直變成一堆薯蓉一樣。不但變了形，更不用說可以食到香脆的口感。燒春雞簡直令人“驚喜”，雖然要做到雞肉香嫩，不能烹煮太久，但是也不是未完全煮熟，雞髀中間仍有高一部份是紅色和有血水滲出，而且連雞胸肉也有紅色血水。令食客食用的時候不放心外，味道方面也有非常大的改善空間，至少減少一點雪藏味吧。每咬一口雞肉，都能品嚐到啖啖雪藏味。我寧願餐廳的食品價錢上調一些，以烹調好味道的美食，總好過只是追求便宜，忽略食物品質。不但浪費了食物，而且更會慢慢流失客源。

一坐低枱已經唔抹舉手成三分鐘先有人應應完要你繼續等4-5分鐘後先有人黎搵塊布求其掃兩嘢就算落單要重覆兩三次白湯出錯變紅湯鰻魚蛋包飯要咖哩汁出到黎變茄汁 都唔係最緊要最大問題係點解要係蛋包飯上面整咗一坨茄汁後仲要手多整一坨蛋黃醬係上面？？？崩潰既係再將已經係偏咸既鰻魚放係嗰堆醬上面好好哋一條鰻魚 黎到面前既係上面係照燒汁下低係茄汁茄蛋黃醬嘅混合物嗰種又鹹又甜又帶少少酸令我不禁懷疑個廚師係唔係咁討厭做呢一個餐 但係我嘅味覺真係有問題68蚊一個餐我都知唔可以要求太多但我無諗到會咁差有啲餐廳 可一 不可再抱歉我未學懂欣賞 這種新的味蕾刺激

想喺上水覓食越來越難。歐意是其中一個上水人會去的地方。午餐時間，有時候都要等一陣先有位。歐意一向焗嘢都唔差。今日就叫咗個🍅西西里蕃茄肉醬焗長通粉。賣相比想像中精緻，午餐也花了點心思🍅蕃茄味濃郁，肉醬足料，每粒長通粉都被厚厚的醬汁包住。長通粉面有一層厚厚的拉絲芝士。這個焗長通粉對芝士控嚟講十分邪惡。炸薯角新鮮熱辣脆卜卜。食完咁惹味的菜色，食返個雜果蛋沙律🥗中和一下。不過個蛋黃醬稍嫌太多，蓋過了雜果的味道。

經過彩園邨找一間速食店，但又不是快餐店，所以揀了此店。看似滿座，但不用等位。餐牌食物種類算多，有茶餐類,亦有扒。最後點了蕃茄豬扒鏍絲粉，雞扒蛋包飯。等了一陣，先上鏍絲粉，不算大碗，豬扒見燶，吃了一口，豬扒及湯粉不冷也不熱，感覺古怪。再來的雞扒飯，賣相可以，但溫度一樣欠奉。或者暖過豬扒一點點而已。在這寒冷天氣下吃這餐飯，真心失望。

性價比不俗，環境舒適，服務抵讚！我入到坐低，鼻有血絲，自己在用紙巾擦的時候服務員來寫order，她二話不說給我遞了一疊紙巾，說因見我流血所以給我擦血用。然後我話好凍，要求熄冷氣，服務員亦立即幫忙，還好心提我可能熄左會比較焗。叫了牛扒芝士撈天使面，以為牛扒會好韌，但食落口都可以。芝士撈天使面的芝士頗稠，但要視乎客人會否怕奶蘇味，因味道頗濃。熱朱好好味！夠濃！(我每去一間餐廳都會試佢地嘅朱古力，我自問都幾高要求，但呢度完全達標，唔錯！)

Boxing Day 個晚我地一行4人，係彩園行左一陣就入黎食野，6:00pm 仲有下午茶，咁我地就叫左4個餐再加一個奶油豬。最快黎到既竟然係兩碟扒餐，之後就到奶油豬，竟然個奶油豬軟林林，林都冇朋友....仲話自己係「脆脆奶油豬」，😒完全貨不對辦。最後，見到佢等埋其他人一齊先至上嗰個通粉加火腿三文治🥪，點知完全冇諗過原來火腿三文治係真係冇牛油嘅....剩係得火腿同三文治呢一個食法都係第一次見.....🧐🧐👩🏻‍🍳侍應姐姐話依一個係火腿三文治，係冇牛油㗎！你要牛油要加 $2 ！😱🤔可能我地真係見識少啦！🤨🤓☹️

自從上水彩園商場新裝修之後多咗幾間食肆依間成日經過，但係都未有機會入去食下今日下午茶終於有機會喇門口有touch monitor 自己噤飛拎位其實下午茶時間都唔點等入面有卡坐，亦都有幾張枱併埋的長凳位睇睇餐牌 都幾多選擇，不遜於同商場另一個同類型餐廳。試咗近年好熱門嘅蕃茄湯。🍅上菜快，餐廳職員都幾有禮貌。香煎雞扒特色田園蕃茄湯螺絲粉送牛角包🥐同熱飲凍飲加三蚊可以轉意粉、直通粉、天使麵螺絲粉啱啱好，唔會話一早煮定晒淋patpat成日糊的感覺。🍅蕃茄湯好足料，好濃郁，仲有新鮮蕃茄肉，酸酸地好開胃。仲有椰菜同粟米🌽。有肉有菜好均衡、好健康。重點係無味精。加埋杯檸水🍋，感覺好健康。下次試埋個晚餐。

