正宗文記小食車仔麵

營業中

休息中

正宗文記小食車仔麵之前食過呢間車仔麵，今次試下食燒賣同腸粉，老闆娘好吹得，問我有無野想加，我話加多d芝麻得唔得，佢就落咗一匙羹芝麻比我！🤣🤣👍1.燒賣$10（10/10）10蚊有6粒，有魚味，夠煙韌唔粉！2.腸粉$12（10/10）12蚊有4條腸粉，腸粉又薄又滑，加咗好多好香嘅芝麻、甜醬同辣醬好好食！2人總共價錢$22個人口味總評分：10/10地址：牛頭角馬蹄徑1號寶恩大廈地下5號舖#正宗文記小食車仔麵 #牛頭角 #牛頭角好去處 #燒賣 #腸粉 #掃街 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

街邊檔既車仔麵，望落算衛生，老闆好健談，好好人。舖頭沒有室內位置，舖頭外附近位置有幾張摺檯，客人如要堂食，可以在此享用。《$49 4餸車仔麵》⭐️⭐️⭐️4餸 - 豬紅，生菜，牛丸，鴨胸 配 幼薯粉湯底選了牛腩汁，味道不是太濃郁，但飲完唔會太口渴，不過不失。豬紅比得幾多，洗得乾淨，沒有腥味，生菜爽口，幼薯粉相當滑身，份量亦足。牛丸鴨胸則是普通街市急凍品，沒有特別。4餸 - 牛肚，牛腩，漢堡扒，芝士腸 配 米粉湯底同樣選了牛腩汁，少辣，湯底唔確喉，但唔算濃郁。牛腩炆得好淋，好入味，值得一讚，其他配料都是普通沒有特別。《$18 沙嗲汁牛柏葉》⭐️⭐️⭐️一塊牛柏葉剪成3份，盡量同街邊食串燒牛柏葉差唔多，沙嗲汁幾香，顏色似溝左好多花生醬，小食來說算不錯，如果份量可以再多點就更好。《$30 秘製辣魷魚》⭐️⭐️⭐️⭐️聽老闆極力推介魷魚，話係品牌魷魚，就叫黎試下。辣度大約等於麥記脆香雞翼，唔算好辣，但聞落好香，好入味。魷魚食落仍然爽口彈牙，值得一推。

今日發現熊貓外賣有promotion，就買左一大堆小食到屋企食，發現又抵又好味，真系好正！！花雕系列酒味OK，夠入味，芥末墨魚頭簡直超好味！一定會翻兜！今晚晚餐都食左四餸麵都好OK～

經過想食車仔麵，見到格局四正，似返從前街邊車仔檔既風味，於是便叫了四餸，臨走見到條腸仔好似幾好食，便叫多條，殊不知“一條腸”收一個餸錢，會否賺得太盡？簡直良心小食！味道也一般，有緣再見，Bye！

正宗文記小食車仔麵依家日日去牛頭角針灸，針灸前一定唔可以餓，由於早餐食得太少關係，於是就走去附近搵食，見到呢間小店有人龍就去試下！1.三餸油麵$40（8/10）我揀咗雞下肶、紅腸同腩肉。份量真係好多，最估唔到可以揀雞下肶，紅腸都有大約4舊，腩肉大約有5舊，仲可以加辣菜脯、多蔥同辣汁，食完完全唔口渴，真係無味精！👍👍👍2.三餸米粉$40（8/10）工人姐姐就揀咗雞下肶、溏心滷蛋同蟹子丸。個人口味總評分：8/10地址：牛頭角馬蹄徑1號寶恩大廈地下5號舖#車仔麵 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

叫左碗外賣三餸車仔麵。餸叫左蘿蔔,豆苗,牛筋。牛筋有2嚿仔 ，撩左一陣揾到，一撩出嚟嚇死…啲毛重多過我啲腳毛。郁一郁佢，而家成碗湯都有啲毛游下游下。非常不安😶‍🌫️

