正牌沙田雞粥 (已結業)

上年八月食過一次9人共聚嘅生日飯，叫十個餸有八個都係伏，係除咗碗粥，感覺係除咗個雞粥，其他食物都等於係「差」的級別。今日氣溫得5度，2個人都係揀食粥同埋避開大部分好伏嘅嘢食，加多兩個餸：一個係椒鹽鮮魷、一個係八珍豆腐煲椒鹽鮮魷：差差差，粉多過魷魚，份量極少八珍豆腐煲：不過不失，普通雞粥：上枱時好靚仔，擺一陣變水（粥底唔靚）我諗我係最後一次嚟呢度了🥱

之前都有嚟食過佢個雞粥都唔錯，今次同屋企人嚟食飯，入面嘅staff好熱心咁推介我哋食個鮑魚雞煲，都係一般雞煲有嘅味道啦，都有火喉味，鮑魚就un左小小，不過不失啦。但係去收銀比錢嗰陣，兩個女員工掛住傾計，我企咗係到，完全冇收錢嘅意欲，我問佢哋係傾計定收錢架？佢兩個就你一句我一句係咁鬧我，話部機未ready喎？？？就算係你都可以同我講等一等，當時我係要等佢哋傾完計先理我咁。食餐飯都要受氣，以後唔會再嚟呢間❌❌❌

馳名沙田雞粥（$35一大碗）⭐️⭐️⭐️⭐️⭐️無意中找到了沙田雞粥， 來一個簡單的晚餐。每人來了一碗，超級大碗的雞粥濃稠軟糯配以蔥花和其他調味料，口感柔軟綿密入口順滑，米粒軟糯，雞肉煮得入味雞肉嫩滑，味道清新！紅燒乳鴿$80⭐️⭐️⭐️⭐️再來乳鴿火候很足，上菜很熱又不會過老，乳鴿的肉質鮮甜柔身，肉質柔軟入口即化還有乳鴿油油脂滴落嚟好香，可是價錢有點貴$80一隻！富貴黃金蝦球$105⭐️⭐️⭐️⭐️全晚唯一一道炸物蝦球，蝦球炸到表面金黃酥脆，香脆口感外脆內軟蝦肉彈牙，味道都好鮮嫩香脆口讓人食指大動。小炒王$105⭐️⭐️⭐️⭐️小貴小炒王口味偏淡，有韭菜，好多腰果，海鮮同菇類，味道鮮甜，保持原汁原味，如果加有少少辣更好。南乳齋煲$85⭐️⭐️⭐️⭐️⭐️南乳湯汁濃郁鮮美，打咗芡汁口感醇厚，南乳的香味和豆腐的滑嫩口感非常搭配，加上蘑菇和茄子軟林林吸了南乳汁，不會很鹹，很下飯！最後，我們喝了兩支啤酒 hoegarrden $40支好便宜！服務也很不錯，店員會主動介紹必點食品！簡簡單單又一餐！

我們一行8人（其中一位長者），因為睇到電話某節目介紹，好想食乳鴿，於是訂好位食晚飯。當天氣温30多度，非常炎熱。有一位及長者先到，舖頭冷氣温度係凍到「雪房」，每位入到去客人都話好凍。我朋友詢問服務員可否調一下冷氣，實在太太太凍，然後男服務員去收銀問疑似老闆娘，再回來告訴我朋友，可以關或開冷氣，但不能調，我朋友二話不說「關這部冷氣」，不過服務員又反口話吾可以關喎，仲叫我朋友如果覺得凍先叫住「雞粥」食，會感覺暖啲。朋友已氣得不得了，等到我地其他人到左，我地真係蠢左，應該即是離開，仍然處於「雪房」情況下快快食埋走，服務員覆完單，但最後又落漏個雞粥，然後又再等雞粥。補充，洗手間要攞匙去，衛生程度非常差，不要去。要去就去對面商埸洗手間。大家可想而知，所有餸菜好快凍，因為冷氣無比冷。我哋離開後，立即就話以後吾會再去。

