正牌沙田雞粥 (已結業)

今日喺同事口中得知，原來以前沙田好出名嘅沙田雞粥，喺西環嗰度重新開店。知道呢個消息之後，決定今晚試一試，回憶一下當年嘅味道。新店比以前嘅舖頭門面大好多，而且乾淨企理。小菜嘅選擇亦都比以前多咗。 今晚我哋叫咗一窩雞粥，加$40可以轉雞脾。 小菜我哋叫咗椒絲腐乳炒通菜，紅燒乳鴿，花雕浸乳鴿，椒鹽魷魚同豉油王炒麵。 雞粥好綿，雞髀肉好滑，食得翻有當年嘅水準。 紅燒乳鴿新鮮炸，香脆多汁。花雕浸乳鴿比想像中香滑，花雕酒味好出。椒鹽魷魚炸粉好薄，完全唔會靭，食得出啲魷魚好新鮮。 豉油王炒麵炒得好乾身，一啲都唔油。 每樣食物都好有水準，服務員嘅態度好殷勤有禮，主動推介時令嘅食物，大家都食得好滿足。