江川壽司 (已結業)

平野可唔可以等於正野、靚野！？是絕對可以的！今晚，我們一行四人，6點15分左右，便到達，不過waiter話，要等到6點半先八得，因半價壽司要6點半先開始。一開始，我們先點了兩杯特飲，一杯是香蕉特飲，一杯是提子加（唔記得咩）的特飲，我飲的是香蕉果杯幾好，是香蕉砂冰，好有蕉味。之後到主菜，分兩轉19種壽司，共90碟海膽珍寶帶子壽司，真是要講講，海膽，一個字「鮮」，帶子，一個字「大」牡丹蝦，都是一個「甜」，如果你吃蝦頭，就要兩個字「極甜」（我媽媽吃）三文魚子就大粒同好新鮮松葉蟹棒就普通。總括來講，板X的質素，1半的價錢，平平平平平只是無大大條星鰻食。

同女朋友行街經過呢間叫"江川壽司"既日本野，果陣先七點幾，見倒門口好多人排隊，睇下先知完來全部壽司、手卷都做緊半價，咁吸引梗係要試試啦!諗住一分錢一分貨，都唔抱咁大期望，點知...出乎意料地好食喎三文魚壽司: $4.5一碟，竟然仲要係魚腩位，我既至愛丫!!海膽珍寶凡立貝壽司: 好鮮甜丫，雖然之前未食過海膽，呢個配搭我又覺得唔錯喎火燒玉子壽司: 我女朋友點既，佢話甜甜地幾好味豪邁奔放: 聽個名好似好正咁，叫左先知卷入面包住既係炸蠔，我本身唔食蠔架火武龍珠卷: 一份四件，包住既係天婦羅蝦，新鮮炸熱辣辣正丫A4和牛壽司: 見佢有半價，之前又未食過，所以叫黎試試，又OK喎，真係入口即溶芝士焗西蘭花: 一打開塊錫紙好香丫，如果多d芝士會更加好什錦天婦羅手打烏冬: 之前見電視成日賣廣告，諗左好耐決定試試.，個烏冬好彈牙丫，湯底又正喎夢幻樂園: 原來特飲都有半價，其實就係巨峰汁，有d薄荷味，我覺得OK，不過我女朋友就話甜左少少D待應加水都加得幾密，值得一讚佢仲有一個好處就係冇限你時間食，食幾耐都得，唔使食到咁趕丫嗎

我唔食，即你要食??... 之前無緣參加OR試食會，今趟見到半價優惠，就成為派帖飯局的起點。友儕太忙，是晚只得四人，幸而戰鬥力仍然強橫，有見選擇多又價格優惠，共掃了：　壽司三文魚($9)x4-三文魚看色澤不太對頭，我一件也沒興趣試，據聞吃來鮮味欠奉；但仍叫了四碟，全因在場有位超級三文魚粉絲!火灸三文魚($16)x2-燒得不太均勻美觀，但半生熟又嫩口的三文魚味道還不錯的。火燒玉子($9)-玉子沒有難忘蛋香甜香，而且質感鬆散一夾即散；其實壽司飯也一樣。火灸鰻魚($20)-味道正常，吃完也沒有留下任何印象。花戀($28)-少了傳統花之戀的沙律醬，少了滋味但就多一份健康與清怡，OK啦。腐皮($9)-排除壽司飯太散的問題，腐皮本身香甜而濕潤，水準不錯的。芥辣八爪魚($20)-同事介紹後，漸漸愛上這刺激的一味，而且江川的八爪魚很鮮很富彈性，味道不錯的。火辣帶子($16)-帶子配上辣味始終不及八爪魚配芥辣吸引，也是一啖夠數。芝士蟹籽($20)-除了濃濃的芝士味吸引我，脆脆的紫菜層也是推介原因。蟹膏($22)x2-幾怕過鮮的我，卻十分喜歡這既鮮又甜的蟹膏滋味，其極端滑溜的質感第一時間令我想起細滑的栗子

