永利清湯腩 (新港城廣場) (已結業)

今日同朋友不知食什麼好,路過這間永利清湯腩,就想試一試.跟著叫了一個牛腩飯,同牛腩河加奶茶.佢都唔算茶餐廳,咁奶茶唔好都算.飲落去跟本水加奶精冇茶味...最慘係D牛腩,又UN又鞋.同我阿女麻煮D牛尾湯湯渣一樣冇味,,,,,又貴36蚊加40蚊....下次比錢都唔會食雖然冇影相,但真係好鬼差

今晚考完試已經9點幾,攰攰地又選擇唔多ge情況之下,黎到呢邊,發現永利清湯腩未收,之前睇過見到好評唔少,於是決定黎試一下!人唔多,可能都夜啦!研究左個餐牌之後,我決定食咖哩牛腩飯,女朋友食咖哩牛腩米線!落單時,叫火線果陣,個老闆話'你要咩牛腩呀坑腩啦坑腩好',跟手就寫左,諗都未諗清楚,而且坑腩要加$2,不過我都係想試上ge,咁就要坑腩啦!另外個飯就普通牛腩ok!因為太肚餓,黎到急不及待食左一啖,先記得影返張相!飯ge份量ok,不過個汁幾'希'下,我覺得咖哩汁太'希'太水唔好食,尤其撈飯!而且牛腩有幾舊真係幾韌下,可能我一開始對佢期望太高!只係覺得不過不失...女朋友ge米線,佢話個份量少左D,我都試左佢D坑腩,覺得同普通牛腩冇咩分別!我以為會好食D,口感唔同D,但係真係冇分別...食左兩三舊,有D韌...唔係咁好'趙'...我覺得好食D ge牛腩係應該林林地但係又唔好散開...不過呢度就一般啦...叫左野飲,算係茶餐廳水準,都ok ge!總括黎講招牌牛腩一般咋...期望唔好太高!希望可以改善下,'林'返D啦!

見這裡評價甚好，於是假日來個新嘗試，今次點了清湯爽腩米粉和咖喱金錢肚飯。米粉的湯底太清淡，要自己添加調味，至於主角的爽腩，則不太突出，以它的價位來說應該有更好的水準。至於咖喱金錢肚飯，賣相不太吸引，但咖喱汁反而有驚喜，帶有淡淡椰香，配菜的薯仔也入味，不過金錢肚則不是我喜歡的口感，感覺太淋。總括來說，這間餐廳的食物尚可，咖喱汁亦較出色(旁邊的一檯，4個也是選擇咖喱汁)，不過以價位來說，同區還有其他選擇。

雖然在這邊都生活了好一段日子, 但原來也有家好店子未有試過, 說的就是永利這家賣清湯腩的店子, 是晚就跟文迪來一試. 店子環境簡單, 擺位是幾擠逼的. 來到這裡, 吃的不用他想, 就是清湯腩吧.清湯牛腩河粉 $34: 8分, 一客牛腩河粉賣$32, 連飲品一杯, 冷熱皆可, 如果轉坑腩或者爽腩就加$2, 是相當合理的價位. 先喝口湯, 是幾清甜的, 不太有師傅的痕跡, 不俗. 再吃口牛腩, 要了坑腩, 肥瘦相間, 肉味濃郁, 肥的部份相當之肥美, 而瘦的部份更是意料之外的嫩滑, 難得, 是水準之作. 河粉吸收了個湯汁, 也是相當的惹味.咖哩牛腩飯 $36: 8分, 店子另一個推介就是咖哩, 好, 又要一客試試. 一客$30,改坑腩加$2, 再加$4就包飲品一杯. 咖哩汁不算是太辣, 或許對不少朋友來講是不辣的了, 但用來撈飯還是幾開胃的, 薯仔更是精華. 牛腩一樣的有水準, 配上咖哩汁同吃, 跟清湯是兩種不同的層次, 也是令人滿意的. 可以的話, 最好是每款選一客.腐乳通菜 $12: 8分, 剩吃牛腩太寡, 要了客腐乳通菜, $12一客, 份量也不少, 通菜還算幾靚, 還跟上腐乳, 亦

叫左個咖喱牛筋腩.冇筋( 算 !!!)食到最未. 最後一舊牛腩.點知有一條約1cm 蟲諗起想嘔 ...我投訴.對5住都冇, 問我換5換多碗 / 5收錢梗係揀5收錢. 我已經投訴左比食環處知.

