永年士多 (寶城洋樓)

營業中

休息中

相信車仔麵好多人都食過，以前食車仔麵係貪佢平靚正！又多餸揀！通常車仔麵舖頭都好簡約，甚至乎可以話有少少「那渣」！依家隨着年代嘅變遷，大家都追求環境質素嘅改善，好多餐廳都裝修得幾骨緻！今日去咗永年食車仔麵，味道雖然不過不失，但係好似食唔番以前嘅味道！可能人大左有啲嘢只能回憶！有啲味道都已難以回味！酸齋-甜甜酸酸，幾有嚼口魚皮餃-普通街市買返黎一盒嘅果隻，外皮煙靭，口感唔錯牛丸-推介！彈牙爽口陳皮魚蛋-魚蛋彈牙，帶點少少陳皮味魚腐-好腍😅唔好食紅腸-正常普通，無乜特別油麵-口感偏腍，但吸咗啲腩汁，好味

永年早前裝修了，位置一樣但卻多了一份新鮮感，配合時下最新潮的打卡位，玩+食集合於一身腸粉+豬皮燒賣一份好食既早餐可以滿足一整日，呢份既早餐價錢唔算貴，但係份量驚人，而且味道唔錯靚靚打卡位，緊係用黎打卡架啦，好有懷舊既色彩，而且係大台黎，食野都冇咁迫！多士+肉丁米粉質素都係中上既水平，最欣賞佢係樣樣野都即點即整，等一陣就有熱辣辣既早餐整好了總結而言永年的早餐是高質的，而且價錢親民，性價比高，來個早餐打卡也不錯

很久之前已經有元朗朋友推薦入開元朗必定要去「永年」食車仔麵，一直以為舖名叫「永年車仔麵」，非也，「永年士多」才對。🤣店舖內外乾淨企理，好嘢就緊係要排下隊，好在前面得四個人，先在櫃檯落order和付款，之後到出餐檯取餐，然後自行揾坐位，餐牌明明寫住三餸車仔麵$38~但係收咗我$41~唔明，要請Openrice高人指教 ! 🤔猪紅/猪腸/酸齋，全部都好入味好食，粗麵就係平價貨，又硬又厚又鞋(深水埗文記好啲)，湯ok👌

今日食既呢一間就係元朗好出名既永年，車仔麵我諗都幾多人食過，早餐既就真係唔多，其實都幾吸引的腸粉餐呢度我最鐘意食就係腸粉餐，加個混醬就超級岩口味份量都唔少，而且腸粉極滑，d醬都幾出色係自由可以再配其他小食的說五香肉丁配玉子蛋五香肉丁香口而且帶點辣味，口感有點入口即溶的感覺，而玉子蛋感覺好特別，有點似玉子燒，但係又冇咁甜，麵底是米粉，做得唔錯打卡位好特別，加上店的新裝修，整間店感覺好young同時尚！

難得放假與母親大人行個早運，從山上返回平地當然做吃個豐富早餐。走過永年門口，店員向我們派發傳單推廣早餐套餐有四大早餐選擇，當中已包括腸粉、飯及麵，而套裝配搭亦非常彈性，腸粉可選擇小吃配搭、麵類可選擇公仔麵或米粉、雞蛋可選擇烚蛋或玉子燒、麵包可選擇烘底與否等......每次一小變可食足一週😂，而今次是第一次在茶餐廳早餐中選擇困難症發作門口點餐後便找個位置就坐，內裡為U形鋪面，主要以黑綠及淺木為主，最有歷史價值的金漆招牌也掛於餐廳主牆多眼處，地方寬敞寧靜，空調充足，汗流浹背的我倆表示清爽！ 餐廳一處還擺放著伴隨永年一同成長的歷史足跡，如舊式玩意與零食等，媽媽看著旁邊那仿真度極高的模型，更不禁回味小時候在同一地方吃嗱喳麵的日子走到餐廳盡處更有一幅富有香港特色的燈箱、牆身及枱櫈，我們決定在此歇一歇，享受休閒的早餐從小喜愛吃腸粉所以必點A餐無誤，拼燒賣與魚旦，特別愛麻醬通常多麻醬走甜醬，因為慢吃的我發現到最後，麻醬被吸收得無影無蹤，而甜醬慢慢變成糊漿覆蓋了所以醬汁。今次一試混醬，吃到最後竟然還剩下大量麻醬，而且各款醬料質感細滑分明，沒有變成漿狀黏腸粉。腸粉雖然米糊味不甚明顯，但尚算滑溜，沒有黏溶

