汀汀烤活魚 (已結業)

今日想食麻辣烤魚, 約埋朋友去旺角食汀汀烤活魚. 喺商廈5樓上到去. 門面都幾特別. D裝飾有D塗鴉,又有D霓虹燈光. 坐位坐落都舒服寬闊. 我地兩人都安排到4人枱... 舒服! 店長主動介紹MENU, 詳細講解放題有咩野食. 好Friendly. 首先我地揀左食$298 SET 1) 上刺身拼盤 （三文魚， 北寄貝， 大蝦， 馬刀貝， 榮螺片） 鮮甜可口, 有出面專門做刺身店質素. 2) 6款小食任食. (炸饅頭，鹽穌鷄，麻辣魚皮，麻辣鷄軟骨，涼拌青瓜） 唔係講笑, 小食一D都唔會HEA. 特別係麻辣魚皮好食到飛起. 惹味又爽口. 其他小食都好好食. 單係個麻辣魚皮我已想再黎食.出面唔係咁多地方有. 3) 先食萬州烤魚 (另+$48 ) 我地選左麻辣, 烤魚烤到個魚皮好脆. 但個魚肉仲係好JUICY, 個麻辣味又適中. 勁惹味. $48 條魚自己街市買都未必有. 抵食. 好食眨眼就清曬. 4)之後再食惹味雞煲( 仲要係無限添加). 鷄件嫩滑，好惹味．　其實已經好飽食左好多野5) 但仲有個海鮮拼盤- 落火鍋. 原本仲諗住會叫D牛,豬黎火鍋. 點個店長提我地仲有海鮮拼盤

烤魚是一道口感獨特、風味出眾的傳統菜肴，魚肉外表微微焦香，估吾到火鍋放題店,都有咁出色既烤魚。而且烤魚以外，仲可以食雞煲，火鍋。 餐廳提供兩款套餐。 一個是$248 一個$298烤魚要加$48 我覺得係好合理既。準備烤魚既同時，先上小食同埋刺身先，刺身都幾好食，小食特別係辣雞軟骨，好味。烤魚係魽魚，本身就多肉少骨。辣度可以自己選擇，可以揀bb 辣。 魚再吸曬辣汁既辣味，係十分香口惹味。 店家提到，佢地係成為火鍋店前身係烤魚店，難怪整烤魚有一定水準。 黎到了雞煲辣分，頭先揀左麻辣，今次揀左香辣。味道幾香，亦好惹味既。黎到火鍋部分，有多款湯底可以選擇。今日揀左花膠雞，佢個湯其實有魚湯係底 而且吾油。火鍋料部分，$298個餐有海鮮拼盤。蠔，鮑魚，蝦，蜆。通通都咁好食。而且好新鮮。火鍋部分亦好多野食。牛肉，豚肉，雞肉，一應俱存。牛肉份量亦好多的。去到e 部分 都已經有d 飽但佢水餃 雲吞都好好味。 另外 仲有鴨血等。最後仲有雪糕。所以其實真係好抵食佢仲有間VIP 房 人多想傾計就岩曬

原來咁快就15週年啦，見到推出咗任食套餐好似幾吸引咁～餐廳以色彩繽紛的塗鴉、霓虹燈及型格裝飾作設計，型格新潮玩味十足，打卡一流！亦有獨立房間，仲有得唱K，好啱一班朋友聚會呢～⍣丁丁極品任食套餐 $298先送上三款小食，分別係麻辣魚皮、麻辣雞軟骨同埋迷你炸饅頭，魚皮好爽口，encore咗幾次迷你炸饅頭外脆內鬆軟，連埋煉奶好好食😋仲有另外3款小食，都係無限添加～然後送上刺身拼盤，全部都好鮮甜👐🏻之後就係食烤魚+打邊爐…🐠萬州烤魚 +$48揀咗麻辣味嘅小辣，除咗大大條烤魚，仲有蓮藕、金菇、豆卜、大豆芽、猪皮等等嘅配菜，吸曬啲湯汁，十分惹味😋烤魚肉質好嫩滑，越煮越惹味，正！🐥滋補花膠鷄湯底食完烤魚，就揀咗呢款湯底開始打邊爐，湯滾後飲啖湯，都幾清甜～仲有花膠同雞件，幾足料！而火鍋配料方面，選擇都好多，我就食咗M5和牛、安格斯肥牛、魚皮、牛柏葉、粟米同油麥菜，質素都好唔錯哦，真係實在太飽了😂仲有好多都未食～食完火鍋仲可以任食雪糕，口味都有幾款，仲有我最愛嘅豆腐味💜

