正宗山西刀削麵皇

營業中

休息中

想試泥間刀削麵好耐 因為都幾出名🙈雖然話由地鐵站行一陣就到 但其實有d難搵🤭去到大約等左10分鐘左右 🤔 都叫快 因為本身前面有7-8 人等緊 😛今次叫左2款刀削麵 一個湯麵 一個冷撈麵湯麵d湯都幾濃 而且個麵嘅軟硬度適中👍🏻另外 冷撈麵個汁都幾好味 但可能因為無湯浸住 d麵有d硬 比較難咬開🤭🤭🤭湯麵可以自己揀配乜嘢餸 所以都唔錯🙈餸嘅種類都幾多 今次食左 鴨腎 雞翼 大腸 牛腩 全部都好淋 而家配埋個湯底 真係唔錯 😌😌😌

煙韌麵條控🥰今次介紹呢間係🙆🏻‍♀️耐唔耐就會心思思想去食~.📍正宗山西刀削麵皇.🍜麻辣手撕雞刀削麵($55)-🙆🏻‍♀️至愛啊💕麻辣手撕雞同熱辣辣湯麵分開上~嫩滑雞絲配爽脆青瓜絲加上大量生蒜同麻辣汁真係perfect match啊~~麵條煙韌但唔會太淋又有咬口😋呢個真係每次必食啊!!🍜紅燒豬手拼豬肚刀削麵($52/送豆漿)-豬手入味夠哂淋😍豬肚絲都幾有咬口~🙆🏻‍♂️秒清

荃灣一向都多好野食，今次就試下山西刀削麵。餐牌都好多選擇，有麻辣湯，撈麵。今次就揀左個醉雞刀削麵。碗麵勁！大！碗！湯底好甜好濃味，刀削麵偏硬，好有咬口🙊，要食晒成碗之後有啲攰；重點醉雞來啦，雞肉好滑而且好入味，酒味好香濃，個人鐘意酒味重啲，所以好正👍🏼

入到荃灣，晚餐唔想食咁多，試下出名既刀削麵我自己叫左：雞翼豬大腸刀削麵雞翼唔係浸到爛哂冧哂既，鹵水汁入味，不過唔係太大隻。相反豬大腸數量頗多，有六至七舊，但肥膏偏多，好味但又嫌佢肥。另外叫左幾個小食，因為我唔食辛辣野所以麻辣既小菜不予置評，涼拌海蜇爽口有彈性，酸酸味味咁我覺得幾好食。青瓜都爽口，切既大細岩岩好唔會太大，一口一粒好快食哂btw 親眼見住師傅用刀削麵係幾好睇，麵配合湯勁入味，但感覺係 牛湯底（？）未必個個岩食。。

今日行經荃灣市中心，見差唔多食飯時間，就決定揾間比較輕便嘅餐廳，一個人快快食個lunch。見好似好耐冇食過山西刀削面，於是就揀咗呢間餐廳入去醫下肚。因為係細舖頭，所以座位比較密集，要搭枱 嘅機會率好高。但由於而家未到食飯時間，人數唔算好多，所以都可以接受，而且上菜速度真係好快。我叫咗一份麻辣燻蹄刀削麵同一份蒸餃。雖然已經好耐冇食過，但係刀削麵仍然保持一貫水準，麵條食落口感一流。湯底都係一樣咁濃郁同香，無好強烈嘅味精味。舖頭嘅辣椒油係十分出色，建議大家食嘅時候可以加少少去調味。而個餃子就唔算話好出色，個皮偏厚，但勝在餡好足，食落去都係啖啖肉。今次我完全係眼闊肚窄，如果再黎嘅話，我諗一個人淨係食一碗刀削麵都已經好足夠。從圖片都可以見得出佢個份量係非常之十足。