元朗永年嘅車仔麵出晒名，每次中午嘅時間都會一大班人喺門口等外賣或者排隊食車仔麵！最近永年仲推出埋早餐！估唔到仲有埋打卡位🤣貼近潮流，滿是茶餐廳嘅感覺啊呢個打卡位有我由細到大都鍾意食嘅布拉腸粉！早餐都有幾款餐可以揀！呢度叫做爺爺腸粉餐 跟餐要熱奶茶聽個名已經覺得好友溫暖嘅感覺！腸粉可配兩樣餸（燒賣、魚蛋、豬皮等等）我揀咗魚蛋同豬皮😋腸粉真係好滑，配上甜醬花生醬一齊食正奶茶香滑茶香哥哥就叫咗五香肉丁麵 跟餐要凍檸茶配玉子蛋燒同多士五香肉丁麵唔使去茶餐廳都食到啦！分量足夠哥哥食量，金黃色嘅當然特別香口！玉子蛋卷，蛋香凍檸茶夠凍又多檸檬 爽食完又見到車仔麵fans喺度排隊啦！

永年那既車仔麵，大家就無人不曉，無人不知。而最近餐廳推出了最晨套餐，味道優越，價錢合理，大家不妨去試吓！😋餐廳特具香港懷舊風情，叫得永年士多，當然有以前八零年代的小食作為裝飾，裝潢非常用心。✔️爺爺腸粉餐 (HK$36)腸粉有誠意，有齊豉油，甜醬，麻醬，芝麻，混合一齊，多汁又juicy 。腸粉食落好滑嫩。而套餐仲可選兩款小食，分別揀左燒賣及魚旦。燒賣是魚肉燒賣，食落較彈牙。而魚旦更是陳皮魚蛋，魚旦細細粒，但有六粒，陳皮味重，食落好香口。✔️五香肉丁麵餐 (HK$36)🍜傳統既港式早餐，一個麵加多士加蛋，麵底可轉公仔麵，米粉，通粉亦可。不得不提既係佢既蛋並不是傳統既煎雙蛋，太陽蛋，炒蛋等，而是日本玉子，非常有特色。🍳套餐附送兩杯餐飲，當然大家可以加錢轉樽仔奶茶或樽仔烏龍茶。餐廳既凍奶茶師傅都沖得好香好滑。☕️一個好既早餐是一天美好既開始！

今日甘岩要去元朗做野,咁啱見到依間元朗老字號當然要試吓啦，佢哋全新裝修環境更加舒適，而家仲有早餐優惠五香肉丁麵除咗一般嘅唔係肉丁麵，佢哋仲配左玉子配上一杯凍檸檬茶，絕對係夏天早餐必然之選糯米雞餐估唔到茶餐廳都會有糯米雞食，朋友叫幾個餐就覺得都幾抵食，足料嘅糯米雞一流總括來講我覺得性價比都幾高，永年除咗出名嘅車仔麵而家仲有早餐食，下次行開可以再試吓其他大滿足餐，真係幾滿足又飽，下次試哂其他餐先😘😘😘

一日之計在於晨，早起食個早餐，全日都充滿活力呀！ 今日約咗好朋友嚟永年食早餐，一齊有個good morning！呢到嘅早餐都幾多選擇，我點咗個爺爺腸粉餐，有腸粉+小食2款+熱飲。腸粉有4條，份量岩岩好，落齊甜醬、花生醬，仲有豉油同辣醬！腸粉非常之細滑，撈埋幾款醬，相當好食！小食我揀左加陳皮魚旦同埋燒賣，陳皮魚旦好彈牙爽口，燒賣咬落煙煙韌韌，撈埋醬食真係一流！飲品方面 我揀左凍檸檬茶，茶香幾濃。環境好舒適，仲有啲位置比人打卡影相，感覺幾貼近潮流，整體都好滿意！

永年士多相信住喺元朗嘅朋友一定唔會唔識，友人介紹啱啱永年士多又有新裝修，新加左個懷舊嘅士多位置，入邊有好多兒時嘅玩具同零食，比人打卡，依家出而應該好難再見到。本身以為去永年淨係食車仔麵，原來而家仲有有埋早餐，仲要早去食，因為小編個日去到有啲夜，早餐差唔多賣曬😌爺爺腸粉餐    招牌腸粉配燒賣加蘿蔔😳，燒賣-夠煙韌，魚肉燒賣唔會太散同太粉，質素唔錯。腸粉-粉量多，粉厚薄適中，配混醬加芝蔴岩岩好。蘿蔔-係必點，入口未渣，清甜爽口。五香肉丁米粉配牛油多士玉子蛋卷    玉子蛋卷 -呢個讚👍🏻真係做到日色蛋卷咁早餐黎講都算幾出色

