永興豆漿王 (已搬遷) 新店位置

如果你係觀塘友咁一定對係市中心呢間豆漿店一D都唔陌生開左係到唔知幾多年由細食到大今日經過.... 就買左外賣返去同屋企人分享!佢地既油炸鬼..由買到拎返屋企放左咁耐都係咁脆口但係.. 就係油左d!而豆漿, 及豆花質感都係咁幼滑感覺上...豆味無以前咁勁..但係都係好食既

很久沒有吃宵夜了，皆因平時的晚飯都吃一很夜，都沒有胃口再去吃宵夜了，今天剛好與一眾友人來個宵夜，實在開心。宵夜除了糖水外，還可以吃油炸鬼及豆漿的，這間位於裕民坊已久的小店，有開舖的日子都會坐滿人的。這兒地方真的很少，只有一兩張枱，食物也只有幾款，不過光顧的客人卻很多，而且都不怕迫狹，團團坐在一起。店內只供應豆漿、豆花、油炸鬼、栥飯及涼粉，大部份客人為衝著豆漿而來，我們也不例外。其實這是一間豆漿舖，豆味雖不算製濃，但卻有豆香，而且甜度不高，點上油炸鬼，浸在豆漿同吃，別有一番滋味。另一方面，剩吃也是不錯的，不過今天的卻不太香脆，不知是否潮濕影響了。豆腐花曾經是小弟十分喜愛的，很嫩很滑，不過出品越來越不像樣，滑是夠滑溜的，可是卻不幼嫩，有點結實，希望水準可以回復到以前般滑溜嫩滑。雖然今日的水準不是太好，但我也十分支持的。這類小店是值得保留，喜歡的就要想去，不然待結業時才一窩峰湧去又有什麼意思。溫馨提示，這兒只開夜晚，有時會不營業的。

在觀塘吃的晚飯中，與友人談起附近的美食，然後說起晚飯後如果未夠飽可以吃一口豆漿和油炸鬼，你知道，他說的是那個曾經紅得發紫的永興豆漿王吧。位於觀塘裕民坊的那一個角落，就算附近天變地變，市建局將那個觀塘翻天覆地的改變，這個小檔口還是老模樣。如果古早這個從閩南語衍生而來的台灣俚語有舊時老式的意思，也可以理解為“懷念的味道”，我想這裡都可以叫古早味這裡總令我懷念舊時的事物，還有香港傳統老店的風味。你有幾耐冇聽人吃豆漿送油條呢?雖然今天晚上的時間有點熱，但無阻我地幾個為食的心，在晚飯之後來到這裡。九點幾，人流依然川流不息。幾位姐姐哥哥睇檔，油條排得井井有條，豆漿一瓶瓶俾你外賣又得堂飲又得，還有人專負責處理豆腐花，非常有條理。朋友叫的豆腐花，樣子是非常漂亮，但我有印象這裡吃過的豆腐花不是特別出色，於是，就算樣子對辦也沒有吃到一啖。我自己選了的是熱豆漿配油炸鬼。豆漿還是老模樣，唔算太甜，沒有什麼太過糖份重的感覺，豆味濃又重，最喜歡以碗上的那個形式飲豆漿，大約這就是老感覺。油炸鬼今晚的表現就普通了一點，之前吃過，油炸鬼脆得黎又香又爽，但今天吃的就沒有了很脆的感覺，可能是放久了點吧，不過就算冇咁出色，也

觀塘朋友介紹，話永興唔係晚晚開，今晚好彩俾我地遇上佢地開。食左碗豆漿溝豆腐花，本人唔鐘意加太多糖，我只係加左少少薑糖水，更加食得出佢地既豆香，豆腐花好滑，襯埋豆漿真係一絕。見到隔離台有人食油炸鬼，就叫左一條，油炸鬼唔似用萬年油炸，顏色金黃新鮮，只可惜有d林同凍，可能剛炸起會好d，同埋如果你係用黎浸落豆漿度食，咁都ok。豆腐花同豆漿就真係強力推介！

