正宗山西刀削麵皇

營業中

休息中

#hoijun平民篇觀塘最近新開左間手工刀削麵店🥳🥳作為麵控當然忍唔住去試一試🤤🤤-🌟雞絲口水汁撈刀削麵麵類款式及配搭麵好多花款，撈麵可分為冷撈或熱撈。小編呢款係冷撈，口味有麻醬、口水汁同麻辣汁。麵底仲可以轉拉麵或米線🍜作為重口味代表既小編會比較推薦撈麵多過湯麵，而且麵質好有咬口🥰🥰🌟麻辣雞絲刀削麵如果叫外賣的話湯底會令麵質變淋，口感相對無咁煙韌。～～～～～～～～～～～～～～～～～～～～～～～～📍正宗山西刀削麵皇 (觀塘)🕴🏻觀塘康寧道58號地下

今次係我第n次encore呢間山西刀削麵皇，咁都估到係幾咁好味先成日encore！外賣同堂食質素都一樣，好好味😋堂食有個好處就係可以係佢個開放式廚房到見到師傅係到削面，都算幾特別。今日我就叫左佢個口水雞冷撈刀削麵，佢既刀削麵好好咬口，個汁又夠味，間唔時仲有d青瓜絲中和下有d清新感覺咁。 媽媽就叫左個東坡肉熱湯刀削麵，個東坡肉好入味好軟熟，一夾就化開，食落甜甜地，真係唔錯，值得一試。

天氣慢慢轉涼，今日心血來潮好想食d 濃味野，想找點刺激感，越諗就越想食辣，同朋友商量後覺得食d 麻辣菜式就好了，就來了朋友公司附近的正宗山西刀削麵皇。豬肚口水拉麵 ~ 估唔到湯底可以選口水醬(口水汁+花生+芝麻) 配拉麵吸哂d 醬汁。三小碟 ~ 醉雞 + 溏心蛋 +海蜇 (六款選三) 醉雞d 酒味好濃郁又滑， 溏心蛋做得好好 ， 海蜇配青瓜絲好爽甜。麻辣雙拼 ~ 牛+大腸，本來 鹵水汁鹵得好入味，在面另加上大量蒜頭和麻辣醬 ，可要求麻辣加在旁邊。太豐富的一餐好滿足。

其實上網一打刀削麵就會出正宗山西刀削麵皇既荃灣分店，係非常出名，宜家觀塘都開左分店，反而方便左我，所以一於試下。佢個門口同荃灣店有少少唔同，所以搵既時候我都係記住綠綠地色既門面搵，咁就冇錯啦!佢既刀削麵有熱撈、冷撈同埋湯麵，款色好多，包保有野岩食。我地點左一個兩餸自選餐(魚腐、白菜豬肉雲吞) ($50) ，一個麻辣手撕雞刀削麵 ($53)，再加個生煎小籠包 ($30) 個魚腐好新鮮，雲吞皮簿餡多!刀削面少少厚身，煙煙韌韌，好有嚼頭。手撕雞好好食，青瓜絲同雞絲都切得幼細，非常入味，個麻辣汁雖然叫左少少辣，但食落都會麻到入喉嚨，非常刺激。店員都好細心，講左我地唔太好辣佢都話幫我地將D辣椒放一邊，自己鍾意撈幾多就幾多!生煎小籠包有6粒，的的骰骰，好趣緻，落埋黑芝麻更加香口。雖然有煎一定唔會爆汁，但D肉汁都有鎖到係肉入面，非常唔錯!飲品配左豆漿，都幾滑。呢間都多人等位，好多熟客會回頭食，而且仲會邊食邊同店員傾下計，係間幾親切既麵店!可能新開張，佢地仲做緊唔同既優惠

