影片
港鐵銅鑼灣站 D4 出口, 步行約2分鐘
繼續閱讀
電話號碼
26616880
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
影片
相片
秘製豬大腸 & 鹽燒牛舌心
+228
+4
食家推介
今時今日出街食飯得一個目標，以最小資本達至最大效益，三個字講哂，性價比！一張單我300蚊同500蚊落樓，而所得到既服務、食物、環境，都係一樣既話，咁我無理由同錢鬥氣咖？所以呢間「毫無分串陀地串燒酒場」絕對係king of抵食！👇🏻📌人 氣 推 介 -▪️ 陀 地 燒 -▫️「惹味辣雞腎」爽口彈牙，staff用火爐㷫住保持溫度，呢下細心體貼。▫️「邪惡燒牛腸」食落煙煙韌韌，果然名不處傳，夠哂邪惡。▫️「老銅牛叉燒」叉燒食得多，牛既叉燒真係第一次食，入口濃香惹味，面頭脆身，帶點焦香，值得一試。▫️「雞中翼」裡面保持到相當juicy，肉汁豐富，雞翼控一定要嗌！▫️「原條蒜香燒茄子」茄子入口即化，夠哂腍身，相當入味，好食！▪️ 出 糧 食 好 啲 - ▫️「陀地醬燒豬頸肉」份量十足，夠哂誠意，肉質爽嫩，完全唔乾身，加埋醬汁一齊食，惹味到極致。▪️ 暢 飲 邊 少 得 小 食 - ▫️「脆炸雞軟骨」呢d小食真係要送下野飲，粒粒脆卜卜，過足口癮。 ▪️ 粥 麵 飯 包 -▫️「和牛炒飯」首先炒飯夠鑊氣，入口係熱辣辣，而和牛既油香吸收哂係炒飯裡面，成個飯都充滿住油香，我幾鍾意！▫️「唔L同沙嗲牛肉麵」真係同平時食開沙嗲牛好大分別，呢隻沙嗲香味更加突出，帶少少辣勁，而且牛肉相當嫩滑，完全唔韌，麵底煮得岩岩好，好有咬口，呢個真係必試！
繼續閱讀
話說某一晚，我哋揀咗去銅鑼灣一間新開嘅串燒餐廳。呢間餐廳嘅環境主打港式風格，牆紙鋪滿咗九龍皇帝嘅書法，字裏行間充滿咗香港流行曲嘅歌名，非常有特色。坐落在這樣充滿懷舊氛圍嘅地方，享受住夜晚嘅燈火氣氛，真係一種特別嘅體驗。一開始，我哋點咗幾款串燒。🍢 *姜蓉雞串*：雞肉鮮嫩多汁，配上濃郁嘅姜蓉，味道惹味香十足🌶️ *惹味辣雞腎*：雞腎口感qw,加上微辣嘅調味，味道層次豐富，辣味啱啱好🔥 *邪惡燒牛腸*：外脆內嫩，牛腸嘅鮮美同香料嘅濃郁結合，真係「邪惡」得令人難以抗拒。🧂 *鹽燒牛舌芯*：牛舌芯燒得外脆內嫩，加上鹽嘅簡單調味，完美釋放牛舌嘅鮮味，口感特別有嚼勁。🥩 *老銅牛叉*：牛叉肉質鮮嫩，燒得啱啱好，配上特製嘅醬汁，味道豐富🍖 *汁燒牛胸爽*：牛胸燒得外脆內嫩，配上特製嘅燒汁，每一口都充滿咗牛肉嘅鮮香。🍗 *燒雞皮*：雞皮燒得香脆，非常滋味。🍍 *燒菠蘿*：菠蘿燒得微焦，釋放出天然嘅甜味除咗串燒，我哋仲試咗幾款小食。🍴 🍖 *陀地醬燒豬頸*：豬頸肉質嫩滑，醬汁香濃，口感豐富。*原塊黑椒牛仔骨*：黑椒嘅辛辣提味，肉質鮮嫩🍛 *滷水牛舌*：牛舌滷得入味，口感滑嫩，滷水嘅香味滲透入牛舌🦪 *蔥蒜燒蠔*（半打）：我哋嗌咗10吋串燒，就做咗個優惠價$68食咗半打生蠔，蠔肉肥美，蔥蒜嘅香味加上燒烤嘅微焦，令蠔嘅鮮味更突出。🍜 *沙嗲牛肉麵*：沙嗲湯底濃郁，牛肉嫩滑，麵條彈牙，每一口都充滿咗沙嗲嘅香味。🍞 *腐乳多士*：多士外脆內軟，腐乳嘅濃郁鹹香同多士嘅香脆形成完美嘅對比，簡單而美味。