三個朋友仔同我一齊去呢間野度食, 因為聽講佢6點半後 "半價"我地一行人7 點去到, 隔離 一壽司 排大隊, 呢間得幾個人係入面, 唔駛排隊..好似好好價錢方面: 一入到去...睇餐單: 壽司正價20蚊 OR UP .... 咁樣同出面冇半價有咩分別..人地平價三文魚壽司都係 9蚊OR UP,,,心諗,,唔通佢係靚料?? 食物方面:我地點左好多野...當然有三文魚壽司啦點知...食落去...真係經典..."星" 到你丫...一舊之後就唔想再食.... (我係好大食, 幾乎咩都食得落肚)其他好似出水玉子呀, 冇味墨魚呀~真係鑊鑊新鮮鑊鑊金我地仲叫左海DARM, 有幾大舊, 咪好似個一毫子咁囉好啦, 到腐皮, 好甜..怪怪地, 但係最好食架啦, 食左兩伴D 壽司 SIZE 有幾大, 飯係正常SIZE (熱既飯) 上面加塊薄切, 面積得正常SIZE 75% 既魚生, 犀利!係咪想問點解我地食左"星" 爆三文魚仲食其他呢!!只係因為我個FRD 習慣一次過點!!!真係貼錢都唔去食服務方面: 佢係有加水, 不過要叫先加囉..叫兩個冇WASAPI 既豉油碟等左兩個字上左一隻英文程度? 我見有外國

十點鐘, 要食一個late dinner, 想來想去都唔知食咩好, 又因為幾大雨, 想食壽司的我兩, 要行去板前嗰邊會全身濕哂, 一壽司又勁排, 唯有去試試這間叫江川壽司的壽司店了江川係第一次食, 都唔知頭唔知定, 唔知好唔好食, 夜晚時段好多壽司都係特價十蚊一碟, 叫十碟即係一百蚊, 又幾平, 於是係咁劃, 又有三文魚, 蟹棒, 藍旗吞拿魚, 赤貝, 油甘魚, 賴尿蝦, 仲有軟殼蟹手卷都叫左兩份! 總共叫左十五碟! 平吖嘛不過味道只係一般, 壽司飯實在係濕過頭, 可能落得太多壽司醋, 加上煲飯時應該係落太多水, 飯身太林, 所以唔好食, 連點壽司的醬油都有些問題, 味道偏咸了, 所以令到魚生的味道受到影響變得唔好食不過魚生材料都新鮮, 但好的料都要功夫處理得好先有用, 除非對味道要求不高, 只想食平野, 呢間壽司店都啱去的

見佢賣廣告賣得咁行, 雖然勁多人排隊但係都等下啦~~8點幾等到9點幾先有位...金馬倫道分店6:30後sushi半價~真係幾抵喎~~叫左三文魚, tuna, 油甘魚, 劍魚腩, 帶子, 櫻花尤魚...d sushi全部都好細舊! 唔知係咪因為半價既關係~~三文魚唔算差, 起碼都算新鮮, 其他魚都新鮮既...不過一d都唔肥美!!總之麻麻地啦...之後再叫多個曼魚烏冬~d烏冬好滑, 都幾好味, 不過冇諗過佢d曼魚勁多骨!!!埋單只係$164~~係就係抵食, 不過下次都未必會再去啦...我寧願去壽司正或者板前啦~

隔離的一壽司做半價, 最少六十人排隊....轉而食江川, 都係好平, 9:30後入, 好多都係十蚊碟, 包括toro 雖然平, 但係味道一般, 壽司飯無咁好食, 不過魚生就幾新鮮, 如果飯再可以好食d 就無得頂仲食左個豬扒拉麵, 番茄汁底, 初初食太杰, 叫經理幫我溝希, 都好樂意, service 都ok!埋單百幾蚊, 幾抵