荃灣岀名多好嘢食，特別係路德圍，好多街坊小店。突然好想食粉麵，但又唔想食譚仔，然後行過見到呢間刀削麵嘅師傅係即叫即削的，於是入左呢間！同朋友分別叫左麻辣豬大腸同麻辣豬軟骨，麻辣汁好正，夠麻，撈埋生蒜真係不得了！大腸有咬口得嚟唔韌，又唔臭，好味！豬軟骨好腍身、好入味，難怪朋友次次嚟都點！終於講刀削面嘅部分，人手削麵，條條麵粗幼度均匀，可見師傅功力！而且麵質軟硬程度適中，好煙韌彈牙！好味！不得不提份量仲好多，女仔食唔哂，下次要扣底先得！

山西朋友認識一二，電話裡他總常叫我到山西走走，順道幫他拿些港貨。我問他山西有什麼好玩。他就猶豫了。最後答上太行山。以往過年他們會送我些核桃及乾牛肉，說是山西特產呢。 就此足見中原山西荒蕪，確實會少香港人到過。那是否就代表可在招牌上濫用『正宗』二字，以為神不知鬼不覺呢。有幸自己認識一位麵廚曾在山西學麵糰學刨刀削麵技巧。知道麵糰會得較硬身一點，客叫時拿起麵快刀刨落熱水即席煮滾。麵條不規則狀，有厚有薄，咬落有點彈性，略硬，煙韌。此種粗曠感覺正正體會中原大地文化。這間荃灣正宗刀削麵，我十分肯定要處以劣評。首先，麵條部分。麵糰一早刨成麵條，先已灼熟。待客點餐，加在碗內再加熱湯即成。咬後有隔夜麵的感覺。明知偷工減料，就不要用開放式廚房了吧。湯頭，又是另一敗筆。山西正宗也會講究湯頭，會是用骨湯又或番茄濃湯，絕絕對對不是這間用味精豉油做湯頭吧。醋，是山西靈魂。他們吃什麼也落醋，曾收過山西朋友一支醋做禮。吃麵他們也要點醋，但這兒沒有。可惜。用車仔麵形式做，那又何正宗呢? 叫了兩個餸，豬腳過淋，雞翼請自行拔雞毛，都是非常非常普通。我最怕沒心機經營的餐廳，也怕那些不倫不類的。今次純粹被『正宗』吸引進來了。還

荃灣刀削麵，文明不如見面，來三杯熱辣辣豆漿，整。一碗大腸牛展刀削麵，味道濃郁，大腸瘦削，沒有一嚿嚿嘅豬肉，出現，整。辣豬扒刀削麵，果然豬扒爽口。加一個蒜蓉刀削麵蒜蓉很濃郁，有點辣口。

鍾意食刀削麵嘅我成日都會離尼間食！今次叫左個麻辣小食刀削麵套餐$52，揀左麻辣豬軟骨，送冷/熱豆漿。落完單之後佢會即刻削啲麵煮，麵條煙韌，湯底清甜，份量十足。而豬軟骨夠淋，加埋蒜頭同自製嘅辣椒油，提升左食物嘅味道。有啲人會將份小食撈埋個麵食，但個人認為分開食會好食好多！另外再叫咗一個手撕雞撈刀削麵$60，佢本身配青瓜、花生、芝麻等配料，但朋友唔食，所以走晒所有配料。佢個醬汁好好味有少少辣好夠味，手撕雞份量都好多！整體唔錯，每次去食都會滿座，因為刀削麵嘅味道真係好出色，所以真係值得一試！

這家位於荃灣的刀削麵店，一直在我的美食榜單中，店鋪不大，但經常排隊。裡面的刀削麵、小籠包、煎餃都很有特色，東西很實在。喜歡吃辣的，推薦試一下各式麻辣，滿滿的蒜茸+麻辣，再搭配一杯冰豆漿，飽晒！

