民華餐廳 (已結業)

今日黎到堅尼地城呢邊拜神，拜完之後就係附近搵野食，見到有好耐都冇食過既民華就決定食下🤤先叫個常餐 $41首先有蕃茄叉燒通粉蕃茄湯好濃郁，仲有啲蕃茄粒，通粉唔會過淋，好好食。叉燒係半肥瘦，食落甜甜地，唔會柴。要左炒雙蛋配多士炒蛋真係超好食，勁重奶味。多士夠哂香脆，配炒滑蛋一流！因為太熱所以就叫左紅豆冰，唔會太甜，紅豆份量又多，不錯！再叫多個西多士同人share，呢個真係超好食，一定要食！熱辣辣炸起，配上牛油同煉奶，真係超邪惡但又好滿足🤤🤤朋友要左五寶河，都幾大碗，偷食左粒魚蛋超彈牙又唔會腥朋友叫既齋啡，估唔到又幾好飲，唔太澀

唔知大家有冇邊種常餐係特別喜歡架呢？ 自己就特別喜歡有得揀番茄湯嘅茶記😂所以今日拜完神就嚟到民華試試佢地招牌常餐啦👍🏻👍🏻.揀左叉燒茄湯米配煎雙蛋同多士走牛油($41)😀 叉燒比較瘦，但食落又唔會柴，仲有d蜜汁味！茄湯小小酸，偏甜嘅，都幾濃郁，個人好中意！跟米粉都幾正因為會吸哂d茄湯🍅🍅.太陽蛋煎得好靚仔，仲要係有脆邊的！走油多士鬆軟綿密，配蛋食一流❤️❤️.菜心好新鮮下！又唔老👍🏻👍🏻.紫菜四寶米係比媽咪食，比較清，但唔會淡淡的，都幾香！魚蛋好彈牙😀.西多士果然係招牌，好好食！加左煉奶食好邪惡但非常濕潤口感好滿足💁🏻‍♀️💁🏻‍♀️.凍齋啡小小酸，夏天飲真係好解熱💁🏻‍♀️👍🏻

晨早流流好肚餓，本身諗住去新興飲茶，諗諗吓近排食得多肥膩野都係唔好去飲茶咁就諗住搵一間茶記試吓，見到文華餐廳好似都幾多人推介就即管去試吓<早餐- 火腿炒蛋(轉奶油多)+雪菜肉絲米粉$37>奶油多焗得好香脆，幾好食火腿炒蛋普普通通，有D失望，炒蛋冇咩蛋汁，火腿正常貨色雪菜肉絲米粉湯底無咩味，麻麻地<早餐- 腸仔炒蛋+沙嗲牛肉麵$35>腸仔炒蛋都係正常茶餐廳貨色，沙嗲牛肉份量都多ge ，算抵食但系基個面又係無咩味，如果加多少少調味會好D30幾蚊一個早餐話平唔平，話貴唔貴，份量都ok ge ，可以接受ge

第一次來，是星期日的早餐，因為吃完早餐老公要上班，叫我印象深刻。那次時間有點趕，上菜又有點慢。雖急，還是好吃的。常餐$41，粉麵、炒蛋多士和飲品。有我至愛的蕃茄湯底。平時不喜歡茶餐廳的叉燒，但這個都不錯，不嚡不韌不乾，有適量的蜜味。米粉掛滿超濃郁的蕃茄湯底，不太酸不太甜，實在不錯。還有不少新鮮蕃茄和茄蓉。多士放到最後才吃，仍然鬆脆無比，少有地覺得麵包很新鮮，真心驚喜。馬上把照片發我的多士控老公，他只愛薄多士，脆如薯片，我要證明厚多士也可以很好吃。炒蛋超滑，很濕，很濃。拿出來時已不熱了，表面有點乾，卻沒有影響味道。熱鮮奶煲到出煙，熱辣辣。西多士，金黃色、很厚、脹卜卜，超漂亮，上面一大片切得整齊的牛油。厚厚的牛油放在上面慢慢溶化，視覺效果無得頂，看得心花怒放。外層即使有牛油和煉奶也吃得出乾身的微脆，中間的麵包鬆軟濕潤，牛油的香和煉奶的甜跟油香夾得很。平時不太喜歡吃西多士，這個卻覺得很好吃。簡單不過的午餐，叫人非常滿足。