今日去到佢到食野~~簡直係咩都差~服務態度一般~野食又唔新鮮~之前去加連威佬道個間江川仲衰個個所謂店長態度差到爆~~我仲見到佢係道用粗口罵員工,個個員工真係好唔開心la~~之後佢出到黎仲眼紅紅,都唔知有無搞錯,我同個所謂店長講我d野食未黎,之後佢仲黑口黑面對住我!!理個咁ge野,記得唔好再去食到眼火爆,之後埋單仲要加一,埋成五分鐘都未找錢,你話d員工就係咁係度吹水,叫佢落單就越叫越走~~~我好記得我叫左咩野食,咖喱無咖喱味,豬扒就好乾,個湯底就唔使講la......去過一次唔會再返去,之後仲有隻昆蟲係我個碗到.......比返個舍所謂店長,唉!!佢都無幫我換過,不過佢個魚脯骨真係好食ge,如果佢有第二間我都會再食,我個fd就叫左豬軟骨烏冬,就係豬骨湯底,佢d豬軟骨得4舊仲要好細舊都算la~~個個湯味憎湯黎呀~~自己係屋企煮仲好過佢煮~~唉~~勁唔好食~~

尋日又行遠d. 去到尖咀食.得知一壽司同江川都有lunch set. 今次揀左食江川先唔駛加一, 個價錢平d個menu都幾多野揀. 有烏冬有定食.我叫左天婦羅烏冬set $38, +$5 飲檸蜜三文魚壽司中規中矩, d wasabi唔夠勁天婦羅烏冬好耐先黎到.烏冬較林, 好似赤丸o個d 咁彈就好啦.豬骨湯底幾多味精.天婦羅都炸得唔錯, d 蝦望落幾透明. 都爽口不過條粟米就比較格格不入. 仲係硬既, 好似生咁, 好難食.埋單o個陣饅魚飯charge $42我地叫o個時問過個main menu 寫住$38, 但張leaflet 寫$42, 咁係幾錢.個侍應答我地話跟返main menu 既. 依家又收$42.另一個侍應check 返原來係因為我地哩本menu 冇改價錢, 其他o個d 台既menu 都貼左張$42 既貼紙既. 話哩個menu係新print, 所以冇貼之後個侍應拎走左d menu 就算. 冇意欲幫我地改返張單問題係我地問清楚係$38 先叫, 雖然只係$4, 到最後都叫個侍應返黎同佢講返, 次次都係咁咪好唔得掂!?

江川手打烏冬專門店新店開張更係要同友人試下啦...一入到去既環境令我覺得好特別成個design就好似用上海洋/冰既感覺設計...藍藍暗暗..最岩情侶來.食物方面, 意粉湯麵都可以自選口味, 我地2個人叫左個魚生拚盤,天婦羅, 雞軟骨及一個唔記得咩夠既薄餅..老實講食物都係一般啦唔算有咩驚喜, 魚生都算唔錯超碼厚切同夠新鮮已經好滿足, 其他食物都算ok..係個雞軟骨就油左少少..新店開張仲有甜品送..都算叫唔錯..大家有興趣睇下佢地既interior design都值得一去既.

九點鐘和同事於尖咀見完客，又開始我們的美食搜尋之旅。本想食韓國野，但行過江川見到21:30後壽司十蚊碟咁抵，忍唔住幫襯左佢。九點半準時入席，人不多仲大把位，比起隔離一壽司要排隊真係好大分別。心諗會唔會又中計呢？好彩最後都不負眾望...第一ROUND：三文魚、燒玉子、火灸八爪魚鬚、甜蝦、海膽墨魚、辣味三文魚、蟹籽沙律、芥辣八爪魚、藍旗吞拿魚、油甘魚、八爪魚。三文魚夠肥正是我杯茶，甜蝦壽司一件得一隻並唔係兩隻(我見樓下個位都係兩隻)，有偷工減料之嫌，蟹籽沙律乾爭爭，失敗！第二ROUND：小甜甜卷、熱情沙漠卷、鰻魚、帶子、蟹膏、軟殼蟹手卷、甜蝦刺身。小甜甜卷正是甜蝦及蟹籽的化身，本身味道不錯但衰在紫菜淋哂，旁邊的軍艦及手卷上的紫菜亦遭同一命運，無一幸免。熱情沙漠卷吃不出熱情及沙漠的感覺，只是三角形的加州卷罷...第三ROUND：燒魷魚筒、芝士焗西蘭花。食到第三ROUND已經後勁不繼，打開Menu勉強點了燒魷魚筒及芝士焗西蘭花，燒魷魚筒夠大隻又多汁可以一試，芝士焗西蘭花用大量mozzarella芝士，可以表演拉芝士，乃此店之必試item！埋單一共$284，捧住個肚走。環境服務等都只是普通級數，