約咗一個好耐冇見嘅中同收工食飯，聽其他frd推薦咗呢間食放題雞煲烤魚火鍋，就嚟試試。今次嚟就遇到佢哋15週年🎉優惠價有兩set可以揀💰298/人包刺身5款🦐🍣🐚時令海鮮拼盤🦐🦪雞煲/烤魚（魚需要再加$48）任選湯底火鍋💰248/人雞煲/烤魚（魚需要再加$48）任選湯底火鍋我哋就揀咗💰298，有刺身&海鮮拼盤刺身不錯，有5款雞煲有的refill，炒的非常入味，食完之後可以再加雞肉。另外火鍋牛肉、小食、飲品任食😍極推薦佢哋嘅肥牛、和牛，食的出係靚肉🥓另外沙白都好推薦，好鮮甜😆主打嘅火鍋湯底係花膠雞，食之前一定要斟碗湯飲下，試下原汁原味🤩雖然隱蔽係大廈入邊，但一出電梯就可以見到，都算方便的！

今日，同朋友放工去旺角行街途經百寶利商業中心，見到有丁丁烤魚宣傳展示架，hkd 298加一 有烤魚🐟，鷄煲🐔，海鮮拼盤和火煱放題，決定一試😍環境也好寬敞，好多卡位，可以舒舒服服談心小食有大约3至6款，而且無限添加，分別有炸饅頭，鹽穌鷄，麻辣魚皮，麻辣鷄軟骨，涼拌青瓜，十分開胃之後有刺身拼盤，每種刺身也好鲜甜首先我地揀左萬州烤魚🐟，辣度選了香辣，烤魚肉質鲜嫩，加上葱，辣椒，十分惹味😋招牌惹味鷄煲🐔鷄件嫩滑，配上不同香料，惹味十足，而且可無限添加，正😝之後我地揀了出名滋補花膠鷄湯底，啱哂女士進補一下飲下湯，我地打火鍋，時令海鲜拼盤有鲜蝦🦐，鮑魚，扇貝，蠔，蜆，賣相十分吸引，有水煙冒出，而且每款海鲜也好有鲜味，打邊爐一流再之後我地分別order水魷魚，安格斯肥牛，M5和牛，鷄件和油麥菜，真係食到好滿足😍

任食雞煲+打邊爐+小食小食魚皮同雞軟骨好正炸饅頭比平時果d細粒！仲好食過平時大大舊果d小酥肉仲係即叫即炸俾你唔係炸定一order就俾凍哂既你果d不過建議小食可以每次出少d唔夠再嗌因為食唔哂覺得好浪費🥲個雞幾入味味道ok但雞好似細粒左dd🤣不過食完可以refill其他冇影相之後可以轉湯底打邊爐火鍋豉油果度真係好驚喜竟然有花椒油本人真係勁中意食麻辣火鍋配料叫魚片再點自己溝既火鍋豉油你真係可以當水煮魚甘食🤣同埋粟米真係超甜！Reorder左2次仲有雪糕真係要讚唔知咩雪糕泥但有伯爵茶同抹茶我平時唔太中意食甜野但我竟然食左2個雪糕一拎泥就已經軟綿綿即食唔同出面其他任食果d一拎出泥硬過條命既雪糕服務都好好👍🏻2個人星期日泥食埋單都係500幾抵食+好食+好飽一定會再泥❤️下次要泥試下個烤魚😋