呢間餐廳嘅雞粥真係份量足，味道都好好，濃濃嘅雞味真係令人回味無窮，一定要試下嚟呢度食！不過炒麵稍稍遲上枱，而且溫度有啲唔夠，不過味道唔錯，份量亦都十分大，值得一試。排骨肉鮮嫩多汁，口感真係好好，味道都好恰到好處，只要切細少少就適合女士食用。炒蟶子味道更勝一籌，如果加少少辣味就更加香口，值得一試。另外，雖然聖子尺寸較少，但係份量真係好夠，味道都好新鮮，只係有少少沙，不過呢個問題都係好難避免嘅。總括而言，呢間餐廳嘅菜式都有佢哋嘅特色同埋好味，值得一試。

今日喺同事口中得知，原來以前沙田好出名嘅沙田雞粥，喺西環嗰度重新開店。知道呢個消息之後，決定今晚試一試，回憶一下當年嘅味道。新店比以前嘅舖頭門面大好多，而且乾淨企理。小菜嘅選擇亦都比以前多咗。 今晚我哋叫咗一窩雞粥，加$40可以轉雞脾。 小菜我哋叫咗椒絲腐乳炒通菜，紅燒乳鴿，花雕浸乳鴿，椒鹽魷魚同豉油王炒麵。 雞粥好綿，雞髀肉好滑，食得翻有當年嘅水準。 紅燒乳鴿新鮮炸，香脆多汁。花雕浸乳鴿比想像中香滑，花雕酒味好出。椒鹽魷魚炸粉好薄，完全唔會靭，食得出啲魷魚好新鮮。 豉油王炒麵炒得好乾身，一啲都唔油。 每樣食物都好有水準，服務員嘅態度好殷勤有禮，主動推介時令嘅食物，大家都食得好滿足。

其實之前已經叫外賣兩三次，每次都有驚喜，第一次外賣平台返到屋企發覺少咗一碗粥，又要再揸車去過，相隔數月，第二次外賣，半小時前打電話柯打，半小時後去到，再要等候35-40分鐘左右才起貨，今晚係第三次，半小時前柯打，去到竟然話冇我張單，收銀員態度超差，問：咁你而家落唔落㗎？一個又話廚房出緊，要等，成間餐廳一啲系統都冇，再等一陣收銀竟然叫我自己問廚房有冇單，態度好似係我食霸王餐，明白啦，佢哋員工完全冇溝通。十分趕客。一定冇下次

一開頭用電話落單 去到發現冇落到 問極都話冇聽過電話落單 之後話汁緊出黎 等左幾分鐘再問下又話原來冇落 仲問你衣加係咪要呀 幫你落返囉 到最後比現金又吾想收甘 店員態度十分惡劣 吾會再去幫襯

以往通常要去到山旮旯先食到大排檔美食，難得市區開咗一間當然第一時間幫襯，係位於西環石塘咀嘅正牌沙田雞粥。- 馳名沙田雞粥：招牌餸唔使多介紹，粥底綿密，雞味香濃，仲特登根據老板介紹轉做雞髀，肉質嫩滑，冇得頂- 紅燒乳鴿：一上檯就已經熱氣騰騰，外皮燒至香脆，又多汁，用嚟送粥一流- 醉乳鴿：用花雕浸泡，非常特別，香港冇乜地方有得食，非常入味，推介推介- 椒鹽鮮魷：必食推薦，水準超越大排檔，鮮魷鮮味多汁，外層香脆可口，調味好出色，非常惹味，又係送粥良品！- 椒絲腐乳通菜：通菜新鮮，汁醬係所有香港人都會鍾意食嘅味道，非常好食- 豉油王炒麵：炒嘅時候明顯火喉十足，由於麵條比較幼細，食嘅時候有啲焦脆嘅感覺，口感特別亦十分惹味大排檔係香港人嘅浪漫，而家逐步進化，環境企理，食落舒服，同朋友暢飲幾杯真係一流

首先晚飯時間大把位已經唔對路，入到去鋪內就完全係「住家」的感覺，尤其係個厨房，情況正如我個仔間房咁，亂七八糟乜都有。第一樣嚟嘅係一杯凍檸茶，味道明顯話你知啲糖水變咗，雖然全店無加一，但其後來的$65抄通菜實在細得可以媲美麵鐺的灼油菜，而且炒得淋到無牙亞婆都食到；$80乳鴿未食過雪到梅得嚟仲可以柴皮咁靭，口感非常獨特，任何一家酒樓都好過佢，咁大個仔都好似未試過叫乳鴿都食剩；另外兩個煲仔田雞及魚頭都過佰，咸、油、細三個字講晒，同樣「食唔晒」，因為真係太咸，可能因為今日係賽馬日，之後再飲咗兩鑵可樂都仲口咸；好彩個雞粥尚可入口，不過出門口都即刻要去食消夜！

