水源韓國料理 (已結業)

今天去過食，不見老板，諗住佢未返,企見服務質素大不如前，老闆娘沒有了笑容，就上網睇一睇食評同評論，才喺社交平台同這裏看到老板走了，當堂流淚出來，若不是知道這消息我都決定未必會再幫襯，但知道話消息後，我體諒老闆娘，因為今天看見她又要處理廚房同樓面，有點辛苦！老公仔你一個人在異地，又不懂廣東話，而且繼續經營我覺得她很堅強，所以我們決定繼續幫襯，希望這些良心小店不會結業！我覺得食物質素沒有太大改變，午餐的牛仔骨好好食，泡菜海鮮湯好好飲！燒黃花魚雖然等了很耐但又香又脆魚肉又滑繼續支持小店！

「水源韓式料理」曾是間我最喜愛的韓式餐廳甚至是間我能吃到最有「家的感覺」的餐廳店裡的老闆和老闆娘都非常親切我們彼此可互相關心可惜是自叔叔離開後老闆娘的情緒變得越來越焦躁態度也變差了……不單對員工破口大駡有時候對食客也表現得沒有禮貌食物方面或許近期受疫情影響食材有時候將價就貨我甚至不只一次吃到洋蔥、紅蘿蔔、大豆芽是酸的當我嘗試向她反映時她反倒覺得我麻煩……完全聽不入耳……我看著與她的交情所以亦漸漸不作聲依舊定時光顧支持願共度時間可惜是老闆娘好像並沒有太珍惜我們之間的交情……總而言之這裡食物質素算是還可以但態度就……在這裡有很不愉快的用餐經驗……看來沒有再下次?

我同一般都市人一樣，係街食仲多過喺屋企食，來匆匆去匆匆....！今日gym前要來一個減肥快餐，就去咗呢一間食韓國「碟頭飯」，呢一間我都唔係第一次幫襯，其實佢有炸雞、醬油蟹、鍋類食物，但係我減緊肥（我一年講N次都未減完），就叫咗一個豆腐海鮮鍋，朋友就叫咗牛肉泡菜鍋。但係白飯要分開叫，每個白飯要另外加$10！首先我要講吓我個豆腐海鮮鍋，味道係我鍾意嘅...少少辣、好開胃。唯一缺點就係佢冇乜海鮮，同埋佢啲豆腐碎晒，如果你接受到以上兩個缺點，佢個湯底大家應該會鍾意。而家朋友嗰個基本上同我個湯底係一樣，應該係同一個湯底「but」出嚟，只係加咗啲牛肉。下次做gym，我會再去試吓其他嘢

今日一家入到黎大埔，求其選左間韓國嘢食，店員態度一般，環境衛生一般，點了一個海鮮拼盤，海鮮質素真的麻麻，燒肉亦好一般，唯一我係覺得炸雞好食，蜆肉胡椒湯好飲，下次未必再黎試。

本身冇OpenRice Ac但呢間餐廳真係難食到我要特登開個account黎同大家分享😐我地叫左三樣嘢食 冇一樣係掂 最後雖然唔想浪費嘢食但係都真係食唔落首先我唔明點解個泡菜湯係有蕃茄味完全好似茶餐廳蕃茄湯通粉😑然後個泡菜煎餅 佢唔脆一舊粉都算 但點解會有蕃薯味？？？仲有明明係話炆牛肋骨 點解會變咗牛腩？仲要成碟野有陣噏味 係毛巾洗唔乾淨個種噏味食完完全顛覆左我對韓國嘢嘅認知真係好難食 最好食就係佢個前菜 大豆芽😄無下次

