永年士多 (兆安廣場)

營業中

休息中

工作過後去咗一間老字號茶餐廳 -永年士多。呢度嘅車仔麪係絕對世一嘅，麵條配上湯底好入味，牛腩汁濃郁，十寳麵有豐富配料，真係好鬼多餸！包括有❤️豬豬紅、韭菜餃、豬大腸、冬菇、陳皮魚蛋配料真係好好味！豬紅夾起唔會散，湯底帶甜，豬大腸無沙，陳皮魚蛋可以再叫 夠彈牙😋😋雞翼尖炆得好入味，食極都唔停口奶油煉奶多士 香脆又甜耶耶，好惹味飲品方面叫左 椰汁冰椰香味俱全 夠哂解渴 大大杯🤭🤭永年士多@wingninyl

永年士多車仔麵水準一直很不錯，🤓這次我試了他們的牛筋腩撈麵，牛筋腩製作出色，不但牛腩軟淋有嚼勁，✨而且牛筋口感有彈性。朋友叫咗四寶麵，集合經典元素：🐷豬腸，豬皮，豬紅同蘿蔔，他們的豬紅非常值得一試，🥢咬落口感非常有彈性。我哋仲點了兩款小吃，🥬包括腐乳通菜和麻辣雙拼：豬耳同牛百葉，麻辣惹味。除了美食，💖他們的服務也令人滿意，員工友善有禮貌。#銅鑼灣 #causewaybay #HongKong #銅鑼灣美食

今日去銅鑼灣行街，發現有永年車仔麵，即刻拉朋友入去食，搵返啲細個食車仔麵嘅回憶😂四寶麵 - 呢個係我最愛，豬皮爽口又入味👍🏻 豬腸有咬口，蘿蔔又超甜😍 加上粗麵底，勁有兒時風味，正呀👍🏻三餸麵 - 朋友叫咗三餸麵，魚蛋有魚肉味，唔係麵粉團，鹵水雞翼都好入味，大大隻，豬紅都係車仔麵必點，朋友識食呀😋蝦子菜心 - 將蝦子加在油菜上面，幾有創意。食落口即刻感覺到蝦子味嘅衝擊，好有口感，呢個配搭唔錯🥬咖央多士 - 傳統香港小食，幾好味，即叫即做。麵包好軟，入面的咖央醬甜甜哋，好食到停唔到口🥰樽仔奶茶 - 非常香滑，入口甘甜，茶底幾好，有茶餐廳影子。涼粉咖啡 - 呢杯特飲幾特別，食完車仔麵熱熱哋，食返啖涼粉，啱晒👍🏻 加埋個咖啡都好好飲，奶味偏重，啱晒我口味☕️下次同朋友行完銅鑼灣，又多一個食飯點可以選擇了👏🏻👏🏻👏🏻

今日嚟到銅鑼灣,經過一間車仔麵店,發現好多人喺度排緊隊,我哋都決定試吓😋我哋叫咗一碗魚蛋豬大腸蘿蔔麵,豬大腸完全冇臭味,魚蛋仲用咗陳皮魚蛋🤩,蘿蔔咬口冇渣,湯底清甜，仲有少少麻油嘅香味非常好食🤤

永年喺香港都幾出名下㗎睇價錢親民又好味嘅車仔麵店我同朋友都成日會去食🔟講到我最難忘嘅一定係佢哋既大碗餸邊個話食車仔麵一定要食粉麵？食曬餸都絕對可以10款餸放滿全碗真係滿足曬10個願望呀有魚蛋，魷魚，豬紅，紅腸等夠曬香港特色而且份量十足食一碗已經夠曬飽🌶️麻辣孖寶豬耳同牛百葉建議食咗豬耳先口感非常好牛百葉就吸滿辣油辣得好過癮🥬腐乳通菜腐乳味香濃通菜係見得到嘅軟嫩🧇咖央多士黎呢度一定要食佢厚厚多士夾住邪惡咖央冇得頂🥦蠔油菜心呢度食到嘅蠔油菜心特別爽脆纖維唔多又juicy一試愛上🍊淨酸齋酸酸甜甜好開胃餐廳係自助形式所以冇加一服務費但店員都好肯幫手服務態度好，清潔度高絕對值得經常黎食呀～

