正宗澳門豬骨煲 (已結業)

第一次小學同學聚會揀左依度開餐訂左12人位比左間房我地坐雖然最後得9個人到不過都冇趕我地走或收附加費值得欣賞不過一入到都幾驚嚇唔知係咪個冷氣機有問題我個位周圍都係d黑色粒粒d碗碟都一樣中左招只好換左佢而當我拿起一張點茶紙既時候更見到大大個腳印而且仲有好多黑色粒粒明顯係比人踩完再擺返上枱實在有點恐怖食物方面ok個豬骨湯唔係想像中咁好味湯本身好淡只係有d黑椒味不過起碼煲乾水既時候係加湯而唔係加水所以都keep到有味材料方面芝士丸同蟹子丸好正手切牛肉都好好味好軟滑其他野都係不錯的真係飲品唔係任飲係一大可惜之處如果唔係一定會好旺場

同學聚會食飯，有fd介紹上呢間，開頭都無idea間野係邊，所以最好先查查地圖至上去！上到去地方裝修都OK丫，坐得舒服lor~ 最正對住個大電視，仲播緊奧運，幾好氣氛好啦，講番野食先，個豬骨湯底清清地，幾甜美；其實唔係有骨氣o個款濃湯，個人認為呢度恰到好處，又唔會搶曬食物gei鮮味。$78 既任食，落單紙上的食物雖然好似好普通，但質素一D都ng普通。最正莫過於"芝心包"，D芝士好似流沙包D流沙，又香又滑；平凡的芝士腸，這裡是會爆芝士的；蟹柳是扁身的那款北海道蟹柳，特別好食。肥牛、滑牛都正！不能盡錄！唯一無甘好就係野飲唔係任飲，叫枝裝汽水＄５　支啦！

朋友介紹呢間幾好食,招呼好。尋日終於一試,果然一d都無失望!侍應態度好好,令我同d朋友都讚不絕口!我地一行7人,點左個大豬骨煲,啖湯好鬼好味,不過唔食得辣的朋友可能會覺得辣左d。我地當晚叫左超多野食,樣樣都好味,當中,此店的鮮芝士牛肉'圓',雪花肥牛,'9'菜餃,墨魚滑都好值得推介!不過鮮冬菇就唔得啦,仲細隻過哂乾左0既冬菇。整體0黎講,佢服務好好(走個時個經理仲同我地'gum'埋電梯tim!),環境唔會覺得逼,味道都好!所以下次一定會再食過~

和心肝渡過的情人節,又有什麼比打邊爐更浪漫呢?上次全男班看足球飲啤酒,今日和女友又是另一番滋味.豬骨一向是港女大敵,相信無人會反對吧!看見白雪雪的湯底,大喜,胡椒味勁!!!女友卻話牛肉肥, 咁話明肥牛又點會瘦呢... 但份量太少,羊肉則好好多,合理;油炸鬼墨魚夠熱又脆,正;脆肉鯇有骨,但都幾新鮮丸類一般,叫了回四寶丸及芝士牛肉丸,芝士夠彈牙但無味,可能是豬骨味蓋\過芝士味吧.豬骨有塊小豬皮連豬毛...不理了,反正要吸收骨膠元!狂喝零可樂,兩人喝了五支,可能湯咸? 但正呀...服務很好,值得一讚

好凍我地擇左打邊爐不過度度都好多人排隊經過此地就上去試一試喇服務態度好好,,好有禮貌D食物都ok好味羊肉正呀仲有甜品送

聽朋友介紹這裏的牛肉頗好及抵食，所以昨晚大約七時與老公去試。這裏有幾款牛肉可供選擇：- 本地手切肥牛- 霜降牛肉(知產地)- 美國肥牛- 新鮮牛肉片- ...我們當然想試本地手切肥牛，不過侍應說今天不靚(想必實情是"因風雪關係，沒有牛隻到港")，不如選擇霜降牛肉，我們也只好試試(價錢平$10)。牛肉的產地不知道，侍應說要問師傅，不過最後沒有答案。牛肉的賣相及質地不錯，可惜對我們這些牛肉「專家」來說卻沒甚味道。希望下次可以嘗試本地手切肥牛。這餐廳顧名思義最出名是豬骨煲，所以我們選了細煲作湯底。豬骨煲材料頗豐富，有豬骨，粟米，及蘿蔔，所以其實你可以點少一兩個配料。我們另外要了新鮮蝦丸，魚皮餃，竹筒墨魚滑，及唐生菜；再加兩支大啤，埋單$500左右，以食物質素及環境可以接受。這裏的侍應對客人態度很好，有問有答，而且東西很快，不過略為主動性不足，當然也不能要求太高了。最後我給環境及乾淨各3分，因為餐廳的廁所水壞了，要自己倒水廁，希望下次有改善吧！

早排比賽完左, 同5個老友興祝，亂打亂撞就黎左呢間, 入到去等左陣就有位啦, 野飲好似係話任飲...比我地飲晒d cream sode.... 駝鳥肉好滑好好味, 本地手切肥牛都唔錯，其他的都不過不失, 但係d staff成日都聽唔到我地叫佢，要叫幾次先有反應... 但係就服務態度幾好... 但係成日落左order... 由於本人係三文魚迷黎既, 咁又點會唔叫三文魚剌生呀...叫左個大既三文魚剌生, 但係黎左章紅魚, 叫佢換返, 點知黎左個細既, 不過剌生有雪, 超唔好食, 好彩佢落錯order, 座左好耐都冇趕我地走, 老闆娘又超好人, 都算不錯了!

前手火鍋城, 伙計望落去都有D熟口熟面. 前手任食, 轉手後就主打豬骨煲. 裝修都幾整理闊落, 是晚藍妹推廣, 人未齊, 叫住支飲住等.豬骨煲- 豬骨小肉連筋位, 有咬口之餘食落仲幾有骨膠感, 配料有粟米, 白蘿蔔, 大蒜, 馬蹄等, 湯底有好重胡椒味, 好香好鮮甜雪花肥牛- 雪花紋唔算多, 不過食落都幾軟腍同無渣粉腸- 唔苦無異味仲帶爽口桂花蚌- 好新鮮生蠔- 唔大隻, 但蠔身算飽滿蔬菜拼盤- 菇類好新鮮鱔片- 爽口鮮甜黑牛栢葉- 好韌菠菜麵- 份量多, 但唔好食三交魚拼象拔蚌- 試了象拔蚌, 幾新鮮爽口椒鹽豆腐- 炸得外脆內滑, 不過嫌椒鹽味唔夠在此多謝朋友們

I tried their Tsuen Wan main branch before which the taste was very good.....lots of pork bones. Better than 有骨氣in term of taste.