正宗印度餐廳及酒吧 (電氣道)

營業中

休息中

有一日老公話想食咖喱，但係其實佢一向麻麻哋日本咖喱，所以我就提議話不如去食印度咖喱啦，試吓佢哋啲風味，然後我哋就搵到一間真係正宗印度嘅餐廳，就入去食啦，入到去裝修格局好友印度feel，環境不錯，坐低咗之後店員遞上Menu同埋水，水杯好特別，應該係佢哋印度人嘅特色，睇完Menu後我哋就叫咗一個香辣咖喱雞肉配薄餅，同埋一個印式蝦肉炒飯，一杯芒果味嘅Lassi，點完賽之後，店員會為我哋送上餐前小吃，係一啲印度嘅脆脆片，然後有四款調味醬料俾你選擇，成個感覺好得意，真係好似去咗印度食嘢咁，醬料有啲係辣嘅，有啲就比較青草香味，個人比較鍾意食辣所以就冇選擇其他，等咗一陣之後我哋叫個杯飲品都到咗啦，佢哋印度名叫Mango Lassi，係一杯好好飲嘅芒果味嘅類似沙冰嘅飲品，唔太甜亦都唔會好酸，但係好開胃，又夠凍，最重要一樣野就係佢可以用來解辣，然後咖喱雞終於到咗，呢個咖喱雞係比較辣，事前店員都有同我哋提及，因為我哋食得辣嘅關係所以我哋都可以接受，但係真係越食越辣，所以如果唔係太食得辣嘅朋友就建議唔好揀呢款啦，佢啲雞肉整得好香口，非常之咁滑同埋好Juice，份量唔算太大，但係配埋薄餅嘅話二人食就剛剛好，薄

印度嘢我就完全未試過，但香港依個美食天堂都有好多印度餐廳，而依間印度餐廳就見到好多評價都話好正宗，所以都同朋友試下印度嘢😛因為我地對印度菜冇咩概念，所以就亂叫咗啲嘢😂😂。叫完嘢食，餐廳就上咗嗰類似雪糕筒嘅嘢俾我地，重有幾種醬一齊㗎添。佢地啲醬有四種，有兩種辣辣地唔太識形容嘅醬，一個薄荷醬，同埋一個甜酸醬。幾個醬都同嗰個雪糕筒都幾夾，作為前菜嚟講係唔錯嘅👍🏻😛。Lentil Soup ($48)，啫係扁豆湯，係印度較常見嘅湯嚟嘅，但我自己就第一次飲，飲落去我覺得幾得意嘅，飲落去幾重香料味，同平時係香港飲開嘅湯好大分別。跟住重叫咗個Chicken Biryani（$108）,其實啫係雞炒飯，食落去覺得好足料，而且味道都幾好，唔錯😛。我覺得間餐廳嘅佈置幾有味道，但係餐廳嘅職員未必聽得明中文，要用英文溝通，大家要注意下喇☺️。

每人黎到餐廳都會送一樣印度前菜，應該叫Papad嘅脆片，咸咸脆脆的，好香口，加上4種風味不同嘅醬汁用黎沾上脆片，帶點神秘又意外地幾match!個人最中意點橙色個個醬，帶點咖喱香味同埋少少辣。食印度菜又點可以唔叫Naan😋以前冇食過印度菜都聽過呢個term，雖然冇食過，但今次食真係充滿驚喜，我哋叫咗古法烤餅Amritsari Naan($32)，因為叫佢有個手指公👍推介呢個口味，其實佢仲有好多唔同口味嘅naan。呢度嘅naan表皮好酥脆好香口，內裏柔軟層次豐富，食得出用料好足，越食越香口，但又唔會太油，沾埋咖喱一齊食，超好食😋咖喱我哋揀咗奶油咖喱雞塊Shahjahani Butter Chicken ($108)，一直用小火爐煮住，keep住熱辣辣，咖喱味好香，但嗰種辣味唔會太辣，配合返香港人口味，雞塊有好多件，好足料。如果大家想試吓正宗嘅印度菜，呢間不仿係一個好選擇。

