正記冰室 (已結業)

原來太和街市這邊下面，除了一間粉麵舖之外，另一邊還有間正記茶餐廳。不是特別肚餓，與友人內進，友人比較肚餓，因此我只是點了一個淨西多士。看賣相，西多士好像不錯，炸得夠金黃，外皮夠脆，夠挺身，牛油正方形，份量也不太少，另外有一碗子糖膠。但切開就比較嚇人，因為除了好幾舊較中間的位置有花生醬之外，其他邊皮位置，完全沒有蛋漿、牛油、或者花生醬，切開就是這樣的白麵包，吃起上來當然比較無味，淡而無味的。鴛鴦走，奶茶味道較濃，咖啡味應該較淡，配合煉奶亦都不會太甜，以熱飲來說也是不錯的。友人的肉絲炒麵，等了非常耐，但不覺得鑊氣或是麵條炸得很香脆，面頭又淋上太多玻璃汁，汁醬比較多，肉絲分量和菇類的比例也差不多。

今早有事要辦，趕住食早餐，周圍都係人在等位，呢間座位比較多，排左一陣就到✌️點左呢度主打嘅蕃茄鮮牛肉湯通心粉，配火腿煎蛋多士，熱咖啡。牛肉唔韌配搭幾個罐頭蕃茄，多士烘得幾脆，整體而言唔錯。

由於呢一個月都係太和進修上堂，所以對附近都唔係好熟，都係靠住喺附近嘅同學仔介紹好野食😆 同事仔話呢間餐廳的午餐大份又抵食......一入到去就有位，唔洗點排隊，環境都算乾淨，侍應嘅服務態度都好好，幫我地點餐嘅時候仲會同我地講笑 我哋全部都叫咗是日午餐，我叫咗吉列豬扒配司華力腸飯，有湯同野飲，$50一個餐，凍飲加$3,開頭都覺得好貴，但見到個飯一嚟到，就好大碟，份量好充足，馬上覺得一D都唔貴，都算物超所值...吉列豬扒大大塊，炸粉嘅厚度啱啱好，唔似得出邊餐廳炸粉的厚道仲勁過豬扒，可能係因為即刻炸嘅關係，咬落口好juice,同好脆口，好好食同學仔就叫咗個XO醬楊州炒飯，我好鍾意食呢個，可能係因為呢一個飯有少少辣味，越食越覺得好味

今日嚟到太和呢間正記冰室，裝橫唔錯，光源充足， 見佢坐無虛席，幾受當區街坊支持咁，就入去試下。🙆‍♂️叫咗個常餐，叉燒湯意粉，俾咗瘦叉燒我，但都幾好食，而意粉略嫌有少少硬身。至於杯凍咖啡，就超好飲，而且好夠凍，正！🤩同樣係常餐入面包咗嘅，係火腿奄列同牛油方包(可+$2轉任何一款多士)。奄列整得相當好食，奶醬多都整得好脆，好足料。話說呢間店只接受現金，八達通都唔收㗎。😳佢個餐牌有啲花，落單嘅時候都研究咗陣，而且佢又無乜圖，可以設計得好少少。🙈

價錢一啲吾平，但服務九流，話說 ，我哋兩個人食晚飯，一位朋友未到，我先坐落去 一張卡位枱 ，後來有另外兩位男人入來，佢地問都冇問我叫咗坐喺我度， 我眼見其他卡位，好多張都係兩個人坐，我覺得係唔係起碼問聲我呢，我起身問佢哋啲職員，佢哋彩都費事睬你，感覺好似話畀我聽，我哋唔憂做，激爆。

