永發茶餐廳

營業中

休息中

我一向對雞煲情有獨鐘，不管春夏秋冬，每星期有兩三天都在食雞煲可謂等閑之事。雞煲中最常點的是麻辣口味，貪其口感過癮，食落最惹味。但這家的雞煲竟沒有麻辣口味，卻也人山人海，經常門庭若李，皆因醉翁之意只在其馳名醉雞煲。店家的裝橫便是一家茶餐廳，共兩層，我今次是第三次到訪了，同樣是被安排在二樓的位置，兩個人霸一張大圓枱，食得倒也興鬆自在。店內有三款雞煲湯底選擇，衝着醉雞而來，當然要點大雞。盛惠190蚊，有生菜一大盤送，叫抵了。現在很多地方大雞要過200，而且份量還不如這家。一如以往的大煲，紅棗龍眼肉等食材密鋪平面，用料很足，大雞是另上的，去掉了頭頸部份，眼下所見，肥瘦適中，靚雞！端來的店員特別一提，花雕湯是滾的，當達沸點時放入雞再煮十五分鐘便成。我們依足指示，當完成後第一時間不是食雞，而是喝一碗湯，夾雜了雞油，醉雞湯更香，飲落非常暖胃，對身體很好的感覺。雞不得不說，切得大大舊，而且部位很好，盡是滑肉。吃罷一輪雞，我們三人均意猶未盡，竟又叫多了一煲大雞，結帳時老閣娘均嘖嘖稱奇，意會連叫兩隻雞呢！

唔係朋友介紹, 都唔知道舖面完全是一間簡單的茶仔, 原來黃昏後已有一大條人龍, 目的就是為了食雞煲。因為明知夜晚去只有乾等, 就試一試下午問有沒有, 竟然有, 就試一試吧。鮮切的半隻雞, 主要只用花雕醃, 不需其他花巧的調味料, 食出雞的原有味道紅棗杞子這兩樣滋潤的藥材佈滿整個湯底, 一睇就知用料十足, 而且不像現在當道的重口味麻辣雞煲, 而改為滋補湯底。加入雞後食, 花雕蒸發酒精後只剩下甜, 初食感覺好舒服, 但慢慢紅棗杞子的甜味又出, 令整煲的湯就只得甜....還是甜.....配料就一定是簡單, 外面都買得到的材料, 再貴少少售出, 沒甚特別, 有幛子的食物不會太差, 配雞煲索汁的食物必備, 烏冬, 公仔麵, 響鈴, 只覺價錢定得比較貴, 有一刻想自己衝出去買, 再混入來十下十下, 哈哈性價比不太高, 但勝在湯底特別, 亦不像現時大部分人重口味雞煲, 不錯的一次

偶而在茶餐廳或快餐店吃一餐飯,也不為過，尤其當不想吃得貴一點，在茶餐廳或快餐店吃飯，最好不過。雖然每一區都有茶記和快餐店，數目也不少，猶如便利店一樣，在上水也不例外。今勻是但求其，走進一間茶餐廳，為的是簡簡單單。永發茶餐廳是今天最後的選擇。在茶餐廳食飯，多以套餐聞名，在餐牌上已經可見一斑，也不用多說。只是看到餐牌上可以加大熱咖啡奶茶，感覺也不錯吧。粟米肉片飯是恆常和尋常的碟頭飯，平平無奇，入口時粟米卻異常的甜，肉片也曾醃過的，因此吃起來甜甜的，而帶有鹹鹹的感覺。熱奶茶加大後，可以喝得多一點，也可以坐得久一點。一杯沒有糖的奶茶，故然是茶香味夠，香滑而夠濃，這一杯只需另加兩個大洋而言吧。茶記食飯，可以隨便一點，也可以高談闊論，那管是地道的食店。

