正品蕃茄湯麵店

營業中

休息中

只想講 叫過兩次外賣自取第一次冇餐具 無飲管但唔想浪費返工食飯時間返去拎最後只用公司僅有嘅筷子食湯飯。第二次 電話叫外賣重複咗兩三次要米粉唔知係咪店員聽唔明廣東話嚟到鋪拎前問多句 點知整錯做米線 重點當時舖頭一個客人都冇 唔係忙…同店員反映番我落單已經講咗兩次要米粉 見佢好唔情願咁行去廚房方向 加上自己唔想等 唔想煩就話：算啦我米線都食嘅..跟住拎完外賣就走咗但最大問題係 成個過程店員一句唔好意思都無😑或者笑笑口講句：可能新同事唔熟手呀 點都好聽完條氣都會順啲.我想講唔係個個客人要食你整錯嘅嘢 加上落單嗰陣feel到店員有口音好似聽唔明人講嘢 我已經重複講咗兩次 所以呢間會永久黑名單態度差 錯漏百出 價錢又唔算特別平 食物份量偏細 質素OK都無用

本身平時叫開呢間外賣，覺得佢湯底幾龍，感覺到佢真係用足夠番茄同薯仔煲出嚟。而且辣蕃茄湯底又夠辣，一直都覺得幾好食。今日咁啱經過諗住直接去買外賣返屋企，點知等緊嗰陣有隻勁大嘅老鼠唔知係邊度跑出嚟，其他人好似見怪不怪咁冇咩反應，以後唔敢食了😂😂。

本來唸住同我高太唸住去荃灣拜神點知去到先知道因為疫情問題要暫停參拜，直至另行通知俾個19肺炎搞到我同高太白行一轉無得拜神甘就同高太去附近食下野先去拜年撘車去搵食途中，見到依間蕃茄湯麵店立刻要的個蕃茄控去試下啦嗌左個隊長肉餅蕃茄濃湯麵個肉餅幾香口，味道唔錯，配反蕃茄湯又幾好味，蕃茄湯酸酸地，可以減低煎肉餅既油膩感令人有驚喜既係個蕃茄麵，除左蕃茄湯之外，個麵都係蕃茄麵岩哂鐘意食蕃茄高太仲有嗌左個蜜汁煎雞扒一上枱見到好似好多油甘，之後食先知果啲係蜜汁埋單78蚊，相當抵食，唔怪得果日甘多人黎食

//< 正品蕃茄湯麵店 >呢一間番茄湯麵店喺荃灣已經好耐，小編好耐以前食過，之後一直遺忘左🤣近排經過，就入去再試下喇————————————- 腐皮墨魚卷湯麵 $50 -小編揀咗蕃茄麵同埋酸菜番茄湯🥰 腐皮墨魚卷外脆內煙韌，而且真係有墨魚味😎推薦！番茄酸菜湯底比起普通番茄湯增添酸味，幾正～番茄面彈牙彈牙帶有少少番茄香，幾特別！————————————- 隊長肉餅湯麵餐 $52 -小編嘅湯底同埋面呢都同上邊一樣～隊長肉餅呢就唔係彈牙個種，不過勝在煎得香口，而且調味不錯😆————————————- 凍奶茶 +$3 -凍奶茶奶味比較重，因為嗰度冷氣唔夠，所以建議大家叫凍飲🥰————————————評分：7.2/10地址：荃灣荃灣街市街115號蘊崇大廈地舖營業時間：07:00-22:00

今日食呢個番茄湯米線，門口唔多人排隊，好快有得入去坐。我叫左個蕃茄煙鴨胸米線，加一枝豆漿。個蕃茄湯好濃，米線都係茄紅色，好足料，好健康咁。煙鴨胸好大塊，有4-5塊，加左好多分。

