永發餐廳 (已結業)

今天晚飯遲了，十時正到永發食晚飯。由於我是常客，所以想也沒想便進入了。一坐下，由於我電話是自動更新時間的，見到已經十時零二分，所以立刻就叫宵夜時段的肉絲炒麵（晚上十時開始）。但一名外表像尹光，染了深啡頭髮，載了反光眼鏡的男性樓面，竟然問我是否單點？於是我便更正他是宵夜時段的那個，但他竟指未夠鐘。我於是問，宵夜時段不是十點嗎？他回答說是，但他說：「我個鐘未夠鐘！」，接著便走開了。過了一會終於成功叫了$44元正的肉絲炒麵，但該名男性樓面又叫我坐過啲，之後弄了一下我左邊的椅子，但當時其實是有很多空桌子的。但我也照他意思，坐到另一食客旁，但他又說，我不是要你坐這兒，而是要留多點位置給我這張椅子。天呀，食了數十年茶餐廳，都未遇到如此怪的樓面，完全搔擾及破壞我進食晚餐的心情，很不愉快。食物終於來了，麵底也不錯，味道也過得去，而且肉絲還不少。但始終不能令我心情回復正常，最後我帶著不愉快的經歷回家。該經歷會令我決定以後也不會再光顧它！因為我本來一星期最少吃三次的！！

諗住提前慶祝母親節，媽媽就揀去呢間食飯。開頭都無咩野，坐低左無耐聽到個侍應就收左隔離枱未食完碟魚走個侍應話睇見你地撩哂牙咁我地叫野食果陣態度都麻麻地重要數人頭叫左幾多野。隔離枱轉左人，坐低左3個人叫左2碟野食個侍應又話你地已經坐左個4個人卡位其中無叫野食收杯清水要$14同指住個牌講我呆左望住，再望都無咩客唔洗咁麻咁我地有餐飲見到叫左4個餐 就叫左4杯野飲點知再睇單有個收左$9，問佢點解？就話你地3個餐有包野飲另一個餐唔包。我地話你唔話我地知得3個餐飲？另一個要加錢？侍應答覆點知你唔知，餐牌寫哂！我真係唔岩無背熟餐牌就學人食飯！加錢你講聲好難？講完我都會加呢個係服務問題，唔係錢既問題呢間野真係無下次！食蕉好過食佢

下午經過，入去食個常餐。沙爹牛麵 ，火腿奄烈， 牛油多士。 我明白 好多餐廳火腿奄烈都唔比轉其他嘢。 所以我話走奄列，油多多油。等左好耐 ，多士未到，我先摧下。個侍應聲大夾惡，佢話我話唔要 我話冇講過 。我仲同佢講，油多要多油。 侍應生態度仍然非常惡劣， 去到遠遠的水吧前面，大聲話同我講左 ，係我話成份都唔要。 我覺得去屈緊我 ，我老遠再澄清， 我冇講過 ！！！佢依然在大聲講 ，話問左我，係我話唔要 。我覺得食野要比人屈 ，仲要俾人鬧 ，好唔開心！！ 仲要講到好似施舍返俾我咁， 好過份 ！講返食物，沙爹牛面用肥牛，又o K好食。不過得2片切開3段，杯奶茶有茶香，也夠厚。卡位坐得舒服的。不過，我唔會再幫襯 ，成間鋪頭冇人知乜野叫服務！！

若你經過寶琳站附近，千祈唔好貪方便去呢間。 呢間嘢的服務態度已街知巷聞唔再多講。今日兩人入去午餐叫咗個三絲炒瀨，生炒雞絲飯...首先三絲炒瀨，肉絲火煺絲+蔥絲加埋真係得3條，無料又唔係即炒D瀨粉仲要碎上，差D筷子都夾唔到，索價$48+凍飲$2.總數$50。 到生炒雞絲飯，又係同我條命一樣...整定！不過都係佢碟飯勁D，無色無熱無味+無料(我寧可食碗白飯)，統稱四無之餘D飯仲硬過我條命，佢有令你食咗第一啖就唔想食第二啖的能力(適合瘦身人仕)。索價又係連凍飲$50. 總括：你想受氣+環境擠逼+食完同無食一樣(個人建議瘦身人仕)先好入去！

嗌左個午餐lunch set寫蒜蓉牛扒腸仔飯點知係黑椒汁同侍應求證竟然話佢寫係咁就係咁架喇態度勁惡劣牛扒又薄又韌叫左杯茶走甜到好似糖水咁飲左啖已經飲唔落去完全唔知點解間野點解咁多人排隊仲見到把刀上面有條菜...........希望快啲喺附近開返間茶餐廳家樂開返就更好唔好等佢做獨市生意搞到quality差曬

未入去已經要受氣, 比位那个伙記態度恶劣, 經常呼喝D客,粗声粗氣。以為成个將軍澳得此间食肆,简直幫老板趕客。咖哩雞超多油和難食, 雞好像是用水盪熟般。西式反千萬不要試, 啖啖油超難食。其實食物難食但如果伙記態度好D,都仲有机会再幫襯。此店已列入我的不吃行列。

琴日同朋友約會後就去朋友介紹的呢間餐廳，因他們說呢間野啲鐵板好味，咁就去喇。首先睇餐牌嘅時候啲價錢比同區嘅貴，唔理喇可能好食搭夠喇，咁我地叫左三個鐵板餐加兩碟碟頭喇。鐵板到三個鐵板塊鐵板都唔夠熱倒啲汁落去嘅時候原全冇咋咋聲嘅反應，啲豬肉仲要好難切。福建炒飯原來是中日式混合版，啲汁又怪。肥牛炒河味道算可以的一個，但食完成口油。服務就真係難頂，可能啲樓面都係年青人多喇，如果之前的我一定會同佢嘈過。總之就唔會再去的一間餐廳