今日同朋友去咗一間汀汀燒活魚喺旺角。佢哋嘅菜單好多款式，而我地揀咗嫩鴨血鬼馬雙拼同埋二人安格斯肥牛。嫩鴨血鬼馬雙拼係一道令人垂涎三尺嘅菜式，結合咗嫩滑嘅鴨肉同鮮美嘅鴨血。個鴨肉鮮嫩多汁，入口即化，而鴨血仲有獨特嘅口感同鮮甜嘅味道。食完之後，我哋都忍唔住想再要一份。而二人安格斯肥牛係另一道令人驚艷嘅菜式。牛肉切成薄片，質地嫩滑，肉質鮮甜。燒烤過後，牛肉散發出迷人嘅香氣，令人食指大動。搭配埋餐廳提供嘅特製醬汁，味道更加豐富。餐廳環境非常舒適，服務態度亦好。服務員熱情地為我地介紹菜式，耐心解答我地嘅問題。而嫩鴨血鬼馬雙拼同埋二人安格斯肥牛嘅份量都好足夠

今次黎食叫左個2人餐，味道係好嘅，但食物份量太少，食完我地2個都唔夠飽。。。另外埋單先知要俾茶錢同花生錢，之前一直冇職員提過，呢點真係好扣分。我地當日夜晚去全場得3枱客。。

🔺汀汀烤活魚（旺角）今次嗌阻個2人餐（$598)，唔使諗又抵食～🔻烤筍殼魚鍋今次嗌阻個魚鍋Bb 辣都好辣，鍋內的魚肉好滑，仲有的配料豆芽、萵荀、豬皮、豆泡，越食越刺激～🔻霜降手切牛頸脊牛味唔差，口感唔韌，份量都ok~🔻海鮮拼盤入面有青口、蠔、蜆、蝦、超長蟹棒，每款2件，樣樣都有d，十分豐富～🔻清新田園蔬菜菜籃新鮮，夠晒2個人食～🔻水果茶杯飲品有豐富的熱情果、火龍果、橙、西瓜等，酸酸甜甜好解渴～

▪︎超值2人餐▪︎。烤江團魚鍋。涼拌青瓜。霜降手切牛頸脊。海鮮拼盤。田園蔬菜。汽水×2↪️ 選擇了啖啖肉的河魚江團魚，原條魚開半再炸過，點了小辣，鍋內有豆卜、萵荀片、瓜片等，吸哂湯汁好惹味。魚肉煮熟後好嫩，真啖啖肉。牛頸脊肉味濃，涼拌青瓜蒜香味十足，海鮮拼盤也不錯。加了$18點了一杯雜果綠茶，清清地唔會好甜。

這家位於旺角百寶利商業中心5樓的烤魚餐廳看起來非常值得一試。招牌烤江團魚看起來非常美味，肉質嫩滑，搭配惹味的麻辣湯底一定非常適合喜愛辣味的人士。此外，其他的配菜和手打丸子也非常新鮮，口感不錯。手打蝦丸和墨魚丸都非常好吃，蝦丸的口感彈牙，墨魚丸則非常有嚼勁。另外，餐廳還提供了私人包廂，這對於想要和一班好友一起開餐的人來說是一個不錯的選擇。包廂內還有電視和KTV，讓您可以在舒適的環境中享受美食和音樂。總的來說，我相信這對於想要尋找好吃的烤魚的人來說是一個不錯的建議。

打算搵間收得夜啲嘅餐廳見到呢間餐廳比較少負評決定一試。我哋去到around 11pm, 叫咗兩個小食，一個雞煲。諗住再加單(ard1130)嘅時候已經冇晒烤魚lo諗住夜晚過去食夜宵嘅去之前打個電話問一問仲有烤魚會好啲🫶🏻青瓜拼皮蛋，皮蛋好流心雖然係用李錦記蒜蓉，但係個汁幾好食喎。椒鹽魷魚鬚，一般。。。好硬又帶少苦招牌雞煲，叫左bb辣。好入味，啲雞煮到岩岩好但就斬到好細件，同超肥(好多舊大半舊都係塊片)我自己覺得好食嘅幾岩我口味，加朋友就覺得好一般。整體okay如果飲宵夜都想再去試埋個烤魚