再嚟正品番茄湯麵店，今次食嘅唔係早餐而係午餐😁😁可以返轉頭再幫襯嘅就知道間舖頭唔會點差🤔🤔四人行一共叫咗三個餐🤗🤗常餐-牛肉蕃茄湯公仔麵配番茄炒蛋多士隊長肉餅拼燒雞扒飯隊長肉餅香芹湯通粉常餐啲牛肉普普通通，主要都係食過湯，個蛋炒得非常靚今日嚟食午餐，終於可以試到佢個肉餅，同平時食開嘅肉餅有啲出入，感覺唔錯好有口感，不過略為鹹咗少少👌🏻👌🏻，塊雞扒超好食，嫩滑多汁👏🏻👏🏻，跟埋薑蔥豉油不得了香芹湯其實都係蕃茄湯底，不過多咗啲芹菜，所以有啲青味，感覺幾鮮，唔錯。全部合共$162 ，價錢非常公道，如果咁啱喺附近，呢間鋪頭絕對可以一試😊😊

第一次食唔知麵係特別造既，叫左通粉，今次再叫一次蕃茄整既橙紅色蕃茄麵。本身個湯夠蕃茄味,食完又覺得好似同通粉無乜味道上大分別。湯係好水既，但又夠味夠色，感覺係加左某種添加。之前試酸蕃茄湯底，就覺得似加左微量冬陰功醬既酸味。今次黑椒又係好濃黑椒味，見到好多細細粒黑椒碎，會有微微地辣，都ok香，係個湯好水但又夠色夠濃味仲未諗到加左乜。。肉餅好食d,大大舊，有點碎，煎到面香脆，幾好食。墨魚餅明顯多好多粉，我覺得粉太多，麻麻地，唔似肉餅咁煎到香脆。仲可以揀柚子蜜，感覺好好。不過環境真係差少少，擠迫感覺。

以前食過呢間餐廳幾次，覺得蕃茄湯幾濃、食物質素不錯，今日經過附近所以想再食多次。入到餐廳見2位操鄉音女員工正在工作，我同老公自動自覺填表、搓手等（未有任何量體溫儀器），見員工有望過我哋幾次，但等咗陣都未見有任何招呼，又唔講等等/ 埋去坐🌝 令我哋企在門口唔敢埋位坐。之後員工久久唔幫手落單，我哋落單要個腐皮蕃茄湯麵時佢大聲問咩湯底（見圖係蕃茄湯），我哋答：唔係蕃茄湯來咩？個樓面就大力指住兼大大聲勁惡問：咩湯底？？我哋當然答係蕃茄湯啦。跟住再落野飲，明明叫「凍柚子蜜」，佢仲答多3次要凍定熱？態度又惡劣，嗌完一野拔走個餐牌去。就算啲食物質素唔差，但服務態度可否正常少少？無得罪你下嘛？最後埋單樓面仍黑口黑面，一句說話都唔講，收完錢就算。

晚上放工回家，勞累一天後筋疲力盡，決定不煮飯買外賣回家享用，剛巧經過這間{正品蕃茄湯麵店}，決定一試它著名的蕃茄湯麵。店舖空間不大，像一般家庭式的小食堂。木板牆上掛貼著各式各樣的菜式，有不同的特色小食、湯麵餐和飯餐。店內外黃光白光混搭，光線映照在紅色底白色蕃茄圖案的牆板上，讓人感覺店舖蕃茄色彩滿滿。從它八款人氣蕃茄湯麵餐中，選了「腐皮墨魚卷湯麵」($48)，附送一杯熱飲，點選了柚子蜜。回家後馬上開吃！嘗一口蕃茄湯底。湯底雖未算濃郁，但蕃茄香味滿滿，酸甜適中，非常開胃，湯底也有一些蕃茄肉和蕃茄皮，感覺新鮮又健康。橙紅色的蕃茄麵條呈方型長條狀，粗幼適中，質地柔軟，口感煙韌，配搭著蕃茄湯底去吃，十分滋味。墨魚卷共有四條，腐皮香口，口感脆韌，墨魚肉香甜，咸淡適中，能吃到一些些墨魚粒，爽滑又彈牙，整體雖略感油膩，但讓人意猶未盡。{正品蕃茄湯麵店}的蕃茄湯麵醒胃又滋味，下次還想來試試它的升級蕃茄肉碎蛋濃湯底、墨魚餅和特色紅豆冰！