呢間餐廳一定係為刀削麵fans而設的！見到新開張，又多麻辣野，所以就入去一試啦🤭餐牌都幾多選擇，目測都有超過50幾款食品😮，都睇左一輪先落單首先就叫左一個自選麵(雲吞、牛𦟌) ($50)雲吞就一般，不過不失咁啦～但牛𦟌好爽，唔錯！不過重點都係個刀削麵，麵條夠煙韌、口感豐富，仲要超級大碗，性價比極高!! 其實一路等緊野食時，就已經見到有個大隻佬係度用刀削緊麵糰😂接著就叫左麻辣肥牛刀削麵 ($50)店主都幾貼心，我淨係話要最細既辣度，佢就幫我mark左辣放邊，所以上碟時係肥牛+辣醬放係旁邊，要幾多辣就自己放，同埋肥牛既份量多到傻左，完全食唔哂🤣 個肥牛唔算太肥，再配埋上面既蒜蓉粒，口感幾正👍三小碟 ($42)我地揀左海蜇、醉雞、溏心蛋，海蜇就加左D青瓜絲，當食到個口太辣時, 用佢黎清清都唔錯😂 醉雞唔算好重酒味，普遍人都可以接受；溏心蛋都好正🙌麻辣豬大腸 ($37)哇呢個我認為係最出色💓💓💓 鹵水味入哂，即使唔要麻辣都超好食！除左街邊檔，真係好少見到會咁入味，有種食完想再叫既感覺☺️紅油皮蛋 ($20)初時以為係譚仔個隻皮蛋，點知都幾有驚喜，勁多蒜粒，配埋皮蛋又幾襯喎😁整體黎講覺得刀削麵同豬

今日去觀塘特登去咗山西刀削麵皇試刀削麵，叫咗佢哋首創冷撈刀削麵，我揀咗口水醬同埋鴨腎，個麵撈埋啲青瓜絲，花生，真係好正，因為佢哋係即叫即削即整山西刀削麵，所以刀削麵煙韌度十足，同埋有彈牙感，另外叫咗麻辣牛肚，牛肚切到好幼細，點埋啲蒜頭碎麻辣醬食口感一流，另外叫咗煎小籠包，一咬落去肉汁鮮甜，係必食之選，仲有叫咗東坡肉菜飯，啲菜飯一啲都唔油，因為其他上海店食到嗰啲都有啲油撈埋，呢度就比較健康冇油，另外個東坡肉亦都好味，入口即溶化，如果鍾意食刀削麵又或者麵類嘅朋友，可以嚟呢度試下佢哋嗰個即叫即削刀削麵，我諗香港唔係有太多地方可以食到。

早前放工時見到康寧道開咗間刀削麵🍜，成日話搵日食，今日終於食到啦！門面雖然不大，但入到去都幾闊落，環境整潔，開放式廚房，可以近距離見到師傅啲「刀功」🔪，職員安排座位後又介紹有咩食，服務唔錯。講返食物先，有辣有唔辣，有湯麵、撈麵（冷撈/熱撈），有飯，有小食，麵館來說都叫選擇多。最後我叫咗五香牛𦟌湯刀削麵餐配熱豆漿及另點了生煎小籠包。五香牛𦟌肉好鬆化，味道香濃，刀削麵軟硬適中，不錯😋生煎小籠包即叫即整，熱辣辣，外層脆口，內裡肉汁又夠多，食的時候要小心，因為一來怕太熱，二來怕肉汁飛淺出來呢！這個下次來時必叫👍

講真想食碗粉好多人都會揀譚仔，不過食得多譚仔都有啲厭。咁啱見到隔離開咗間山西刀削麵咪去試下，坐低先發現佢原來係荃灣山西刀削麵嘅分店！正啦，唔使走到荃灣咁遠又唔使排隊就可以試試。即刻叫咗碗原味刀削麵加牛同大腸連一杯野飲都係$50，另外加多碟口水手撕雞。呢度環境比荃灣新淨光猛，座位都夠寬敞。睇住蒸氣騰騰的廚房，師傅人手即削刀削麵都幾有風味。麵條食落有質感，份量都幾多，牛唔韌，大腸仲整到好腍添，最怕食到好韌嘅大腸，個湯底都好正。至於個口水手撕雞辣度適中，伴麵一流。