搬左入堅尼地城已經有4個月，食得再多既就係呢間民華，因為佢既早餐真係太正喇~~呢到裝修係新式茶記，雖然D位好密，但都坐得幾舒服亦唔會好似舊式茶記甘UP DUP，好光猛又乾淨食得最多就係呢個蕃茄叉燒通粉蕃茄湯夠哂濃，而且入面仲會有粒粒鮮茄唔係淨係罐頭湯開水甘無HEART叉燒夠軟淋，配埋個湯真係好正跟餐可以揀腸仔，餐肉或者火腿我就多數揀火腿，佢唔會煎得太油麵包可以揀多士或者方包多士係用厚身多士，食落外脆內軟加埋D溶左既牛油，香到不得了真係肥都要食呀最後飲埋杯香滑奶茶真係一個GOOD MORNING呀!!

今晚夜左收工，要一條友食飯，一條友食乜，都吾使唸，梗係我的至愛「茶餐廳」「民華餐廳」是我的心水選擇，水準穩定， 選擇多，以套餐為主，亦有潮式湯粉供應，梗有一款岩我。 「民華餐廳」炒滑、脆多士蛋打出名堂，其實除了茶餐以外，還有蒸飯、點心等美食。而且價錢也大眾化，至少比好幾間連鎖茶餐廳更抵食。紅豆𣲙（套餐價$18）椰奶底配上煮得相當粉糯的紅豆，要求少冰亦做到。雖然我較為偏好花奶底，但其椰奶濃厚度十足，椰香味突出，口感非常 rich ,  是難得令我回味「椰奶紅豆冰」。今晚想食飽啲，點了「秘製豬軟骨飯」$47 豬軟骨和飯是分開上的，一看豬軟骨我心唸：「好肥」不過一夾起见到脂肪只在汁上浮游，於是大口咬下，真是好軟稔，基本上咬兩下已經吞得，証明火候夠。味道微酸，相信是加入了富酵素的水果同煮，同時可令肉質更快稔，味道以醬油味為主，水準不錯。另上的碟頭飯付上不流心荷包蛋一只，簡單又滿足。

復活節假期，與家人到堅尼地城探親，但突然下大雨，便到附近餐廳歇歇，兼歎歎下午茶~先點了滋味常餐:煎雙蛋(太陽蛋)，半熟流心的金黃蛋汁最為滋味，茶記必點; 即烘牛油多士，外脆內軟，塗上牛油更香口~鮮茄叉燒通粉，叉燒肉味香濃，通粉盡收番茄湯底的鮮香味，鮮茄味濃厚，酸甜開胃~ 吃到最後，還可把有大量茄肉的湯底喝下，再次回味~五香牛筋河，媽媽大讚牛筋軟腍爽滑，牛味濃厚，肉汁鮮香滿載，香口惹味，魚皮餃肉香四溢，而河粉份量十足，配搭牛筋同吃份外滋味~西多士，外層炸得金黃香脆，與內層鬆軟口感相映成趣~ 大大片牛油迅速滲透，整件多士充滿蛋香及牛油香，淋上煉奶更香甜味美，必吃美食!鵪鶉蛋燒賣，外皮軟熟，吸收了豬肉香，內餡豬肉香嫩多汁，鵪鶉蛋大粒飽滿，滿口肉香蛋香，令人回味的懷舊點心~鮮竹卷，外層腐皮煙韌軟糯，佈滿醬汁，包裹著鮮美的豬肉、冬菇及生菜等，肉汁滿瀉，鹹香惹味~熱奶茶，跟餐飲品，入口細滑，奶香茶香皆有，又一經典港式風味~凍華田，跟餐飲品，微甜不膩，冰涼止渴~想不到茶餐廳也有港式點心可吃，非常合媽媽胃口~ 粉麵常餐大份抵食，西多士更是令人垂涎，優質抵食!