第一次嚟食，裝修幾靚，但三十幾蚊嘅早餐，炒蛋凍，腸仔齋烚煎都唔煎下又難食，個蒜蓉多士都凍嘅，個麵上到枱重凍添，真係有無搞錯！！！出面十幾度，諗住入嚟食個熱辣辣嘅早餐。。。點知，咩都凍嘅，一定無下次，啲服務員無禮貌，想叫野嘅時候，見到啲服務員個個圍住傾計，完全無視啲客。。。

數天前放工後跟同事在上水廣場閒逛後，二人雙雙到彩園商場覓食，二人都只有預算百多元，經過「歐意餐廳」時見門外餐牌價格大多只是$40-$60，二人便毫不猶豫地決定到歐式餐廳用膳。我們二人共點了一個「$158歐意二人餐」及「$68棟篤燒春雞」，「$158歐意二人餐」包括了主菜、前菜、小食和湯。主菜：意式巴馬火腿PIZZA。外觀看得出伴碟品味很高，每片PIZZA上都有一大片巴馬火腿，火腿口感較結實，的確與香港平價火腿不同，味道甘甜細膩。餅底是半脆半軟的烤焗餅底，上面有大量芝士及茄醬，整個PIZZA色彩繽紛，令人眼前一亮。但老實說餅底的醬料味道較普通，除了巴馬火腿外這就只是一個味道單調的PIZZA了。前菜：胡麻田園沙律。歐意餐廳令我驚喜的一點是，它的伴碟每次都花盡心思。一盤平價的田園沙律竟然花心思地在碟邊放了小蕃茄裝飾。味道方面，蔬菜新鮮，沒有出現老菜的問題，大部分蔬菜爽口清新，伴上少許麻醬的確是令人開胃。水牛雞翼：美國著名的水牛雞翼是又香又辣的，而這裹的水牛雞翼至少也有七八成與美國水牛雞翼相似之點，味道香甜而吞到喉嚨的時候又會帶點微辣。可能是成本的緣故，原本的藍芝士醬轉成了美式燒烤醬，但美式燒

今日要番大陸見客， 食番個lunch 先去大陸， 同事介紹在上水火車站附近有間西餐廳好抵食， 位於上水彩園邨廣場3樓R3-R4號舖， 名叫「歐意餐廳」，今日一於去試一試。 地方舒適，十分寬敞，可以容納五十人以上， 天花掛上吊燈， 裝修簡單， 地方乾淨舒服。 餐廳食物選擇多，有午餐、意粉、焗飯和蛋包飯等等。 還有多款特飲以便客人選揀。《美式醬燒豬肋骨$68》配飯同燒汁鮮蝦煮西班牙意大利飯豬肋骨整得非常入味，火候控制得剛剛好，唔會太乾， 幾juicy , 加上香濃嘅燒汁就能帶出豬肋骨嘅肉味。 《鮮蝦煮西班牙意大利飯$54》估唔到有高級西餐廳水準，大蝦鮮甜之餘，飯粒生熟程度非常恰當。好多時就算大餐廳都會煮唔熟飯粒，而呢間餐廳就拿捏得好好。加上飯汁好creamy，食落口非常香滑。蝦與飯整體配合得非常出色。加$18 有《忌廉朱古力榛子咖啡》， 朱古力好香好滑， 有一層厚厚嘅忌廉，忌廉味道香甜細滑， 正！ 加上香濃嘅搸子咖啡，實在太好飲。加$8 有 《紅豆冰》 真係份量十足， 紅豆大大粒， 軟硬適中，椰汁非常香滑加上唔太甜， 好啱我。 整體來講，食物質素不錯，餐廳食物選擇多，價錢大眾化，而且乾淨舒

歐意餐廳位於屋邨商場入面，絕對係地區食肆，舖面都算大，主要係做附近街坊生意。全部野食以平價做賣點，所以客人都好多。全日免加一，一個鐵板餐都只係幾十蚊，好抵食!紐西蘭西冷牛扒$72，配薯菜、蒜蓉汁，追加大蝦$18。上枱時仲有吱吱聲，熱辣辣，一大碟上枱，食物疊到高高，可以話係大件夾抵食。蒜蓉汁加左好多蒜蓉，夠晒味。有半熟雞蛋，亦有芝士蕃茄做配菜。$18有兩隻大蝦，蝦肉爽口彈牙。牛扒大件，大約有一支叉咁長。軟腍冇根，用左黑椒調味。加$22升級酥皮海皇湯，酥皮好香牛油味但唔夠脆，湯入面只有魷魚條。原來仲包左件蒜蓉多士，夠脆身。餐茶叫左熱鴛鴦，有驚喜，好好飲，咖啡味香、茶味濃！ 另外叫左瑞士雞中翼$28有四隻，煮得夠入味，應該炆左好耐，輕輕力就可以分開骨同肉。屋企人叫左熱柚子茶$17，都落重柚子蜜。埋單$157，一人幾十蚊，簡簡單單又一餐~