自從上次食左個爽腩面之後，對爽腩相當懷念，於是今次又重拾滋味，不過今次想有新嘗試，就是不要清湯要咖喱爽腩一如以往肥瘦適中，口感軟滑，而咖喱汁也是相當美味，不太辣反而有些甜味，這個味道不會搶走牛腩的味道，不錯！這麼好吃很快便吃完一碟飯還叫了個油菜芥蘭，即叫即煮，很新鮮，加多罐可口可樂，吃得很飽這店長吃長來呢！

食過翻尋味, 上次試過d牛腩好正, 今天再嚟幫襯, 但今天試食另一款牛腩.................. 淨坑腩 上次試過爽腩好爽, 見坑腩都係要加錢, 估計應該都係好味.................果然不出所料, 坑腩好林, 不過肥咗少少, 個人都係鍾意食爽腩多d~~ 金錢肚河 上次食好爽口, 今次都唔例外, 爽得嚟唔會un, 老人家都食到~~ 雙丸河 上次試過佢d米線, 煮得太林, 又有可能本身d米線唔靚, 所以今次都係叫番河粉好d~~ 所有牛乜牛物都試勻, 本住乜都試新嘢的宗旨, 叫咗個雙丸, 分別係蝦丸同頁丸, 餐牌上寫係四海出品, 一有信心保證, 點知比佢呃咗.....................明明寫係蝦丸, 點知原來係龍蝦丸, 而且龍蝦丸同頁丸都煮得太林, 又唔彈牙, 唔係咁好食lor~~~下次再嚟食, 都係叫番牛腩、金錢肚同埋牛根, 呢3樣係最正~~~

平時去開灣仔／天后，我都鍾意食清湯腩，但我往沙田就冇得食咯，所以特登踩單車去馬鞍山拜訪下永利。佢係清湯味道，唔同群記／九記的濃湯味道，但唔錯，都好有牛味，我第一次試爽腩，腍！老婆叫牛肚，無so味真係唔錯！而蘿蔔有渣，貨色麻麻靠新鮮搭夠！唯一失望係價錢，$26牛腩米，莫非來貨真係咁貴？

今日生日，想自己靜靜地周街搵野食慶祝下，於是上網查下家附近有咩食，就來到這裡了叫左個牛爽腩面，加左兩元，因為未食過，所以想試下！個湯好清，而且ｄ爽腩真係好爽肥瘦比例真係好好，而且煮得好入味啊！好快就食完，有想叫多碗的感覺！三十蚊一碗面，加多兩蚊轉爽腩，好似比出面貴左幾蚊，但真係抵食囉，而且勝在凍飲唔洗加錢ｘｄ估唔到馬鞍山都有咁正的清湯腩食，真係好驚喜，加上老板又好人，一定會成日再黎啦＠＠

話說幾個月前上嚟睇到馬鞍山呢間清湯腩幾好食評, 所以想試試, 但又好衰唔衰, 懶叻咁見係新港城, 諗住好易搵, 點知圍住個新港城外圍行咗2圈, 又响商場入面搵水牌, 但點都搵唔到.......................但今次其實係想去附近果間日本嘢食, 但搵下搵下竟然見到呢間上次搵極都搵唔到的清湯腩, 難得咁樣發現, 所以即時走入去食.................入到去有6-7張中圓枱, 但都有人坐, 而我唔鍾意搭枱, 所以選擇咗係廚房與樓面之間的通道的2人枱, 雖然細咗少少, 但起碼冇人打擾.................呢度環境比其他食魚粉的舖頭光猛同埋乾淨, 感覺好好, 而且應該係小家庭生意, 對客好nice同埋好好笑容, 仲好服侍周到tim~~~ 見你張枱冇乜位, 就幫你收起d唔要的用具, 見你share食, 又會自動一人比一隻碗, 見你食完, 竟然遞盒紙巾比你抹嘴, 到你比完錢, 又會提你拎齊嘢走, 小心行, 多謝哂之類..............你話今時今日可以响邊度搵呢d咁好的service??? 講番d食物, 雖然等得耐少少, 可能太多外賣, 但質素同味道