🌸今晚小編嚟咗一間老字號茶餐廳 - 永年士多🙆🏻‍♀️ 呢度嘅車仔麵係絕對值得一試嘅，麵條好有嚼勁，配上啲豐富又好味嘅配料，真係好好味😋 想再叫黎d小食黎食啊🫢😂-𝐅𝐨𝐨𝐝 𝐑𝐞𝐯𝐢𝐞𝐰 食評 🍜車仔麵菜底 $69豬紅、韭菜餃、豬大腸、冬菇、陳皮魚蛋配料真係好好味❗️豬紅夾起唔會散，而且帶甜，小編中意號豬紅味👍🏻❗️豬大腸好入味，唔會食到有沙🥳陳皮魚蛋彈牙且有魚味🤩勁推薦❗️-🍜車仔麵配烏冬 $58蟹籽丸、酸齋、芝士腸、雞翼尖酸齋好入味，酸酸甜甜好開胃💖雞翼尖炆得好淋且入味🤤❗️-🥪咖央奶油煉奶多士 $34️小編揀左將三款醬料合併，係邪惡之選啊😈❗但係好好味🥳 -📍 永年士多@wingninyl 銅鑼灣謝斐道482號兆安廣場地下7-9號舖-環境：🌸🌸🌸🌸味道：🌸🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸Revisit: 💖-#hkfoodie #foodbitxh #foodbitxh_cwb #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #香港好去處 #打卡餐廳 #相機食先

行過銅鑼灣見到呢間【永年士多】坐滿客又有幾個人排隊買外賣仲有部自助點餐機同朋友決定試一試佢..原來係快餐類自助模式先落咗order就自己搵位坐嘢食整好會叫號碼再自己出去拎食完拎返餐盤去回收區..我哋叫咗紫菜、肥牛、麻辣豬耳撈粗麵 小辣夠哂惹味牛腩、流心蛋、魚皮餃時菜底，有菜底好好呀，啱晒唔想食咁多澱粉質嘅朋友仲有小食麻辣牛柏葉加多個腐乳通菜飲樽仔奶茶 唔怕俾冰溝淡晒，茶味好夠濃，但係甜度就冇得揀熱咖啡都幾厚同滑

芊芊同我超鐘意食車仔麵🤣前牌去咗永年點了三餸車仔麵、四寶麵和咖央多士樽仔奶茶套餐三餸車仔麵的配上微辣的湯汁 真是好過癮😆魚腐和牛腩都非常入味 牛肚也腍滑好吃👍河粉 吸收了湯汁的味道 入口即化😋四寶麵的麵條很Q彈 配上豬腸、豬皮和猪紅 味道豐富😍蘿蔔都好入味😘咖央多士內餡濃郁 加上樽仔奶茶 真係一絕🤤奶茶唔會太甜 但有濃郁的茶香和奶香 同多士😎好夾整體來說，這家小店的食物口味十分地道份量也很足夠 價格也相當實惠 係車仔麵嘅好選擇😉

嗱！老實講一句啦。呢間位於銅鑼灣心臟地帶的車仔麵，門面十分醒目，一眼望去，午市時間好多職人在此用餐，人來人往，相信口碑不錯。我地兩人在收銀台落完order就揀位坐低等嗌飛拎食物，備餐速度奇快，不出三分鐘，就已經可以拎食物，真正的快靚正。甜酸齋係水準之作，比起好多齋舖更美味，不止是淨係軟淋淋。咖喱魚蛋好爽口，有咖哩的香味，不算辣。豬紅好入味又夠滑，份量十分慷慨。牛柏葉爽口唔韌，菜心鮮甜夠嫩唔會有苦澀味。麵底份量亦唔少。整體來講，係快快脆又令人心滿意足嘅一餐。跟餐送茶啡，今時今日凍飲不需加兩蚊！試問仲有幾多呢啲良心企業！幾十蚊貨仔食得飽，環境乾淨，鬧市之中見到形形色色的職人車水馬龍，熙熙攘攘，感覺零舍不同。永年啲車仔麵係掂嘅！其實還有好多其它食物選擇，下次再試。

餐廳擺設比較簡潔，樓底高，讓人感到舒服。三餸車仔麵～墨魚蝦卷、牛筋和豬腸～牛筋、魷魚和豬手呢度嘅車仔麵湯頭，入口甘甘地，帶甜味。白雪雪嘅墨魚蝦卷口感非常彈，有鮮味。牛筋經燉煮後質地柔軟，充滿膠原感。豬腸質地較薄，吃起來軟嫩有彈性。豬手質地柔軟，吃起來有濃濃肉香味。其中一碗，我揀咗菜底，今天嘅菜底係菜心，個人覺得有啲大條，如果係菜心苗就更好了。另一半嗰碗就配公仔麵🍜加底嘅份量比較大，看起來非常豐盛。另外食車仔麵，$18就可以加配一款小食～甜酸齋橙紅色 賣相十分誘人，味道甜中帶酸，口感清爽，凍冰冰。～韭菜豬紅賣相也很不錯，豬紅口感紮實，份量都幾豐富。唔錯！