早知晨早落黎攞位啦，依家先叫到 33 號，幾時先到 43 喎﹗有無咁好食呀？多人成咁，無試過諗住黎一探佢虛實添。好無決定同美女 Yo 及美女希飛的落大埔翠榮食雞煲算呢？難得兩位美少女專登入黎上水同我食晚飯，但居然排長龍，真係唔好意思要大家一齊企街等位。傳聞中美味醉雞煲，就由您試起先，有菜送喎，多謝。生料好少種類，亦無海鮮，亦無靚食材，全部都非常普通及平價野，提唔起食慾呢。基本上坐係度無咩人理，雞煲、生料都上得慢，可能因為樓上雅座仲要坐到最入面啦。馳名醉雞鍋細雞，唔知大雞有幾大呢？得佢滾起再落雞，再滾起熄火焗一焗就食得喇，製作鮮嫩雞肉既方法。飲住啤酒等，個火好慢有排等。雞件都幾靚女喎，白雪雪又富光澤，睇落好有彈性及新鮮，賣相滿意。放完雞件再次滾起，好肚餓，開飯喇！試啖湯先，超甜紅棗味囉，藥材味同紹酒味微弱到近乎零，唔掛知得加酒要加 $10 大元啦！成鍋紅棗茶一樣勁甜，救命！慢慢浸熟既雞肉非常嫩滑多汁呢，肥瘦適中，泛著鮮雞味道，但已滲入太多紅棗甜味喇，甜雞怪怪的。鮮牛肉，好明顯一早切定醃埋分好晒落碗度，出晒血水喇！賣相完全係乸過既牛肉顏色及質感。𤆥一堆試試，乸到滑啫啫又腍劈劈，好假既牛嘋無

今日又入上水, 主要都係工幹, 求其食左個茶記, 估唔到會變成咁...菜色名叫泰式肥牛河, 面頭好多肥牛吧? 其實唔係, 只係視覺效果, 食食下發覺, 咦, 點解咁快食晒既, D肥牛...河粉本身我冇對佢有咩期望, 所以冇失望, 但湯底只係鹽水呢樣真係很難接受, 清既話就唔應該落鹽, 又唔係, 咸得黎完全冇其他味道, 小弟愚昧, 個菜色係點泰式法呢? 芽菜就的確好鬼多既, 都係果句, 冇乜味奶茶其實還OK, 不過唔澀唔盛, 奶味不濃, 茶記黎講可以做得更好

今日射左波無番工，去左上水搵朋友吃飯，去左永發到食碗雞米，料多價錢平，味道剛好又不會太咸，偏有點油，加左他們的辣油仲正。平時出去食飯都係得兩條菜，見到碗愛雞米有錦多菜千，感覺都健康D。還有值得讚的是檸檬茶是偏甜無苦澀味，我很喜歡。加上午市無錦多人，基本不怎需要等位。

山長水遠入上水探朋友，佢問我想食品咩，我們鬼知咩…佢就話不如食雞煲嘩!我最愛!正!佢仲話呢間永發抵食，係之前有間雞煲出名左之後，加晒價又唔抵食，個師父過左檔…我理得咁多吖，好食又抵咪得囉!去到條街，成條街都係餐廳，跟住佢入左間茶餐廳!!!!!!無錯，係茶餐廳!!! 痴線，我心諗，食雞煲唔係去專食雞煲嘅餐廳咩???點知一打開門，我知道真相了，一陣中藥味飄出黎，勁香勁補嘅感覺!好似真係好正wo……但要等位…入到去，全城藥膳雞煲，而且餐牌亦只有雞煲…獨沽一味，即係間餐廳自己對自己都好有信心(唔知佢下午賣咩呢XD)一坐低，未叫已有一籃菜, 叫左菜之後，瞬間，雞已經係我面前! 快到暈，不過個湯底仲未到...原來個湯底係逐個煲，唔係一桶煲好"杯"俾你，堅有心! 個湯底一上，好足料，一睇就知係用心菜…加上我朋友教路，先放半隻雞，蓋住大火三分鐘，焗三分鐘，啲雞又入味又鮮嫩，連胸都好滑!!!啲藥材紅棗甜味，同雞好夾!!!正到暈!!!!其他配料無咩特別，不過比較抵食; $40有雜丸，咩都有，邊度搵!強烈推薦!