我已經唔係第一次特登去荃灣食呢一間刀削麵，係好耐以前見到好多人排隊食過一次之後成日都好想再食。我次次都係食佢個豬耳仔撈麵，係佢呢度嘅豬耳仔令到我上咗癮。我之前從來都唔食豬耳仔，食咗呢度呢間先發覺原來豬耳仔可以好爽好好食。豬耳仔嘅份量絕對唔少。次次都食到我過足癮。有湯冇湯我都試過,自己個人鍾意冇湯嘅撈麵多啲，佢啲醬十分之野未，我鍾意食啲粗啲嘅刀削麵， 有咬口煙煙韌韌。而媽咪就食咗佢嘅雲吞刀削麵，有湯版本。雲吞好大粒，食完超級飽。雖然我自己個人就鍾意細細粒嘅雲吞多啲，但係呢度嘅雲吞都唔錯，唔好令我失望。雖然間鋪頭細細，坐落去麻麻哋舒服，但係呢個價錢，咁大碗，仲要咁好食，我覺得性價比一流。

💦💦💦🌞係呢d咁熱既天氣下真係唔想食飯，所以行左入正宗山西刀削麵食個涼麵🌪！（每次都準備食既時間先記得影相..）叫左個口水豬肚絲冷撈刀削麵😇大大份麵岩哂肚餓既我地，豬肚絲既份量都絕不姑寒！配料有一d花生、特色既肉醬、青瓜絲同肉碎。如果講成個麵，重點一定係一半好好味，另一半就係食到牙仔軟😹😆味道非常之開胃！好彩叫左口水味，唔算好辣但食落清涼、碎肉醬掛滿刀削麵，味道係可以滿分💯但但但係！佢既麵條實在太有口感，好有咬口但過左龍，肚餓又覺得好味時都食唔到快，要用好多時間慢慢咀嚼！🙈下次試試湯麵睇下會唔會無咀硬d麵。

麻辣味還好 ，白烚豬舌頭 、牛肚，無咩味 ，得個醬有味 ，每款小食同一個醬 ，唔伏 ，但有選擇下唔會食。豬大腸個味幾好，但太肥，而且唔太清潔，中間眾有內容物無清乾淨，但無豬臭味。牛肚 係真係ok。鍾意食淡味既人會覺得還可以。個湯刀削麵 ，份量大 男生都夠飽，麵質偏硬 ，個人覺得算係適中 ，但唔似係人手刀削 ，粗幼度 ，偏幼 。麻辣醬不是落落湯到 唔食辣 都食到 麻味唔夠香 湯底重味精 食完好口乾豆漿可以唔飲 豆水 唔係頭漿性價比唔高 同區有好多選擇總結要食正宗就返大陸食

依間刀削麵我成日食，即使佢開咗分店質素都保持得幾好。今日就同個朋友再嚟食，叫咗兩個麻辣刀削麵，啲餸就一齊share食。麻辣豬軟骨依個真係必食如果你第一次嚟，我每次都一定會食呢一個。有成三大件咁多，而且鹵得好入味，軟骨一咬就爛，肉質甜美。麻辣豬熏蹄呢個餸幾特別，爽口，不過就冇咩味，要夾埋啲辣椒蒜蓉一齊食先好味。啲餸嘅份量都好多，食晒成個面都唔驚冇送淨。跟餐嘅話就$52 ，送豆漿同熱飲。唔跟餐嘅話就$47 ，冇嘢飲送。

山西刀削麵係我學生時代好鐘意食嘅舖頭，記得當時學生餐廿蚊有好多碗仲送豆漿，超級抵食。畢業之後就冇咩機會黎呢頭食野，之後見佢裝修好似連餐牌都改埋。 距離上一次黎都有8,9年時間，入到黎發覺menu 改到同普通米線舖差唔多，只係變左做刀削麵，冇左學生時代嘅情懷，食唔番當時嘅味道，真係有啲失望。最後我叫左個兩餸刀削麵，牛腩炸醬刀削麵送豆漿。啲餸係普通米線舖水平，個麵都有咬口，煙韌，不過真係食完唔會有咩太大嘅印象留低。。。