十點到, 都排了三十分鐘多, 可能店裡不算大碟碟十元真是好抵, 款式又多, 而且新鮮 感覺人手不夠, 可能是店的設計出問題... 以前有壽司 bar枱, 但現在改成了卡位, 走廊愈來愈擠迫 三文魚壽司: 好食, 新鮮 帶子壽司: 大件, 新鮮, 一定要 encore 鳥貝壽司: 好爽口 甜蝦壽司: 一般, 正常 象拔蚌壽司: 平 鰻魚押箱: 凍 牛肉壽司: 一般 相片是第一次吃江川壽司時拍的, 大小正常最近一次去, 發現飯細件了很多, 但仍好多貝類, 十分好吃所以食多點試多款, 十元碟, 兩個人都吃了百幾元呢

同女朋友去食, 見人少少, 不過裝修不錯, 於是試一試。但係, 我真係估唔到一間日本餐廳比人食既壽司會係o係成舊成舊o係雪櫃拿出來。果個鰻魚箱押o係雪櫃拿出來..., 鰻魚, 紫菜, 飯全部都又凍又硬, 我比依個價錢真係冇expect都食一個比超市仲差既壽司。同女朋友食了兩碟就走了...

與朋友剪完頭髮搵d平野食,本來諗住食一壽司, 不過大排長龍,所以試左呢間江川壽司, 9:30am之後碟碟HK$10, 有d仲係HK$5添~好抵我地二人10:25pm到達門口無排長龍, 企左兩分鐘就有位坐,我叫左以下幾款:1) 三文魚壽司(HK$5碟 / 兩件) <--沒有太多鮮味及魚味, 可能片魚太薄,不過見佢5蚊就算佢啦2)帶子壽司(HK$10碟 / 兩件)<--好鮮甜呀! 又ok大隻, 食完之後我仲叫多左一碟啊!! 3)甜蝦壽司(HK$10碟 / 兩件)<--每件壽司上面有一隻甜蝦, size比起平常的大左20%, 亦食到有鮮甜味, 好!4)槍烏賊(HK$10碟 / 兩件)<--好薄身, 無筋, 滑"lulu"的感覺好好~5)海膽墨魚(HK$10碟 / 兩件)<--海膽比例較少. 所以不太吃到海膽的味道,尚可啦~6)櫻花墨魚(HK$10碟 / 兩件)<--無咩特別, 都係尚可啦7)軟殼蟹手卷(HK$10碟 / 一件)<--叫左兩碟,同個朋友一人一件, 軟殼蟹放涼左,但依然是脆的, 只有四份一隻蟹,所以比例上佢唔算大隻, 唔會多

一月十一日 (星期日)記得看雜誌時看見江川大鑼旗鼓,以為是一間很專業,很日本的壽司店今日親臨,卻有點失望本身想到萬豚屋,但忘記了此店逢星期日休息,有點失措,最後決定到聽聞已久的江川一試來到門口,不見任何人在門外接待,唯有自己推門進店入內,很暗的,裝潢不見美觀,有位待應來招待我們,而經理就坐在一旁,似乎是正在整理帳簿此店沒有我們常坐的迴轉位,被安排坐在近壽司師博的一枱,此時還有人在打掃地下算了,有點餓,點菜:三文魚壽司薄薄的一片,口感一般,沒什麼魚油飯團尚可,但缺飯香海膽軍艦差不多是吃海膽的季節,不錯的味道,甜甜的,頗新鮮炸蠔是日廚房推介,一碟四隻,雖不算大,但勝在新鮮雖然有點腥,但咬下時,蠔汁彈出,足見其新鮮程度炸得亦恰到好處,內裡的蠔肉仍然很有嚼勁芥辣八爪魚軍艦尚可,充滿了wasabi,較為"供"鼻,八爪魚粒可以再細粒點而且不是太彈牙,不是太新鮮深海螺壽司屬於這裡的特色壽司螺肉很彈牙,吃得出的新鮮算是值得一試罷,若在這條街吃壽司,都是隔壁的一壽司為首選