永年士多 (寶城洋樓)

營業中

休息中

三餸車仔面 豬皮，魷魚，牛筋粗面（少辣）咖哩豬皮對我黎講有d辣，不過好過癮，豬皮好入味，唔係得外面辣，所以好正！魷魚爽口彈牙，牛筋亦好霖！而粗面就硬左少少。今日早放lunch，見少人先去排隊，之後就好多人，建議時間比較寬裕既人先好光顧

🔹️永年士多 (元朗寶城洋樓)🔹️永年士多扎根元朗賣車仔麵已經有三十四年，由以前既小食檔到經營車仔麵檔，到以家有規模既店舖，永年士多結合創新元素與懷舊美食。食左幾間，都係覺得元朗總店整既食物係最好味1️⃣雞翼尖 豬紅 魚蛋 幼麵餐雞翼尖豬紅魚蛋呢三樣每一次去都係必點既食物，豬紅真係烹煮得好入味，雞翼尖及魚蛋就正常水準2️⃣魚蛋 芝士丸 魷魚 時菜餐 (中辣)有時菜餐其實都幾好呀，比啲只係想食配菜既人，配菜既選擇都有好多，有傳統既豬紅、豬皮、魚蛋、紅腸、蘿蔔... 亦有特式款式，枝竹球、手工餃、流心蛋都幾吸引架🍹飲品🔹️凍檸檬茶 🔹️紅豆奶茶冰

餐廳環境（評分4.5/5）餐廳環境基本上可以拎到滿分咁滯，因為長期會有1-2個人去負責收拾乾淨，每次有人食完走後都會立即清潔，燈光光亮，所以環境方面真係冇咩嘢負評，乾淨整潔。四寶車仔麵（4/5）首先由碗湯去品嚐，車仔麵某種程度黎講，叫既湯底都算係重點之一，麻辣湯底小辣，個人算係比較食得辣黎講都頗為辣，食唔到辣可以叫BB辣試試口癮，味道濃郁。豬皮非常爽口，蘿蔔入口即溶，豬大腸係咁多道菜頭號好味，至於豬紅就比較遜色，當日仲要好似食到少少鹼味。總括而言都算唔錯，每道配搭都係車仔麵既精華之一。奶油多士（5/5）雖然話多士真係冇咩嘢技術而言，但都相比其他鋪足料同埋用咗厚多士都係加分味。

堂食較辣外賣自取服務及食物質素較好相比堂食出錯率低菜份量也較充足溫度剛好價錢比較更加經濟基本上自助式 堂食沒有什麼服務.To compare with dining in the restaurant take away food quality much better and less spicy . Also , less mistake. The side dish vegetables also sufficient better quality than dining in .

難得去元朗，問吓地膽有啲咩好食，於是佢就推介永年士多，呢度主打馳名車仔麵咁我就梗係要試吓啦！由於第一次食朋友推薦我食大碗餸（ $86 ）佢哋可以嗌唔同嘅粉面或者係米線，咁我就叫咗米線底我朋友就叫咗粗面底，由於我鍾意食辣所以我就要咗中辣，呢碗麵都真係幾大碗有好多唔同嘅餸包括左蘿蔔、豬腸、紅腸、魚蛋、豬皮、雞翼、雞翼尖、豬紅等等…..另外飲品嗌咗支裝奶茶同埋一杯士多啤梨乳酸梳打，杯梳打唔係好甜清清地配埋辣麵都好好味，果然冇介紹錯！

叫咗兩碗車仔麵…點知其中一碗裏面有不明膠粒(Size如一粒必理痛)，再加牛皮紙碎一張衛生存疑😓成碗冇食上咗佢哋社交平台跟進，因為電話長期冇人聽。一開始客服都熱心跟進，話可安排退款，點知過咗兩日一啲聲氣都冇，不了了之。其實如果沒有能力退款或做過一換新的，道個歉也好，只係已讀不回，真係貼錢買難受。以前每星期也會幫襯，今次以後，不了。奉勸各位以後食佢啲嘢小心睇清楚。。。

