正記冰室 (已結業)

這個早餐真係冇得輸大大塊吉列魚柳又厚又多肉兩條腸仔煎得香香的一隻太陽蛋雞蛋有雞蛋嘅味道厚厚的牛油多士唔係講少隨時食唔晒還有蕃茄青瓜沙律醬做半碟 唔睇得都食得唔食得都睇得美好的早餐

去到呢間冰室食早餐我每次都會嗌炸魚柳腸仔煎蛋多士點解呢吉列魚柳又厚肉又大塊大家見唔見到竟然有兩條腸仔唔係每一間冰室都會可以做到有兩條腸仔咁誇張多士又係厚多士 加多隻煎蛋仲有青瓜蕃茄嘅配襯加埋沙律醬呢個早餐真係令人非常醒神如果大食嘅你覺得唔夠飽咩 唔緊要加多個$10就有通粉米粉任君選擇依度嘅環境都係照舊舊式冰室咁樣嘅佈置當然有情懷啦 但係有少少美中不足嘅 依度嘅油煙味呢的而且確有啲厲害 如果恤衫西褲女士靚靚裙可能食完之後就有啲油煙味

黎到食午飯，食物真的麻麻，唔係特別平。我叫嘅楊州炒飯其實唔夠味，亦等左好耐。喺十五分鐘入面，個侍應有兩次都叫陌生人同我搭檯，冇事前問我話可唔可以，直接叫客人黎坐。本身搭檯係冇問題，我亦都不介意，但係我要求話要有隔板，個侍應就不停話唔洗隔板，完全不理會我介唔介意，係到對方個客都話介意個侍應先放棄。我旁邊張檯都係搭檯，連小朋友共坐左4個，兩組人之間喺冇隔板，係條例嘅灰色地帶，因為只係話四人一檯，但冇話需唔需要認識，但呢間野就真係做到盡，逼人搭檯。本身入面亦唔通風。門口個收銀員亦都好串，好冇禮貌，好似唔休做，呢間野衛生水平好令人質疑

好耐好耐無食過雜扒飯啦🥩🍳🥓🍚依舊配黑椒汁 黑椒汁夠辣 雜扒有大大塊既豬扒同雞扒 煙肉 腸仔 煎蛋 非常多料〰$68我覺得很可以啦🙂出面好多餐廳既雜扒飯已經無咁足料 所以我覺得都抵食既

叫左外賣晚飯兩個餐，有鮮魷馬蹄蒸肉餅同埋蒜蓉蝦乾粉絲蒸茄子。有例湯同埋白飯送，起初覺得都唔錯，但係個兩個餸就真係麻麻。肉餅偏咸，肥肉也偏多，可能傳統係咁，但我就覺得太重口味。個蒸茄子好似浸住油咁，啲蒜蓉又咸到癲！我要用水沖洗先至可放入囗。本來打算今日食得清少少所以先至叫兩個蒸餸，點知道原來咁唔健康。我地兩個人食左一半頂唔順食唔落去，要掉左佢，非常浪費食物同金錢。。食完仲勁口乾以後唔會再食了，好失望。。

假期早上出去處理一啲私人野，見時間早就去正記食個早餐。正記早餐係太和黎講算係好食，不過近幾個月有唔少餐廳開，所以其實佢都唔係唯一選擇不過見到佢唔駛等位就入去食，貪佢早餐大大份點左個歐陸早餐 雞扒煎得好酥脆 肉質夠嫩唔會好乾 個方包都好脆 烘得唔錯奶茶就一般質素啦 反正目的都唔係為左杯奶茶我又唔會太介意見到好多評論話依間餐廳服務差 作為街坊既一定知道佢地啲服務係差既 不過早餐同埋午餐算抵食所以都多人幫襯所以唔想受氣既我好多時都買外賣算啦