去烏奚沙散步完, 去到屋企附近想吃個下午茶, 撞下撞下來到呢間~一入門口, 一個人都冇, 好怪~ 估唔到原來馬鞍山都有清湯腩吃~ 老公話奶茶唔得, 好似茶包沖出來咁味~ 老公叫的, 清湯果然好清, 冇乜味, 坑腩&牛肚都唔痴牙, 有牛味, 唔太林, 唔太韌~ GOOD~ 好似有普通牛腩, 坑腩或爽腩分, 如叫坑腩/爽腩, 要加$2, 下午茶時間雙拼同價~ 我見到個牌寫住蝦丸, 仲以為類似蝦滑的東西整成的球狀, 點知來到先知係龍蝦丸 , 我果個就冇乜特別, 好似屋企煮咁~食食下, 有家長帶小朋友來吃, 個媽媽問小朋友想吃乜, 好大聲講: 牛腩河~我估呢度牛腩真係正, 連小朋友都鍾意吃~ 下次想吃牛根, 或者試下佢D海南咖哩汁~

在偶然的情況下,約一位朋友食午餐,便隨便地來到了朋友樓下的這間餐廳。環境座位是有點擠迫,但位置處於街市, 這也是可體諒的。合格分數吧。3/5衛生整體算是整潔, 檯面也很乾淨。4/5服務店員態度親切, 在點菜上菜時還跟我們說笑寒喧一兩句,在快餐店林立的小都市, 這份人情味不容易找得到。5/5食物清湯沒甚麼好講, 就是很清的清湯的味道啦, 而牛腩並非牛坑腩 只是普通的牛腩所以並不是說非常的爽口。但醃料跟牛腩的味道非常配合,吊出了牛腩的香味,+$5有一碟油菜, 也很不錯 4/5抵食不記得實際銀碼了,大概十多元一碗的牛腩河,其實也很「抵食」。 4/5

2010年10月31日，17:00當日是果老師的大日子，觀禮後繼續獨食。在晴朗的下午，漫步到到這店。要了爽腩河和芥蘭。爽腩河：湯底有點點偏鹹，腩靠邊位，不特別爽口，有點粗糙@m@ 河粉屬細滑。 吃完後兩個小時仍口渴>m<芥蘭：好喜歡那甘味，夠爽脆^m^店地方不算少，但間隔怪怪，不夠開揚。伙計算勤快、有禮。題外話：這天是果老師大日子。一生祇有一次的"浸禮"。她花了多年，才決志，最終受浸。果老師，漫漫長路仍等著你走。願你在祂的光照下。隨時隨地，不經意地，宣示你的信仰。

剛剛搬來,想落去行下,當吸下新鮮空氣呢度的商場冇咩好睇,又冇咩特別野食到夜晚有點餓,見呢間野門面幾ok,所以入來試下第一次來呢間野度食,店員全部都係侯生女呢間店比較細,坐位少,而且有少少迫因為冇咩人,我一坐底,佢就即刻同我落單想試一試d咖哩,就選左個咖哩斑塊飯,上菜時候,睇到d咖哩紅卜卜,好似好掂誰知食落口,斑塊唔算入味,只係有少許辣雖然斑塊表層炸到好香,又淋,而且份量唔少可惜飯就好少,沒有飽的感覺但是呢度冇飲品送,所以有點口渴!!

前幾天,係馬鞍山工作完因為第二次來,始終未算太熟不知有甚麼店選擇而且當時非常累,所以求求其其搵一間店食飯便了事店樣平平無奇,只得永利清湯腩幾個大字,地方有點窄好彩人就不是很多!!所以即時做有位比我坐清湯牛腩飯腩有2個選擇(爽腩)(坑腩)坑腩肥瘦適中,不會寡,很易入口但味道清啖了一點,適合撈埋湯一齊食個湯食唔出有咩特別,有少少蘿蔔味個飯份量不是很夠(因為我當時有累又餓= =...)之後我差不多食完,想叫佢加飯服務員也很樂意同我換...覺得實在太好人了