今日放假想陪下媽媽👩🏻預左帶佢出街食好野而媽媽就食素既 所以成日都上網睇下有冇食素既好地方 而媽媽話想食下咖哩 最後就搵到這間正宗印度餐廳🍴大坑同天后都有分店為左方便今日既行程就去左天后分店啦一入到店就嗅到好香咖喱味 配合埋佢既裝修 覺得「正宗」兩字好貼切 因為印度🇮🇳本身都好多人食素 所以媽媽都有好多選擇 最後就嗌左幾樣野啦印度簿脆$0本身都打算嗌我最愛既簿脆 就算食自助餐我都會食好多塊 但這兒會免費🆓的 當作是一個前菜吧 4個都應該係咖喱醬 記得橙色就最辣 黃色就好香 黑色偏甜 而綠色就有種香料味 我就最鐘意黃色😌菠菜芝士球咖哩$80黃咖哩帶有少少辣 好滑身 點Nana食好正好香口 而菠菜芝士波 芝士味不太濃 反而好濃薯仔味 似薯仔球多D😆不過我鐘意❤️青瓜乳酪$48食印度野必點 因為出面係食唔到架 就咁食同點Nana食都一樣正芝士Nana$32成日都覺得Nana好抵食 又好味又唔貴 今次個芝士味就好香濃啦 熱辣辣大大塊食完飽飽🤤食完媽媽都大讚味道夠正宗又唔貴 叫我得閒要再帶佢黎食😆😆

天后這條出名的食街，有很多國家的菜式，經過這家印度餐廳門口充滿特色，入面更有特色，印度風情佈置。而餐牌挺多選擇，光是咖喱也有多種口味的。另外有午餐套餐餐牌，套餐價錢較划算，整體份量剛好，有湯、一份咖喱、跟米飯或印度烤餅、飲品。印度烤餅以鐵架掛起；烤餅大大片，不過略嫌冷卻後已變得較硬身。若果烤熱，餅皮中間會更加香軟，邊皮位置帶點脆口。咖喱魚份量較細，幾片無骨魚塊浸在一小盤之咖喱醬汁，下面有蠟燭臺讓咖喱保持溫熱。咖喱汁香濃，最喜歡用印度烤餅沾來吃，蘸著蘸著不夠吃呢，微辣十分開胃惹味。飲品方面，加錢轉了特飲。在印度餐廳，當然要點印度飲品。乳酪飲料酸酸甜甜，很解渴、解膩。

搵食行遠d今日去到天后！係勁正宗既印度餐廳，入面裝修勁有feel，店員全部都係印度人，所以好有旅行既感覺！Lunch set好抵食！我地叫左咖哩蝦同椰汁咖哩羊，因為本人唔鐘意食印度米既關係所以兩個set都係揀烤餅，而且個烤餅係勁好食，餅底烤到好香脆！賣相亦好有趣！一開頭黎左個餐湯先，可惜我真係冇乜食過印度菜，唔係好飲到佢係咩材料，不過幾好飲！反正跟餐送既，冇所謂啦。主食來了，咖哩蝦d蝦真心勁新鮮，爽口彈牙，咖哩汁香濃，配烤餅一流！可惜只有四隻蝦，如果有多d就好喇，不過新鮮蝦太貴了，可以理解。到咖哩羊喇，羊肉煮得好軟身，冇羊騷味，椰汁咖哩更香更辣，好好味，鐘意食羊既唔好錯過。最後叫左杯芒果Lassi，解辣一流！埋單加埋一都只係＄160，會唔會太抵食？

tried the indian restaurant in tin hau,覺得幾好食很正宗，店員服務亦很好！叫了masala bbq chicken. 醬汁非常惹味帶點微辣，而 bbq chicken肉質鮮嫩，masala味道滲透於 bbq chicken,再配上印式naan薄餅,成碟成哂，一滴不留！太美味了！ love the food and the service in here, food was not expensive and really worth to try!!

假期前席吃個全素晚餐，清清腸胃，為的是假期又卜了吃自助餐，今日來一個印度式全素食，keep fit一日咁多啦🤣🤣————————————————————-🔺前菜 – nana，非常脆口，一口咬落去, 可以話全場都聽到清脆的聲音,😂😂😂😂😂脆過薯片, 另有4款醬料, 但我就較為喜歡吃綠色一款，微辣帶creamy，吃落更加開胃😋————————————————————🔹什菜咖喱角——外皮脆而咬口鬆化，有入口即溶的感覺。椰菜絲伴碟，饀料, 什菜蓉、青豆、薯蓉.....等等，需然是什菜，但就好有飽肚的感覺😋😋————————————————————🔺辣薄脆 – 外看有點像西式的pizza，其實是印度特色辣簿脆，面頭鋪滿碎洋蔥🧅、蕃茄、芫茜、青椒、紅椒..........等等。微辣味道。健康蔬菜🥬🍅🌶🧄🧅⋯⋯脆脆的薄餅配合多款蔬菜，惹味之餘更帶健康😋😋————————————————————-🔹菠菜芝士球咖喱 –用菠菜做的芝士球，溶入在咖喱的芝士香味，顯得咖喱🍛的味道更特出，將咖喱汁用來配合先前的咖喱角和辣薄脆一齊吃，更加惹味⋯⋯———————————————————-🔺店內環境舒適。座位寬闊，

