正記菜館

營業中

休息中

潮州鮮蠔仔餅(細) $35 - 蠔仔新鮮, 好大碟都食唔晒~鹵水鵝拼墨魚$60 - 鵝及墨魚唔韌, 好味, 都係食唔晒~避風塘賴尿蝦$58 - 一般啦! d 殼好難攪, 手指都損晒~清蒸紅鮋 $48 - 新鮮好滑, 豉油再咸d 就仲好味~椒鹽排骨$40 - 美中不足是由排骨變左豬扒, 好左d 豬扒唔韌唔乾, 都好OK~白飯二碗$12啤酒一支$8

嘩！好耐冇去打冷喇！元朗金輝徑喱度有兩檔打冷小菜，我哋見到正記有煲仔飯，所以食喱間。可能係星期六關係，勁多人，出面街都坐爆。但出面好大風，所以我哋揀咗裡面坐。 墨魚拼紅腸($35) 好大碟！墨魚一的都唔韌，既抵食又好味！ 大荳牙蜆仔肉($25) 又係勁大碟，食唔晒！ 馬拉盞花枝藕片($45) 喱個我哋叫咗少辣，好嘢味，藕片爽口，再配花枝片，口感幾好！ 蝦干雞粒煲仔飯($40)嘩！好大煲！有飯焦，正！如果叫普通單拼只係$30，雙拼$35，抵食！

唔明呢間食肆,元朗咁多年,成條街俾佢霸佔哂擺檔,晚晚好似延開幾十席咁,咁好生意咁多客,竟然都冇一個人寫食評?!反而將軍澳新張分店,都有人張貼食評喎!呢間食店元朗開廿年多,最早期係做粥品為主,果時仲未有擺哂成條街。之後越做越好生意,成條街都俾佢擺哂咁滯,好似正牌擺檔咁,而且成日見食環署職員,及警務人員,走去同佢講陣間洗太平地,預早通知佢,陣間有人票控【擴充營業】,就可想而知佢江湖地位幾重,好多公職人員都會幫襯佢,就好似【佳記甜品】咁,唔食過返【夜味】都唔安樂...嘻嘻!火鍋及小菜最多人食,最巔峰時真係成條街擺滿,連一附近一帶居民出入大廈,都寸步難行咁犀利,又唔使交租唔使交稅。肯定好過大酒樓大食肆,使咁多錢裝修,又要依足政府各部門法例經營,都咪話唔肥過肥仔水。呢間食店早餐、午市、晚市及宵夜都做埋,基本上除凌晨休市幾個鐘,其餘時間都係持續經營。同埋單車外賣隊,陣容鼎盛人強馬壯,由早上06:30~17:30,都有外賣服務。無論中西早餐及車仔麵都有,不過送外賣人士,好多時都好老馮咁,詐傻扮懵唔找番錢,所以叫外賣時,最好預定散紙先好。仲有,就係外賣有時好耐先送到,就算係非繁忙時間,最快半個鐘先送到