退休後和舊同事去CWB相聚， 今日係我請兼朋友要儲分及不想我破費，所以佢特別推介永年在地鐵站附近的分店。 原本我推介佢食泰國下午茶，但當去到銅鑼灣分店睇咗格局之後又覺得好抵食再俾機會銅鑼灣分店啦， 因為幾年之前試尖沙咀分店地方很窄同埋很暗。 但原來銅鑼灣新式裝修較醒晨，結果都冇失望。牛筋好淋好入味， 豆卜同魚腐很大件，湯底亦很濃味。 加＄5嘅紅豆冰凍飲大大杯，唔錯。價錢確係適合我哋呢啲退休人士下午茶短聚。 眼見多數適合攞走外賣嘅診所姑娘或在下午有落場時間的在職人士嘅午飯之選。 目測堂食的份量就較大碗攞走就較細碗，但堂食四人位座位很細， 如果唔識得對方同座就好驚對面食麵嘅時候飛彈啲湯水過嚟，同朋友也要食得很慢很斯文很小心。 食完仲要自助退回款 碗筷到指定角落位置，屬速食小店。

有事到銅鑼灣，順道到永年士多吃個麵。職員非常禮貌耐心，會給你算好如何點餐。選了河粉 咖喱醬微辣 魚腐 山根 流心蛋 炸魚皮 牛肚 蟹籽丸先呷一口湯，味道不算濃烈配搭微辣咖喱醬味道剛剛好，河粉幼滑。牛肚的味道，也剛剛好不會搶去湯頭的味道。山根、魚皮也吸盡湯的精華。另外，點了韭菜豬紅、奶油多士、滷水雞翼、樽仔奶茶、涼粉咖啡。韭菜豬紅選了微辣，帶點甜甜的，吃下去口感也不錯。奶油多士夾著很大片的牛油跟多得滿瀉的奶油，非常滿足。滷水雞翼有五隻，很入味，有剩的汁一併加入車仔麵更入味。樽仔奶茶茶味十足，入口順滑濃郁。涼粉咖啡初聽好像風馬牛不相及，喝了感覺卻是異常合襯。咖啡的微澀與甜甜的涼粉很合。價錢便宜，餸菜選擇多，而且味道普遍不錯。下次再來要其他餸菜～

星期六出左尖沙咀，行完公司購物後，又倦又肚餓，見斜對面有間永年士多，有車仔麵食，便隨即進入搵食了☺️首先叫咗有滿滿骨膠原的豬手同牛筋，同埋至愛嘅糖心蛋配米線，豬手、牛筋煮得很軟淋，調味得味道剛好，食到個咀黏黏的好正，半流心的蛋好香口，配合滑嘟嘟米線就是好吃😋。友人叫了蝦籽撈麵，同樣配了豬手、牛筋同糖心蛋，紅同韮菜，蝦籽🦐鋪得滿滿的，佢說食落有咸香感，湯底微辣啱啱好。蝦籽菜心，菜心青嫩翠綠，蝦籽加入更惹味可口👍。點左支冇糖烏龍茶，茶味香又可解渴☺️。

老字號店舖永年士多🍜果然出色牙😆😆😆銅鑼灣有間永年士多嘅車仔麵聽講幾多人去食，所以今晚就係獨食😂五餸麵     (麻辣醬：小辣🌶️)😋😋入面叫咗鷄翼、韭菜餃牛腩牛筋，豬皮，豬皮爽脆彈牙，牛腩好林口身，雞翼充滿滷水汁味，河粉嘅份量好多一個人真係食唔晒🙈 7:30已經冇晒通菜唯有叫咗菜心😝菜心都幾新鮮份量足夠，有蠔油😛 樽仔永年港式奶茶見到好多人推介飲落都幾好飲味道好濃郁有茶香味好滑唔會好甜👍

趁著復活節長假期， 同老公四處行下， 睇下傢俬廚具為新屋作出準備，行攰左就去拍拖時常去既餐廳食， 回味一下。自助點餐方便又快捷我地叫左大碗麵、鹵水雞翼、腐乳通菜、斑蘭咖央多士、抹茶紅豆冰， 埋單200蚊有找。大碗麵 $72 幼麵加底加9蚊，happy share齊齊食，一碗有齊車仔麵必食既餸，豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，食落湯底依然不變，超滿足。當中最愛魚蛋帶濃郁陳皮回甘味，口感彈牙；豬紅不會一夾就散，口感順滑。鹵水雞翼 $28雞翼控！無雞翼不歡， 即使大碗麵有雞翼， 我地都另外叫一客。雞翼鹵得入味，食落皮爽肉嫩。腐乳通菜 $28通菜份量足，食落惹味又爽口斑蘭咖央多士 $18濃香幼滑既咖央醬，越食越想食，份量再大d都食得到。抹茶紅豆冰 一杯跟麵加$15 ；一杯散叫$28。我地兩個都被店內海報吸引左，抹茶同紅豆好夾，超邪惡。