呢日同男朋友去到堅離地城行下海邊打下卡。玩完一輪就去咗醫肚啦。餐廳都有啲裝修同好新淨，坐得幾舒服。杏仁茶/熱檸蜜呢度上菜都幾快手下，好快就有野飲。兩杯野飲都好夠熱，而個熱檸蜜好濃好足料！玩完一輪好肚餓，見到menu 啲點心就忍唔住叫咗5款。佢啲點心幾抵食喎，每款都係$17-18，而份量都幾多下夠足料。個燒賣夠大粒，入面大大隻蝦，再有少少杞子既甜味，值得推介。鳳爪又係$17，一碟有好多隻，味道調配得啱啱好！油菜油菜加配就$10，啲菜都幾新鮮，同唔會煮得太老，抵讚。西多西多單叫$20，大大份好抵食。一上枱見佢整得咁靚仔個麵包夠厚身，已經急不及待想食。佢仲有貼心位，上枱已經幫你切件。一食落口好好食，外脆內軟，麵包又夠厚身有口感，吸埋啲糖醬同牛油，好正。一出門口發現平日佢會有下午茶餐，每款都係廿蚊左右，係香港好難見到呢個價錢呢。

嚟緊5月就要考試🙈趁着復活節假期同同學一齊去自修室溫書，好好準備，點知溫到六點鐘未夠就勁肚餓，果然溫書係一件好用力嘅事😂深明食飽先有力温書呢個道理，即刻衝去民華食我最鐘意嘅常餐醫肚先！⭐️常餐 ($41)👉🏻鮮茄叉燒通粉蕃茄湯底濃郁，甜甜地帶少少酸好開胃，係我嘅必食推介🙆🏻叉燒大大舊啖啖肉，肥瘦適中👍🏻👉🏻腸仔炒蛋即烘牛油多士炒蛋炒得香滑，為呢個常餐添加唔少分數👍🏻牛油多士烘得外脆內軟，口感綿綿每啖都食到牛油嘅香味🤤⭐️豉椒排骨飯 ($27)廿七蚊其實真係抵食，份量唔少，而且味道唔錯，同學請咗我食舊排骨，肉質嫩滑，腌得夠味。⭐️西多士 ($20)大大片牛油慢慢溶喺金黃西多士上面，望到都很治癒😌佢地嘅西多士食落唔會覺得油膩，軟綿綿又香口。⭐️鮮油多士 ($17)厚切多士烘至兩邊金黃香脆，加上牛油香滑，多士鬆軟有彈性，係好味之選。⭐️魚湯菜心 (+$10)魚湯清甜，菜心爽口。⭐️熱檸茶 (跟常餐)正常餐茶廳口味，最緊要個茶底清香唔澀。⭐️熱咸檸檬水 (+$9)呢排轉天氣，喉嚨有啲不適，咁啱呢到有咸檸水叫！太好喇！飲完喉嚨舒服咗👍🏻

未曾試過呢間餐廳，呢一日咁岩去西環，行行下行到呢間餐廳，睇過餐牌好驚訝仲有咁平既盅飯，就抱住「咁平入去試試」的心態入內～見佢常餐有炒蛋有腸有多士，即叫叫咗個雪菜肉絲米同炒蛋、腸、即烘牛油多士，再加杯熱好立克：🍞睇下塊多士厚到😍😍😍 好正！中間牛油味超香，包面亦烘得脆👍🏻叫咗個煎蛋牛肉飯，唔好睇佢好似細細盅咁，但原來都好飽！佢入面啲飯好多，煎蛋仲係流心蛋 而且塊牛肉餅仲係好厚好大塊，絕對唔慳👍🏻之後叫咗兩碟點心，叫咗金錢肚同雞扎，只係$17一碟，份量大碟過酒樓，喺酒樓食都係大點至特點成幾十蚊一籠；金錢肚份量好多，唔會話下面全部用晒蘿蔔墊底～雞扎夠足料，入面舊雞好大舊！見呢間餐廳有幾間分店，絕對係抵食之選！！一定會再光顧埋其他分店

今日中午同屋企人去堅尼地城買少少野見到依家門口都幾多人 咁就試吓食啦等左一陣之後 我哋兩個人被帶到卡位座位都幾舒服個餐牌啲嘢食都幾豐富 有點心 飯 粉面 常餐都有我哋叫咗個咖喱牛腩飯 $47咖喱牛腩好滋味 咖喱少少辣 牛腩夠軟熟 仲有隻太陽蛋喺上邊 撈埋一齊食好正秘製豬軟骨飯 $47豬軟骨夠淋 不錯嘅選擇 同埋都係有太陽蛋之前喺第二間分店食過點心 覺得都幾好食 一於叫多碟點心 豉椒鳳爪$17份量夠多 同酒樓嘅水準一樣每個餐加$10有個魚湯菜心 我哋叫咗兩個 都幾大碟一碗有成五六棵菜心 補充我呢啲成日唔食菜嘅人最後埋單一個人都唔使$80 性價比甚高

