水記乾撈車仔麵 (已結業)

之前睇到介紹，話標榜無味精湯底都想試好耐架喇晚餐時段630都唔多人得4枱好多餸都好想叫最後我叫左個多餸撈麵朋友叫左個湯麵撈麵餅比想像中細碟份量少左d, 半個人份量度湯麵款個麵份量正常撈麵個味道比想像中淡少少但係佢自家製沙嗲醬同辣醬好好食我喪加落撈麵正價錢就唔算平可能無味精湯底關係貴d食完又真係唔口渴

嚟尖沙咀聽talk六點半到 發現大部分餐廳都係要坐得耐行行兜兜吓就嚟左呢間係厚福街嘅小店門面乾淨企理香港復古風 望落去就非常舒服門口大大隻字寫住全日40蚊三送(注意：係全部送任揀）車仔面就佢啦！可能係因為落大雨同平日夜晚六點幾所以裡面人唔係好多都驚伏咖點知有驚喜！因為未食過陳村粉問staff佢啲都非常樂意解答咩係陳村粉同埋佢啲啲送所以就試左，牛腩 腩肉 同雲吞牛腩望落去深色以為煮太耐會好柴點知食落都幾嫩滑(你知啦牛腩入味同嫩只可以選一)佢就做到balance另外腩肉都強烈推薦見到好似燶燶地但係又係擁有扎實嘅質感同滷水汁味 正正正特別加推就係檯面上果兩種醬(辣椒同沙爹)老闆娘自己親自炒咖臨走之前 我仲買左一樽辣醬俾熱愛食辣嘅老母食

呢間餐廳嘅位置成日都轉手，上一次係一間海南雞飯餐廳，試過都唔錯，點知咁快又轉左，我揀咗 豬腸腩肉撈陳村粉 豬腸 — 有顏色，但味道死鹹，一啲都唔好食雞翼 — 個心係凍既，忍唔住要同佢講，煮多次再拎比我腩肉 — 除咗鹽，好明顯冇咩淹過蘿蔔 — 都一樣成碟都好唔健康，太多油，得顏色同埋鹹味，就冇咩味道喇食得出廚師一啲誠意都冇... 而且餐廳同上一手嘅裝修差唔多，原本明明係越南風味簡單裝修都叫合理，但係港式完全唔係咁... 睇得出低成本投資 ☹️

車仔麵無論湯好定乾撈⋯我都鍾意😋·🥢牛腩腸仔魚肉春卷時菜豉油撈麵（$56）魚肉春卷後上既關係，係無影到既😂但剛炸起熱爆，唔錯！雖然豉油撈麵，但整體味道唔太夠😂要落沙茶醬～但係如果好肚餓，真心唔建議食呢間😂會唔飽！🤪·🥢豬腸豬紅腩肉魚蛋撈麵（$58）豬腸幾乾淨～但可惜唔入味🤭·🥢大雜麵（$48）配料有蘿蔔；魚蛋；時菜；豬皮；雞翼尖；豬腸🐽好豐富～餓底之選·🥟炸雲吞 又係熱辣辣即炸起👍🏻🤤🤤但饀料不多-📍#水記乾撈車仔麵 尖沙咀厚福街7號地鋪

行開厚福街又唔想食平時食開嗰幾間，經過見到呢間乾撈車仔麵。小妹對乾撈同個麵字都沒有抵抗力，終於走左入去。裝修行懷舊大排檔風味，主打冇味精。今時今日出街食要冇味精都幾難，難得呢間食完真係唔喉嚨涸。沒味精的原故，撈麵不太夠味。但一加個沙茶醬，靈魂返晒黎！又香又好味，建議大家逐少逐少加，因為個醬都幾濃味。老闆好nice, 人情味加分。可能新開張所以餸菜選擇不太多，如果可以增添墨魚仔、韭菜餃等，或其他撈麵的醬汁選擇會更加吸引！畢竟乾撈係佢地特色，希望佢地做得更出色！

當時係時間5:34 ，可能我自己冇睇到錶以為仲有下午茶，入去填好晒外賣紙先知道已經過咗下午茶時間，只係差4分鐘，收銀又唔好提我話冇下午茶，咁都冇辦法填左就照買啦，但係個收銀好似唔多滿意我問有冇下午茶，我都係問下姐，點知返到去打開個外賣食嘅時候發現個面係唔熟嘅，但係我呢一個係乾撈，咁我可以點呢🤦🏼‍♀️，我唯有下一次係唔幫襯，仲有叫凍檸茶，雖然係凍嘅，但唔明點解冇冰🤷🏼‍♀️

厚福街就係我公司附近，見之前食泰國船麵間鋪頭好快就轉左做車仔麵店，行過幾次都冇時間入去試下，今日終於可以試試大概下午十二點，未算好多人，一入去唔洗等位就食到，坐低睇下點單紙，有撈麵（秘製懷舊豉油）或湯麵（豬骨湯底）選擇，而且可以揀腩汁或走腩汁。今日比較想食湯麵，所以叫左湯米粉，麵底$12，之後揀左3款餸，咖喱魚蛋$10，豬腸$12同雞翼$12，加埋凍奶茶+$10主打不含味精，感覺會健康D，食落果然清淡D，另外如果覺得唔夠濃味，仲有辣椒醬同沙嗲醬可加落去，我試左沙嗲醬，好味下次黎會試下撈麵