繼續閱讀
去咗一間好有特色嘅餐廳叫咗多款唔同嘅串燒～雞腎非常惹味，燒牛腸真係好邪惡，牛舌芯鹽味十足。呢一餐絕對絕對係肉食者嘅最愛。叉燒嘅味道濃郁，牛胸肉嘅醬汁入味，燒雞皮好香脆，咬落去有啲酥脆感，牛仔骨黑椒味夠濃，豬頸肉份量都好多！雞串嘅姜蓉味道唔錯，如果有酒應該好夾。鹵水牛舌都係味道濃郁嘅，搭配啲沙嗲醬或者辣醬，食落去更添風味。最後要提一提+$68換到嘅蔥蒜燒蠔（半打），因為叫夠十串，新開先有嘅優惠！ 原價係$145！呢個燒蠔真係一流，蔥蒜香氣四溢，蠔肉鮮甜，啖啖滿足，值得一試。抵食！我幾鍾意佢嘅燒菠蘿🍍唔L同嘅沙嗲牛肉麵沙嗲牛肉麵口感極好，牛肉入味，麵條彈牙，湯底香濃，果然係唔L同和牛炒飯飲品都係叫左普通熱檸水同熱咖啡，飲落去即時好舒服，解膩。完美結束整頓晚餐。總結，每一道菜都充滿驚喜，無論係味道定係質素都out of my expectations ！
繼續閱讀
毫無分串係一間銅鑼灣新開張嘅串燒店，入面有大大塊霓虹燈牌寫住不醉無歸，適合打卡。鹵水牛脷幾好食，彈牙，唔太韌，有牛味。欣賞佢嘅燒菠蘿，新鮮，有炭火香，多汁，酸酸地好開胃。主食跟有和牛炒飯，夠哂多油、啲飯唔會乾身，有和牛碎，一啖飯一啖肉。仲有大大碟坨地細醬燒豬頸肉，可以配兩款醬，一款自製辣醬，香口又夠刺激，另一款係泰式辣醬，酸酸地易入口，成碟豬頸肉真係食極都仲有，可以試哂兩款特式醬料。特別令人眼前一亮嘅係佢消費夠數就送半打蒜蓉燒生蠔，大大隻，加埋蒜蓉夠哂滿足，新鮮、刺激，海水嘅鮮甜一湧而出，加上佢啖啖肉，真係令人回味無窮，係全餐飯最令人滿足嘅餐點。另外仲有大大杯檸檬茶，好鬼過癮，食咁多串燒就係需要佢嚟解渴。
繼續閱讀
「毫無分串陀地串燒酒場」是位於銅鑼灣新張不久嘅串燒店，裝潢甚有港式風味，詳細掛滿港人經常講嘅口頭禪掛牌，型格十足，食物方面串燒款式種類非常之多，豬、牛、雞、海鮮、蔬菜等，唔夠飽肚咩，粥粉麵飯樣樣齊，而且價錢都係10幾蚊起，超級街坊價👍👍今日同朋友食咗超級多嘢，每人都唔使$300，真係超級抵食🫶一坐低店員介紹幾款自家製嘅醬料，沙嗲醬、泰式辣醬醬、孜然粉，等你食串燒嗰陣時可以增添串燒風味😋▪️串燒款式種類繁多，店家推介以下人氣串燒，師傅火候剛好，味道香辣鹹香，非常惹味👍惹味辣雞腎｜邪惡燒牛腸｜鹽燒牛舌芯老銅牛｜汁燒牛胸爽｜燒雞皮燒波羅｜原塊黑椒牛仔骨陀地醬燒豬頸肉｜陀地姜蓉雞串▪️鹵水牛舌｜必食推介，牛舌炆得超級軟腍，而且好入味，入口即化▪️+$ 68換蔥蒜燒蠔（半打） (原價 $ 145）而家食夠十串串燒，就可以優惠價$68食到燒蠔，真係超級抵，生蠔大隻又飽滿，充滿蒜蓉和香蔥嘅味道，再加上蟹籽更加鮮味▪️和牛炒飯｜唔L同沙嗲牛肉麵炒得粒粒分明，每一粒飯吸收了醬油和牛肉香氣，而且每一口都食到和牛粒、雞蛋和香蔥，非常美味，而沙嗲牛肉麵同坊間嘅味道真係唔同，沙嗲醬汁充滿花生香帶香辣，牛肉大大件軟腍入味，公仔麵吸收晒湯汁，非常之惹味▪️大檸樂超型超大的杯放著檸檬，共有2枝枝裝份量的可樂，真係大滿足
繼續閱讀