日頭佢係一間荼記，夜晚佢就變身成為一間火鍋店。唔係朋友介紹，我都唔識呢間勁野。我地一行3人打邊邊，呢間野獨孤一味賣醉雞煲。通常呢D一注獨中的行為，都係代表佢有真材實料。唔講咁多，一住低就叫左個大醉雞煲先。先講個醉雞煲，一開蓋有好濃的花雕味，同埋有好多紅棗，成個MIX好香好甜。之後煲得耐，仲會愈煲愈甜，同近年大熱的奇味雞煲比，更見出色。隻雞都係一般的肥雞，但佢個豉油我想講係非常非常非常之正，食得出有鮮味，而唔係一味得個鹹字。上水鄰近古洞一帶，而古洞曾經係本地豉油重鎮，我相信呢個係同個靚豉油有密切關係。朋友教我應該係咁食的 -- 首先，落曬D雞件去，滾起左之後熄火焗佢一陣，否則D雞會煮到好老。食落又係滑D wor，同埋個湯底真係好甜好香，的確係幾好的享受。火鍋料方面有丸有牛柏葉有水魷魚有雲吞，我係水餃雲吞FANS，但佢D雲吞只係正常貨色，係咁易影左留念。3個人連埋野飲埋單$450，非常抵玩。值得再食。

今朝朋友帶我黎食早餐，叫左個豬排煎蛋火腿面，火腿面同其他野係分開上的，我食個火腿面食左一半其他野先到，面係用福面，正，味道一流，豬排好夠味又熱，煎得好香，讚，反蛋煎到外面好香好脆，蛋汁流出黎加埋D麵，好正呀!!!成個餐分量都好夠，一個早餐咁多野都只係25蚊 好耐無見過呢個價位了

難得跟朋友到上水,她一直推薦這間雞煲一直說很便宜很便宜!心諗⋯茶餐廳點打邊爐？入到去,原來每枱都在打邊爐剛好在上層找到張大枱畢竟8個人比較多,幸運簡湯底,醉雞/滋潤/回味？這3個湯底都吸引,但店員推薦醉雞湯,所以就跟她推薦的醉雞～看到整個湯都有很多紅棗,感覺很補!這店的雞很新鮮很嫩,可能我太耐無食嫩雞,我開頭還以為未熟很喜歡它的鮮牛肉,因為食得出醉雞湯底的酒味很香!肥牛不錯,看起來半肥瘦但完全食不出肥肥的脂肪太合我意!其他配料都不差,但只覺「鮮牛肉」才吸收到湯底都酒味之前食的雞煲都是汁到乾,後來加湯,這次就是全程打邊爐,只有豉油是有辣椒才辣,完全適合不太能食辣的我～逐一order配料,雖然不是很飽,但又真的比想像中便宜

我返工同住都係上水，問心嗰句，上水食肆其實選擇唔多，講起永發，由於有一人同事亂沖亂撞話試間未食過嘅餐廳做午餐，永發門口好唔顯眼，以前望入去真係唔知佢賣咩，一道手趟木門，遮左一大間鋪，加上隔離左右食肆林立，都普普通通。不過入面食物水準真心高，推介有佢椒盬豬扒飯，乾蒜香口再加葱油紅椒，浄係調味已經冇得輸，豬扒唔會炸到好乾好熱氣咁，飯大大碟，包飽。其次雞湯飯，晚上餐廳會做夜市，全場只吃雞煲，午市都會用晚上既好味鮮雞黎做，第一，雞湯唔係泡飯，係另上，咁就有飯、有湯、有肉，仲有個豉油就夜市打邊爐果隻，小辣但帶甜，好開胃，雞身好滑，就算食雞胸都唔會覺得鞋。仲有，魚香茄子飯，魚香有咸魚香，我本身唔食茄子，但佢煮得好冇茄子既青味。餐廳睇得出係家庭式經營。好有人情味。午餐食完，晚餐再食都認得我。上水雖然成日話比大陸人淪陷左,間間鋪都開葯房，但呢啲香港地係食肆真係要多多支持