上星期六懶得煮 見人小小走左入去 價錢一般 叫左一個中式 一個干炒牛河講左干炒牛河先豉油 油撈河 冇鑊氣牛肉苦口(梳打粉太重)+唔新鮮(雪味+肉酸)+鞋韌中式有白飯例湯白飯湯有縮味同侍應講 呢個係咩湯?點解咁酸!侍應就一句撻埋嚟 送嫁 唔洗錢係呢啲嫁啦 你飲就飲 之後一路喃喃咁走左態度極差眼見係冬瓜豬骨 一般有火好少變 隔夜湯唔敢飲埋單百五幾冇下次

估唔到第一次上OpenRice 就起碼見到有幾個負評 都係針對太和呢間正記嘅服務態度 ，我間中都會去幫襯， 食物其實唔太差， 今日(2021-4-29)係咩嘢安心出行氣泡出台， 咁咪用安心出行囉 ，六點鐘左右 行入去， 先掃描完個code， 個收銀姐姐冷冷咁話要睇我嘅安心出行， 我有啲愕然， 因為之前都冇睇㗎喇 ，咁佢要求咪畀佢睇囉， 佢係一句唔該都冇㗎， 仲有啲命令式嘅口吻 ，我都冇理佢， 咁畀佢睇完轉頭走去揾位， 我聽到佢喺後面講一句：“ 係要畀人睇㗎喇 ！” 語氣極之差， 即係我哋所謂嘅寸咀 ，我回頭問佢你咁樣算係乜嘢態度？ 跟住同佢嘈起上嚟啦， 成間餐廳都聽到， 我話要見佢老細， 佢話老細唔喺度喎 ，咁大家繼續嘈，我記得佢最後一句係用好長嘅粗口問候我， 我當然走啦 ，我希望佢老細睇到呢段文， 問返其他夥記， 因為佢哋都睇到當時嘅情況，CCTV 應該都錄到， 呢個收銀姐姐係極之冇禮貌，態度十分囂張 ， 佢做服務業連唔該都唔識講， 仲有平日佢收錢時一句多謝都唔會講㗎（ 係咪嫌人工奀 或者老細對佢唔好？），而這次佢冇理由咁樣去挑釁個客， 以為個客唔會出聲 ，分明就係針對我啦 ， 我唔

果晚櫃面加收銀4個人，餐飲叫左果凍檸茶少甜少冰，之後覺得太澀，叫個侍應過黎，問佢要啲糖漿黎，佢應一句唔夠甜就唔好溢少甜喇，之後走左去。等左10分鐘，佢經過左好幾次，都無攞糖漿黎，完全無打算回應客人要求。然後搵另一個人問，佢話無糖漿的，要成杯沖過，我答佢你地之前有個兜仔裝住糖漿比我，佢話幫我問下。然後15分鐘後，佢經過幾次又完全無反應，我心諗兩條油夾埋一齊無視個客。加埋等左半個鐘，我指著杯檸茶問佢，你地其實有無打算處理呢？唔通你地以為人地唔知你地夾埋無視個客？佢好急咁答，就係諗住換果杯比你。我心諗係米玩野，過咗成幾廿分鐘，經過我張枱幾次先醒起牙。依啲服務態度真係非常惡劣，以後唔幫襯。p.s.全家人做左正記熟客幾年，啲野係幾好食，但這種服務態度完全不能接受，以後都唔會去。

連續幾日紅色假期，搵咗一日遊街市，行之前梗係醫飽咗個肚先啦呢個街市除咗乾濕貨之外，仲有餅店，花店，幾間熟食檔口仔，仲有一間粉麵店同一家茶餐廳，我哋就揀咗呢間茶記。識揀梗係食下午茶餐，價錢由廿多元至40多元，包飲品，基本嘅多士到炒粉麵都有未食午餐嘅我哋叫咗鹹魚雞粒炒飯，最怕啲炒飯有燶味，呢度冇呢個問題，配上切粒嘅翠玉瓜，中和炒飯的油膩，略嫌鹹魚味不夠，飯炒得粒粒分明。X O醬豬扒炒一丁，餐牌上有辣椒標誌，真的比較辣，豬扒煎得夠香口，切成四小件，配上芽菜，洋蔥，辣椒絲，一丁炒得夠爽口凍檸茶大大杯，份量十足行出去就係街市，好方便，睇下有咩靚嘢買返屋企下廚

