水鄉茶寮

營業中

休息中

🇭🇰水鄉茶寮·鮮製冰凍檸檬茶 $22/樽 $15/杯之後呢個係我之前飲過覺得好飲 今次再買既 不過原來樽裝係一早沖好曬既 雖然都好飲 但係好似買杯裝望住佢新鮮整開心啲🤭🤣🤣佢個檸檬茶飲落茶味好濃 甘得黎唔會澀 而且係有一個獨特既清茶味 我自己好中意🌿之後佢檸檬味都好香 配埋少少蜜糖 好好飲🍋·📍大澳石仔埗街111B號地舖

大橋嘅開通令大澳不時充滿旅行團嘅人流🤦🏻‍♂️入大澳難有回到水鄉人情閒暇嘅時光，不過大澳總搵到屬於佢保留嘅特色地方，非旅遊客嘅去處。哩間水鄉茶寮就系我入大澳都會去坐一坐嘅必去處，水鄉最難得就系以山水泡茶嘅原汁原味，愛好品茶者可以入茶寮選茶葉，或者同老板娘閒聊，仲會因你嘅喜好同體質氣候，比建議你品嚐咩茶👍🏻即使你對茶系零認識，佢都有鮮榨檸檬茶🍋比你買，今次我都買左支拎走😋而一定要食嘅系茶葉蛋！哩隻茶葉蛋物超所值！用充足份量馬騮摵去炮製，蛋白嘅紋理同蛋黃嘅顏色，都睇得出佢茶味極足，食完隻蛋仲齒頰留香🤤🤤（P.S.無收誇誇服務）當然最欣賞嘅系茶寮嘅人情味👍🏻 少有旅遊客去，實質系難經營，但希望可以保留住哩種少有嘅茶寮，入得大澳就去支持下！

各位有所不知啦，以為大澳得一間其記飲凍檸茶，其實仲有一間開喺路邊嘅隱世小店沖檸茶沖到出神入化，佢就係大澳水鄉茶寮。店主將新鮮嘅檸檬汁搾出，加入自己調配好的茶，然後進行隔渣，等檸檬茶溫度適中後再加上天然蜜糖調味，最後就係雪凍。個檸茶一飲落就知係全天然無添加，味道清得黎帶點檸檬嘅香味，加上有蜜糖嘅中和同滋潤，真係一試難忘！不過店主好似唔係成日開門架，加上檸茶無添加劑，因此儲存時間唔長，通常唔會大量生產，當日賣曬就無架啦，所以要飲到咁好嘅飲品真係唔易。