影片
港鐵太子站 B2 出口, 步行約3分鐘
繼續閱讀
開飯介紹
有供應傳統滴漏咖啡的越南菜館。
繼續閱讀
營業時間
星期一至日
11:30 - 00:00
以上資料只供參考, 請與餐廳確認詳情
完咗聚會，同班朋友都喺照舊落太子食晏， 因為花園街一帶有好多餐廳，有平有貴，選擇非常之多。本來搵間茶記就算，但有人提議「永珍越南食館」，越南嘢，我啱喎。 內裡裝修簡約，唔會太傳統嘅越南菜館，較特色就喺天花嘅吊燈。整體感覺，喺有啲壓迫感，除咗因為本身枱與枱之間嘅間隔好近之外，加埋啲隔板，差唔多枱枱都間，所以，有會啲擠迫嘅感覺。 午餐時段，主要喺兩個餐牌，一款喺L1-L16嘅越泰式飯麵，賣$56，送基本熱飲；另一款喺L20-L43嘅越泰式湯粉，定價$49-$89，同樣送基本熱飲。另外仲有個小餐牌，喺啲午餐加配優惠。 越式芋頭炒飯 $56 友人鍾情芋頭，所以，揀咗呢款芋頭炒飯，原個鐵煲咁上，都幾有睇頭。除咗有啲青瓜片，仲加咗啲肉鬆。佢就話個飯粉炒得唔錯，飯粒爽口，啲芋頭夠粉，好有芋頭味，雖然混咗啲豬肉鬆，理應添多幾分鹹香，但仍然覺得有少少淡口！法式牛柳粒炒紅飯 $89反而另一位老友揀咗店家特別推介嘅牛柳粒配炒紅飯，睇賣相確喺幾得。佢分享就話，牛柳粒炒得焦香，夠軟腍，就連配菜亦炒得好味，所謂法式，估喺加咗紅酒啩，但又話唔喺好覺得。而炒紅飯大家心初時都以為加入紅米嘅炒飯，再睇番餐牌，原來喺蕃茄炒飯，但實際，應該喺「蕃茄醬」炒飯，你見啲炒飯唔算好紅，所以，入口蕃茄味都唔算突出。泰式湯河（牛脷） $52 小弟就想食啲濕濕哋嘢，所以，揀泰式湯河，配料可選牛丸、豬肉丸或牛脷，以後者較少食，所以一心揀佢。先試口湯，算喺做得香濃；餸料唔算多，幾片牛脷，再加啲蘿蔔、銀芽同洋蔥，牛脷就幾有咬口，帶點獨特嘅羶香，蘿蔔好清甜，個人需而言屬於唔錯架喇。 熱咖啡餐飲就簡簡單單揀咗杯熱咖啡，喺比較港式嗰種，所以，要求就唔太多，夠醇香就算。 嚟得呢啲小店都喺快上快落，食完頂多坐一陣就走，環境喺逼啲，有心理準備，都喺預咗。食物方面，整體嚟講，屬中等，唔差，但唔可以叫好好食，招呼就一般般啦，落單都搞到有啲亂。
繼續閱讀
觀賞完在旺角球場的比賽後，踱步去到花園街226-228號，見到有間叫永珍越南食館，一於入去醫吓個肚。望吓個Manu都幾多款式可供選舉，有辣有唔辣…點了菠蘿海鲜炒飯，海鮮真係幾鲜，有鲜鱿有蝦仁，可惜啲菠蘿就未够鲜，有些少「宿」味，但可以接受，因為有很多肉鬆在飯面，賣相都幾靚。整體而言，尚算滿意。呢款猪肉撈檬，够哂越南味，肉片有肉味，檬粉够彈牙，雜菜够爽口，撈埋啲地道越南酸汁，够哂開胃兼飽肚，推薦給各位！
繼續閱讀
很久已沒有踏足花園街了，今天到花墟買過植物後便來到隔鄰帶了兩個外賣回家吃。經過永珍越南食館，午餐選擇頗的，有泰式、越式飯，麵和湯河等等。最後我楝定了一款越式飯。～四寶飯四寶是包括了香茅豬扒、扎肉、豬肉和雞槌。驟眼看似極其豐富，吸引了不喜歡單調的我。這店所有午餐均配了飲品一杯。打開飯盒便發現雞槌原來是小小的，肉不會多。香茅豬扒較大塊，但可惜肉質非常硬和實，碓實有點令人失望。幸好那兩片扎肉味道正常，最意料不到的是豬肉看似不太討人，但味道竟然是最好的。豬肉筋肉分明、有咬口，但不算硬，麻油味道濃。不可不提是那飯內的蔥油，若沒有它，我相信我亦難將這個午餐吃完。飯後來一杯熱阿華田作補償吧！
繼續閱讀
真係好難食⋯⋯我都忍⋯炸乜丸係食唔出係乜，炸皮炸粉丸咁🤦🏻♀️⋯嗰碟馳名咖喱雞，暗黑色嘅肉，鞋拾拾⋯我問個年長員工會唔會太唔新鮮？仲好鞋⋯佢答我：哦好鞋🙄🙄⋯我成碟無食，但張單照收錢，我再問佢你咁都照收錢？佢答我：係，要收🙄🙄
繼續閱讀
食物味道還可以，落單後食物都快來到，可惜我連續4個中午來到這裏食午餐，有3日都落錯單，唔係搞錯食物款式，就係搞概飲品，如果唔係因為食物味道還可以，我都唔會再來，希望佢哋可以儘快改善😂
繼續閱讀