一個人唔知食乜好，喺元朗廣場嗰邊就忽然想起，食吓永年嘅車仔麵都唔錯！大概2:30左右冇乜人唔使排隊！叫咗個豬紅魚蛋雞翼幼麵微辣，個麵整好嘅時候隔離仲有一碟盆菜嘅腩肉，初頭仲以為係比錯咗我原來係試食🤣🤣🤣個腩肉都幾出色，醃得好入味，入口即化。微辣基本上係完全唔辣，感覺上好似以前辣啲好味啲，個湯底有少少偏甜。幼麵份量唔算多一個人食啱啱好，都幾爽口，好味😋魚蛋有六粒，陳皮味都幾重好食😋😋😋雞翼有兩隻，唔算太入味但都幾大隻啖啖肉，但其中一隻覺得有少少冰鮮嘅味道。豬紅都有六粒，夠入味但係都算係偏甜，推薦👍🏻👍🏻👍🏻

以前食車仔麵係貪佢又平又好食又多選擇而又夠飽，而家車仔麵已成為左一種特色食物，分分鐘貴過食正正常常一餐飯，話說中午放飯同朋友行下睇下有咩食，經過永年見仲有3分鐘就開門而門口暫時得2個人排隊就話試下啦，排左1分鐘左右已經有5，6組人係我地後面排緊，好旺場。呢度係門口落完單之後就係出餐處等食物，有d似連鎖快餐店既模式，由於一行埋去就要講食乜所以都無好好認真諗要d咩餸，隻眼望到乜就過話乜，餐牌都唔記得影。我揀左個3餸麵，油麵豬腸豬皮牛肚，湯底要咖哩汁少辣，先講講個少辣既咖哩汁都已經好辣下，唔食得辣既朋友要留意，油麵煮得都ok唔會好腍，但麵底份量不多，豬腸無異味正常，腍腍地幾好咬，豬皮同牛肚都腍得黎唔會好散，麵同配料都做得唔錯，另外跟飲品普通奶茶咖啡都要12蚊，店員有推介呢個藍柑菠蘿乳酸特飲就15蚊，咁差3蚊就當然試下啦，味道飲乳酸汽水加幾粒菠蘿。場內環境都幾大幾多位，坐得都算舒服，坐左半個鐘都係咁播blackpink d歌，懷疑老闆係backpink d fans。總括黎講麵同配料都幾好既，配料份量算正常但麵底份量少同價錢都唔算平，60蚊食完個麵都只有5成飽，食完要係格黎麵包鋪買多個包食先夠

由以前20蚊有3餸，講緊十幾年前😂，食到依家要42蚊一碗，特別鐘意食佢既豬腸，豬皮，豬紅，雞翼，仲記得以前食果時水準會比較飄忽，因為d餸係當時係鋪頭到處理，有時會好入味，有時會唔夠味。而家開多咗分店，食物可以由中央工場預先處理好晒，反而啲豬腸做得好入味同好淋，水準能保持一致性。依家仲可以叫菜底，有時行過唔算太餓都以過下口癮。即使依家係尖沙咀返工都可食到永年，好似以前係元朗返學，lunch衝去排隊既感覺。

招牌大碗粗麵（十寶在其中）$67(豬腸 魚蛋 蘿蔔 豬紅 豬皮 雞翼 雞翼尖 魷魚 紅腸 菜) 好味指數 3.5/5 🍭🍭🍭🍬{湯底很濃 雞翼只有一隻 其他配料都約有兩件以上 豬腸 豬紅 豬皮 雞翼 雞翼尖 魷魚 每款都很入味 蘿蔔很甜很腍 粗麵彈牙爽口} 班蘭咖央多士 $16好味指數 3/5 🍭🍭🍭{各款多士都很即叫即做 麵包新鮮厚身 班蘭咖央較少 味道不算突出}

都係聽一位住元朗嘅朋友介紹，入到去元朗又唔想食太貴嘅嘢，於是就去咗位於元朗教育路嘅永年士多車仔麵檔，完成我嘅午餐👍🏻 一去到個店舖門口排住好多好多好多好多好多人🤓相信佢都有佢嘅獨特之處同埋點先可以吸引咁多人係咁熱嘅天氣下都排隊去買車仔麵食🍜🍜🍜⭐️三餸蝦籽撈麵(粗麵、魚蛋、魚皮餃及流心蛋) 💰$44可能係我唔識得叫🤣我對呢碗麵麻麻哋🥹🥹啲餸係OK嘅，魚蛋係出面好少買到嘅陳皮魚蛋，佢哋嘅流心蛋都煮得幾好，又唔會over cook更加唔會太生🥚🥚⏲ 重點出事嘅係佢啲麵好重鹼水味🥲 我唔係食得好慣，下次我會試一試個湯麵🤣