正宗印度人主理，員工及廚師都是印度人，咖喱很香很有層次，烤餅最吸引，辣醬都好好味。早前有人講過食咖喱可以抗疫，不過印度都咁多疫情，信不信由你，今晚只不過係想食啫，聽聞有間好傳統，個名都叫做正宗咖喱，歷史悠久，應該會好。叫咗三樣嘢兩個人食，咖喱雞味道幾濃郁，唔辣唔油，層次複雜，食咖喱有薑黃，最近興起呢款健康食品，等我食多兩匙。雞肉都幾滑，有四五件入味。烤餅精彩，掛著賣相好，夠熱夠軟熟。菠菜蒜蓉飯記得意，未見過未食過，味道唔錯呀，香香地辣辣地，淨食都夠味。

住在銅鑼灣的我經常都會到天后覓食，這次經過這間小小的印度小店，被在門口的店員熱情的樣子吸引了進去。這裡的裝修富有印度傳統的風味，進去的時候感覺很舒服，很正宗。餐牌上包羅萬有，咖喱的選擇更是有很多種，另外也有很多素食的選擇，能夠滿足到各種食性的人。🍽Papadom首先當然就是餐前小食的papadom。一人一塊，另外配上4款醬汁。Papadom烤得香脆，不會太重胡椒味。配上薄荷汁、甜豆蓉、辣醬和甜醬都很搭，個人來說最喜歡黃黃的豆蓉（應該是），在加上一點點辣醬很開胃。辣醬也蠻辣的，所以大家不要一次過拿太多。🍽Chicken Tikka重頭戲之一的Tandoori Chicken Tikka一點都沒讓人失望。有5大塊雞腿肉，均勻塗上醬料後，用炭火燒得剛剛好，並用熱噴噴的鐵板呈上。雞腿肉完全不會過乾，就算用炭燒仍然肉汁飽滿，一點都不鞋，而且炭香味重，完全能夠吃得出師傅的功力。而且份量一點不吝嗇，每一塊肉都超大塊，非常好吃。*店員服務態度也很值得讚，不僅會用有限的廣東話為不明白的客人介紹和推薦菜式，而且吃完一道菜後會自動幫你換盤子，讓不同菜式的味道不會混在一起。🍽Butter Chicken然後就

我本身都幾鐘意食印度菜，但對香港既印度餐廳都唔太感冒，因為兩字既之若，難食。咁啱公司有同事係印度人，佢地知我鐘意食印度菜好開心，仲推介左間位於天后既印度餐廳，話幾啱香港人食。所以今日放工就決定去試試，餐廳位置唔難揾，去到時大約7點幾，內裡客人唔多，所以唔洗等位就入得去。我地叫左蒜蓉烤餅、羊肉Masala 、雞肉Tikka Masala 、印度餐湯、同一杯芒果特飲。食物冇等好耐就到左，一上枱啲野食都新鮮出爐，熱辣辣，其中最吸引最讓人驚艷既係蒜蓉Naan、同埋羊肉Masala ，蒜蓉烤餅真心好食😋 除左勁大塊之外，入口勁鬆軟，蒜蓉同牛油完美配合，唔需要點任何醬汁都已經好好食，價錢又唔貴，性價比極高，大推。另外羊肉Masala 又一驚喜之作，食之前以為羊肉會好老，畢竟通常類似呢啲羊肉煲都會煮到好‘鞋’，但點知第一口食落就覺得不得了，羊肉唔單止一啲都唔老，而且可能有其他香料，食落都唔羶，個醬汁又好食，點住烤餅食絕配。不過因為一開始驚會好辣，所以叫左小辣，但食落真係唔辣，下次食可以叫返正常，應該會更惹味😋 相比起蒜蓉Naan、同埋羊肉Masala，其他食物都唔錯，但珠玉在前，就顯得略微失色。

我同老公都好鍾意食印度咖喱，呢個月食第二次，今次難得可以放低個仔去銅鑼灣行完街就行去天后覓食，揾到間正宗印度咖喱屋！店內裝修簡單，坐低點完菜就送上餐前小食印度胡椒餅，配以四款印度香料醬，個人認為辣醬最好味😋因為我哋唔係話太肚餓，所以淨係叫左三樣嘢，我哋叫咗燒烤鐵板雜錦拼盤，都好大份喎，有炸蝦，炸魚柳，印度烤雞半隻，仲有兩件BBQ雞條，上到枱仲渣渣聲😂本身我哋點左一個勁辣咖喱牛肉，但係侍應話今日啲牛肉唔靚所以叫我哋轉其他咖喱，所以我哋轉左咖喱雜菜，小小嘅咖喱雜菜有個火爐仔保溫，配蒜蓉薄餅！個蒜蓉薄餅真係做得好出色，我同老公點晒成兜咖喱汁😂總體來講呢嘢係會再去多次嘅，非常滿意