今日下晝約咗人喺上水交收，見有啲時間就近近地喺火車站附近食✌呢間歐意餐廳喺火車站行2分鐘就到，十分方便👍😊質素都冇得彈意式番茄燴豬扒飯🍅大胃王就要留意啦，呢個飯係有兩塊豬扒，仲要好大塊，而且都好軟稔稔，一啲都唔‘鞋‘😱未食已經流晒口水👅加埋蕃茄汁，非常開胃👍最後我一粒飯都無剩返😂差啲碟都食埋😂留意唔係焗飯黎，冇咁熱氣😍紅豆冰🍹午餐套餐配埋，但要加返小小差價嫁！好大杯！好正！好正！好正！重要事要説三次，從圖中可見，係超大杯，而且勁大粒豆😭好好飮，而且味道適中，不會太甜❤甜蝦鮮蜆墨魚汁意大利飯🍤🐙甜蝦用左煎炒嘅方式去整，唔止甜味，仲好香呀😍蜆肉亦好鮮甜😍咪睇佢呢個飯烏卒卒，睇唔出有咩，其實暗藏左極多蜆肉😍海鮮控表示超驚喜😍意大利飯軟硬程度適中👍墨魚汁調味亦好好，perfect match呀👍阿華田🍵同熱咖啡☕都係午餐飯配埋的👍同坊間的差不多，不過阿華田落嘅粉比較多，好香。有兒時媽咪沖俾我飲個種感覺😍熱咖啡好香，而且飲完好醒神呀😍岩曬我溫書😍芝士蕃茄焗魚柳飯🍅🐟係我地呢兩個大食怪特登嗌多個餐黎試😂😂雖然最後食唔曬，外賣返屋企做下午茶🙈蕃茄味好重，酸酸甜甜，超開胃，仲有啲真蕃茄係到一齊焗，好正

上水，給人印象只是回鄉的必經之地，想不到都有驚喜美食，就是「歐意餐廳」！今日和朋友逛完街，經過一間歐陸式裝修的餐廳，見門外又多人排隊，就進店試一下😄😄餐廳環境舒適，座位寬敞，可容納不少客人，最適合一家大細來光顧剛坐下未揭開餐牌，便有侍應端來兩杯暖水，還示意我們慢慢看，要點菜時舉手便可，服務貼心又周到😆😆餐廳食物、飲品選擇多，有鐵板扒、意粉、天使麵、焗飯，價錢亦相當相宜😝先來了飲品—特飲菠蘿冰😍😍，炎炎夏日飲菠蘿冰就最適合不過，隔住杯子都看到大大顆菠蘿果肉，跟坊間菠蘿冰不一樣，不會加了很多糖漿，味道是清甜而不是甜膩，清香果肉加上清甜的菠蘿汁，絕配主角就是這個—烤豬頸肉芝士汁撈天使麵❤，芝士汁濃郁而不油膩，還帶點點忌廉的甜味，豬頸肉烤得爽口香脆，天使麵亦十分入味，一啖豬頸肉，一啖天使麵，滋味無窮配角也出場就是脆炸薯絲蝦球伴薯皇，上菜時熱辣辣😍😍，即叫即炸，蝦球大大粒，薯絲亦炸得十分香脆，外脆內爽，口感一流，薯角都同樣炸得滾燙，外脆內軟，回味無窮上水，原來都有性價比極高的高質餐廳，價錢相宜，食物質素高，經過上水的必定要一試！

這天與家人到上水彩蒲苑探親友，她介紹我們到附近彩園廣場𥚃的歐意餐廳吃晚飯，那就不坊一試 ~餐廳面積算大，裝修風格樸實，牆上掛著一些裝飾品，藝術氣息的佈置。餐牌裡菜式很多，亦有套餐任君選擇，也可配牛角酥及飲品，而且價錢大眾化，款款吸引。我們被這些招牌菜吸引，所以點了楝篤燒春雞、芝士焗牛魔王飯及珍寶雜扒。楝篤燒春雞  $68賣相創新罕有，構思特別，原隻雞楝住來燒，好新穎。當吃了一口，已感到雞肉皮脆肉嫩，鮮味多汁，很惹味！芝士焗牛魔王飯  (配送餐湯或飲品)  $59香濃惹味的芝士汁，是我們喜歡的味道，而且飯焗得剛剛好，香味四溢，加上濃香的牛肉，不厚口，嫩滑美味。珍寶雜扒  (配送餐湯、餐包及熱飲)  $78種類超多包括 : 豬扒、雞扒、牛扒、法蘭克福腸、太陽蛋、粟米及蕃茄，我們選擇配薯菜和蒜蓉汁，肉質軟腍不韌，香濃鮮嫩，鐡板上太多美食，豐富。