水記乾撈車仔麵 (已結業)

行開厚福街又唔想食平時食開嗰幾間，經過見到呢間乾撈車仔麵。小妹對乾撈同個麵字都沒有抵抗力，終於走左入去。裝修行懷舊大排檔風味，主打冇味精。今時今日出街食要冇味精都幾難，難得呢間食完真係唔喉嚨涸。沒味精的原故，撈麵不太夠味。但一加個沙茶醬，靈魂返晒黎！又香又好味，建議大家逐少逐少加，因為個醬都幾濃味。老闆好nice, 人情味加分。可能新開張所以餸菜選擇不太多，如果可以增添墨魚仔、韭菜餃等，或其他撈麵的醬汁選擇會更加吸引！畢竟乾撈係佢地特色，希望佢地做得更出色！