香滑牛油咖喱😯正宗惹味薄餅正宗印度餐廳.前排去左士耳其旅行，無諗過當地嘅中東菜原來幾好食，自此都會喺香港試吓不同中東菜式。呢日喺天后飲完take your time，發現一間裝修好靚嘅印度菜。.餐廳好乾淨企理，用上好富印度文化及宗教色彩嘅裝修，有彩色嘅拼牆同圖案，餐廳亦係由local印度人打理，感覺非常地道！.奶油咖喱雞塊Shahjahni Butter Chicken $108因為怕辣，點了呢一道奶油咖喱雞，咖喱口味偏香甜，唔辣亦唔嗆口，咖喱味道用上了奶油配上mild嘅印度香料所以好濃郁，質感亦好滑身😍呢道咖喱用鐵盤盛載，有微微嘅蠟燭在鐵盤下保温，非常細心！雞肉同咖喱當然係絕配，雞塊數量都唔少，絕對飽肚！.素菜咖喱？Lahori Palak Paneer 芝士燴菠菜茸 $78唔食肉嘅朋友食印度菜其實有好多選擇，點了一道芝士燴菠菜茸。有啲似Cream Spinach，打得細滑嘅菠菜茸冇乜’鞋恰恰’嘅草青味，反而係帶咗奶油嘅甜香，菠菜茸入面有好多芝士粒☺️用黎點薄餅都好夾！.薄餅食咖喱當然係配印度薄餅，一個薄餅同喺平時自助餐食嘅有啲唔同，唔係齋薄餅咁簡單，薄餅係有少少厚度的， 入面係薯仔蓉

近排食飯盒食到悶，想食啲特色嘢！同事話附近有間印度餐廳，食lunch嘅時候即刻去試下先！餐廳裝修 、擺設和餐具，富有地道民族色彩，置身其中彷如它鄉角度。由店員到廚師都係印度人，真正正宗印度風味！雜錦拼盤 (Non Veg Thali)有沙律、咖哩角、馬莎拉魚、印度薄脆、乳酪、南印度豆湯、蛋咖哩、咖哩雞、咖哩羊肉、薄餅和飯。 包羅萬有， 啱曬貪心嘅我！Samosa 咖哩角雜菜餡料，外皮陣陣香酥味道，質感鬆化味有微辣，是我至愛。馬莎拉魚， 無骨肉質嫩滑。Papadum 香烤薄脆，醮乳酪酸甜醒胃。咖哩羊，咖哩味濃，羊肉無騷味煙韌軟熟！咖哩雞 肉質嫩滑！蛋咖哩有驚喜，蛋黃混和了咖哩，黏嘴杰身甜甜地易入口! 一大塊Naan包，新鮮熱辣用來醮咖哩，風味十足！無骨燒雞 (Tandoori Chicken)經典菜式，燒烤焦香撲鼻，醃得入味，有辣勁咸道適中，雞肉嫩滑唔鞋口，無骨啖啖肉，大快朵頤！正宗印度米飯，細長乾身軟熟，伴咖哩來食一流！Mango Lassi套餐加12蚊飲mango lassi，芒果味甜中帶酸，質感似乳酪加冰，冰涼透心！

今天在電氣道，準備吃早餐，看看手錶，原來剛過了十一點，一般餐廳的早餐都供應完畢。行過一間門口宮廷圖案設計的印度餐廳，外觀吸引，見門口餐牌Lunch Set經濟抵食。本來小弟對印度餐興趣麻麻，但都決定進去來個早餐時份，印度午餐。餐廳佈置很有印度風味，硃砂紅色牆身，還有些古典印度工藝品擺設，環境舒適。坐下叫了Lunch Set咖哩素食椰菜花馬鈴薯，材料很簡單，祗有椰菜花和馬鈴薯浸在青香咖哩汁裡，卻能帶出新鮮味道。烤餅大大塊掛在鐵架上，像兩塊大豬肺，烤餅熱哄哄，味道出其的好。奶油雞塊Lunch Set同樣出色，橙色咖哩面上有層薄薄奶油拉花，雞塊軟滑入味，咖哩微辣，配纖長印度米吃，真是粒粒好味道。餐湯是蘑菇湯，有碎粒蘑菇，帶點蒜香，味道不錯。