影片
更多
2019-03-31
339 瀏覽
係香港，想搵到一間車仔麵店，係一件好難既事，重要係好食既車仔麵店，係更加困難。由於昂貴的租金，一D地道食肆既生存空間係非常之少。係市區我地最常見到既，無非都係大牌子、大集團既鋪頭，或者係不同國家菜色既食店。想搵返本地特色既餐廳 ? 你會搵到好多不同既茶餐廳，但由於很多不同的原因，你會搵唔到以前舊式茶餐廳既味道，或者你唔會對佢有任何期望。今日，我係尖沙咀搵餐廳食午餐之際，突然比我見到一間車仔麵店，心諗 "唔會又係永x既翻版嘛" ，於是就埋去睇下餐牌先啦，見佢食材選擇都幾多，而且仲有d係我鍾意食既，於是，就走入去試試佢啦，竟然比我發現："有驚喜！"可能有好多人唔認同，但係我認為係車仔麵裡面，公仔麵算係最難掌握的一種主食，煮得太耐就會淋，唔夠爽 ; 煮得太快就會硬，唔夠熟 ; 水唔夠熱就會起渣 ; 水太熱就會變潺。 想整碗好食既公仔麵，係好考師傅既經驗同功夫，但係竟然比我係呢到搵到，一碗煙韌彈牙既公仔麵。 果種感覺係好震撼，佢唔似平既hea你既車仔麵店，你係食得出，佢係有比心機去做，係想做d好野出黎比你食果種，而唔係求其煮完就算果隻。 咖哩魚蛋夠彈牙，咖哩汁唔會太辣 ; 腩汁唔算太濃味，剛剛
係市區我地最常見到既，無非都係大牌子、大集團既鋪頭，或者係不同國家菜色既食店。想搵返本地特色既餐廳 ? 你會搵到好多不同既茶餐廳，但由於很多不同的原因，你會搵唔到以前舊式茶餐廳既味道，或者你唔會對佢有任何期望。
今日，我係尖沙咀搵餐廳食午餐之際，突然比我見到一間車仔麵店，心諗 "唔會又係永x既翻版嘛" ，於是就埋去睇下餐牌先啦，見佢食材選擇都幾多，而且仲有d係我鍾意食既，於是，就走入去試試佢啦，竟然比我發現："有驚喜！"
可能有好多人唔認同，但係我認為係車仔麵裡面，公仔麵算係最難掌握的一種主食，煮得太耐就會淋，唔夠爽 ; 煮得太快就會硬，唔夠熟 ; 水唔夠熱就會起渣 ; 水太熱就會變潺。 想整碗好食既公仔麵，係好考師傅既經驗同功夫，但係竟然比我係呢到搵到，一碗煙韌彈牙既公仔麵。
果種感覺係好震撼，佢唔似平既hea你既車仔麵店，你係食得出，佢係有比心機去做，係想做d好野出黎比你食果種，而唔係求其煮完就算果隻。 咖哩魚蛋夠彈牙，咖哩汁唔會太辣 ; 腩汁唔算太濃味，剛剛好 ; 沙嗲汁好食夠入味，撈埋落個面到麵一流。
最好係個店長，份人好nice會埋黎問下客人，覺得好唔好食，有無d咩要改進。睇得出，佢係好有熱誠想去做好d。係間鋪頭裡面，你食到既，唔止係碗車仔麵，更加係會體驗到果種厚厚既人情味。
令人好難想像，竟然會係市區中，搵到一間咁樣既鋪頭，會感覺到係好罕有，而且好震撼！ 市區租金係好高既，能夠搵到一間咁好食、咁有熱誠既車仔麵係極度難能可貴，希望佢可以繼續做落去，唔好咁快捱唔住。
我以前從未試過寫食評，今次係第一次。我係覺得，係現今既香港能夠搵到間咁有誠意既車仔麵店，係十分難得，係好應該去保存，希望呢個食評可以幫佢啦！
張貼