水剌間

營業中

休息中

去九龍城食泰國野就食得多，去食韓國野都係第一次。餐廳老闆係韓國人，餐廳提供多款不同種類嘅韓國料理。~~前菜一坐落就送上6款前菜，每款都好好味，特別係泡菜，醃得好入味，辣辣地，好開胃。前菜係可以免費無限refill。~~參雞湯好足料，雞肉份量好多，食落都好嫩滑。個湯飲落好濃味清甜，糯米吸曬d雞湯精華，食落好香。~~辣炆牛肋骨芝士年糕呢個好推薦，好好味。牛肋骨炆得好淋，食落好軟腍。加埋d芝士，真係好好味。年糕食落都好煙韌。~~芝士雞蛋卷賣相勁靚，好大好厚嘅一條雞蛋卷，食落好重蛋味。有茄汁同黃芥末醬，D芝士仲可以做到拉絲。值得一讚係餐廳員工服務態度好好，會主動幫你refill前菜同加茶。

每逢weekend都會叫外賣, 想食韓國嘢但係九龍城嘅外賣選擇唔係好多, 所以見到呢間喺deliveroo有得揀就試吓叫咗海鮮豆腐湯🥘 $98配有泡菜同埋涼拌冬菇等等嘅前菜加咗$10叫米水因為order夠$100就可以八五折見到豆腐湯上面有一層辣油我自己就麻麻哋睇吓入邊有咩海鮮同材料:有一隻青口, 四隻細嘅蜆, 兩隻蝦仔, 仲有金菇, 雞蛋,豆腐, 同埋少少蔬菜, 仲有個人覺得有啲九唔搭八嘅豬肉碎😅整體覺得還可以啦, 叫外賣都冇要求咁多😂材料都唔算話太少嘅, 但係湯嘅味道就唔算鮮甜㗎喇, 同埋如果冇一層辣油, 清啲會好啲, 不過都算合格嘅我都食晒😆

本來都唔打食評，但呢間嘢實在太離譜，叫個海鮮豆腐鍋外賣，唔夠熱唔緊要，俾埋啲梅左嘅垃圾海鮮，都唔緊要，最頂唔順嗰啲飯係最cheap最哽胃嘅米…希望你哋可以檢討一下！

行過見到新開張，價錢又合理入去試吓，叫左牛肉石窩飯，人參雞湯，蛋捲，同埋烤肉石窩飯夠熱，味道正宗，人參雞湯不油膩，人參味道濃，蛋卷內裡有流心芝士，上面加上芥辣及茄汁，幾惹味，烤牛肉脂肪比例平均，牛味濃，軟滑，唯一缺點係石板熱力不平均佢算九龍城小有正宗韓國餐廳，真心推介大家試下

今日約咗舊同事一齊去九龍城食韓國菜，見有新餐廳試新嘢嘅心態入去，一入到間餐廳好似去咗韓國咁，服務非常之好，服務員介紹我地食咗泡菜餅 (夠香口）燒五花腩 （自己燒熱辣辣）炒粉絲（唔太喊和甜） 海鮮葱餅 （材料十足）炆牛肋骨（夠諗）和人蔘雞湯（飲得出材料十足），食物上枱睇就好靚但原來味道都超正（最重要係食完唔覺口乾），一問之下原來係由正宗韓國廚師煮理，怪不得好似飛咗去韓國食晚飯嘅感覺，整餐飯食物食物和環境非常之好，美中不足係冇酒飲，絕對直得一試