民華餐廳

營業中

休息中

經常性如果唔知食咩嘅時候，都會食常餐嘅我，今日就走咗入嚟坐低食個常餐。佢常餐嘅選擇好多，就咁個湯面都有唔同嘅種類俾你揀，我就叫咗個番茄湯底嘅通粉。另外配左炒蛋多士同埋腸仔。基本上我叫餐常餐都係別係呢啲組合㗎啦。另外見到好多人都帶咗西多士食，所以就帶咗份西多士同朋友share😋😋。值得一讚嘅就係個多士加咗煉奶，超級好味，食到我都嘴舐舐❤️👍🏻👍🏻👍🏻。不過太貪心啦叫埋西多士之後食到我超級飽，真係抱住個肚返屋企個種。之後臨走順便幫屋企人買埋午翻去食，就叫咗鹹魚肉餅蒸飯同排骨蒸飯，之後打包翻去俾佢哋食。啲職員都好好好好態度好有禮貌👍🏻。蒸飯嘅豉油係另外分開有一包嘅。

民華餐廳專注做三樣食物：點心·蒸飯·常餐，是比較抵食的茶餐廳。.⭐️點心共有7款，雖然款式沒有酒樓的那麼多，但最主要的幾款都有供應。質素與酒樓食的差不多，但價錢就平好多，$17-$18 only。我們叫了鵪鶉蛋燒賣、豉椒鳳爪、鮮竹卷、山竹牛肉。另外還有雞扎、秘製金錢肚、燒賣。.⭐️蒸飯共有八款蒸飯，另外還有「足料糯米雞」。全部統一價錢，都是$25。$35就會變成套餐，包一杯熱飲。.⭐️常餐文華餐廳絕對是「常餐喜愛者」的天堂，共有9款主食，包括鮮茄湯底及沙嗲湯底的。另外還配餐肉炒蛋及厚多士，多士烘底是不用價錢的，正！還送熱飲呢。早餐時段食就是$36，其他時段就$41。.⭐️其他：西多士我知道西多士很肥膩，但真的很好吃，很細心已設成9塊，方便進食。.這裏的店員很親切有禮，服務態度不錯。

一排冇食民華既常餐開始有啲掛住佢地既炒蛋😋於最決定今日既早餐去食個茄湯加炒蛋！今次叫左早餐;餐肉，炒蛋拼厚多士，配茄湯叉燒米 $36最先到既係炒蛋餐肉多士。炒蛋份量多，炒得好滑，每啖都好香牛油味😋😋個人比較喜歡將夾厚多士一齊食再點一點茄湯食👍🏻茄湯仲有粒粒蕃茄，真材實料😋😋叉燒唔太肥但算係好淋，份量都唔算少大約有4-5塊。成個餐包一杯熱飲。價錢算係正常價，最緊要係有真正既炒滑蛋食，而且份量唔少。整體不錯👍🏻

一班人食茶餐廳！飲茶又得！常餐亦得！得左🥳🤣作為常餐控🤤我選擇☁️常餐（$41+2）沙嗲牛肉通心粉🍲🤤辣辣地嘅沙嗲牛肉撈埋通心粉食👍🏻餐肉炒蛋🍳！滑蛋🥚🍳重有少少蛋汁👅仲可以叫烘底（+$1）🥪多士（+$1）加煉奶🤤脆脆嘅外層配埋入邊甜絲絲嘅煉奶💕☁️ 西多士（$20）係屬於鬆軟麵包，嘅厚多士，上面有一舊牛油磚🤤外脆內軟非佢莫屬🍞 仲可以揀配煉奶或者糖漿除咗茶餐廳有嘅嘢之外佢仲有蒸飯點心☁️鹹蛋肉餅飯（$25）甜豉油配飯，厚肉餅配鹹蛋！飽飽！☁️糯米雞（$25）足料糯米雞，入邊有臘腸、雞翼、火腿等等糯米飯唔會太硬身！軟身狀態嘅糯米雞係最好食嘅！黏住食🤤☁️餐蛋治烘底（$18+$1）外層已經脆卜卜！ 配埋滑蛋餐肉！熱辣辣新鮮整起仲要係厚身🤤🍞抵食 勁多街坊都嚟食，上菜速度非常快，員工態度亦都非常之好欣賞👍🏻👍🏻👍🏻👍🏻

