影片
更多
2024-05-03
957 瀏覽
💁♀️💁♂️21/4/2024(Sun), Dinner🍽💁♀️為食妙妙早前同🙍♀️朋友女食過醬油蟹之後，一直都唔夠喉，念念不忘再想繼續食。趁呢一晚🙍♀️朋友女到為食妙妙屋企作客，一於去呢間名叫 嘅外賣醬油蟹🦀專門店買齊醬油海鮮大家一齊擦返餐😋😋😋！而今晚我地order咗：🔆 大胃海盜套餐呢個套餐用一個大嘅方型食物盒盛載，入面有一隻韓國延坪島珍寶醬油母蟹🦀（約重460 - 500 g）、五隻醬油爆膏有殼蝦🦐（原隻連殼有蝦頭膏）同埋兩隻醬油海鮑魚（來自非繁殖場的莞島野生連殼鮑魚微熟）。呢隻珍寶醬油蟹🦀真係好大隻，比起A先生嘅手掌🖐️仲要大。打開之後係滿滿橙紅色嘅膏，蟹膏味道濃郁，我哋最愛就將熱焫焫嘅白飯𢳂入蟹蓋入面，混入蟹膏、蟹肉、紫菜同少少醬油，呢個又熱又凍嘅組合的確係鮮味得無話可說，蟹嘅鮮味、加埋濃郁蟹膏、再加埋紫菜帶嚟嘅口感，唔覺唔覺就清咗個大大嘅蟹蓋。醬油鮑魚入口彈牙，鮑魚夠厚肉，同時都好入味。開頭我哋都擔心鮑魚會唔會偏韌，好彩店員都好詳細咁同我哋解釋佢哋嘅鮑魚係微微熟嘅，入口唔會韌，係比較腍滑彈牙。醬油蝦🦐評價可以睇下一段。🔆 醬油蝦🦐（有殼）醬油蝦🦐可以選有殼或者無殼，無殼就
💁♀️💁♂️21/4/2024(Sun), Dinner🍽
💁♀️為食妙妙早前同🙍♀️朋友女食過醬油蟹之後，一直都唔夠喉，念念不忘再想繼續食。趁呢一晚🙍♀️朋友女到為食妙妙屋企作客，一於去呢間名叫 嘅外賣醬油蟹🦀專門店買齊醬油海鮮大家一齊擦返餐😋😋😋！
而今晚我地order咗：
🔆 大胃海盜套餐
呢個套餐用一個大嘅方型食物盒盛載，入面有一隻韓國延坪島珍寶醬油母蟹🦀（約重460 - 500 g）、五隻醬油爆膏有殼蝦🦐（原隻連殼有蝦頭膏）同埋兩隻醬油海鮑魚（來自非繁殖場的莞島野生連殼鮑魚微熟）。
呢隻珍寶醬油蟹🦀真係好大隻，比起A先生嘅手掌🖐️仲要大。打開之後係滿滿橙紅色嘅膏，蟹膏味道濃郁，我哋最愛就將熱焫焫嘅白飯𢳂入蟹蓋入面，混入蟹膏、蟹肉、紫菜同少少醬油，呢個又熱又凍嘅組合的確係鮮味得無話可說，蟹嘅鮮味、加埋濃郁蟹膏、再加埋紫菜帶嚟嘅口感，唔覺唔覺就清咗個大大嘅蟹蓋。
醬油鮑魚入口彈牙，鮑魚夠厚肉，同時都好入味。開頭我哋都擔心鮑魚會唔會偏韌，好彩店員都好詳細咁同我哋解釋佢哋嘅鮑魚係微微熟嘅，入口唔會韌，係比較腍滑彈牙。
醬油蝦🦐評價可以睇下一段。
🔆 醬油蝦🦐（有殼）
醬油蝦🦐可以選有殼或者無殼，無殼就食得方便啲，但有殼嘅就可以食埋蝦入面嘅膏，味道更鮮甜，所以我哋選咗要有殼嘅醬油蝦。
醬油蝦🦐醃得夠晒入味，蝦頭入面都有唔少嘅橙紅色蝦膏，蝦膏味道鮮甜，蝦肉爽口入味，醬油嘅鹹鮮味再加蝦肉嘅鮮甜，連埋蝦膏將蝦鮮味再提昇，食味絕不輸醬油蟹🦀。
🔆 原隻醬油蟹 2隻 (1.3kg)
呢兩隻醬油蟹🦀就比套餐嘅珍寶蟹細少少🤏，但其實都已經大隻過一般喺餐廳食嘅唔少。同樣地都係滿滿嘅蟹膏，同埋鮮味嘅蟹肉。
🔆 醬油厚切三文魚 300g
厚切嘅三文魚入口口感十足，醃製過嘅三文魚肉連埋魚油，入口嫩滑，醬油加埋三文魚嘅鮮味都好匹配。可能三文魚比較肥美嘅關係，所以食多件會有點膩口嘅感覺。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 醬油嘅調味恰到好處，帶出海產嘅鮮甜味道，亦提昇咗海產嘅風味
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車最方便都係朗泊返長沙灣廣場🅿️，有大量車位，只係上落嘅通道比較窄，要小心
👉🏻 港鐵🚇出口可以直上長沙灣廣場，另外都有唔少巴士🚌可以輕易到達
🔆🔆🔆🔆🔆🔆🔆🔆🔆🔆🔆🔆🔆
張貼