呢度d侍應態度超差，開頭覺得佢d野食都一般啦，叫做近自己住果度。但d侍應十問九唔應，又會寸d客。d咖啡又難飲，凍飲d冰係碎冰。真係快d執左佢啦，依家個個等緊新整果度開，一開左佢就等收皮。唔好去食呀，貼錢買難受。如果呢排想食野都行去華星，祥基，金記呢d，你估只係得你一間茶記咩。

唔憂做就唔好開舖啦，要張紙巾：依家唔得閒，等我得閒先。我等你得閒我不如返屋企煮？俾說話啲客聽？我俾錢食飯唔係俾錢受氣！收銀全程無服務，大佬，我俾錢食飯點解搞到好似差你錢咁？成間鋪啲人都係態度 服務差！唔會有下次！

呢間正宗垃圾茶餐廳，服務態度極差，想受氣就去幫襯。叫了一個下午茶餐，一個炸鷄肶沙律和一杯凍奶茶，不用5分鐘來了一杯凍檸茶，我説來錯了，之後再等了20分鐘，我開始追問是否漏單，因為水吧沒有任何野出，向服務員合共追了三次，服務員直行直過唔理會，追第四次的時候，我問是否要我直接追水吧。水吧那位先生叫出來"你好口渴呀"，後來服務人員告知，水吧那位人兄，在廚房內吃東西，所以20分鐘都沒有飲料出，服務員也不敢追。之後聽見，其他枱也開始生氣了，也等了超過25分鐘。以後對這間茶餐廳怕怕了，永遠再不會光顧。

無懼限聚令，為求能相聚🤨没想到一間冰室也能煮到这么好味嘅食物- 椒盐鱿鱼鬚🦑- 话梅凉瓜- 椒盐雞軟骨🦴- 小炒王- 炒聖子皇- 蒜蓉蒸扇贝- 辣花螺- 冰镇咕噜肉 🐽- 煎肉饼 🐷- 豬潤湯 🐖

係一間公司做咗十幾年最開心係識到幾個好朋友 嚟到我哋最喜愛嘅餐廳 雖然只不過一間極之普通嘅屋邨街市茶餐廳 但係非常之有水準 絕對唔會有人介意喺度食一餐送別飯先整返個全家福首先同大家介紹下有啲咩食咗 從左至右 包括豆豉鯪魚油麥菜 鑊氣十足嘅啫啫雞煲 鮮味爆燈嘅清蒸鯇魚腩 仲有甜甜豉油雞 三杯凍奶茶少甜 一杯龍鳳鴛鴦戲水 再加四兜例湯 四個白飯 飽到上喉嚨椗無敵鑊氣十足啫啫雞煲 老實講嗰啲蔥薑蒜頭好食過啲雞 索曬啲汁鑊氣十足 可以净係食葱清蒸大嚿鯇魚腩 由於餐廳位於街市之內 喺正啲魚檔旁邊 如果蒸嚿鯇魚都會有腥味 根本不能原諒 而每一次正記嘅蒸魚 都十分之出色 佢仲衰到下面墊幾個豆腐卜 索曬啲魚汁 捞汁一流 下次一定要去整番個海鮮餐超級無敵甜絲絲豉油雞 豉油撈飯實屬佳品 又係豉油好食過啲雞豆豉鯪魚油麥菜 照計你是但亂炒都唔會難食嘅一碟餸 係全晚一定非常之普通嘅餸 但係佢豆豉鯪魚 先處理過 唔會太鹹 實屬極品超級無敵凍奶茶少甜少冰 一定要叫少甜少冰 茶香奶滑夠凍 比起嗰啲乜鬼金茶王 有過之而無不及 仲畀你一份初戀嘅甜絲絲感覺正記招牌無敵大 例湯 青紅蘿蔔煲豬骨 擺埋一邊煲粥全日 所有材料