在屯門建生站下輕鐵，行幾分鐘就到。我是中午12時左右去的，正值午餐時間，已經要排隊。但很快就已安排了入座。.⭐足料糯米雞打開荷葉已經聞到一陣陣的香味，糯米飯煮得軟身，而且醬汁入味。果然是「足料」，有一隻雞中翼在入面，也有肉粒及其他材料。食一個糯米雞已經會很飽。.⭐常餐-沙嗲牛肉米粉有不少牛肉，成碗份量都不少。通粉可轉成米粉或麵。炒蛋份量比其他「蛋」多，很香滑，相信是加了牛奶/牛油炒。即烘牛油多士是用了Anchor 牛油，多士厚身不是普通的方包呢。.另外，這裡還有點心食：⭐雞扎⭐豉椒鳳爪.坐得舒服，食物質素不錯，價錢又平民化沒有加一服務費，是可以食完又食的茶餐廳。

平時去得多旺角分店，今次來到屯門這間民華餐廳吃早餐🍴這裡店內大概可以坐30人，環境乾淨，坐落也都舒服。難得這裏有點心吃，就點了一份常餐和兩個點心！～沙嗲牛肉通粉，餐肉炒蛋牛油多士🍲🐖🍳🥪這裏還有蕃茄湯、薑絲湯選擇，但還是選了沙爹湯沙嗲湯底濃郁，多士即叫即烘，相當脆口！夾炒蛋一起吃更滋味。咖啡☕️好幼滑，杯上有少許咖啡粉，好香濃咖啡味。 ～鵪鶉蛋燒賣、鮮竹卷最喜歡吃的點心就是鵪鶉蛋燒賣，這裏也有得吃，十分難得！燒賣大大粒，而且熱辣辣！鮮竹卷更是足材料的，腐竹外皮煙韌，內餡爽脆，加上蠔油汁，比酒樓更有水準。再來一份～蕃茄雞蛋多士🍅🍳🍞厚切多士沾上溶化了的牛油，香軟綿綿的口感，蕃茄大片好新鮮，炒蛋更是蛋味濃郁，嫰滑又夠份量，很豐富啊！

平日放假總比返工忙一早帶左狗仔去睇醫生返到黎屋企已經好肚餓一陣仲要去銀行處理事快趣去食個茶餐先原來樓下有間民華開左咁耐都未試過今日就去嘆下等左一陣就有位了我叫左個雪菜肉絲米粉腸仔炒蛋轉花生醬多士 加 $2飲凍檸茶 加$3多士好脆加左花生醬好食好多而且醬份量都好適中米粉好「索水」所以要盡快食炒蛋好滑好香覺得佢應該加左牛奶炒味道不錯民華質素比其他普通茶餐廳高少少所以四十幾蚊我都覺得唔算太貴佢地除左有茶餐仲有點心同蒸飯下次又可以試下了👍🏻

收工後來到民華餐廳，當時接近六點都相當多客人，相信是附近街坊來吃下午茶。餐廳除了常餐，還有點心和盅飯可以吃，選擇多元化。本來也想點有名的西多士，可惜當日焗爐壞了，與它無緣﹗常餐鮮茄火腿通粉$41:茄味香濃，湯底酸酸甜甜好濃郁蕃茄湯味，果然見到蕃茄粒，加上火腿絲，十分之夾﹗炒蛋配香腸，炒蛋香滑，灑上少少鹽花，份外滋味。即烘牛油多士好厚身，滿足感100分﹗跟餐熱柚子蜜茶:柚子蜜需要自己攪勻，入口香甜潤喉，滋潤身心﹗雞扎$18:有兩大件，用腐皮包裡住豬肉、豬肚、雞肉等，真材實料~豉椒鳳爪$17:鳯爪大大隻，煮得軟淋入味，YUMMY~燒賣$17:大大粒，夠晒彈牙~餐廳出品質素不俗，看到牆身寫著"smile eat laugh talk drink"，讓客人輕鬆自在地用餐好地方﹗