韓藉老闆娘識少少廣東話，唔識韓文就要全程講英文喇！泡菜，爽甜多汁非常適合港人味道，溫柔不激烈的辣味，清清甜味緊隨其後。薯仔，粉粉濃甜淨食或配飯同樣一流。青瓜，爽爽脆脆鹽香微辣帶甜。大豆芽，大注大注的塞，清爽味道多汁，不腥不嗅舔舔脷。涼拌菠菜，爽脆清甜，無其他要求。烤紫菜，不覺得有什麼分別。Hite 啤酒，真係太淡不香不醇不喜歡。真露，為左維護世界和平，一定要定時飲藥水，保持酒精濃度。韓燒梗係配燒酒啦，滋味無窮杯杯清。不過跟辛辣麵完全唔夾，完全唔想飲。滑滑微酒味不太辛，食烤肉必備。完全唔見有火既？無火煮食電爐來的嗎？火喉實在太慢。蛋黃生牛肉，蒜片青瓜蘋果雪梨耐心地親手撈得均勻，聯想再西餐生牛肉他他。清甜嫩滑牛肉絲，黏滑蛋黃搭蘋果絲青瓜絲，蒜片蒜粒係靈魂所在，辛甜美味！生牛蒜片撈飯，食得我津津有味。蛋黃生牛肉紫菜卷，撈飯真心美味無窮，試試紫菜卷別有番風味。醬油蟹，萬眾期待等足成個月終於食到您！用上普通細隻花蟹，不是大大隻既海蟹。醬油蟹飯，雖然細細隻肉不太多及只有微量蟹膏，但刮刮埋埋蟹肉也不少！勝在蟹肉鮮到飛天，海鮮醬油甜美提味，清爽撈汁撈肉撈飯，依舊好食到停唔到口！烤牛肉拼盤，烤手抓肉最綿

通常去食韓國餐廳，都不外乎去試食石頭鍋飯，或其他的菜色，食過這一間的部隊鍋後，就覺得可以推介，因為他的部隊鍋配料選材與普通的餐廳不同，他不會全部都採用罐頭材料，反而有很多的材料非常新鮮，所以值得一試。

午餐性價比超高 5人食5餸 附帶4款任添自家醃制小食 都唔使60蚊生牛肉 高汁好食 仲有多款韓式燒酒任君選擇晚市又有韓燒燒肉但可能位置偏僻 係OPPA korea對面暫時唔多聽朋友講起 但咁都比我搵到 好似係沙漠搵到個金鑛咁真心覺得呢間係良心企業又係屋企附近搵到間高汁飯堂大埔人不妨去舊墟直街試一試有一點搞笑就係佢地唔知係咪唔夠人手d樓面好似係請左d菲律賓工人咁唔係好聽得明廣東話，英文先聽得明係個老闆先聽得明中英韓而老闆娘就聽講係韓國人 好似都識幾句中文😂

啱啱睇完個韓國綜藝節目,突然間好想食韓國菜。跟住就上網揾到這間餐廳，我見佢雖然唔多食評，但係睇啲相都幾吸引就去試吓啦。點知真係好驚喜！先食啲小菜都知啲野食唔差得去邊，我地叫左個二人套餐，有牛肋肉同雞俾我地燒嚟食，啲肉質好之餘味道都醃得啱啱好！套餐仲跟個石頭拌飯同豆腐煲，個拌飯好好食仲有飯焦！豆腐煲都一樣真係不得了，味道啱啱好！個套餐先係$288，絕對性價比高！係香港揾到好食嘅韓國菜真係好難！我絕對會再番黎食！

夜晚想去食韓燒，知道大埔有間韓國餐廳，細細間，但用料高質。其中一個老闆係韓國人，所以食落嘅時候，覺得好友喺首爾食韓餐嘅感覺。我哋今次叫咗五花腩，筋同埋肉好分明，有口感有層次。另外，我覺得應該要試佢哋啲湯，我哋叫咗個牛肉湯，非常非常香甜，聽講佢哋啲湯，用牛骨，牛筒，煲足八個鐘。非常不錯，建議如果下次你行開大埔不妨走去一條小街，去食佢哋嘅特色菜式。咁到最後，老闆建議我是飲他們的五味子特飲，中藥配上雪碧，感覺非常refreshed。

因為韓國菜一般份量比較多，需要找多幾個人陪我吃，所以好久沒吃韓國菜了。最近發現了這家比較寬敞的韓國料理，星期六晚湊了5人來試試，共點5款菜式：什錦炒粉絲還好，沒什麼特別。炆牛勒骨 牛勒骨好吃。雖然我們嫌醬汁偏甜，但也覺得醬汁很下飯，所以另外點了一碗白飯。牛排湯胡椒味很突出。湯中有滑蛋，牛排則比較韌。海鮮薄餅不錯，上桌時表面微脆。可能是其他餸菜濃味的關係，這個薄餅相比起來味道較淡，不過蘸一下跟薄餅的豉油又好像鹹了點。安東燜雞 燜雞連鍋放到gas爐上邊煮邊吃，感覺似雞煲。鍋中配料豐富，除了雞，還有粉絲和年糕。湯汁鹹甜兩味皆濃，卻甜得過份。燜雞烹調時間掌握也相當有問題。首先，我們所有菜式一齊下單；當其他菜式都吃得差不多了，這個燜雞還沒上桌，難道是即點即斬的……然後燜雞上桌不久，我們便夾了1、2件雞件吃，已覺得肉質很粗糙，估計在廚房已煮過頭。但是在吃的同時，亦見到鍋內的雞槌還有點血水，薯仔和紅蘿蔔也還沒煮腍。為免肉質愈煮愈粗糙，再過了一會我們便把所有雞都撈上來。可惜結果是只有雞槌滑，雞翼肉質尚可，其他雞件都粗糙。最後我們吃剩了燜雞，要打包回家。如果沒有另點一碗白飯或沒有前菜，可能會吃得完。說起