2019-4月10日，如常到貴餐廳食常餐，你們的薑絲牛肉的確出色好吃，今天想吃開張時吃過的咖哩牛腩飯，當時係驚為天人好吃到震，吃了一段時間水準keep到的，淋滑香炆得認真食材係好貨。但幾個月後不是今天啦…牛腩大舊非常咬唔開同柴頭無分別如是者咖哩都吃多一餐也是一樣以為當日牛肉唔靚吧曾經同男經理可能是訴苦，但估計工場貨源控制出問題。今天再度光臨民華吃咖哩腩希望有進步，最後一舊柴頭對比相片double size 既牛腩同㷛湯瘦肉不相百仲，投訴俾職員，亦然換過出來，但一樣柴頭牛，除牛筋火候夠好吃肉位真的吃完走客。Last伙計送上薑牛麵，誠意服務好到very good，工場來貨有望跟進

小編唔係話唔信同事推介，但次次午飯同事介紹Ｄ餐廳都真係９０％伏，嘩，好彩今日小編食左個非常豐富既早餐否則呢個午飯真係完全唔夠飽！首先講下佢Ｄ罪狀先啦，有四大罪狀！ １）炒蛋竟然系完全凍既～！ ２）個沙爹通粉呢，水澇澇唔知想點？出前一丁沙爹面好食過佢１００倍！ ３）蛋好深黃色但完全冇蛋味，小編極度懷疑系假蛋所以小編食一啖即刻ＬＵＲ翻出黎　４）同事隻糯米雞系油浸架。　總結，伏！自行過濾粗口１０００００００次，甘既ＸＸ比１蚊都嫌多！呢Ｄ食店，小編真心想CALL海關佢違反TDO呀！痴X線！真心X爆佢呀！翻屋企煮一丁算啦，收我41元，食XX！激死！真心想問同事有冇食過正常常餐，仲虧佢話好中意食常餐，呢D質素，嚇死人！大X樂好食過佢！起碼蛋有味既！

今早兩個人去食早餐叫左兩個常餐杯奶茶九秒九就來左基本上係搵水沖的係奶茶味的水然後其中一個麵到了之後就等左15-20分鐘第二個麵先到中間出左三個錯既面之後仲要等個煎蛋多士人地遲過我地來都食完我地D嘢都未齊23號台同32號台成日搞錯隔離台剛坐底 就問人 '你食完啦何？'執台時仲將D污糟嘢插落我杯奶茶度由廚房到樓面都係度發夢食物唔係難食但亦唔係特別好味一般茶餐廳質素但服務太差令人無法好好品嚐食物只係想快啲食完快啲走

中午過咗去西環堅尼地城的民華餐廳嘆返個醒神常餐作為我嘅lunch，中午12點幾已經好多客人啦！環境幾舒適的，座位比一般的茶餐廳寬敞民華餐廳主打即叫即蒸點心、港式粉麵同常餐，價錢適中炒雙蛋配白方包滑溜溜的炒蛋好誘人，有蛋汁同蛋香！用左兩隻蛋炒所以份量十足！夾住香軟有厚度的白方包，就可以變成蛋治，好正啊！雪菜肉絲米粉由細到大都好鍾意食雪菜米，爽口嘅米粉吸收左雪菜肉絲嘅香味，呢度嘅米粉份量超多，豬肉絲腍滑唔肥膩，食晒成碗非常飽肚蒸燒賣豬肉燒賣啖啖肉，好新鮮！鮮竹卷漲卜卜的鮮竹卷外皮滑溜，內裏塞滿左雜菜同馬蹄粒，味道同口感都好豐富紫菜五寶河粉五寶分別有魚片、魚蛋、牛丸、紫菜、魚皮餃，合共五款配料！彈牙魚蛋帶有魚肉香；牛丸肉味香濃；魚皮餃都好好味！配埋滑溜河粉，好味道！熱奶茶食飽飽梗係要嘆番杯熱奶茶啦！好正宗，茶香濃，奶夠滑