老字號沙田雞粥，主打招牌雞粥和乳鴿，於沙田結業後，最近改名叫正牌沙田雞粥喺港島區西環重開，鄰近港鐵站交通好方便，今晚我同老公過去回味一下。餐廳裝潢簡潔，主打嘅雞粥和紅燒乳鴿係我必食的。紅燒乳鴿：乳鴿大隻厚肉，燒得色澤金黃，皮脆肉嫩多汁。馳名沙田雞粥：熱辣辣嘅粥底口感綿密有米香。雞件肉質嫩滑，而且好有雞味。鴛鴦炒飯：炒飯用茄汁、白汁組合成太極的圖案，一邊係配以洋蔥絲、番茄及雞絲製成，味道酸甜好開胃，另一邊用蝦仁、菜粒配以白汁製成，爽口甜美，飯底用蛋炒得粒粒分明，香口唔油膩。星洲炒米：炒得夠鑊氣，用料有叉燒、蝦仁、芽菜、雞蛋、洋蔥和辣椒絲，加入咖哩粉令炒米粉變成金黃色，並充滿香辣的味道。凍檸樂：奉送冰底，特別冰涼清爽。

之前特登去沙田，竟然無雞粥食咁啱知道搬左去西環，老遠都搭車去食叫左招牌三寶真係有返沙田果陣嘅味道雞粥鹹香，雞肉又滑乳鴿唔大隻，都好香脆好嫩炒麵嘅麵好似少左d，不過洋蔥芽菜好多另外再叫一個午餐生炒牛肉飯嘅牛肉一般，有筋呀，咬唔到餐跟中湯好甜“節瓜紅蘿蔔雞腳湯”鴦走亦都好甜

一向都好鍾意食粥，朋友仔說最近西環開了間人氣餐廳，雞粥好好食，就特地搭車來一嘗究竟。餐廳離地鐵站好近，位置好方便。.🥣馳名沙田雞粥嫩滑的雞肉和綿綿米粒，令整碗雞粥清香濃郁，味道十分鮮美，是幾乎每一桌都會叫的名物。他們有一碗一鍋之分，吃完之後有少許後悔沒有叫一鍋。雞粥加上蔥花提味，更能提升整碗雞粥的風味和清新度，整體調味甚佳，難怪能成鎮店之寶。.🥢星洲炒米炒米炒得鬆散，沒有卷纏一起的情況，口感不錯。配料豐富，有蝦仁、火腿、洋蔥、🥚炒蛋等。帶有一點點辣味，但不會太辣，咖喱香十足，讓人食欲大開。.🦐富貴黃金蝦球蝦球外皮酥脆，而且炸得非常金黃，看起來十分誘人。加上鹹蛋黃的沙沙口感，令人欲罷不能。.🐷生炒骨橙紅橙紅的一碟，酸酸甜甜，菠蘿🍍多汁，三色椒香脆，豬肉肉質嫩滑，非常下飯🍚.正牌沙田雞粥 西環石塘咀屈地街42-44號屈地大廈地舖

其實我自己成日好想去食沙田雞粥，細細個聽就聽得多，但其實沙田雞粥响大圍，唔怪之得，我次次食唔到🤣🐷知西環新開左間沙田雞粥，就帶我來吃，地點好方便，一出香港大學站行2分鐘就到👍餐廳有三寶要必吃：雞粥，乳鴿，鼓油王炒麵沙田雞粥：粥底十分綿，而且够熱，啖啖雞味，加左十元要脾的部分，十分嫩滑，而且够多肉啫啫雞煲：獲氣十足，而且雞同豬潤份量十分多，再加上醬汁够惹味紅燒乳鴿：即叫即炸，鮮味十足，而且啖啖肉星洲炒米：米粉唔會一撮撮，加上獲氣十足

正牌沙田雞粥 right brand shatin chick congeevery starving after long flights.newly open from shatin.they claimed with their origin location shatin which is far away from westpoint that indicate they have real balls to name this. they want to spread their fame from their origin.let see how they make.hitea 48$ around. we ordered two setsserve with fries beef thick noodle, chick congee+ soy sauce fries egg noodle.quality surprisingly good.strong wok air in all fries noodles.chick congee a bit less chick