小妹行經這間餐廳，見佢個招牌好搶眼，常餐平日下午茶價是$36！諗起佢平日都幾多人排隊買外賣，有d好奇，就入左去試試啦！餐廳環境比想像中小，座位比較迫，要同人搭枱，坐得有點不太舒服，但整體環境算整齊企理。小妹點左沙爹牛肉麵常餐，職員很快已經為我送上餐具了！食物也很快送到。可能對食物有些期望，所以亦有點失望，沙爹牛肉沒有什麼沙爹味，肉質較粗糙，有幾塊比較難咬。麵勝在夠爽口。小妹較喜歡吃熟蛋，要求整熟d，亦能辦到！蛋的份量都幾多，只是顏色上好似比一般雞蛋黃左d。我很喜歡它不用加錢，亦有烘底麵包。另外我亦叫了西多士，一上枱好香，亦比一般西多士厚！當吃下去時，發覺中間沒有夾花生醬，純粹一塊厚麵包，感覺較為失色。味道較為清淡，需要加較多糖漿或煉奶調味。店內食物種類不算多，主要賣常餐、點心和蒸飯，如果叫外賣簡簡單單也可以。

星期六放假食完個豐富嘅早餐，就索性skip lunch直接食下午茶。唔想食太飽就揀左民華餐廳，呢間餐廳主要係做常餐同西多士。朋友就食常餐，揀左沙嗲牛肉麵，配火腿炒滑蛋厚多士，加埋紅豆冰；我就食西多士配熱奶茶。常餐嘅沙嗲牛肉麵幾好，牛肉唔會有梳打粉味，唔會太韌；滑蛋夠滑；朋友話佢好夠飽西多士搽奶油加片裝牛油，熱辣辣，都幾特別，唔會太甜，剛剛好；而杯熱奶茶，茶味夠，都幾好飲。總括黎講，呢餐係唔錯嘅一餐。

今日去左新界開會，開完會遇著食lunch時間，係附近食個快飯啦，最好就係茶餐廳，快靚正！特式飯餐見到「秘製豬軟骨飯」係廚師推介，加埋飲飲品係$56，睇落唔錯，就你啦！原來仲有隻煎蛋，飯嘅份量又幾多！豬軟骨嘅肉有點「鞋」，而且略嫌油左D想食生以下甜甜地嘅食物，見到隔離叫左西多士，好肉唔錯咁！厚切方包炸到金黃色，食落外層微脆，內層保持方包軟綿綿質感，大量煉奶佈面，最邪惡嘅牛油，食落更油香四溢另外，茶餐廳呢家都有點心食！下次都可以黎試！

今晚收工同同事食個快飯先返屋企休息 民華餐廳係我哋嘅不二之選🧞‍♂️ 價錢親民食物又唔錯🧞‍♂️我叫返我嘅例牌薑絲牛肉通 食得清淡啲 湯底其實都好有薑味🧚‍♂️ 依家唔係好多餐廳會做薑絲牛肉通架啦 每次想食我都會嚟民華🧛‍♂️腸仔炒蛋個賣相都唔錯㗎🧚‍♂️ 不過我最鍾意都係個牛油多🧛‍♂️🧛‍♂️ 牛油係塗滿兩塊多士㗎 唔會淨係塗一面🧛‍♂️ 仲係用外國Anchor牛油 放心食🧞‍♂️我哋仲叫咗兩款點心share 秘製金錢肚係好食嘅 爽口得來內淋 醬汁好惹味🧞‍♂️ 燒賣就幾大粒既 不過肥豬肉多咗啲🧞‍♂️ 所以爭啲口感 但$17 cp值算合格有餘啦🧚‍♂️最後朋友為食 要左個西多士🧛‍♂️ 望落好似乾左啲 但食就冇咁油膩 咬落去都仲係好軟熟嘅🧚‍♂️落完煉奶再落糖漿 雙重享受阿🧛‍♂️🧛‍♂️埋單都唔使$80一個人 值！🧚‍♂️