出差一定要蛇王蛇王一定去正記 今日仲要蛇到有鮑魚食話說好耐冇蛇王 今日同阿姐蛇咗個大王梗係第一時間標去正記見到每月下午茶嘅餐牌換咗 即刻叫嚟試下 係一個好精美嘅鮑魚撈麵 鮑魚仔約莫右手指尾咁長 係新鮮鮑魚嚟嘅 應該係出面街市買五六蚊一隻嗰種 鮑魚炆得啱啱好 唔會太硬唔會太淋 反而個面太多汁一pat嘢當新奇刺激嘢食下冇所謂 其實個鮑魚麵都相當之唔錯 不過唔知點解個套餐仲加多半片多士 有啲多餘 不過成份嘢賣55蚊 都算正常 可以影張相擺上網呃like 都算值回票價 另外阿姐隊咗個西多士 糖漿另外搵碟仔再開 好過一般爛鬼茶餐廳成支掉係枱面 整到你隻手黐立立 再整埋杯紅豆冰 有前無後打死罷就

太和街市前幾年翻新完，多左好多熟食檔，但因為平時好少去太和，所以一直未試過呢間茶餐廳。一直都好中意食茶餐廳常餐既我，未入到去已經揀好左常餐了！星期日下午都唔算等左好耐，大約10分鐘左右就入得，餐廳裝修唔算太有特式，就係普通既茶餐廳有open kitchen咁，但勝在夠新夠乾淨。作為茶餐廳，食物款式唔少，基本上你諗到茶餐廳應該有既呢度都有。但當日等左好耐都未有侍應比menu，面台上果張menu紙既食物種類亦唔齊。我叫左一份常餐，沙嗲牛肉面，$49以價錢黎計，唔算係平，但味道的確唔差。原本$49既餐需加$2先可以轉做多士，依家係免費可轉。朋友叫左一份下午茶豬扒餐配沙律同可樂，$40（唔記得可樂加配幾錢）。兩個餐既味道都係唔錯既，夠香口同熱度，火腿奄列既蛋好滑，唔會過熟，火腿份量都好足。比較差既係，侍應做野比較甩漏，朋友既可樂得到佢已經食左大半個包都未到。 同埋以茶餐價錢黎計，呢度算偏貴，但份量同味道都算合理。

都有好一陣子冇嚟呢度下午茶 今日咁啱又出差 出差一定要蛇王 蛇王一定去正記 叫咗個魚柳包加薯條 成個包非常大個 份量有中環西餐廳百幾蚊一個咁嘅份量。 如果加多啲生菜裝飾 拎去中環買都冇問題 個包非常多芝麻好香脆 入面搽咗少少牛油 再加上塊鞋底咁大嘅魚柳 非常正 跟點薯條都唔馬虎。 新鮮炸非常正 在另外上一碟沙律醬同埋茄汁 雖然以茶餐廳 40蚊個茶餐絕對唔平 但係佢嘅水準 絕對冇畀中環西餐 差 抵食好食 下午茶時間所以跟咗杯奶茶 其實如果夏天嘅時候應該加杯大檸樂

上一批嘅員工好好，自從換左批樓面簡直冇禮貌，D樓面唔知喺邊度揾反黎，冇禮貌，冇口德，唔想做就唔好做，得罪客人仲要黑口黑面同串。食品有問題係要跟進處理，唔係話反客人唔啱，仲要覺得自己冇問題，當D客係乜？ 幫襯仲要受氣？大嗰個又係，處理客人問題黑口黑面。做樓面披頭散髮唔紮頭髮，員工冇禮貌。請問有冇管理？

出差一定要蛇王蛇王一定去正記 又有機會 蛇 個大王 叫咗紅豆冰加西多仲有魚柳包加凍鴛鴦 西多一如以往邪惡指數爆燈驚佢唔死仲整多個紅豆冰香甜 微燶滋味無窮 魚柳包用深海魚製造含有豐富營養仲有好多蔬菜啱曬我呢啲健康寶寶 只有我啲咁有品味嘅人先識欣賞 旁邊薯條只係伴碟可吃可不吃有啲多餘 小朋友可能會食曬西多士糖漿另上 冇話畀一壺你自己酙、 有心思有誠意 順便一提换咗好多夥記 服務差咗好多希望老闆注意' 咪淨係掛住請後生女 嬸嬸 都有佢嘅價值