📍大大塊juicy肉餅‼️ -- 正品蕃茄湯麵店🍅🍜=========================如果大家有睇開我嘅post應該知我好中意食番茄麵🤣其實已經bookmark咗荃灣呢間番茄麵店好耐，前排去開嗰頭終於可以試下💖------------------------------⭐️隊長肉餅+田園樂園 配 番茄湯麵（$64）麵嘅份量好多，而且係用上番茄製作，所以係呈淡紅色（雖然食落係唔會有番茄味）😂不過幾有gimmick😹 湯底唔係走濃稠路線（係真係液體嗰隻湯😂）飲落酸酸甜甜好開胃！🤩仲有好多番茄蓉食㗎🍅肉餅有兩大塊，煎得好香💖食落好juicy唔油膩!!調味亦唔錯，有少少黑椒嘅辣勁🤪惟肉質有少少鬆散，如果結實返少少會更有口感！小編另外仲雙併咗啲雜菜、菇菇同埋素雞😂，兩個女仔share食都好夠飽🤣------------------------------賣相：6.8/10味道：7.8/10性價比：6.5/10回頭度：6.8/10------------------------------店舖資料名稱：正品蕃茄湯麵店地址：荃灣荃灣街市街115號蘊崇大廈地舖前往方法：荃灣站B1出口

落咗荃灣區食早餐，有驚喜發現😚😚呢間小店，唔係可以坐好多個人，應該都冇20個位叫咗兩個早餐腸仔通粉（蕃茄湯底） + 炒蛋多士煎雞扒公仔麵（蕃茄湯底）好明顯全部嘢食係即叫即整👍🏻👍🏻，因為當時幫襯嘅人唔係太多，都等咗成10分鐘先有嘢食👌🏻👌🏻全部嘢食都熱辣辣，味道唔錯👏🏻👏🏻蕃茄湯底走清淡少少甜路線，食落去幾舒服，飲咗個湯都唔算好頸渴😋😋個煎雞扒十分有誠意，足夠份量，皮脆肉滑兩個餐加埋70幾蚊，價錢算十分合理，絕對可以再幫襯💪🏻💪🏻

呢間餐廳我已經食咗好多年，味道的確係唔錯！尤其鐘意食墨魚餅蕃茄麵，服務亦一向不過不失。但今次我去食早餐，首先餐廳在疫情下沒有為客人量體溫！隨便就可以入去食嘢！第二個侍應我真係冇得罪佢！一嚟就將個餐牌飛落嚟張餐枱到，我差啲接唔住！如此服務態度真係好趕客😵

佢主打係蕃茄...麵同湯底都係🍅,感覺好似好健康咁，佢配嗰啲餸其實都好啱我胃口，都係啲煎炸東西...配面既肉餅入味，另外加既雞扒同雞翼都炸得鬆脆，不過油多左少少。呢間通常係我想頹食/速食/諗唔到食咩...嘅時候會諗起佢既餐廳

又係唔知幫襯過幾多次，今日再光顧時就諗，點解明明成日走嚟食但係唔寫低佢鍾意光顧嘅原因係因為食嘅嘢好有家庭感覺得嚟，係用心製作嘅～～ 以前嘅我係成日走去食乜仔乜哥雲南米線，貪佢快靚正，後來有一次朋友仔帶咗我嚟食呢碗蕃茄麵之後，我差不多每隔一兩星期就會掛住呢度嘅墨魚餅同埋茄蛋湯底蕃茄麵墨魚餅即煎，外脆內軟，墨魚味香，蕃茄湯底有好幾款有辣有唔辣任君選擇，除咗墨魚餅外，煎肉餅同埋魚腐都係唔錯嘅仲有要一提嘅，就係呢度嘅紅豆冰呀～～紅豆綿，仲可以配豆漿，奶茶，係呢度嘅一個特色黎，值得試㗎但要提一提各位，始終係快靚正為主，所以唔好期望座位坐得舒服呀，同埋要有五星級服務享受嘅，呢度就唔太適合你哋了，大家自行選擇啦

店員無禮貌，唔單止落錯單，仲要上錯食物。蕃茄湯冇乜蕃茄味，椒鹽豆腐冇椒鹽。衛生條件欠佳，店員冇幫食客量體溫就比人入坐入黎。認真一絕，值得我獻上第一個openrice食評。希望大家千祈唔好試，不可一，不可再!