水上人魚蛋粉 (已結業)

食開佢個牛肚河～ 份量超多，吃完飽到行唔到。今日雙拼左雲吞，雲吞就認真麻麻啦，下次都係食返牛肚河好過～ 媽咪至鍾意食佢個牛腩河，話好入味又軟熟～ 希望店家一路keep住啦～

係西環食野唔算平，因為舊的加價，新的又貴，水上人可以講話係好多人的飯堂~~~ 便宜唔係最主要令到人流多的原因，最主要都係好食~~~ 本人好鐘意個湯底，因為好清，唔似用豬骨煲的咁肥~~~ 平時食開牛丸/ 魚蛋的~~~ 兩者都十分彈牙，而且中間唔會有好多油，試過其他食完牛丸成碗都係油。。。會繼續支持的~~~

今次西環午後之輕食，嚟到卑路乍街！豪豪哋叫咗兩餸粗麵，牛腩雲吞粗！又粗麵又有咩好寫呀？事實真喺冇！但依到嘅清湯腩，有口感彈牙，肥膏較少，真喺唔錯！我估雲吞應該都喺自家製多，因為食到每粒雲吞裏面嘅都幾爽口！可見用料新料！唔錯！水上人魚蛋粉，喺咪水上人開呢？真喺唔清楚！但真喺蠢咗，點解唔叫魚蛋試吓呢？不過聽返粉嶺區嘅朋友，原來依家粉麵舖都幾出名！今次 28 蚊，豪豪哋都合理價錢！

食魚蛋粉主角當然係魚蛋啦！呢度的魚蛋好食就唔洗多講，彈牙不得之，仲好有咬口，肉質好嫩滑，唔會好似有啲好彈好大，但好膠，食幾口已經落得肚，魚片厚切，冇腥味，魚片頭亦係不二之選。河粉都係靚野，滑不得之仲有少少煙韌。魚蛋河通街都有，點解要特別推薦呢間呢？因為除左魚蛋爽、河粉滑，仲重要就係 辣～椒～醬～！嘩，個辣椒醬真係夠辣，唔會好似加成匙都唔辣，唔會淨係辣幾秒。食河粉個陣，啲辣油吸哂入去河粉到，唔會好似出面個啲食到辣先食到河，正！(未係呢間食過其他麵類) 連我老豆食得超辣既，佢指天椒豉油都覺得麻麻地辣既，話呢個好辣好惹味，咁真心真係正！呢隻辣好陪合麵既味道，辣得黎唔會麻，食完仲有陣辣味係口，呢間仲有辣椒油賣，承惠$80，物有所值！咁好食的魚蛋河都只係＄22咋！點可以唔再幫襯呢～

朋友話西環有好多又平又好味既隱世小店，我唯有逐一搵出黎介紹比大家啦見到呢間鋪外面擠滿晒人, 就由呢度開始~~~我叫左碗手唧魚蛋拼牛肚米線加炸魚皮再加生菜都係$30~~~魚蛋都幾彈牙,牛肚入味,魚皮分量不少仲好脆添朋友就叫左碗黑椒牛丸拼豬肉丸河($20)黑椒味不強, 但兩款丸都係好彈牙......正呀 !!!估唔到以家仲食到咁平兼有質素既食物

幾年前我在堅尼地城上學, 差不多一星期有兩三次在這兒食lunch初頭好鐘意食牛什, 之後同學叫我試下魚片頭, 食左一次之後上癮了個時雖然唔係特別爽口, 但味道比較鮮味加上有蔥, 蒜, 由一個好清的湯都變得好香好好飲!現在再次吃多一次, 冇左以前感覺了, 不過湯味道仍在魚片頭變得好彈, 好爽口, 但鮮味冇以前咁好了....不過我真係很喜歡吃這兒的魚旦

自從搬左去西環之後 我就愛上左水上人既魚蛋今日如常去食 叫左魚蛋粉(走青)話明係手打魚蛋 特別爽口同彈牙 加埋幾塊魚片 令到河粉立即變左做配角湯底則冇咩意見 比較清 不會搶走河粉的味道價錢也便宜 17蚊就可以食到咁既水準^^另外打邊爐買食物時我都會買呢度的魚蛋

水上人, 曾經係我的至愛!由其係牛腩! 入口即溶的! 自從搬左屋之後, 都好少幫親,咁arm今晚同女友游完水, 就返啅啦~ order了魚蛋粉+牛丸河 (both走青)女友點了魚蛋粉, 湯底感覺沒有以前好飲, 好似冇乜味咁...溝了水嗎? 不過, 魚蛋quality仍keep到! 抵讚! 魚片頭更加是我的favourite啊~o係堅尼地城數一數二的魚蛋粉真係少之又少, 好在佢都算o係頭三甲!