每次經過永興，都只是經過，沒有光顧過，今晚終於有機會啦。晚餐吃得不多，10點多已經開始餓，途經永興，堂食人不多，便走進去，雖然空間比較狹窄，但沒有不自在的感覺。我點了一碗熱豆漿和一條油炸鬼。這裡的豆漿甜度適中，黃豆味重，質感幼滑沒有渣。油炸鬼雖然是凍的，而且有油，光吃有點硬，但沾上熱豆漿一同吃，效果出奇的配。吃過熱熱的豆漿和長長的油炸鬼後，感覺好滿足。(雖然明知食宵夜會肥死><)！

有一晚送完女朋友返屋企，趕尾班車之前不忘去裕民坊呢間豆漿舖買宵夜😆。豆漿製作認真，豆味濃郁，但不太甜。溫度仲可以隨意供應，暖暖地又得，好熱又得❤️。油炸鬼雖然凍左，搭配豆漿構成完美的宵夜。

我想講, 當食完之後, 成日心思思想去食的食物, 對我來講唔係好多, 其中之一, 就係早幾日去食的油炸鬼配熱豆漿三隻手指公, 真係情不自禁地打出來, 因為寫食評的時候, 已經吞口水中可惜食物評分只有五粒星, 其實我想俾十粒, 女仔就係咁傻係好好食牙麻..豆腐好有豆味, 口感幼滑, 油炸鬼通常只會在粥舖食, 浸落豆漿食我好少試, 原來效果都好好豆腐花€男友叫了一碗, 都好滑, 但我都係鍾意食呢碗油炸鬼配熱豆漿

相信住觀塘區嘅朋友絕對唔會唔知邊度係「永興豆漿王」，冇錯，你唔一定知道佢舖名，但係你一定知道裕民坊麥記介乎中銀咁上下，前佐丹勞紅綠燈位斜對面呢間三更半夜仲賣緊豆漿油炸鬼豆腐花嘅街坊老舖。我自己咁多年嚟絕少幫襯，皆因我飲過更加出色嘅豆漿。今次陪女朋友路經，佢想買支新鮮熱豆漿盛惠細支裝十四兩銀。我一直覺得佢哋嘅豆漿份比例太重，顯得豆味唔夠，因此我自己已經多年無幫襯。飲過咁多間舖頭，我推介尖沙咀厚福街入面行到篤果間上海菜，唔好信我，買碗熱嘅甜嘅比一比，信你自己條痢。如果要求唔高又冇選擇而又想食啲甜嘢的話，「永興」依然算得上係靠得住唔會「喊面」嘅街坊小舖。

裕民坊重建進行得如火如荼，相信不少的老店舊鋪也會漸漸消失於時代的巨輪中，小弟也不敢擇日挑戰，倒不如立即前往拜會。講起豆品店，以小弟所知大多都是早開晩閉的，但這間永興豆漿王有趣的是早上賣中式餅食，到了晚上六點才會賣豆品的，所以我下午去便食了閉門羹先食完印尼野，再去APM探索一下消磨時間，為了一試這裏的豆腐花。終於等到了她開賣了，一台一台的飲品機，一籮籮的油炸鬼，豆腐花桶都推擺出來。當時正值放工時間，來買豆漿和外賣的人也多了，店內的空間狹小，只容納兩張檯子，八個座位，堂食的話難免要與其他食客擠擁在一起，地板有點濕滑和環境有點髒。當然呢度主要係賣外賣，也不要同其他豆品店的環境比較吧！老字號的她出名是豆腐花，小弟便叫了一碗熱豆花，都幾大碗下，重要係九個大洋，姐姐也把黃糖落重手了...抵到唔抵。試一口，因為都幾熱下，所以都嘗唔到d咩豆味，口感都幾滑，但不及"亞婆豆腐花"般絲滑，個豆花本身也夠"杰"，不易散開，睇落去好似蒸水蛋般的質感，睇來豆既成份都幾多下，也是豆腐花的上品，雖然冇我預期般好吃但也是值得推介的。

