正九清湯腩 (砵崙樓)

營業中

休息中

今天 下午不想吃飯，我們便走過去旺角砵蘭街正九清湯腩下午茶 。正九清湯腩餐廳已經有很多客人， 我們等了五分鐘， 才找到位置坐下。 我叫了牛三寶幼麵 ， 包括 牛腩、牛筋、牛肚， 又淋又入味；牛三寶與幼麵 配合 ，真是天作之合，十分好味，讓人回味無窮。朋友叫了 清湯牛肚米粉，牛肚又淋又入味， 值得一讚。此外 ，我們又叫了一碟 芥蘭油菜 ，芥蘭煮得好爽， 好味道。再來一杯 冰凍檸檬可樂，在這炎熱的 中午， 既可以消暑 ，又可以解渴， 真是一件賞心樂事。我十分享受今天的 下午茶。

喺旺角經常會經過呢間清湯腩，今日終於入去幫襯吓，店舖唔算大，坐位又唔會好逼，未入去已聞到好香牛肉味，店員招呼落單，叫咗清湯牛腩撈麵升級崩沙腩，清湯牛三寶湯河，淨菜肉雲吞，蠔油芥蘭，咖啡同奶茶，下午茶時間送飲品。清湯崩沙腩撈麵，份量好多好大碟，少少脂肪嘅牛腩有一層筋膜，正宗崩沙腩好入味，牛腩軟腍筋膜有少少彈牙，幼麵啱啱好。清湯牛三寶河，有牛腩、牛筋同金錢牛肚，牛腩夠腍入味，牛筋有少少彈滿滿膠原，牛肚爽彈，各樣都食到濃郁牛味。淨菜肉雲吞好滑，餡料豐滿， 充滿豬肉同菜粒，肉味濃。蠔油芥蘭剛剛好，保持翠綠爽脆，蠔油唔會太咸。咖啡奶茶都唔錯，價錢合理。

天氣突然轉涼，想吃碗湯粉暖身，見到這裏晚市頗有人氣的，正好有人埋單不用等位，立刻入座試試。清湯牛三寶河粉$64，有牛腩、牛筋、牛肚，覺得不夠還可加餸，每款$8，我加了墨魚丸試試。配餐飲，熱飲加$8，來一杯熱咖啡暖暖吧！習慣先嚐一嚐湯底，清湯真的不錯啊！是牛骨清湯，不油膩，味道夠濃，河粉浸在湯裏吸收味道，加點辣椒油更香，份量夠多了。牛腩肥瘦得宜，就算不是坑腩，肉質都頗鬆軟的。牛筋是我的最愛，滿滿的膠質，補充骨膠原，咬下滑嘟嘟帶彈性，不是炆到爛的質感，咸香味道是吃過以來最入味的，值得一讚。牛肚充滿五香味道，炆得夠淋夠入味，不需用力咬，口感不錯。墨魚丸有驚喜，口感結實有彈性，裏面墨魚粒粒爽口有嚼勁，是高質素的丸子。最後把咖啡喝光，吃得又飽又暖。埋單$80，沒有加一服務費，這樣吃得滿足又實際，一定再回頭光顧。

咖喱牛腩飯 - $50咖喱牛腩飯是我最期待的一道菜。牛腩軟嫩，咖喱醬汁濃郁，搭配白飯非常合適。咖喱的香氣與牛腩的鮮味相得益彰，讓人一口接一口，無法自拔。腐乳通菜 - $19這道腐乳通菜清新可口，通菜的脆嫩與腐乳的鹹香相結合，口感十分豐富。雖然價格不高，但絕對是道值得點的配菜，平衡了主菜的濃郁。雞中翼(4隻) - $33雞中翼外酥內嫩，肉質鮮美。每一口都有香料的恰到好處，無論是單吃還是搭配醬汁都非常美味。墨丸河 - $38 (加咖喱汁 $4)墨丸河的丸子鮮美，搭配河粉非常滑順。加上咖喱汁後，風味更上一層樓，帶來了意想不到的驚喜。 熱奶茶 - $14餐後的熱奶茶是完美的收尾，茶香濃郁，奶味適中