第一次叫外賣嘅時候 覺得個車仔麵幾好食 已經食咗好多次 一次比一次差 唔知係咪唔優做所以做唔好外賣😹呢一間車仔麵 佢加咗底先係等於平時其他車仔麵一個面😹呢間一個面點都唔會夠食 要另外加底先夠食不過唔緊要我覺得你好食 貴少少冇所謂 仲有菜寶同埋辣醬附送 整體上我都好滿意點知慢慢呢 個車仔麵又比漏餸我 個湯又冇味 又冇俾菜寶同辣醬 打過去諗住同佢反映下 係冇一次聽另外每次我都標注左要甜醬 佢都係冇俾我 😅😅忍咗好多次 打俾佢地係冇一次聽㗎！！

有日咁啱喺觀塘行返屋企嗰陣，見到呢一間車仔麵。當時我又有啲肚餓就嗌左碗車仔麵同埋醉雕雞翼食。٩(ˊᗜˋ*)و我就嗌咗螺肉、蘿蔔、陳皮魚蛋、辣魷魚同米粉。呢一間嘅蘿蔔非常甜，仲要冇渣(≧ω≦)！啲螺肉、陳皮魚蛋同辣魷魚都幾好食，份量都仲要唔少。反而米粉嘅份量就有啲少(´•ω•̥`)，所以就咁食一碗車仔麵就其實唔係好夠飽。而佢嘅醉雕雞翼就正正常常，普通嘅醉雕雞翼。不過佢啲肉就好似有啲雪到硬咗咁樣(._.)，但都入味嘅。呢間嘅車仔麵我覺得可以再食(〃▽〃)，但醉雕雞翼就唔會再食喇。|ω･`)

一向成日食佢，因為佢個糖心蛋同冬菇好好食。平時多數夜晚買，通常夜晚見到個兩個哥哥職員都好有禮貌好好人。由於我個人食嘢比較濃味，所以一向叫車仔麵/雲吞麵都會叫佢哋多腩汁。今日放早咗諗住買車仔麵做lunch，買時係日頭嚟，個短髮阿姐當值，照常叫多腩汁，佢無理我，我就同佢講「唔好意思我食得濃味少少，可唔可以加多少少腩汁俾我？」點知佢不單止唔肯俾，同我講唔得呀，仲話「人哋買個盆菜都得果嗰少少腩汁，你買個咁嘅咁平嘅車仔麵你想要幾多腩汁？嘩你買少少野要求多多～」態度超級惡劣。最後佢連要唔要辣都無問我就包起個麵，我當時係愕然多過燥，冇諗過咁小事無啦啦都要俾人用惡劣態度對待，唯有應返佢一句：「我叫你俾多啲腩汁咋喎，唔係叫你俾多啲雞翼我喎😅」走之前，佢重要細細聲講咩公司規定，我買咗咁多次從來都無試過發生呢件事，如果有規定，公司規定你最多俾幾多cc腩汁個客呀？有規定係咪要用量杯度呀，規定呀嘛～

尋日去買車仔麵，因為冇得堂食，所以就要侷住買外賣。咁因為屋企唔喺附近，又驚啲米粉索曬湯，所以就問店員湯有冇得分開裝。佢話有但要加$1，我就話Ok咁我分開裝。之後我叫咗魷魚、冬菇同雞翼尖，因為我見佢冇夾魷魚俾我，我以為自己冇講，就問咗店員一句：「我頭先有冇叫魷魚呀？」。點知店員用勁串嘅態度講咗句：「我點知你呀！」之後喺佢夾餸同整麵底嘅時候，我就搵銀包諗住拎錢，點知拎拎聽到佢話：「哎呀，加咗湯添，你做乜嘢唔提我？」我心諗，我一開始已經講咗，同埋我拎緊銀包根本見唔到你，點解講到好似係我問題？？？？？？雖然佢啲魷魚同冬菇都好入味，特別係魷魚真係整得好好味，而湯底都鮮甜、辣醬亦夠辣，但係咁嘅服務態度真係唔多掂。希望可以改善下。