第一次食永發都係幾個月前，諗住翠華個d咁多人就是但搵間食！去到永發睇到d侍應服務都幾好唔會粗粗魯魯！去茶記我覺得一定要試常餐，因為常餐都唔好食其他就唔洗多講！一哩就奄到同多士，哇個多士好脆呀 一食就知即烘，到奄列，哇正到早！有白汁有磨菇同火腿到個肥牛撈，個牛係一d都唔老肉有小小粉紅岩岩好配埋個咖哩汁perfect 至於個常餐c個塊豬扒都煎到好嬾口！yummy

大概8半左右的時間去不用等位試試這裡的鐵板餐約$70左右我點了雞扒拼炸帶子老公則點了西冷牛扒上桌的時候有著鐵板餐應有的「滋滋聲」兩份餐的份量好足！牛扒不會過熟~~剛剛好!!雞扒及炸帶子也好吃!!我那份餐除了配薯菜外,,還有一碗炒飯老公的餐沒有配炒飯,,而是配蒜茸包蒜茸包也是熱辣辣的~~而且好香蒜茸味!好味!!!

經過又見到有人排隊就試下呢度既早餐啦，叫左一個牛扒餐，配上蒜蓉包、吞拿魚醬、炒蛋同生菜等。牛扒一般港式牛扒，薄身而且唔算chewy，但冇牛味。蒜蓉包唔算熱，但蒜蓉味都幾香。炒蛋炒得太老，唔夠滑。用奶茶作結，茶味幾濃但略嫌奶味不足。

小弟今日就去左一間貌似不錯既"永發餐廳"食野,咁哩間餐廳係唔需要等位既,對於一D無耐性既人黎講,算係一個唔錯既選擇我叫左個西冷牛扒餐,六成熟 叫時快,那時遲 牛扒到左之後,我見到外表唔錯既扒,溝埋D黑招汁.我忍5住即刻張塊牛扒開刀.....我切.....切.....切  發現.塊扒切極都唔開...但係我依然深信..七十蚊既西冷牛扒絕對唔會差得去邊當我一咬.出事=.= ....我真係條你呀魔.食緊香口膠?==再睇,點解六成熟一D紅色同血都無?==最後,所謂既凍飲加兩蚊,,係唔包可樂,,但我叫可樂果時無人提我最後可樂收左我6蚊(我唔係同佢計較果少少錢,係服務問題)純粹個人意見,不喜勿插埋單 75蚊..貴唔貴就見人見至啦

新年到今天才第一次做食評.我實在太懶惰.我祝大家身體健康!新一年發掘更多好的食店,大約是初四到將軍澳.目標是選粉麵店.去到呢間店時.店內9成客人.但人流去得好快.不消2分鍾就有位.雖則呢間面積大,但當日是新年客人源源不絕,店員當然地盡其用.坐的位置當然是迫迫的.吃完就要立即走.店員語氣是有禮.服務效率奇高.落單到食物完全出現.只是10分鍾內的時間,機本上最快25分鍾會用膳完畢.價錢沒有加一.但比平日貴7至8元,凍華田加魚旦米46元凍華田:沒有偷工減料.華田味濃郁.奶份量也平均.亦不會太甜..魚旦米:新春份量減少,機本上吃幾啖就完,魚旦硬身.咬下去只有淡淡魚味渗出,而湯底亦淡口.辣椒油也是既不香也不辣.奶油多14元:麵飽脆身香口.重牛油香味.只是主角奶油較少,味道也薄弱.但仍算好食.新年什麼都貴.2人末吃飽也要102元.當然唔合理.但在現今社會也要接受.

去寶琳探契媽，地頭蟲推薦去呢間餐廳食tea，話d豬扒ok喎。小妹同brother叫左兩個餐嚟share。香茅豬扒公仔麵配芝士白菌火腿奄列+厚切多士+可立克茶餐 ($36) – 公仔麵煮得過時，麵條偏淋，屬一般貨色；香茅豬扒香口入味、肉質軟腍，口感不錯；奄列料多蛋香滑，good；厚切多士烘得夠香脆，若搽多點牛油則更佳。下午茶套餐份量頗為heavy，同人share就啱啱好﹗澳門脆硬豬扒包+奶茶餐 ($28) – 豬扒包超級無敵脆脆脆﹗麵包外脆內軟，充滿麵粉香；豬扒煎得外層香脆，鎖住肉汁，配上洋蔥，油香四溢，香口惹味。Brother話奶茶是日失準，師傅可能落多左茶葉，奶茶偏苦澀，難以下嚥﹗

因為近又趕的關係, 所以間中會在此吃早餐。為了快, 通常都會叫餐旦或腿旦治, 不過這裏的餐旦治特別差, 因為餐肉沒有煎過, 吃過兩次都是凍的, 只靠剛煎好的蛋的熱力; 腿旦治的火腿也一樣是凍的, 只是因為沒有餐肉的厚, 所以比較可以接受。有時候也會吃奶油豬, 味道不錯, 只是$24, 跟三文治一樣價錢實在很貴。之前都在此吃過Tea及晚餐, 但食物都很一般, 而且價錢貴份量少。 為了方便, 我來此只會吃早餐。

早上起來有點不悉，於是到診所看醫生。過後，因為要飽肚吃藥，所以到一茶餐廳先享用早餐。簡簡單單的有雙蛋、多士、火腿通粉及奶茶。然而，在吃第一口的通粉時才知道原來是有鮑片的。真的有一份驚喜。雖然知道不是甚麼名貴的溏心鮑，但也算甜美，配合火腿及通粉一起也是滋味無窮。