江仔記粉麵專家

營業中

休息中

係附近返工，食得多街外野大多都係高油高鹽高糖，一想食健康啲或者諗唔到食咩就最好去江仔記😋每次去江仔記一定叫魚蛋米加紫菜，又健康又飽肚又好味。佢嘅份量如果淨係一碗魚蛋米就會少啲，頂唔到肚好耐，加左紫菜就可以頂得耐啲，你睇佢碗粉上要紫菜勁多，食到最尾一啖都有紫菜，而且好有紫菜味，又唔會有up味亦唔會有沙或者啲雜質。魚蛋彈牙有魚味，唔會過份調味，魚片都炸得好香，每樣都有4粒/片，好足料。米粉就正常發揮，湯底都夠味。

有時唔知食乜，又想食清清地，就會食粉麵。江仔記其實又唔係好好味，不過勝在地點方便，同埋係銅鑼灣區少有嘅粉麵店。啲阿姐唔會好惡，唔會嚇怕你。不過等位都等左好一段時間。佢三位以上就可以上二樓，單人就要喺門口慢慢等。講返碗牛腩魚蛋麵。感覺好普通。牛腩唔係太多肉，而且會痴牙，同埋有啲硬。魚蛋亦唔夠彈牙。仲有我預計佢嘅湯底會係腩汁湯，點知只係普通清湯底。只係好在佢多蔥。同埋覺得佢隻湯匙未洗乾淨咁。我諗我一排都唔會再食。評分: 5/10

呢間江仔記喺銅鑼灣我哋由細食到大，啱啱先發覺原來我哋從來未寫過佢😂咁就把握機會，今次寫咗佢先！紫菜墨魚丸米粉 ($47)：紫菜要加$8，最難得嘅係坊間嘅紫菜好多都有沙，佢哋嘅紫菜居然係無嘅！墨魚丸彈牙，裏面仲有少少墨魚肉，幾有咬口，湯底偏向清淡，加一至兩滴辣椒就不得了😎牛腩根拼鳳城水餃米粉 ($47)：鳳城水餃個靈魂係個蝦🦐到，如果蝦肉唔爽口彈牙，調味再好、被再薄嘅鳳城水餃就唔係嗰回事。佢哋嘅鳳城水餃無論係蝦肉嘅爽口度、調味和水餃皮嘅厚薄都恰到好處，認真唔錯！牛腩煮嘅時候略嫌耐咗咗少少，有少少老🤏🏻牛根就普普通通🤷🏿‍♂️

蒲頭開銅鑼灣區嘅朋友都應該認識地標「江仔記」以前都喺裏面堂食，但係諗起裏面又細又迫，堂食都係可免則免。外賣水餃麵拎返公司嘆疫情期間凡買粉麵即送飲品一杯，抵左！$38套餐價錢合理外賣做得夠細心湯、水餃、麵同分開放，拎到返屋公司將佢二合為一，湯夠熱，水餃有三大隻隻隻脹卜卜，有木耳、筍、豬肉和蝦；麵條仍然保持爽口彈牙，但份量較少，男士可能要食兩樣先至夠飽。奶茶水平比預期高，有茶味，茶奶比例平均，夠熱有水準。

清淡好食之選 樣樣菜都not bad👍特別欣賞炸魚皮 浸咗湯入面 酥脆又有魚味☺️ 腐乳通菜 個菜特別翠綠同嫩 凍檸茶好飲👍 雲吞紫菜河粉不錯總而言之 食完會覺得滿足☺️ 唔會有野伏

係銅鑼灣返學，放學之後見到江仔記粉麵專家就諗返起以前中學成日食江仔記嘅回憶，就入去食啦。我嘅固定menu係瘦腩雲吞紫菜河配凍檸茶（$61）滿滿嘅牛腩同雲吞，食落好滿足～

去開銅鑼灣做facial, 見早左又有d肚餓，搵下野食先。行過見到魚蛋粉，岩曬！6點零鐘唔算多人，我一條友可以坐到卡位，叫左碗魚蛋紫菜河，呀哥仔又幾好禮貌，同埋呀姐出菜都好快，叫完除底口罩個麵就到。食落魚蛋又幾彈牙有味，湯底飲左幾啖唔會好口乾，魚蛋同紫菜的份量都幾多，不過坐坐下近7點開始多人。

喺銅鑼灣想食平靚正嘅魚蛋粉真係唔係太多選擇，呢間睇落好有歷史嘅鋪頭就可以食到！入到門口，老闆問我地上唔上樓上坐，咁我地後生當然冇咩所謂，原來要經過一條又窄又長嘅樓梯，所以樓上係冇人坐！ 🍴 招牌鴛鴦米粉 ($37) + 魚片頭雲呑河粉 ($37) ⭐️⭐️⭐️⭐️ 招牌係包左魚蛋同埋雲呑，魚蛋好彈牙一d都唔會腥，雲呑就正正常常，唔係太大驚喜。 🍴炸魚皮 ($16) ⭐️⭐️⭐️⭐️ 份量唔多不過原來都好足夠，就咁食非常之香脆。但我個人比較鍾意浸湯後食，吸左啲湯汁仲好食。推介！ .............................. 江仔記粉麵專家 地址📍: 銅鑼灣堅拿道東2號地舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰: ⭐️⭐️⭐️⭐️