康寧道呢條街其實都算多餐廳，只不過好多時候都做唔長，某幾個鋪位都易手左好多次🤭呢間餐廳既上一手都已經唔記得係乜野餐廳有一次坐車去官塘地鐵站見到咁搶眼既招牌先俾佢吸引左視線😯原來係山西刀削麵皇😮即刻上網睇下食評，呢間餐廳原來係荃灣有兩間分店，官塘係佢地第一間九龍分店可惜個次比較趕時間無試到，終於等到有機會黎光顧啦😀鋪面細小，大約有二十個位左右，職員全部都係後生仔，服務唔錯幾有禮貌👍餐廳除左堂食仲有做某APP外賣服務同埋都有好多街坊過黎買外賣，而堂食亦都已經坐滿哂睇黎餐廳都幾受歡迎喎~應該唔會中伏啦🤟🏻餐牌上有好多款唔同麵食既選擇撈麵有分冷撈同熱撈~湯麵有分麻辣同正常湯底仲有特色冷撈牛肉刀削麵同埋麻醬手撕雞冷撈刀削麵等等....刀削麵唔啱口味仲可以揀米線或者拉麵....真係千變萬化最後我地揀左麻辣刀削湯麵套餐同埋刀削湯麵套餐麻辣個款既餸就揀左豬軟骨+豬頸肉，另一個套餐就揀左溏心蛋+牛展等候期間偷望到廚房職員拎起一大舊粉糰即席刨製刀削麵，真係估唔到餐點好快黎到，都唔洗10分鐘份量比想像中多，有啲驚食唔哂添湯底應該係用牛肉餚製而成，入口清甜，調味唔會過咸，無味精既感覺麵條粗身厚薄剛好，質感帶煙

今日沒約朋友，獨自來到觀塘，apm的餐廳好多都吃過了。來到街外餐廳覓食，想找平時少吃的，於是踏進正宗山西刀削面皇。餐廳比想象設計新穎，不大，但整潔🈶序。點了雙拼刀削面蛋加牛肉，生菜和生煎包。熱豆漿到，刀削面，接著小煎包6個也伴隨生菜到。只需➕10塊就有菜吃，好便宜。喜歡它有溫度和不太甜的豆漿。刀削面質感不錯，🈶口感,唐心蛋好吸引，蛋白有點兒冷反而更能刺激味蕾感覺更鮮味，而牛肉比台灣面的牛肉更香呢。生煎包看似小籠包，外觀精緻，面皮點香，但咬下去肉質口感佳。至於生菜喜歡它有麻油香，有驚喜，菜夠新鮮。整體來說，食物質素不錯，環境舒適，欣賞餐廳open kitchen,比食客信心增值想法：刀削面算是市面上少的餐廳，期待未來有其他口味的刀削面，如菠菜刀削面/果味/茶味,/抹茶味，增加其他飲品種類

Since this restaurant has opened a new chain in kwun tong which is a lot closer to us, we’re finally able to give it a try! This new shop is filled with people, the interior was I’s bright and spacious. The staffs were also really friendly and recommended a few popular dishes for us. We decided to order a few side dishes and one noodle to share. everything looks so good that we cannot decide what to have. At the end, we picked the ones she recommended which was the marinated pork meat, drunken c

朋友約我在觀塘幫佢做嘢，做完他就請我去食刀削麵，刀削麵我比較少食，所以就答應去食新開既正中山西刀削麵皇(觀塘分店)， 他說如果無飯開就去幫襯，因不太貴又好味，而且侍應又有禮貌。我們叫左：刀削湯麵套餐雙拼$50單拼$47。有人請當然叫雙拼啦…選擇左：五香牛展拼紅燒豬手刀削麵，可轉拉麵或米線，牛展好腍身又有口感，紅燒豬手非常腍又入味，刀削麵滑滑地仲好煙韌，食時覺得爽口不會黐牙，直得一讚。豬軟骨刀削麵$45，豬軟骨是分開上，都有好多件，每件都有2至4條軟骨，不同出面有一些食店豬軟骨無軟骨只是豬肉，這間(正中山西刀削麵)名副其實件件都有軟骨，如果喜歡食軟骨的朋友仔不妨一試。生煎小龍包$30有(6隻)，細細隻裏面有好多汁瀑出來，肉質嫰滑，皮薄煎到脆口，味道剛好不太鹹，可以一口食一個。涼拌萵筍$15，清清地味道淡口，但十分爽口，作伴菜食相當唔錯。套餐可免費冷、熱豆漿1杯。豆漿有豆味甜道適中，食過這餐以後我喜歡上刀削麵，因麵質唔錯。😋😋🤤🤤+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

