水戶日本料理

營業中

休息中

同友人本身都係想兩個人靜靜地傾計,但兩人又好想食日本野，只諗起爭鮮同元氣有點頹。 爭鮮好多人排隊，正諗住離開之際竟發現新開左一間日本料理。可能太耐無黎呢頭，完全係勁驚喜，裝修好好，見到店主的用心，在外排隊時拿著菜牌睇 都好合理，見到內面食既人，食物同表情都相當滿意，搞到我地勁期待快快入去。 牛油果軟殼蟹卷，即叫即烤，脆卜卜熱辣辣，配上牛油果一點都不油膩。 三文魚籽勁大粒好新鮮，係出面見到人食忍唔住自己叫一碟，隻碟都好靚有畫龍點睛之效。 餃子都相當juicy 唔會煎到好干身，不過可能我食得較淡，覺得佢稍微咸左小小。 串燒盛合，整體不過不失，幾款都能鎖住肉汁唔會燒到乾晒，但唯獨無酒飲就差左小小。全晚最失望之作，海鮮燒餅個餅太多粉，雖然味道係可接受的，只係太多粉太飽 ， 無果種好多料燒餅既感覺。 燒餅應是好多好多料 的 。 但整體黎講 呢間日本野真係唔錯 ，係粉嶺除大統領外，暫時會想令人再去試其他野既。 加上環境都舒服 ，同朋友食完仲傾多左成個鐘先走，但真係差緊酒😂😂

星期日來午餐，點選了牛肉拉麵，價錢連加一接近$70,牛肉大約有4片連少量配菜，牛肉實在太靭兼有不知怎樣形容的味道，只能勉強吃了二片牛肉便放棄，其他拉麵配菜亦實在非常一般，若以價錢及質素衡量，實在感覺失望，希望用心改善

中午十二時開始吃午餐，這間店舖人不多， 座位寬敞，店面及內部裝修雅緻，算是坐得舒服。 直到我們吃完飯離開，餐廳仍沒有滿座。午餐定食的設計求求其其，都是魚或肉再加白飯，正常地有麵豉湯，前菜只是有幾塊沒有味道的醃青瓜。 我們一行二人點了刺身定食和照燒雞扒定食，刺身值得一讚，味道鮮味，但雞扒完全沒有味道，照燒汁也很少， 雞扒好像完全沒有調味的。 麵豉湯內有紅蘿蔔和白蘿蔔，只是湯沒有味道。估計這間日式料理店，主力不是做午市定食，看他們的刺身做得不錯，可能下次去吃刺身或者天婦羅會比較好， 不過如果是要 隨隨便便吃個午餐， 就不會再來吃這裏的午市定食了。

一開始叫三文魚腩飯 黎到見到一pat魚 諗住算啦 點知埋單 落左三文魚蓉 同職員講其實我叫三文魚腩 我地既理解是一塊塊 餐牌上完全冇三文魚蓉呢個項目 覺得好奇怪 有一個好有禮貌的職員講會同老闆跟進 但另一個唔知咩職位的黑衫女 係隔兩張枱的距離 態度極差咁講 講不嬲都係咁 直至我行出門口仍然咁講 去日本或其他香港日本餐廳食三文魚腩都係一塊塊 就算你話你餐廳係蓉上都應該餐牌上寫三文魚腩蓉 唔係我叫三文魚腩飯 埋單就寫三文魚蓉飯最差是冇禮貌的職員 食完只有一肚氣

真係第一次難食到特登開ac寫負評都唔明點解會有咁多人排隊我叫左一個海鮮拉麵，第一下望到都呆左下，好頹廢成個拉麵鹼水味就有喇，其他就乜味都冇，個拉麵靈魂湯底都冇味呀！海鮮好似湯渣咁，個蛋都唔係溏心但有啲19拉麵都係比個熟蛋既，就算啦個麵應該係公仔拉麵都算啦，我真係形容唔到個質感，痴痴立立咁，係劣到我平時係屋企都煮得好食過佢，佢仲要收70幾蚊一碗個質素廿蚊一碗我都唔會想食可能我抱著正常日本拉麵餐廳水平去食，所以先會失望啦加油 繼續努力

我叫左份海鲜燒餅食左兩啖已經唔多對路 七成粉三成菜咁米問個待應羅 以為比錯蔬菜燒餅然後佢入左一轉廚房出番黎佢話有魷魚系入面我地米成份燒餅拆散黎睇(如圖)粉系生既 得一片鳴門卷 同一粒魷魚 如果你計埋啲木魚片 都叫海鮮既個待應最後同我取消張單 都可以比番一粒星既本來真系一粒星都唔想比我地一直系到講系到講佢地先有人過黎話：之前都冇人投訴過 但系今次你地有feedback既 我地都會同廚房反映反正我全家下次都唔會再去lu～

