正宗文記小食車仔麵

營業中

休息中

正宗文記小食 @ 觀塘要食飽先有氣力做gym...所以啱啱食完碗腩粗係唔夠的😝😝。牛腩麵檔對面見到有間叫正宗文記🤔🤔(好多叫文記都做車仔麵)... 八掛行去望下…點知見到有陳皮魚蛋😋😋…咁就叫多碗麵食下。點左陳皮魚蛋, 雞翼, 水魷同腩肉。陳皮魚蛋幾實淨好似有鯪魚同陳皮味, 仲有有童年回憶🙂…雞翼同腩肉味道都可以既…不過可能冇汁浸住就乾左D, 水魷個汁都幾好味。(其實食水魷鬚真係又愛又恨, 成Q日彈到成身都係汁…大家有冇好方法先？)🔅諗緊其實同深水埗文記有冇關系？🤔🤔。尤其見到文記再加正宗…🔅不過冇得坐室內…要坐街😅😅

收工肚餓就黎呢度買返串魚蛋燒賣食。陳皮魚蛋～🤪雖然佢細細粒，但食落真係有d料到🤤真係有陣味。而且啲燒賣食落都唔會好似蒸咗好耐咁淋bat bat。個口感比普通街邊小食好🤔

做完運動之後，好像經常都有點肚餓，又或是肚子有點兒空位😏，總會想到體育館附近的食肆去看看，看看有沒有什麼特色小食，這一次來到觀塘，就行上去附近的車仔麵吧。其實做完運動經已炎熱，然之後還要在街邊吃熱湯車仔麵，實在是能人所不能，挑戰耐熱的能耐。但想不到，這兒車仔麵其實非常不錯。油麵不算太大個，但是極之Q彈，彈牙爽口，吸湯能力不錯，湯底加了辣，在街邊吃汗流浹背非常有趣腩肉的味道也不錯，應該說是非常好。因為腩肉又彈牙，脂肪不太多，不算太肥膩，瘦肉部份亦都很鬆身，不會吃到門口痴牙。魚蛋也挺出色，彈牙，而不是平時想吃的那種有骨魚蛋（內裏好像有一種死魚味道），友人指這叫陳皮魚蛋。面頭有坑紋，特別香。此外，還有魷魚，我一向不太懂得欣賞魷魚這種食品。雖然只是坐在路邊的車仔麵攤檔，但是路邊環境不算骯髒，這晚也不算是之前酷熱天氣警告那麼翳熱，有一兩陣風，環境還可以。而且，阿姐服務態度友善，親切，比起去食五、＄60的一碗車仔麵，這兒值得一試

晚餐食得太少，好快又肚餓。所以行過食個車仔麵先。舖內還有其他港式小食食既，有魚旦、燒賣、腸粉等，但多數人都是食車仔麵多。舖內沒有坐位，只可坐在門外食。好彩今日天氣唔算熱，如果夏天就要辛苦少少先食到。叫了咖喱魷魚（聽聞依間咖喱魷魚幾出名）、蘿蔔、冬菇及麵底要油麵。魷魚咖喱十足彈牙有口感，冬菇幾厚及入味，蘿蔔幾清甜沒有根，油麵吸收所有餸的汁味道濃郁，本人十分喜歡。蔥芹可以自己自由添加，加了賣相更靚，食落更香。

睇住佢由開張到宜家 因為住觀塘既關係 幾乎幾日就食一次 (小食同車仔麵都有)本來唔用openrice 今次特登開acc黎寫食評食物方面 (特別推薦冬菇同魷魚)佢既冬菇係我次次去都要食 (當車仔麵一餸都有成4-5蕭) 當車仔麵餸或單叫都得! 佢既冬菇係食過咁多間最好味 用上環買既冬菇 好大舊俺得好入味 其他鋪頭既冬菇可能都係細舊同食到仲係硬但文記係好冧好入味 你會想食多幾舊!!!魷魚都係好推薦!!!凍食熱食都好正魷魚好彈牙 好爽口 牛腩汁都正!! 

呢個又係經過無數次都無嘗試過嘅一間，今日食飯前想去篤串魚蛋，去到見到佢盤魷魚有啲感興，見到隔離櫃有一盒盒入好嘅，大盒嘅賣45蚊，細盒嘅賣30蚊，對我嚟講真係有啲太多，細問阿姐原來都有12蚊嘅版本喎，但係佢兇我話只得寥寥數條，唔緊要啦，反正我一陣都要食飯。就係驚佢太過寥寥所以加多條腸仔喺面，點知食落個重點完全係喺個魷魚度，一入口係帶少少甜味，嗰個辣嘅後勁係去到好後期先會爆發出嚟，一爆發咗出嚟之後，你又會好想再食多一條去搵番嗰個甜味，就係咁一條接一條食過唔停，食完仲唔理一陣間要食飯嘅包袱，再嗌多12蚊。

由細食到佢大 自從佢舊鋪執左都唔知佢地有無搬左去邊後 一直想搵返 終於過年前上網問到人 知道佢地搬左去邊 今日特登走過來回味下 3餸一麵28 豬紅豬皮豬腸幼麵 叫啊哥仔加左好多辣醬!!!同以前一樣陣味真係正到暈!!!D餸同以前一樣好食!!!重點係佢地既自制辣醬 夠香夠辣又少少咸咸地 惹味到暈!!!食到標哂汗同鼻水!!!本來好想叫多幾個餸慢慢嘆 不過真係來到先知 而家佢地鋪細左好多得返外賣 無堂食啦.....唯有企系街食拿拿聲食完...呢樣真係可惜...大夏天既話真係想食都唔知點食...如果佢地D辣醬有得一樽樽咁買就正喇 打邊爐好 自己食麵好 真係一流

天寒地凍行過呢間小食店忍唔住要買d 魚蛋燒賣食, 呢間小店都幾多人幫襯, 除左魚蛋燒賣仲有車仔面賣~Vi就買左$12魚蛋燒賣, 各有6粒, 全部都好熱辣辣, 魚蛋係用鯪魚做, 偏細粒, 唔係太彈牙但有鯪魚味~ 而燒賣係魚肉燒賣, 好彈牙幾好食, $12一碗算抵食, 食完暖粒粒