影片
港鐵銅鑼灣站 D4 出口, 步行約2分鐘
繼續閱讀
電話號碼
26616880
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
🎞️近排興食串燒，見各區都開了不少串燒店，熊妹都幾鐘意架，可以同朋友們把酒談歡，飲酒作樂的好地方。📌聽講銅鑼灣開左間串燒店《毫無分串》裝潢好地道，富有香港懷舊風味，一於等埋富妹放工，同佢去探店一下。📌地理位置就係銅鑼灣世貿中心對面，地方好容易搵。📌店舖唔算好大，但係裝潢確實令人眼前一亮。用上霓虹光管砌成嘅字句非常親民，「活在當下」、「不醉無歸」都係年青一代常見的口頭禪。📌有一個角落掛上好多麻雀牌🀄️，砌成一幅麻雀牌牆，好似去左麻雀館咁，富有香港人昔日生活的味道。📌非常特別嘅係，推出了一套維他奶奶醬系列的產品，有六款串燒，兩款流心芝士同埋兩款奶凍特飲，全部都想試哂去。維他奶奶醬系列維他奶從小飲飲到大，老少咸宜，相信都係香港人的回憶。將系列就係用上維他豆奶加入芝士做成，然後厚厚咁鋪係串燒上面，串燒食落去就會帶有豆奶嘅甜味，又鹹又甜，食法特別。維他奶醬燒免治雞肉條 ，$38平時食開日式月見雞肉棒跟上蛋黃遇見醬汁，呢度就用上維他奶奶醬取代，味道都夾喎，好似食完鹹食又食甜食咁。維他奶醬燒豆ト，$32豆卜本身冇咩味道，所以就可以好好享受呢層豐厚嘅維他奶醬。維他奶醬燒日本小甜薯，$20一串三粒嘅日本少甜薯本身都已經帶有甜味，同埋維他奶醬一齊食，就好似食甜品咁。流心維他奶芝士年糕，$38本身厚厚的芝士年糕已經有流心效果，面頭仲鋪上一層維他奶醬，芝士味道豐富到唸起都興奮。維他奶醬燒翠玉瓜，$20翠玉瓜好多汁清甜，可以解下芝士奶醬的膩濟。維他奶醬燒芝士獅子狗，$32獅子狗一串有三粒，融入埋啲芝士奶醬，味道好夾。厚豬五花肉，$24陀地燒中點了厚燒五花肉，餐廳推介兩粒星。厚切五花腩真係幾厚，厚身肉地有咬口，咬落再咇出肥膏豬油汁，更加肥美。腐乳多士，$24從來無唸過腐乳做醬多士，食落係好特別，濃味的腐乳當多士醬咁搽又出奇地夾到！滷水牛舌，$38用上懷舊風味嘅公雞碗真係好復古，一大嚿厚身嘅蘿蔔薦底，上面鋪上六七塊大大塊厚身嘅滷水牛舌。牛舌炆得好軟淋，食落啖啖肉一啲筋都冇，滷水汁做到唔鹹唔濃但好夠味，做得都幾出色，份量夠多又幾抵食。原條蒜香燒茄子，$48食串燒店燒茄子都係必點之選。原條茄子切開上面鋪滿蒜蓉調味粉，燒到茄子肉軟淋，可以一絲絲咁夾起茄子肉食，非常惹味。蒜蓉燒蠔，$145/半打消耗做得好特別，蠔面燒到乾身，但係入邊又好夠水份，加上秘製嘅醬汁一啲腥味都無，味道仲要好特別，令人食完再想食。唔L同沙嗲牛麵，$58聽個名咁震撼點都要試吓啦。有咩咁唔同？就係個沙嗲牛醬十分濃郁，濃郁到令人回味無窮，成碗湯都會想飲埋佢。啖啖牛肉非常軟腍又冇根，又真係做得幾唔同喎！維他奶奶凍紅豆冰（左），$32用上原味維他奶溝紅豆冰，味道絕配，仲有一粒粒維他奶奶凍，成個維他奶特飲配撘很不錯。維他奶奶凍黑芝麻冰（右），$32熊妹本身好鐘意黑芝麻系列產品，黑芝麻醬加埋維他奶，絕對係無懈可擊。📌串燒項目仲有好多選擇，另有燒海鮮、暢飲小食，特飲仲有黑牛同埋白雪公主，可見菜式上面真係花咗唔少心機。