攸桐爸同攸桐媽好耐都無拍拖啦！.今日攸桐爸好好呀！陪咗我去做個treatment，做完之後，我哋都好餓呀！於是睇下附近有啲咩好食啦！.由於之前攸桐媽都係灣仔返過工，所以就介紹呢間好嘢比攸桐爸試！.江仔記粉麵專家📍銅鑼灣堅拿道東2號地舖.牛筋撈麵呢個真係好正呀！牛筋好入味，又夠哂“淋”！食時唔覺得好舔口！但食飽飽之後，你會感覺到個口會好有膠質咁！真係好回味！.腐乳通菜呢果菜又係好脆口！正！.所以今日攸桐媽又無介紹錯啦！攸桐爸大讚呀！😋😋😋😋 #攸桐媽飲飲食食遊蹤 #攸桐媽 #zozimama #攸桐媽媽遊樂團 #三桐攸 #媽媽之日常 #hkmami #hkmama #hkmamablogger #hkmamiblogger #親子blogger #親子KOL #hkkol

係附近返工，成日都會外賣炸魚皮返屋企 打邊爐又好點湯食都好，今日lunch都食得清啲無咁濃味又掛住個炸魚皮就揀左江仔記，有選擇困難症既我諗左好耐食牛筋定墨丸🥱最後揀左牛筋米，牛筋唔夠冧，仲有啲係好un，炸魚皮一樣咁岀色🤩，加多個菜心全走，埋單$63，所以話今時今日食碗粉都唔平架！

從朋友口中得知江仔記這間潮州粉麵店已經是很久遠之前的事，當年朋友因為工作需要遊走不同地方跨區工作，去到邊食邊，為省時快節，多數光顧快餐、粉麵舖居多。若然人在灣仔，很多時都會到江仔記，因為出品快、靚、正 ，不過平日午飯時段排隊排幾耐就要看運氣睇你彩數了。朋友嘴刁，幫襯開的食肆差極有限，我當然要銘記於心，今天我們仍舊來光顧，享用那滑嫩的河粉以及舖頭自家製造的辣椒油。差不多排到龍頭頭幾位，門口的姐姐便會幫你預早寫定落單紙 ，入座後，將落單紙遞給伙計，不消一會，大大碗雲吞、水餃麵  ( $ 43 ) 便奉上。雲吞、水餃各有三顆，飽滿地浮在奶白色的湯面上。先喝一口湯，鮮味不算太突出，但清清地不太咸，再夾起湯河，依舊厚薄適中，滑溜爽口；雲吞、水餃粒粒皮薄、餡料豐足，內有豬肉、完整的鮮蝦，水餃則多一些黑木耳絲、筍絲，口感爽脆，非常鮮味，蝦肉新鮮彈牙，一吃便知是新鮮製作。來到江仔記當然要添一點他們自家製的辣椒油，辣度視乎你加多少份量，本人最沉迷便是那股麻香味，入口有適量辣的刺激感，不過份嗆口，不全完蓋過主角們的味道最合適，所以每次只會加數滴。其實今次來光顧的另一個目的，便是帶一樽江仔記辣椒油回家，因為

通常到銅鑼灣大家都可能去TIMES SQUARE / HYSEN / SOGO / 皇室堡等商場內既食肆.但其實有些小店還是不錯的.這家江仔記都已經是到登龍街那邊必經既一家店, 店內都是一般粉麵店既裝潢主打都是魚旦.魚片. 而我今天叫了招牌鴛鴦河是魚旦加雲吞.魚旦不錯, 雲吞就沒有特別大驚喜.但就銅鑼灣食肆既價錢來看, 是屬於值得一試.品質不算差,價錢亦公道這個魚皮我個人認為西環東興既比佢出色之後再點了一碗牛丸河. 沒有特別大驚喜

大家都應該明白好多野只要變咗外賣都由好食變唔好食，雲吞麵就係其中一樣，外賣返去皮都溶，甩皮甩骨咁，睇見都無胃口啦，有得堂食一定揀堂食👍🏻江仔記除咗魚蛋雲吞出名，我最like 係佢個辣椒油😼😼勁香，又夠辣真心推，一定要堂食👍🏻

今日去銅鑼灣店買外賣，問店員可唔可以多要少少辣椒油，竟換來白眼，兼對住我話：鍾意食辣椒油，咪買一樽囉！仲要話做生意就係不嬲孤寒㗎啦！老實講，咁嘅疫情，咁嘅時勢依然幫襯及支持，竟然換來一肚子氣！想下次再幫襯都幾難！😡😡😡

而家好食的雲吞已經好難搵，如果你鍾意大地魚，江仔記的雲吞絕對係吸引，唔係成口肥豬肉，濃濃的蝦同大地魚的味道，魚蛋都爽口彈牙👍🏻招牌野黎，減肥食魚蛋米就啱啦，江仔記的辣椒油都係好味，辣椒好香，同埋都算辣👍🏻！銅鑼灣咁多野食佢都可以做咁多年就知堅野啦