捉緊冬天既尾巴,口痕有d 想食麻辣烤魚,朋友介紹底下試左旺角呢間汀汀烤活魚,門面非常企理, 空間都好大, 有獨立既包場區,而且佢地既抽氣系統都做得好好, 一入到去唔會好焗同聞到攻鼻既麻辣味,因為朋友仔唔係好食得辣,所以今次叫左條香辣烤魚.招牌江團魚鍋（微辣)香辣味HK$ 328佢地用既係新鮮鉗魚， 通常坊間好多既烤魚都用鯇魚， 好多細骨同埋煮得黎會好鞋， 而呢到用既係鉗魚， 煮得耐都係咁滑身同口感不變， 而且最大好處係得一條大骨，啖啖肉好開心🤣， 今次叫左係香辣既小微辣，唔會太辣好岩我地食， 如果鐘意挑戰既可以上下佢地中辣/ 大辣， 聽老闆講係兩個層次， 而呢個魚入邊仲送好多配菜， 例如豆卜，萵筍，芽菜，花生，豬皮，芫荽，青瓜，蘿蔔！全部都係勁索湯嘅配菜❤️正！如果中間滾到有d咸， 都可以叫店員加水！ 勁惹味.配菜添加：招牌新鮮魚卜HK$ 88魚卜又稱魚中花膠， 有大量骨膠原， 食落去非常爽口， 而且唔會腥 ， 大約都有8舊左右， 而每條魚都只會得一舊魚卜😂 非常珍貴！新鮮百仙果水果茶HK$38水果茶有得用綠茶/梳打水做個底, 今次我就簡左綠茶, 而佢地都用左好多新鮮水果配合,例如有西瓜

而家烤魚店越開越多，不過講到最原始嘅幾間，一定有大家熟悉嘅汀汀烤活魚😋 呢間係旺角大街嘅樓上舖，地點方便。入到舖嘅裝修幾有格調，仲有k房適合一大班人聚下😌椒鹽魷魚鬚🦑($58) - 揀野食前先叫左份小食，魷魚鬚外面炸得好酥脆，椒鹽味好惹味，值得一試👍🏼老壇子酸菜魚🍲($268) - 黎到烤魚專門店當然要食魚☺️ 我同朋友都好鍾意食酸菜所以揀左酸菜魚食😁 個鍋真係超！級！多！酸菜！魚片係等湯滾左先落，煮到再滾就食得，咁先唔會老😇 老闆娘有教先飲一啖湯，味道好香濃，之後食魚片，食完就可以加水用湯底打邊爐😋打邊爐配料 - 我地全部都揀索湯嘅材料，包括牛柏葉($58)，響鈴($38)，粉絲($28)，稻亭烏冬($22)。牛柏葉爽口，其他幾款到索哂湯底嘅精華，有酸菜獨特嘅咸酸香，同魚片嘅鮮味，食極都唔厭😘

超值二人套餐 同個朋友chillchill ，去咗旺角打邊爐， 因為真係好想打邊爐 😝😝😝😝試咗個超值二人套餐，$598，呢個真係抵嘅。 佢有條烤魚，然後就當打邊爐咁加配料，有海鮮有牛，肉，自己睇相，分量真係幾多。同埋佢啲牛都幾高質，好有牛肉味。 海鮮好新鮮， 蝦有手掌咁大，超多肉又彈牙， 食得好滿足。烤魚好少骨 ，有骨都係大骨 所以唔使驚哽親，佢嘅魚好鮮嫩好入味， 一啲都唔腥。叫了少少辣，食到麻麻地好刺激，烤江團魚鍋烤，好推介。呢個價錢兩個人嘅份量，都幾多，食到好飽。