📌Follow IG📸/FB，叫夠10串串燒以上，就可以優惠價加$68叫半打蔥蒜燒蠔，另外午市加五毫子，可以轉加加大勁量凍飲一公升裝，全部優惠都抵到爛！📌今晚維他奶盛宴真係夠哂豐富夠哂滿足，配合埋餐廳懷舊的環境，成件事好有噱頭。完全感受到餐廳落足本的裝潢及食物選材的心思💞，抵佢喺銅鑼灣黃金地站得住腳🐾！📌「時光可變，世界可變，人情亦許多都變遷」。世界變化萬千，食物種類變得更多元化，閒時飲一口維他奶，回味一下昔日的味道，「心內那熱暖，仍是純真未變」🎶。
繼續閱讀
依家做緊維他奶主題，有多款維他奶芝士系列嘅串燒，香濃嘅芝士燒到焦香，而估唔到係同埋維他奶都幾夾，喺香濃嘅芝士之下會食到淡淡嘅維他奶嘅奶香同甜味！🐤惹味辣雞腎雞腎煙煙韌韌仲非常惹味，帶有鹹香同微辣味，好岩送啤酒！🐮鹽燒牛舌芯牛舌芯軟嫩有肉汁同口感，鹽燒非常惹味，鹹味帶出牛嘅鮮味！🐮老銅牛叉燒豬嘅叉燒就食得多，但原來用牛肉整嘅叉燒又幾特別喎！肉質俾豬軟腍同肉味超濃，又係送酒一流！🦪蒜蓉燒蠔 半打生蠔🦪新鮮有蠔味，加左蒜蓉燒更加惹味，而且生蠔燒完之後都唔縮水啖啖肉！🐤維他奶芝士 免治雞肉條免治雞肉條雞肉軟嫩，而入便仲有少少雞軟骨，口感一流！🥒維他奶芝士 翠玉瓜翠玉瓜非常Juicy，一啲都唔乾，維他奶芝士增加味道，令到翠玉瓜都非常好食！🍢維他奶芝士 獅子狗獅子狗彈牙，配搭維他奶芝士加添鹹香，惹味好食。🍢維他奶芝士 豆卜豆卜配芝士估唔到又幾特別，大大粒豆卜外脆內軟。🍠維他奶芝士 小甜薯小甜薯燒完好香甜，口感軟腍香甜。🧀維他奶芝士 芝士年糕芝士年糕，係面係非常之軟綿嘅芝士，十分香濃🐮和牛炒飯和牛炒到非常香口，個飯就幾有獲氣，食落啖啖和牛牛脂香。🍜唔L同沙嗲牛麵沙嗲微辣香濃，牛肉大大塊鬆軟入味，係非常港式嘅味道！🫘維他奶奶凍紅豆冰奶凍增加口感，紅豆唔太甜同軟腍，配維他奶味道新鮮！🥛維他奶奶凍黑芝麻冰好似黑芝麻糊咁呀，多咗維他奶嘅奶味。
繼續閱讀
🎀銅鑼灣。港式氣氛霓虹特色維他奶串燒主題店🫣🎀🪄店名* #毫無分串陀地串燒酒場🔮地址* 銅鑼灣謝斐道526號地舖🔮🗾分店地區🗾 沒有分店💰價錢$660 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵餐廳環境主打港式情懷打卡熱點，門面如茶餐廳，內裡充滿地道特色！霓虹燈招牌（如「不醉無歸」）、麻雀牌裝飾與直率標語點綴，麻將牆更是必影打卡位。懷舊金曲背景音樂，沉浸感十足。🍽️食物質素🍽️食物以玩味創新作為噱頭，主打創意港式串燒： ✅ 必試維他奶芝士系列，玩味十足 ✅ $12起享超 40 款串燒，有辣有唔辣 ✅ 「陀地飯」午市套餐：雞扒/豬頸肉等配爆漿三眼蛋，白飯/烏冬無限追加！ ✅ 海鮮燒、粥麵、甜品齊備 ✅ 飲品超 20 款：懷舊黑牛、白雪公主、酒類俱全 🌟 銅鑼灣員工出示證件享 9 折🌟 加$0.5硬幣即可升級1L 凍飲（投入錢罌儀式感滿分！） 