黎牛頭角CMHK交費經過馬蹄經見到有醉食品賣就買左隻醉蛋$10+盒醉腎$22嚟試味行左去裕民中心隔離公園仔就開嚟試先講粒蛋入口超重酒味重到揦口揦脷唔係全熟咬落軟滑但係完全無鹹味/甜味為有忍痛吞左距好在個袋有支烏龍茶 啷一啷口吐返啖茶出嚟回一回氣再試盒腎打打開個盒蓋果陣酒味同粒蛋既一樣陣酒味超濃用竹簽吉舊入口同蛋一樣揦口揦脷都係除酒味外完全無其他味道🚁鬼叫自己為食果32蚊當買個教瞓唔知個辣魷魚有無退步呢🤔都係等其他食家報告

有時要ＯＴ收工夜一夜，我就會返到屋企樓下依間文記，食碗車仔麵當晚餐醫肚。今晚又來幫襯，文記開到夜晚一點，所以我好淡定收夜仲有得食。此店內沒有提供坐位，夜晚會放置幾張摺枱摺櫈在店外方便食客。但唔慣坐街食的我，通常外賣自取返屋企食比較舒適。今晚揀了一麵三餸車仔麵($37)，再加多一餸辣魷魚(+$9)。眼見冷櫃放有盒裝辣魷魚，大盒$52小盒都要$37，見賣得咁矜貴所以今次順便加幾蚊點來食下。麵湯呈深色味濃且帶甜味，粗麵質爽嚼勁十足無鹼水味。辣魷魚俾左4條小魷魚鬚咋，食落都幾辣浸響湯令麵湯都有點辣，魷魚鬚都好入味好滑且爽口，味道不錯。雞翼有兩隻都算大隻感覺抵番，雞肉軟身入味，豬紅滑無腥味夠大粒，冬菇好軟身好味，但冬菇砌得比年前薄身好多，好失望食唔返厚肉的感覺。整體而言，係一間味道不錯的車仔麵檔，閒來幫襯下亦無妨。

之前堂食都唔覺有題，今日外賣淨餸，2份蘿蔔1份豬皮，再加多一份魷魚，魷魚一份收我$15，返到屋企，撈到碗底都係得 4嚿仔魷魚? 加埋半串都無喎，條數點計? 會唔會有啲過份咗呀？

之前有一晚路過呢間小食店見到有個雪櫃擺咗一盒盒嘅咖喱魷魚，好奇心驅使之下去幫襯咗，結果一試難忘！之後每次來到觀塘，我都特意繞路來到呢度買盒咖喱魷魚來食。今日中午再次路過，午飯都未食，就已經掛住盒魷魚。可能因為正值係午饍時間，我一來到見到間舖主要做緊外賣車仔麵生意，未見另外有雪櫃係賣咖喱魷魚，又唔見menu有。我硬住頭皮問有冇咖喱魷魚，好彩店員話有！之後店員喺汽水雪櫃底嘅深處掏出一盒咖喱魷魚。雖然我叫咗份細盒($27)的，但份量都足夠一至兩個人食了。我最深刻係佢個醬汁，夠辣，少少嗆喉，惹味，另外呢個魷魚係凍食的，土魷好滑冇筋，冇乜鹼水味，我相信係用醬汁放入雪櫃醃咗一段時間先會咁入味。唔知係咪出水，我略嫌個汁稀咗啲，如果可以稠返啲同掛汁啲就perfect了。雖然佢個名叫「秘製辣魷魚」，但我覺得佢好食過好多出名嘅車仔麵店嘅「玻璃魷魚」好多！😋我食過咁多間車仔麵，呢間嘅「玻璃魷魚」係我暫時食過咁多間之中最好食的！

牛頭角近小巴站 有一檔平時都幾多人幫襯嘅小食店 叫正宗文記小食😍😍😍香港街頭小食 例如魚蛋燒賣牛柏葉等等，佢都有得食！掃街一定要食燒賣同魚蛋呢兩樣簡直係香港街頭美食代表 ！陳皮魚蛋真係有陳皮味，而且仲好彈牙😍😍🥰😍😍燒賣同平時買嘅魚肉燒賣唔同，佢係成粒都係黃色，一啲都唔厚粉！好好食！