15.10.2009想在屋企附近食碗粉,見水上人食評唔錯就黎左要了個四寶米線走青, 粉一黎就飲啖湯-正野,冇味精真料實料魚蛋魚片都很彈牙,牛丸在幾濃既牛味,連扎肉都唔錯結果成碗粉連湯都飲埋,都唔使$20,都咪話唔抵

搬黎依區2年.講魚蛋, 片頭, 河粉既滑度. 依間最top. 牛腩果d就唔太出色或好味, 而且多瘦腩. 所以黎得水上人, 叫四寶河, 冇介紹錯既魚皮餃, 片頭, 魚蛋一定要試. 之後再去對面間香港仔或附近幾間一食. 你就會發現依度先係最top. 片頭同魚蛋夠爽彈牙, 有魚鮮味, 唔會濃味到加料. 一食就食到最真實既鮮味.食完真係suggest大家去試下對面附近,就更突顯到依間野既威力.平時係屋企打邊爐我都特登去買魚蛋片頭. 貴出面d凍肉鋪一半價錢. 墨丸彈形又墨魚肉唔在講. 打邊爐時唔會發到兵乓咁大, 原因係唔會加勁多粉. 之前食開所謂曾特首都食既東興魚蛋. 但一比水上人, 可以行埋一邊.

上友人家開飯之前,先去附近的"水上人",吃一碗魚蛋魚麵先上去,聽講此店的魚麵是做得不錯.小弟一向愛吃魚麵,就算冒著吃罷之後,再吃不下友人為我準備的晚餐之險.也要來一碗.魚蛋魚麵上亦有魚片,先說魚蛋,做得頗彈牙,食落魚味並不算特別濃,魚片外層頗脆,內裏的魚肉同樣彈牙.下面的魚麵,粗糙煙齦,吃魚麵應是如此樣子才對.如果是炒魚麵,我會吃得更加開心.潮州麵店當然不止此一味,還有其他牛丸,四寶,牛腩,牛雜等等,有機會的話會再試埋其他.

27-4-2009幾喜歡西環尾的寧靜,「下場」前過0黎行0下順便食個 lunch.記得0係飲食雜誌見過呢度供應「手製」魚麵, 叫了碗魚片頭魚麵 ($26) 試試:-- 魚麵: 頗粗糙, 但食落鬆軟又不失咬口; 魚味唔算濃, 帶淡淡胡椒味, 都幾好食 -- 不過九龍城0個間 (http://www.openrice.com/restaurant/commentdetail.htm?commentid=1864995) 仲好食. - 魚片頭: 不論質地及味道都似魚腐多 d -- 彈牙度一般, 不過頗鬆, 魚味較好多地方淡, 個人而言唔係太喜歡.- 湯底: 係紫菜魚片湯? 味道清甜, 飲完唔口渴, 加埋蔥, 芫茜及炸過的蒜片, 好「住家」的味道, 忍唔住飲清光! 見搭檯個女人碗炸魚皮賣相不錯, 有機會再0黎試試先.

昨日到西環行行，見這間店幾特別，好像幾好味，便決定入來試試。既然這裡的名叫水上人魚蛋粉，相信它的魚蛋一定唔錯，就選擇了手唧魚蛋米粉和手轆魚麵。手唧魚蛋米粉- 魚蛋唔算太爽口，但魚味都算唔錯，而且口感和味道也幾好，但魚片比較更出色；米粉太幼身，口感唔多好，食多兩口便放棄了。手轆魚麵- 魚麵有點像長長的油炸鬼，由兩條幼麵組合而成，魚麵很有口感，但魚味唔係好出，但都幾好食。唔知其它食物如何，下次有時間經過再試吧。

其實.我經常去水上人噶..次次都系食牛腩.食幾多都吾會厭lo^^d魚蛋幾彈牙.我每天都見到11點幾門口就有人等住買新鮮熱辣製造出黎嘎魚蛋同魚片.炸片頭都吾錯..香口.有魚嘎鮮味加上d辣椒油.混在一齊...勁正!!

魚旦粉係一定要食的,加上服務態度好,食物即叫即上,唔會餓到暈都未有得食!湯粉湯底唔太咸,六粉手法正宗,十分有信心,碗粉差得去邊?最仲要係,價錢唔貴,又抵食!