夜麻麻想食常餐 又冇咩鋪頭開到咁夜 見到呢間民華餐廳仲有常餐賣 就入去試下啦😛常餐好抵食wo 晚上時段都係$41 多士仲唔使加錢😯😯 我要左個鮮茄牛肉通粉同火腿炒蛋😋炒蛋勁嫩滑 仲有蛋汁 茶餐廳既水準算好好😋 另外個多士真係好出色 估唔到佢會比完整一塊厚多士wo 焗得好脆😋鮮茄牛肉通粉既蕃茄就好濃郁 唔會過酸😛 仲有大大嚿蕃茄😛 不過牛肉就普通啲😂 而通粉就吸哂啲湯 最正😋加$9就可以要紅豆冰 紅豆冰用煉奶😯 所以奶味唔算好重 飲落特別香甜 係舊式冰室既味道阿🤤西多士秉承着厚多士既特式 都係好厚😍 勁足料😍 有得揀落煉奶定糖漿 加埋塊牛油 好香 今次肥死啦😂😂原來仲有點心叫 不過太夜有啲賣哂了😂 試左鳳爪都好入味 炆到好淋 估唔到茶餐廳都有點心食😛

今日休息，同阿媽落街嘆早餐，係人都知屯門有間民華餐聽，佢哋嘅常餐特別出名，點解？因為佢哋係呢個嘅天氣，裏面嘅冷氣仲可以好冰涼，坐低飲番杯紅豆冰，簡直係身心舒爽啊。佢哋除咗常餐，仲有點心食架，我哋叫咗個燒賣，一份都有四粒架，而且價錢又抵，大大粒，原來唔使去酒樓，都可以食到中式點心㗎。除咗普通燒賣，仲有鵪鶉蛋燒賣架，粒粒都好大粒，仲要脹卜卜，即叫即蒸，雖然係等得耐少少，但係勝在夠新鮮呀嘛。佢馳名嘅常餐，今日我叫咗嘅事蕃茄湯底叉燒通粉,夠晒大碗,正在仲要個湯底酸酸甜甜好後嘅蕃茄湯味,一早食呢個湯底,真係夠晒醒胃，叉燒好大塊,雖然只係偏瘦,但係啱晒我呢種減肥嘅人士。炒蛋配火腿，個炒蛋好香好滑，灑上少少鹽花，份外滋味，火腿就篇薄左少少啦。但係勝在個多士勁厚，而且叫多士都唔使加錢，如果加多兩蚊可以變成奶油多啦。

放工唔想食外賣，就早個站落車入去食個晚餐。平時早餐都係食唦嗲吽麵，夜晚就試下佢個鮮茄牛肉湯通粉。個茄吽通大大碗，上面加左少少香草做點綴，散發出淡淡草香味，加上蕃茄湯嘅酸味醒一醒胃，幾乎飲哂成碗湯！常餐跟油多餐肉炒蛋，diy一份餐蛋治，食埋落肚幾乎六成飽。食完常餐仲餓，就食多件西多。西炸得好透，包中間又冇索油，表面淋滿練奶但少左西多嘅精華-花生醬，幸好有大大片牛油搭救。食左半個鐘又係時候食埋宵夜雞札d芋頭蒸得好淋金錢肚惹味又唔太鹹鵪鶉蛋燒賣蒸得表皮煙煙韌韌幾有咬口最後飲埋杯凍啡就完成一個豐富嘅晚餐