民聲冰室

營業中

休息中

一路都有聽過民聲冰室肉餅山有幾特別，但可能期望好高，現實同想像中有好大出入。首先舖頭真係好細而且污糟，過膠餐牌已經甩哂膠同埋佈滿油漬，加埋整體空間好細，夏天去真係好辛苦。肉餅山黎到個“山”真係得啖笑，只係比市面既高少少而已，絕對唔係山，食落係正常肉餅既調味而且都冇咩豬肉口感。其實街邊新鮮整起3餸飯都完全食到一樣既口感。另外仲叫左豬扒飯，黎到後豬扒係酸既，同佢反映左之後轉其他食物，之後因為舖頭細，完全聽到哂廚房既人切開塊豬扒試，仲話係喎點解酸。大佬，而家既天氣食材儲存不當就當然會酸，仲要咁大聲討論，發生咩事？有咩咁值得去食呢其實。