👀評分💖💖💖💖🍢串燒🍢🪄 汁燒牛胸爽$38 - 油脂香氣突出，口感帶嚼勁 🪄燒菠蘿 - 酸甜平衡，解膩效果佳 🪄陀地正燒豬頸肉 - 外層微焦，肉質軟嫩不乾柴 🪄維他奶芝士系列（免治雞肉條/翠玉瓜/獅子狗/豆卜/小甜薯/芝士年糕) 維他奶芝士醬濃稠帶甜香，與串燒搭配屬創新嘗試 芝士年糕外皮酥脆，內餡流心效果明顯 小甜薯綿密質地與鹹甜醬意外協調 整體份量適中，適合淺嚐多款 👀評分💖💖💖💖💖🪄 蒜蓉燒蠔 半打 $145蠔整體飽滿新鮮，蒜蓉調味不過重，保留海鮮原味，半打性價比合理👀評分💖💖💖💖💖🪄 和牛炒飯$48 & 唔L同既沙嗲牛肉麵 $58(晚市價)和牛炒飯飯粒乾爽分明，醬油香氣足，和牛粒增添口感層次 沙嗲麵醬汁濃厚偏重口味，辣度溫和 ，公仔麵彈牙，牛肉量足且嫩滑，份量適合分享 👀評分💖💖💖💖💖🪄 維他奶奶凍紅豆冰 - 紅豆綿密，維他奶基底降低甜膩感 🪄維他奶奶凍黑芝麻冰 - 芝麻香濃郁，甜度剛好，口感順滑 (5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰🎈服務態度*💌💌💌💌
繼續閱讀
最近揾到一間非常有港式特色既港式串燒餐廳【毫無分串】，最想去試下佢地既期間限定維他奶系列，仲有其他特色改良港式美食。維他奶芝士系列串燒：total有6串，包括翠玉瓜 小甜薯 免治雞肉條 獅子狗 豆卜 芝士年糕。翠玉瓜燒到外微焦內多汁，加上半溶芝士，清新同濃郁嘅完美平衡！ 小甜薯軟糯香甜，同鹹香芝士非常match。 免治雞肉，加左雞軟骨係入面，好有咬口，芝士鹹香提升層次。獅子狗彈牙，夾心芝士意外地夾。豆卜吸滿燒汁，外脆內軟。芝士年糕外皮脆脆，年糕煙韌拉絲，雙重芝士暴擊，邪惡度MAX！陀地正燒豬頸肉：炭燒香氣十足，外層焦糖化帶蜜糖甜，肉質爽脆唔油膩！汁燒牛胸爽：牛胸爽燒到外脆內嫩，非常爽口，油香極重！超邪惡。燒菠蘿：菠蘿烤到焦糖化，天然果汁爆發，酸甜解膩，完美中和串燒油膩感～和牛炒飯：鑊氣十足！和牛粒油脂香濃，飯粒分明，加埋豆角，簡單德黎牛味香濃。唔L同沙嗲牛麵：公仔麵煮得彈牙，沙嗲醬勁濃郁，牛肉超厚切，連湯底都係沙嗲湯，真係完全唔同。晚市價$58。蒜蓉燒蠔：蠔肉肥美，蒜蓉牛油香到爆棚，$68半打抵到爛！維他奶奶凍紅豆冰：兩樣經典港式飲品mix埋，非常特別。維他奶奶凍黑芝麻冰：黑芝麻磨到超細滑，濃郁堅果香+奶香，甜度剛好。
繼續閱讀
真係估唔到維他奶都有串燒🤣 今次來訪依間港味濃厚嘅串燒店❤️ 大大盞霓虹燈裝飾、經典嘅麻雀牌片點綴，以及老實不客氣嘅標語😆 完美呈現香港直來直往嘅情懷🥴 首選必點維他奶芝士串燒系列😚 一口氣叫咗免治雞肉條、翠玉瓜、獅子狗、豆卜、小甜薯同埋芝士年糕😋 全部即叫即燒👍 再淋上維他奶芝士，當中嘅香濃滋味令人難忘又深刻🤩 驚喜美味之作😘 另點了三味燒物，包括汁燒牛胸爽、燒菠蘿同埋陀地正燒豬頸肉😋 尤其喜歡豬頸肉，烤得脆卜卜好香口😎 味道鹹鮮可口😍 用黎送酒啤一啤一流👍 蒜蓉燒蠔一樣不得不食🥰 隻隻飽滿啖啖肉😋 食落彈牙又多汁，嫩滑又鮮美😚 配埋惹味嘅蒜蓉真係完美配搭👍 㨂咗兩款主食填肚🥴 唔L同沙嗲牛麵✅ 牛麵由餐廳自家研發獨家口味👍 保證重口味😈 D 沙爹汁濃稠又辛香，搭落軟嫩嘅滑牛同埋彈牙嘅公仔麵到，真係滋味滿分❤️ 和牛炒飯炒得乾身，鑊氣十足✅ 入口充滿迷人嘅牛香滋味😚 嚼感一流🤤 食維他奶串燒當然要配返支維他奶😋 除咗原支維他奶，餐廳仲有自家製維奶特飲🥰 味道好掂勁正👍 同串燒勁夾喲😚
繼續閱讀