之前係多倫多生活, 嗰邊有好幾間專食土豆豬骨煲嘅鋪頭, 全部由韓國大媽主理, 非常咁好味。返到嚟香港之後發覺香港冇乜幾間韓國餐廳有土豆豬骨煲供應, 呢10年裏面我不斷咁樣搵, 周圍去試周圍去食, 可惜一來好多地方冇,二來有嘅話都又難食又貴! 好慶幸搵到呢間, 佢個味真係好似回憶中嘅味道, 冇九成都有八成㗎啦, 真係幾好味! 而且午餐時間佢只係賣$68! 抵食又好味! 食完真係可以開心幾日🤤另外佢嘅炸醬麵都值得推介! 麵質好煙un好好味🤤我本身住港島特登揸車入嚟大埔食都係值得嘅💛

講小小背景先 ，跟屋企人來食過幾次都知道呢間店嘅小小背景！ 呢間店係一個韓國老闆娘開嘅，老闆娘係韓國人所以唔會太識講廣東話，可能都識聽一兩句掛，因為喺店入邊工作嗰個就係佢嘅老公，老公應該係香港人因為廣東話好流利！ 所以話韓國人開嘅韓國店質素點會差？ 我覺得好好味添！ 每次我們都要嗌嘅海鮮煎餅，炸粉好薄，海鮮好足料，佢會有個鹹鹹地嘅汁，我哋通常一上枱已經忘記咗個汁㗎啦，一下子一人一件就食晒！ 熱辣辣脆脆地好好味！ 跟住就係佢嘅韓式炒粉絲，個鹹味唔係死豉油味，佢仲會有韓式嗰種甜甜地嘅味！ 好開胃好好食，仲要有唔少配料添！ 同我喺韓國食嘅味道一樣果然好正宗！ 呢度仲有個芝士卷蛋，芝士好濃郁，蛋味夠香夠滑，好正啊！ 雖然店入邊嘅店員唔多，但係佢哋好有禮貌！好有親切感！ 其實我哋最鍾意嘅都係佢好多款式嘅餐前小食，一坐低就擺低四五樣嘅餐前小食俾我哋，有甜薯仔啦，泡菜，豆芽，青瓜！ 有時老闆仲好好人咁添加俾我哋食！ 當然要佢得閒先得喇！ 呢間鋪頭嘅燒肉都好出名，夾住生菜食，加埋秘製醬料！ 好正！ 推薦x100

喺大埔行街，心血來潮想食韓國菜，見呢間有我想食嘅水冷麵，就直接去食。去到咁啱有位唔使等，叫左個水冷麵、一隻醬油蟹同白飯。每枱都會有啲小菜，泡菜、大荳芽、薯仔同青瓜。泡菜辣度同咸度剛剛好，齋食定同水冷麵一齊食都得！薯仔就甜甜地，大荳芽就麻油味重，而青瓜就酸酸地。醬油蟹好咸，除左咸味咩味都食唔到，食完覺得會腎虧。肉質正常，要撈白飯先中和到個咸味。水冷麵就好清好爽口，蕎麥麵好煙韌，唔會糊，加埋泡菜一齊食好清爽。啲野食算ok，不過唔建議食醬油蟹。

<<生在美食天堂，點可以唔識食>> <<I born in Paradise of Food，Why not explore deeper?>>今次午餐來到這間在轉角小路的韓國餐廳一般午市人比較少晚市有燒肉可以吃，看起來比較熱鬧主要由老闆老闆娘打理（我估）交流時會出現韓文溝通聽起來有丁點身處韓國的感覺。午餐餐牌有路少選擇，但略見圖文唔相乎情況，不要盡信，但味道還好。正～少許肉，泡菜不太辣不太咸，份量適中仲有食過拌飯，普通，材料足，份量比泡菜大份，辣度自己外加辣醬調節總結裝修：木具家庭式裝修，座位空間夠闊服務：沒有盛情招待，但見到老闆老闆娘的累贅價錢：合理，平民向