無意中經過厚福街，發現一間新開小店，主打無味精車仔麵，姑且一試竟有意外驚喜，帶㸃乾蒜味的豉油撈麵，加上豬皮，木耳，云呑，另有一番懷舊風味，最特別就係這小店有一樽不辣的沙茶醬，和一樽特製辣醬可供客人自由添加，我不吃辣所以挑選沙茶醬，一試簡直回味無窮停不了，最重要係吃麵回家後，一直都沒有嗰種食完味精後不斷要飲水的口渴感覺，在這個大眾都開始注重健康的時代，老闆真的無落味精，這種堅持值得一讚，誠意推介大家一試！

前幾日上網見到飲食男女推介依間新開嘅車仔麵 今日去開尖沙咀就走過去試下 大概點幾鐘 店裡面都唔係話好多人 坐低之後 有個夥計就走過黎 可能見我同朋有幫住張剔餸嘅紙好耐 佢就介紹我地食豉油乾撈 上菜係銀碟咁 配埋銀色枱面同店舖綠色牆 真係幾有feel😛 我朋友要咗陳村粉 配咗墨魚條 蘿蔔 而我就食最普通嘅公仔麵 因為我覺得每次去新店 都係食咗最basic嘅野先🙊 再配咗大腸 豬紅 腸仔 私心推介大腸真係好正 偷咗朋友一舊墨魚條都覺得很不錯 整體個乾撈恰到好處 唔會太濕 唔會太乾 豉油唔會話好鹹🙊食咗一陣 聽到隔離枱話沙嗲汁正 我就拎起菜單睇 冇見到可以揀汁喎 就問下個夥計 點知原來枱面已經有沙嗲醬同辣椒醬可以任落🤤🤤 佢仲話啲醬係佢地自己整 好惹味 我都落咗幾次 因為我屋企人好中意食沙嗲 就問老闆娘有冇得賣 佢話依家啱啱開舖太忙 整一盤都要個幾鐘 而且佢地店舖好多配料 好似雲吞 牛腩 都係自己整 所以冇時間再整沙嗲醬賣😭 同老闆娘傾咗陣佢仲拎咗啲牛腩比我地試添😍P.s. 食陣嘅時候 見到老闆娘走咗過隔離枱同一家三口個細路講話 小朋友 你叫得太多配料啦 (冇睇錯好似點咗10-11個😂)

係香港，想搵到一間車仔麵店，係一件好難既事，重要係好食既車仔麵店，係更加困難。由於昂貴的租金，一D地道食肆既生存空間係非常之少。係市區我地最常見到既，無非都係大牌子、大集團既鋪頭，或者係不同國家菜色既食店。想搵返本地特色既餐廳 ? 你會搵到好多不同既茶餐廳，但由於很多不同的原因，你會搵唔到以前舊式茶餐廳既味道，或者你唔會對佢有任何期望。今日，我係尖沙咀搵餐廳食午餐之際，突然比我見到一間車仔麵店，心諗 "唔會又係永x既翻版嘛" ，於是就埋去睇下餐牌先啦，見佢食材選擇都幾多，而且仲有d係我鍾意食既，於是，就走入去試試佢啦，竟然比我發現："有驚喜！"可能有好多人唔認同，但係我認為係車仔麵裡面，公仔麵算係最難掌握的一種主食，煮得太耐就會淋，唔夠爽 ; 煮得太快就會硬，唔夠熟 ; 水唔夠熱就會起渣 ; 水太熱就會變潺。 想整碗好食既公仔麵，係好考師傅既經驗同功夫，但係竟然比我係呢到搵到，一碗煙韌彈牙既公仔麵。 果種感覺係好震撼，佢唔似平既hea你既車仔麵店，你係食得出，佢係有比心機去做，係想做d好野出黎比你食果種，而唔係求其煮完就算果隻。 咖哩魚蛋夠彈牙，咖哩汁唔會太辣 ; 腩汁唔算太濃味，剛剛

最近睇到賣廣告話呢間野cp 值好高，服務態度好，今日終於去試一試大約1300左右去到，都幾多人，點了牛腩，豬腸，腩肉，湯河，坐了一陣有個walk in 坐了我對面，也是點了湯河過了5分鐘對面個客食物先來了，我也繼續坐著等，看見很多客叫樓面落單，佢地都係扮聽唔到，惦行惦過大約1320左右，樓面拎了張紙同我講等得甘耐係因為腩肉賣曬，叫我再簡，我話你唔早d 同我講賣曬？最後我點了豬皮再過了10分鐘，終於到了，我準備食ge 時候，發現佢唔係比湯河我，比左公仔面我，我同樓面講比錯左，個男樓面同我講河粉賣曬，所以比公仔面我，我立即呆左，無河粉你唔同我講，幫我渣主意，要了公仔面？？最後浪費了我半個鐘時間，我無食到就嬲到走左我覺得而家d 鋪頭又要好生意，多人客，賣曬廣告，當有人ge 時間完全兼顧唔到，甘樣只會得失客人簡單d 講，係能力不足！！！！！