💕 清湯牛三寶米（牛腩/牛筋/牛肚）$64👅好味指數：7.8/10(轉崩沙腩+$8)店員推薦崩沙腩就加錢轉左，牛味濃郁彈牙又唔肥，牛筋炆得好軟腍入味，牛肚都好爽口，米粉夠索味，湯底夠清👍🏻-💕 清湯牛腩撈粗 $64 (轉崩沙腩+$8)👅好味指數：7/10依碗淨崩沙腩既撈粗，份量都幾多！粗麵好滑好軟身，鹼水味重！-💕 淨菜肉雲吞 $42👅好味指數：7/10大大粒！皮薄！菜同肉餡料均勻，味道剛好，唔會太多調味。

今晚同屋企人嚟到旺角，揀咗位於油麻地站嘅正九清湯牛腩。❇️清湯崩沙牛腩河崩沙腩嘅份量比得大方，係好厚切嘅崩沙腩。肉質軟腍，肥瘦適中，河粉係偏幼類型，每食一啖河粉都品嚐得出湯底嘅濃郁牛味。❇️清湯牛三寶飯牛三寶飯有牛筋、牛腩同牛肚，每一款肉質都充滿彈性，牛筋軟腍醃得入味，牛肚肉質爽嫩，食得好滿足☺️❇️腐乳通菜腐乳同通菜嘅搭配真係冇得輸，通菜炒得翠綠。❇️ 炸魚皮大推炸魚皮，薄脆得來唔會太油，食得出係新鮮炸嘅魚皮，唔會擺咗好耐，$20大大碟，配牛腩河食真係好正👍🏻

上次喺觀塘店食過佢嘅魚蛋墨魚丸河幾好食，今日想食粉麵第一時間就諗起佢，真係超想食崩沙腩，可惜仲戒緊牛。又食唔到牛腩啦。唯有清清地點個雲吞試吓先。菜肉雲吞上海面$46雲吞有四粒，每粒都充滿肉餡，雲吞皮薄，再配埋上海麵，麵質口感煙靭，份量都幾多。炸雞翼（四件）$33 驚食個麵唔夠飽，可以點多份小食！見到有炸雞翼，作為雞翼控一定要點啦🤩，雞翼係新鮮即店即炸，四隻都勁大隻，炸到外脆內軟，而且本身都醃得好夠味。菜心$19

今次同大家介紹這家正九清湯腩 本地人最愛的牛腩店唷！是以清湯牛腩聞名 性價比高 環境幹凈整潔 強烈推薦一定要試喔 ✌🏻招牌崩沙牛腩 牛腩必吃部位就是崩沙腩 崩沙腩肥瘦相間 軟爛適中 油花分布的剛剛好🥰並且牛腩的份量很多 而湯底也熬得特別鮮甜！好好吃😋 上海面爽口彈牙 湯汁混著牛腩汁 真的超級正！另外我加了 $8元要了墨魚丸 一口下去滿嘴墨魚肉粒的顆粒感🩵熱奶茶 秋天喝杯熱奶茶真的好舒服 奶茶好香好好喝 茶味超香濃 ☕正九清湯腩地點：九龍旺角登打士街35C號砵侖樓大廈（旺角E1出口或者油麻地A1出口）

尋日去左旺角分店嘅正九，點左一碗炸排骨河，加雲吞、墨魚丸，另外再點左一碗腩汁蘿蔔同飲品，埋單$80有找✌️勁抵食😽炸排骨河每次都係必食嘅餐點之一，但係今次有少少失望，原因係排骨炸到外層過硬左少少🤏但係整體都唔錯 ；雲吞好新鮮，蝦肉又彈牙👍腩汁蘿蔔份量巨多，而且蘿蔔非常鮮甜有冇根，加埋腩汁，真係勁正👍飲品下午茶時單點任何粉麵飯，即送飲品一杯☺️📍#正九清湯腩 #旺角分店 #旺角美食推介 #人氣餐廳 #美食推介 #旺角美食 #牛腩粉麵 #粉面推介 #必食清湯腩

正九清湯腩陸陸逐逐開分店開到黎旺角啦😻今次去嗌外賣返屋企食！😻魚蛋米+紫菜米粉🐟🍜本身嗌魚蛋米加魚片，點知個姐姐話魚蛋米已經有埋魚片，感覺好抵❤️外賣係分湯裝好貼心！米粉拎到返屋企都唔會淋晒！湯仲熱辣辣♨️白魚蛋又滑又彈牙，仲好有魚味，魚片都好新鮮，米粉係有咬口果隻米粉，出色wo！我平時唔飲湯湯底都飲晒😋😋腐乳通菜🥬通菜望落翠綠色好靚！腐乳汁調得非常好，好似mix左花生醬咁好好味😋