【墨魚蝦卷同枝竹球可以一試】叫三餸車仔麵墨魚蝦卷，多蝦彈牙，好少車仔店有，好味枝竹球係一舊卷埋既枝竹，唔un食得出米線同一般所有餐廳唔同，佢係粗幼不一，亦比一般米線幼。口感較爽，就算煮得耐都唔會粉既果種米線咖哩辣醬叫少辣，好辣呀！！辣到流鼻水，咀都紅埋名過其實，勝左夠平，味道無咩特別✏✏✏✏✏✏✏👅味道：7/10🌌環境：8/10👍🏻推薦：6/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作如果大家覺得我review得ok，可以follow 我IG @hkdine360

「永年士多」喺元朗大名鼎鼎，平時經過都會見到大排長龍，咁啱呢日見到唔駛排隊，所以諗都唔諗就去咗食~ 「永年士多」開業30幾年，陪伴住一代元朗人成長，男朋友就係其中之一，由細食到大，而我就第一次試~之前就試過沙田間貴價版「永年」，今次就試下元朗本店睇下有咩唔同啦~ 雖然係老字號，不過有重新裝修過，所以環境新淨，坐得舒服~點餐方面就有啲似快餐店，要先喺counter嗌咗嘢食再搵位坐，仲要自己出去拎嘢食~ 🧡芝心丸+貢丸+紫菜+油麵（$39）🧡魚皮餃+蜂巢豆腐+墨魚蝦卷+油麵（$43） 湯底無貴價版「永年」咁鮮甜，偏鹹帶辣！個人比較鐘意嘅餸係芝士丸同墨魚蝦卷，芝士丸外皮爽口，咬落爆漿！墨魚蝦卷口感扎實彈牙！ 車仔麵整體味道比較普通，唔太特別，經過唔駛等位可以一試，未至於要跋山涉水排長龍都要試~ 🧡樽仔奶茶（$17）樽仔奶茶味道同貴價版「永年」唔同，個人覺得呢間好飲啲！奶茶好絲滑，甜度啱啱好，飲落仲有陣桂花嘅香味！

元朗站📍永年士多-琴晚係元朗行完街經過永年，見咁耐冇食就外賣返屋企試下，點知係我悲劇嘅開始🤯🌶🔥自選三餸車仔麵（$39）本來冇選擇困難症嘅我見到餐牌都唔知點簡，後面又有街坊排隊，拿拿臨簡三個餸就走人😹平時成日食小辣都唔夠辣，今次叫中辣，點知瀨野🌶🔥一打開蓋已經聞到好惹味同香辣，d辣醬係面頭，諗都冇諗就撈勻佢，一夾起d油麵都紅紅地，食落想噴火😹女朋友問我洗唔洗加水，加水又冇咁惹味，慢慢食，其實都食唔出d餸係咩味，淨係覺得好辣🌶女朋友話豬紅、魷魚好食。不過食完有d口渴，都唔知係辣定味精😹環境方面，裝修唔錯，同以前舊式個種感覺差好還，不過舊式就有人情味d。🥲今朝係屯公差d發生悲劇🤯，下次都係食唔辣/小辣算😩而家火燒後欄中🥺

由中學食到而家都覺得好好味嘅車仔麵😆只係個價錢同以前差咗好多😂食得永年，一定要食佢嘅永年辣汁！成日唔勁嘅我都要叫個微辣至小辣，唔辣唔惹味。至於餸個方面，以後都係大推嘅選擇👍🏻豬腸🌟🌟🌟🌟🌟豬腸入味彈牙，肥瘦適中，必試項目。豬紅🌟🌟🌟🌟🌟豬紅超入味，有啲蒜蓉粒，夾埋落啲面度一流蘿蔔🌟🌟🌟🌟🌟蘿蔔用黃糖浸煮？好甜好入味好林雞翼🌟🌟🌟🌟雞翼尖🌟🌟🌟🌟雞翼同雞翼尖一樣好入味冬菇🌟🌟🌟🌟冬菇好林，啲湯汁食好好味。