通常下去觀塘都會首選試下一些刀削麵。因爲我同媽咪都鍾意食辣,尤其是鍾意食豬耳仔或者辣椒同埋蒜蓉。成個感覺好親切。每次食親都會叫麻辣，畀多一種好特別嘅感覺。尤其是佢哋手撕雞真係唔錯。加上媽咪叫左麻辣豬頸肉湯刀削麵，兩者都同樣非常好食。值得一提佢哋嘅面底非常有咬口，唔會太厚或者太薄。可以做到色香味俱全。幾十文就可以飽肚。加上佢哋度凍檸茶或者豆漿簡直就係v good!親切嘅笑容配上非常之好嘅服務太多, i.like it😊

最近觀塘開咗間新嘅刀削麵，喜歡食刀削麵嘅我，當然要試下啦！店鋪裝修清新，青綠系令人覺得舒服。麻醬手撕雞冷撈刀削麵🐤：平時食得多湯嘅刀削麵，比較少有冷撈，即刻叫咗呢個。呢個刀削麵賣相也不錯，陣陣的麻醬香味，中間橙色是類似小辣的豆瓣醬，撈完之後混合味是好清新的味道。刀削麵也是煙韌的，配上青瓜絲及雞肉絲，完全有下火的感覺，加上分量十足，食到舔舔脷😋白菜豬肉雲吞刀削麵🐷：當飲個湯底嘅時候，發覺湯底既味似曾相識，追問老闆之下，原來呢間刀削麵就係荃灣的分店，雙眼即刻發光，因為10分喜歡食荃灣嗰間，講返個湯底非常易入口味道又濃郁，甜甜的又不會太乾喉，而且啲菜肉雲吞是自家製的，食得出不是很行貨，菜肉雲吞皮也不會太厚。生煎小籠包：小籠包也是自家製的，即叫即煎，我一口一個，不過要小心咬開，因為一樣中間鎖住肉汁，味道也是不錯的。-俾啲餐牌大家睇吓：

最近觀塘開咗間新嘅刀削麵，喜歡食刀削麵嘅我，當然要試下啦！即刻帶媽媽去試，入到店舖，裝修清新，青綠系令人覺得舒服。望望餐牌，除了湯麵套餐，更有熱撈和冷撈，而喜歡食辣的朋友可以選擇麻辣系，而且仲有不同的特色小食！麻醬手撕雞冷撈刀削麵🐤：平時食得多湯嘅刀削麵，比較少有冷撈，即刻叫咗呢個。呢個刀削麵賣相也不錯，陣陣的麻醬香味，中間橙色是類似小辣的豆瓣醬，撈完之後混合味是好清新的味道。刀削麵也是煙韌的，配上青瓜絲及雞肉絲，完全有下火的感覺，加上分量十足，食到舔舔脷😋-白菜豬肉雲吞刀削麵🐷：當飲個湯底嘅時候，發覺湯底既味似曾相識，追問老闆之下，原來呢間刀削麵就係荃灣的分店，雙眼即刻發光，因為10分喜歡食荃灣嗰間，講返個湯底非常易入口味道又濃郁，甜甜的又不會太乾喉，而且啲菜肉雲吞是自家製的，食得出不是很行貨，菜肉雲吞皮也不會太厚。-生煎小籠包：小籠包也是自家製的，即叫即煎，我一口一個，不過要小心咬開，因為一樣中間鎖住肉汁，味道也是不錯的。-無論午餐定下午茶，刀削麵總是簡單快捷的選擇，而且食材新鮮自家製，食過一定返尋味！