星期日, 未夠七點到場, 有位, 爽呀第二次來的了!喜歡這個湯底, 杞子+紅早+龍眼肉+當歸+... (忘了,)真係鐘意食甜湯底的朋友, 勿錯過!牛肉一大碟, 都係4X元, 雖然不能確定是否真係新鮮牛肉不過我個人覺得抵食過叫肥牛, 因為肥牛都係普通貨色雲吞一定要點, 好好食, 和煲湯的味好夾!食完一舊好想食第二三舊!响鈴係平時在街市買到那盒, 不是自家做的, 可叫不不叫午餐肉如果不是太愛, 和其他料雙併好了, 否則多到可以打包回家第二朝陸面都得不過如果落左午餐肉, 煲湯會好油, 失去左葯材煲清甜的滋味感,大家要有所取捨了! 事實係, ONLY煮雞都唔怕煲湯變油, 先好味!其實食物都係普通平時打邊爐那些!如果你唔係食得好多, 又唔係想食特別食材, 又想一個人一百蚊落樓又嫌麻辣雞煲食到厭, 又唔MIND食得甜甜地, 這間好OK咖!

係上水番工 要出番九龍食野真係好累 而我前2日即興想食雞煲亦係我人生第一次食 所以今晚我都十分期待 晚上食茶餐廳都係第一次 感覺好得意 估唔到一間細細的茶餐廳都有1，2樓 而我地一去到就香既藥材味啦 令到原本唔肚餓果個同事既食肉都o彭o彭聲番左黎 除左雞都有食丸呀 牛呀咁 但我唔就得影 但真係好唔錯呀

我們在白石燒烤過後，大家仍舊意猶未盡，V小姐立即提議去吃其最愛的醉雞鍋，當中超先生亦吃過，就只有M小姐及我未曾嚐過，這種先燒烤，後吃火鍋的無敵上火組合，對我來說還真是首次。我們坐火車直取上水，品嚐一下聞名遐爾的醉雞煲。時近八點，店外仍然擠滿了等候的食客，不過也無阻我們吃雞煲的興致。等候約一小時，終輪到我們了，我們坐到閣樓一張靠牆角的細枱。點菜就交由V小姐發辦吧！馳名醉雞鍋（大）V小姐點了一份大的醉雞鍋，侍應送來了一碟鮮雞及生菜，鮮雞約有半只的份量，看起來也蠻新鮮的。鍋裡已放滿了藥材味料。雞肉煮過後，滲著黃油，吃起來雞肉嫩滑，肉味濃郁，加上吸收了藥材及酒香，更覺美味。於我而言，酒味可以再濃些，帶點甘苦會更惹味。配料方面，V小姐點了牛肉、水餃、午餐肉、支竹、豆卜等等的配料。配料份量不多，不過用料不賴。牛肉是一般的急凍肥牛，沒什麼特別。水餃包得不錯，沒有散爛，內裡餡料頗豐，味道不俗。V小姐欽點的午餐肉，肉料不差，午餐肉沒有臊味，放入鍋內滾一下，吸了湯汁，果然別有一番風味。吃到中段，V小姐又要求加些花雕，這裡也很公道，侍應真的加足了半支花雕，即時又再酒香撲鼻，才十個大洋，最後我們泡一個出前一丁

唉.. 徹徹底底的中伏了~~~一路都聽北區人講~ 呢間D雞煲好好味!但係琴晚同老公一路食一路鬧...真係幾年冇打過食評都要login唱衰佢.. 入到去. 2個人叫左細雞煲.. $130.00未食之前都好期待嫁.仲tag埋FB~ 初頭開始食都ok好味嫁..之後... 就愈食愈甜==甜既菜.. 甜既金菇... 咁甜.. 唯有沾D辣豉油食.. 點知到到最尾..兜辣豉油都變左甜豉油..最尾就成餐飯都甜...變左甜午餐肉.. 甜肥牛.. 甜芝士腸.. 甜雲吞..甜雞...食飽之後. 都唔洗食甜品啦~成餐火鍋.. 都係食緊用一樣味..本身仲叫左包烏冬.. <只係普通即食烏冬~ 咁就要10蚊.. 不過食唔落. 因為未開.. 所以佢都俾退..好彩咋.. 我唔想食甜烏冬L0L..最後埋單.. 佢收左$276..出到門口. 竟然見到有人係度等位..大佬呀-口-' 家下上水冇野食咩?!2百幾蚊.. 我加多幾十蚊去食放題唔好?!坐巴士番屋企既時候..計計條數..$130雞煲(送菜).. $48 雲吞拼午餐肉 $35金菇拼芝士腸 $30肥牛 $18 王老吉*2加埋都係261. 佢收我$276..果$15