正記下午茶真係幾正的！價錢雖然比一些中高檔連鎖快餐店還要貴～熱狗餐：熱狗🌭️最重要是什麼？梗係條熱狗腸啦！ 正記唔係用普通腸，它用上司華力腸一食便知龍與鳳。好食好多架！加上千島醬汁、芥末醬、蕃茄醬，少許生菜絲和蕃茄slide, 熱狗包也是烘烤熱騰騰的，脆得來又唔會硬，絕對係水準之上！熱檸水有三塊檸檬，唔算太孤寒～叫埋西多士tea set 開心share餐牌只寫「西多士」，其實可以俾無餡西多，見到有花生🥜醬餡，真係心心眼呢！仲有少許橙絲融和，整份西多都有蛋醬煎炸，美味到超晒班！糖漿個味恰到好處！不會甜到漏熱奶茶也是香濃幼滑的！

四個人點既野食 全部都唔掂！！！1）西多士個糖漿有怪味 同阿姐講 佢問係咪檸檬味 但明明佢話係用普通野 只肯畀個煉奶我地 但都蓋唔過個怪味 我食左三十年西多士 都未試過食到咁 2）酸辣牛肉麵 個酸辣配料好難食 要撥開 原本叫個酸辣豬潤牛肉麵，個侍應落錯單，無左豬潤 openrice comment 有人話豬潤好好食 點知叫左都冇得食3）蛋牛治冇味 要加鹽 咸牛肉既料又少最正常就係d野飲 見到隔離檯既炒蛋多士好似好好味 點知我地嗌咩伏咩 我地估計都係因為獨市生意先會咁多人 早知出番大埔墟先食喇

平時食開大快活早餐，突然今朝起身想食炸菜肉絲米，經過就望下佢，35元2餸真係好貴，唔緊要豪一次，點知外賣加2蚊，變左37元條氣已經唔順，番到去見到2個盒，我又無叫過分湯，憑乜野收多我1蚊？都算啦唉晨早流流開始新一天，個湯無味既，個炸菜竟然係甜既，都同自己講，當清啖啲，你xx,就來食哂成塊豬排先俾我見到生既！！！啲肉透明架！！！！！！！

返工一定要蛇王……蛇王一定去正記、地方隱藏於街市之内、區外人見招牌亦難揾。早午晚餐都各具特式、早餐新鮮擺盤精美、唯火腿通粉非常一般。午餐炒飯冇得輸、乾身、鲜、香、味美、大酒店水準。晚市羊腩㷛必吃、新餐牌非常有特式酒店中菜級數！講返下午茶、叫左西多+奶醬多、邪惡指一億、食完肥4磅！不過正到冇朋友。另叫紅豆熱奶茶、香、甜、豆夠味！加5蚊整體冇得批評！唯價錢較貴、非街坊價特別晚市小茶皇牌、冰川咕嚕肉、128蚊得十一件。酒店價錢

昨晚跟朋友去吃飯,早,前曾在這吃個早歺,早已知員工態度非常差,但年初三没有太多選擇,所以便想隨便吃点便算。我本想点個鸡煲及炒菜,但員工極力推薦什麼冰震咕嚕肉。我便試試。 不到ㄧ分鐘便放在我枱上。 我便知道這是一早買不去的,只是把咕嚕肉放在𣲙上便要ㄧ百元。 味道非常一般。這都算是我選擇。但只是炒菜我足足等了40分鐘。追了3個员工都不理會。(餐廳是不忙及有空位)他們只對熟客及有利是的客人笑。我最後跟老闆講𣎴要。 老闆就只需3分鐘就在厨房拿出来。我跟朋友便只吃菜了。 **味道一般,員工態度非常差。太和這麼多選擇千祈不要来。