好耐無入元朗喇，今日約咗朋友去行山，順便食下永年，早起有早餐食呢到環街都好舒適，都幾大幾鬆動我叫咗爺爺腸粉餐，入面有4條腸粉，我鍾意多醬同埋咩都有，所以係混醬有醬油、甜醬、花生醬及辣醬，仲可揀2款小食估唔到呢到嘅腸粉係咁滑嘟嘟，粉皮好薄又夠掛醬汁，另外小食我係陳皮魚旦，粒粒好煙韌彈牙，由細到大都好鍾意食呢款魚旦，仲有點少得燒賣，同樣微微煙韌又吸滿醬油辣醬，特別好食個餐仲包埋飲品，凍檸檬茶茶底都夠香夠濃，一啲都冇苦澀味㗎

今日點左油面三餸，雞翼尖，蘿蔔，腸仔，小辣嘅，加一杯跟餐嘅凍奶茶，再用coupon餸在1份麻辣雞神。蘿蔔最好食好入味，但係送嘅麻辣雞腎唔好食，啲汁同雞腎味道唔夾。。好彩係送嘅。。。哈哈

一直都好鍾意喺永年食車仔麵，最近知道佢新增咗早餐時段，咁啱今日早起身，就去食吓啦！暫時款式唔算太多，但該有嘅都會有，仲有啲係懷舊item，例如：腸粉、糯米雞⋯⋯索價都算非常合理，同以往車仔麵形式一樣，都係先去counter俾錢再自行取餐。餐廳之前做過裝修，有一啲特色嘅打卡位都非常特別，忍唔住影吓相先。五香肉丁米粉配蛋卷~一般茶餐廳嘅組合，都會係煎蛋或者炒蛋，呢度特別在會有蛋卷，五香肉丁嘅惹味再配上蛋卷嘅香甜，交叉出一種特別嘅口味！yummy yummy!爺爺腸粉～採用非一般坊間既濃厚嘅醬汁，反而用比較特別嘅獨家醬汁，除咗腸粉之外，我選擇左比較傳統嘅燒賣同魚蛋，燒賣較為有口感而魚蛋都係實淨型，早餐嚟講非常飽肚！

今朝返工前去嘆返個早餐先。呢間餐廳裝修得好特別，座位數目又多，又乾淨，除了一般既卡座外，仲有個位夠曬情懷，有張木圓檯同幾張木凳，上面仲有懷舊既燈。好有特式，好靚，所以我今朝都坐左係呢個打卡位嘆返個早餐。呢度仲望到個好用心既設計，就係有間士多仔咁，好有情懷，好特別，又可以回味一下，或者又比新一代認識一下舊時香港士多既情懷。今日點了一份爺爺腸粉餐，腸粉餐仲可以加配兩個餸，而且都有好多選擇架，有燒賣、豬皮、魚蛋、芝士腸、腸仔等等而我就點了加配燒賣及腸仔。下單比錢後，自己到取餐處取餐，之後就搵返個靚位坐，成個流程出餐都好快。腸粉餐賣相好靚，以一個餐盤盛著一兜滿滿的腸粉及一杯港式飲品，我選了熱阿華田。腸粉香滑，好好味，而且仲有好多醬，食腸粉一定要大混醬，咁先夠惹味。而且份量都唔少，飽肚的。點配了既燒賣同腸仔味道都好好，燒賣彈牙，軟硬適中，唔會焗到好林，正。另外腸仔都好juicy好好味。食完個靚早餐，仲去買多左份早餐外賣呢。今次買左份糯米雞餐配熱檸水。糯米雞好大隻，而且糯米好綿好好味，中間仲包住好多餡料，好惹味食唔停口。又多料又夠味，而且唔會食完令人覺得好重味精好口渴，唔錯唔錯。

放假同老公出去想嘆個早餐時經過永年，見到竟然開設了早餐，於是就試一試吧。爺爺腸粉餐 $36腸粉很滑，最令我驚喜的是辣醬，好明顯是特別調製，辣中帶點甜。不是外面食到的味道。配上腸粉同其他醬料都很夾。小食選了陳皮魚蛋同燒賣，陳皮魚蛋真的又香又彈牙！燒賣都不錯。五香肉丁麵餐 $36牛油多士的牛油不會太油膩。五香肉丁份量不是少的，厚厚的玉子蛋卷有少少甜甜的帶起蛋味。常常覺得永年的凍檸茶擺得很美觀，而且又大杯，在炎炎夏日天氣下，飲一杯真是暑氣全消。