呢間店吃過好多次了,以前每個晚上收工都會來吃,門吃耐左才知開晚上7點左右的,好家庭式的小本經營,唔好太多服務要求,先付錢再吃的,呢到豆腐花味道很香純,好滑很不錯,通常熟客吃開會叫雙并(豆花豆漿),好味,加條油絛飽到暈呵...

觀塘區開始重建，這種小店快張消失。難得下午經過這裏人不多，有好幾個吉位，叫一碗豆花來試試。阿姐舉手一抻，一殼就係一碗，十分純屬。上枱時已加黄糖，走糖請早揚聲。豆花很香滑，但驚喜情度不大，一般豆腐花味。阿姐態度很差，大概係生意唔休做吧。

每次路過這裡都給它的豆品所吸引著，早前也買過來當宵夜但太餓的關係...還沒拍照就吃掉了，這天到朋友家聚會後再次路過跟老妹各買一碗來當宵夜，還跟老媽子分享打仗般的亂，稍等一下就可以這次也是外帶嘛，不想坐在狹窄的空間裡等候的時候大多的客人都是買豆花的多滑嫩的豆花，雖然放了很多糖但回到家後糖已經溶掉了，甜度不算很高豆味雖然不濃但味道頗不錯重建愈來愈近，小小的店子一家家的陸續關閉看到很傷感，但同時也期待著新面貌

標題都講得七七八八，初次試左豆花凍，但絕對唔覺有咩特別，絕對係雪得耐會變質個種feel, 所以比多次機會試熱的下次，果然熱的口感軟綿d, 好食d,再配埋油條(生平初次用油條點花原來都配塔得到，感覺比點粥仲快整軟d油條) 得出味蕾係油條會好似食梗牛角酥咁甜左軟左，但整體只覺中上，即普遍5-6蚊豆花，賣8-9都合理d, 但佢賣11就偏貴了，最後個次買油條點豆漿，前者點完差過點豆花，而後者就淡淡的無乜特別唔知做乜賣咁貴，仲有第一次見人用開揚式賣豆漿，仲要對正馬路，想必然空氣中的廢氣塵埃都入哂去了。。仲要比錢就係正d豆漿上面，比錢都要好小心。。

這些年，看著香港的集體回憶陸續消失，在地產霸權下，小店愈難生存。　　　於是，一些存在已久，卻又快將消失的事物，忽然變得寶貴起來。　　　　受裕民坊即將拆遷的影響，這家小店近日變得火紅。　　　　　某日，與一眾食友出席飯局後，有人提出不如到永興豆漿王宵夜，於是跟著大家來到這裡。　　　　　　「啊！原來是這裡！」住在觀塘區很久，經過永興豆漿王無數次，但竟然未有留意到。　　　　大家點了豆腐花及豆漿，一時間，食物放滿了整張檯，很是歡欣的感覺。　　　大家一致認為熱豆花比凍豆花出色很多。　微熱的豆花滑溜溜，散發淡淡的豆香。　　水準雖不算令人驚艷，但邊吃邊看著店員辛勤營運，能從豆花感受到他們的認真與打拼的精神。　　　這些，其實亦是續漸消散的香港精神，想到這些，難免有點黯然神傷。　　　也罷，今夜，還是不宜傷感，有酒得意須盡歡，趁小店仍在，還是再來一杯豆漿吧。

前一陣子刮起一陣傳統荳花熱潮，這家永興豆漿王位於觀塘裕民坊，也是以售賣傳統豆製品為主，既然放工後有時間，就去試試是否和傳聞中一樣好吃。去到看見有位，立即坐下，以免人多沒位坐。