最近新開張諗住去試吓，有少少失望。環境是可以的，地方很光猛，舒適整齊，但食物質素就很一般，不是差，只是好似冇乜日本風味。串燒全部都略嫌燒得太乾，有點兒硬；魚生飯啲飯嘅質感有點硬，魚生係新鮮的，但係冇乜鮮味；拉麵稍為重味精及麻油味，麵略欠彈力；茄子就好重味精粉味道；炒菜有點兒淡口；唯一燒鯖魚是可接受的。總括來講佢嘅食物基本上冇乜食物嘅鮮味，佢食材係新鮮的，只不過烹調唔到個味道出嚟，感覺上冇一般日本餐廳應有嘅水準及味道。只是新開張，希望有待改進。

聽說開左間新野, 就同屋企人黎試試開頭諗住冇咩食評, 都唔敢有太大期望.黎到已經8點. 諗住會好多人, 始終都係食飯時間, 一行六人, 攞左飛之後, 10-15分鍾就可以入坐一定係我好彩入到去地方好寬敞. 真係打橫打直都得. 六人卡位, 一D都唔迫, D係覺得最埋邊位,有D唔係好夠冷氣 最後叫服務員開大小小, 就解決左個問題. 好喇, 入番個正題先入到去第一時間緊係叫個魚生啦.  阿爸阿媽大叫好味再叫左個梅刺身賣相OK. 阿姨覺得海贍可以再厚小小, 八爪魚唔知係唔係個厚度問題定紅色外皮問題, 有小小難咬, 但白色位置係爽身既上台唔夠10分鍾, 我地就清晒隻船再黎就係壽司喇 (因為掛住食, 所以冇影相)我地叫左10客壽司熟食食物: P.S 我地重叫左拉面, 但係因為食得傾得太開心冇影到. 個湯冇出面個D咁濃, 但屋企人話E個湯岩佢地. 到收舖時間個老闆重會出黎同我地傾下計, 問下邊D野可以改善下(老闆話個湯係佢地自己煲既, 但因為我冇睇住佢煲, 所以我就唔比評價了)

路過見到佢新開張，就湊吓熱鬧啦。雖然係午膳時間，但好好彩，去到剛好有位。我朋友叫咗三樣嘢，兩個人share食：豬軟骨拉麵 - 嚿豬軟骨細咗啲。都有半隻蛋，但不要期望係糖心。另外仲有蟹柳、粟米、海帶。呢個拉麵普普通通啦。三文魚燒餅 - 比較薄同埋細，同圖片真係有啲差距，而且冇咩三文魚嘅香味。劍魚壽司 - 嚿飯超細，魚生有“筋”﹐我放棄咗半嚿，食唔到。可能因為新開張啦，所以等食物嘅時間比較耐，個拉麵嚟度嘅時候已經急不及待同我個朋友分裝兩碗，所以相片就只能夠影到自己分到果碗。附近冇咩日式野食，難得開一間，希望佢地會進步啦。

中午唸住喺粉嶺中心揾食，見到有新開日本野食，咪唸住試下囉。 點知入到去無午餐，佢地話新開所以無喎，其實未准備好咪唔好開住囉。 為有就咁叫碗麵食下，等咗差唔多半個鐘先嚟到碗麵，明明叫咗麻辣湯底，點知嚟咗無辣，算啦，唔想再等，湯底好普通，似即食麵嗰啲加咗麻油咁，牛肉都好普通，完全無驚喜。 我老公叫咗最貴嗰款海鮮烏冬，要$72 蚊碗，啲海鮮小唔緊要，但海鮮完全無味，收得人$72 都比返小小質數人吖，應該唔會有下次了～～～

工作中午餐去試呢間新開嘅日本餐廳，去到淺木加門檔布，日本風味，攞咗票等10分鐘入座，入面一樣日本風，有刺身吧枱，坐四人枱唔迫幾舒服，難得仲幾空曠（香港餐廳好多都迫到要側身行）今日星期日無套餐牛肉鍋（$56）鐵鍋幾大鍋，賣相較凌亂，薄牛肉由湯浸熟，幾嫩滑，初時怕唔夠飽，原來入面有粗粉絲，索晒熱湯，好滑溜，配料有娃娃菜、魚蛋片、粟米粒，豆腐磚嫩滑，同火鍋甜湯幾夾，熱辣辣好味南瓜🎃蕃薯🍠天婦羅（$46）大大碟，炸漿略厚，好在咬落都香脆，南瓜香甜，蕃薯厚身頗甜，好味！同事食：水戶魚生丼（$88）牛肉拉麵（$42）吉列豬扒拉麵（$52）鰻魚炒飯食物幾好味，店員無講原因，只係話暫時無加一，店員們好似仲未熟悉，對答同安排都幾生硬！打破碗碟，廚房同刺身部出菜都頗慢，好在都斯文有禮搭夠！運作上要磨練下！新日本餐廳！