呢間係牛腩專門店，出名係牛腩既唔同部位，平時小編都係好鐘意食牛肉，佢有多間分店，呢度有幾款牛腩煮得比較出色，爽腩，坑腩同崩沙腩係呢度既主打招牌，我地叫左一份崩沙腩淨食，崩沙腩可以自選肥瘦程度，今次叫左正常既崩沙腩，肥得黎又爽口既牛腩部位好好味，就算湯河牛腩既份量都唔會少，淨食係因為小編想食牛腩比較多，牛既肉質好煙韌，腩片切到好平均，腩肉好濃郁牛肉味，仲配有入味既蘿蔔。湯河叫左牛孖筋湯河，孖筋好多塊，又抵食，炆到好軟綿綿甘，湯河即叫即煮好快就上菜。下午茶時間仲送熱飲，真係好正既小店，小編慳反叫飲品錢都飲都靚奶茶，茶味又甘濃。

清湯牛腩是一道香港特色的美食，以清淡的湯底和嫩滑的牛腩為主要特點，深受廣大食客的喜愛。正九清湯腩連著名食家香港四大才子蔡瀾都話百食不厭，味道肯定有保證!清湯牛腩湯底油而不膩，牛腩煮得入味，肉質柔軟，口感鮮美，營養豐富，入口即化，清湯的味道不會掩蓋牛腩的鮮美，讓人吃起來非常舒適。牛腩和蘿蔔是一個完美的搭配，蘿蔔的甜度，清而不搶味，同時，蘿蔔也將湯汁吸收充分，入口鮮美味濃郁，正好能把牛腩的肉香襯托出來而不污染它的本味。

每個月都會去吃的清湯腩，40蚊+一碗的牛腩面，滿滿一盤，料好足！🍜每次來必點崩沙腩，每日新鮮熬制的湯底清澈鮮甜，崩沙腩筋肉油花肥瘦相間，肉質又Q又有彈性。可以自己加菜，主食有米粉/米袋/幼面/粗面/伊面可選，今天選的伊麵很有嚼勁🍡自家手打的牛丸魚丸墨魚丸，鮮美彈牙飽滿爽滑🥬小菜盲點都不會出錯！腩汁蘿蔔燉的酥爛，無比清甜！ 桌桌都會點的腐乳空心菜，裹滿腐乳吃好開胃～地道港式奶茶和檸蜜百喝不厭，凍奶茶茶香濃郁

呢間正九清湯腩好似好出名，唔同地方都開咗分店！今次就決定來到旺角嘅分店，食返碗平靚平嘅清湯腩！餐廳人氣滿滿，睇來深受街坊歡迎～清湯崩沙腩河💰HK$60崩沙腩肥瘦均勻，肉質細緻軟腍！幾款牛腩之中，個人最中意就係崩沙腩😋～清湯坑腩河💰HK$60坑腩牛味比較濃厚，而且有較多嘅筋膜，腍得來多咗一種爽口有彈性嘅感覺！湯底散發住淡淡嘅牛肉香氣，味道簡單而純粹！河粉係偏幼身果一款，口感嫩滑，而且掛湯能力高～紅油抄手💰HK$25紅油抄手與別不同，外皮柔軟，肉餡豐富多汁，醬汁味道酸酸辣辣好開胃～腐乳通菜💰HK$19通菜鮮嫩爽脆，同濃厚順滑嘅腐乳形成咗一種鮮明嘅對比，非常惹味～營養紫菜湯💰HK$15味道清淡而鮮美，有一大塊紫菜，成碗湯都充滿住海洋嘅氣息～凍奶茶💰跟餐+HK$8呈現出茶味同奶味嘅完美平衡～

位於油麻地的「正九清湯腩」越開越多分店，在這食肆林立和租金昂貴的油尖旺區，已有3間分店，實力一定不弱。「正九」有各式各樣的牛寶、丸類和小食，快靚正。店舖光猛整潔，客人絡繹不絕。《清湯牛三寶》$64有牛筋、牛腩、牛肚。牛腩要肥、要瘦或半肥瘦都可以先揚聲。喜歡吃牛的朋友一定不要錯過這碗牛三寶，份量足夠，樣樣都入味有嚼勁，好吃。《魚蛋河》$38魚蛋和魚片爽口彈牙《腩汁蘿蔔》$15白蘿蔔非常清甜《淨菜肉雲吞》$42雲吞粒粒飽滿，皮薄肉鮮《熱檸蜜》 飲品跟餐一律加$8