江浙滬 (堪富利士道) (已結業)

這店本來兩年多前已經想來, 但那次來到但好像因為打風關了門。唔知道如果當時食的話是否結論都是一樣?!茶錢$8/位水晶肴肉$66一般水準花雕醉香雞$78選用嘅雞皮下脂肪太多。好明顯係黃油雞。上海醬鴨$68 呢個醬鴨最令人失望, 鴨肉半乾, 肉質乾硬化嘅程度大概近似小食檔賣嘅豬肉乾或者牛肉乾之類。可想而知肉嘅味道會濃縮至相當濃郁。到底呢個係為咗保留原作神緒定還是無意中放在雪櫃放耐咗。已經被遺忘咗? 作為客人嘅我無法得知。杭州東坡肉$76 正常發揮之作擔擔麵$48 唔太辣啱食小籠包$48 食得過香蔥煎餅$58 價位其實適中, 用埋開飯網訂位有9折優惠, 不過埋單時要同待應講清楚係經開飯網訂位的就會有全單9折。內部裝飾一般但食至中段不斷由廚房飄重陣陣燒煙味! 咁樣真係唔專業囉! 所以由菜式味道至店嘅管理都有令人失望的地方。回頭機會相當微。

同舊同事好耐冇見，又想食上海嘢，就搵咗呢間喺公司附近嘅江浙滬，呢間餐廳有兩層，響等lift嘅時候已經見到連部lift門都貼左啲中式嘅貼紙，我哋被安排喺上邊嗰層，上面嗰層比較光猛同埋有啲燈籠擺設，好有中國菜嘅氣氛。我哋叫咗海蜇頭，菜肉雲吞，水煮牛肉，金銀饅頭，野菌金菇，鴨血粉絲，豬扒湯麵，菜肉包等等。總括嚟講味道都唔錯都係算正宗嘅上海口味，而飯梗係要嗌傳統嘅豆沙鍋餅同埋酒釀丸子啦！如果響OpenRice訂位仲可以有全單九折，折咗之後每人都係$200左右價錢又唔貴喎！可以再嚟幫襯。

Passed by the street for so many times and didn’t spot this Chinese restaurant and finally got a chance to try it loll, the place is in splendid decoration instead simple and neatFried shrimp is tasty with chewy texture and good flavor, such a nice dishDrunken chicken is indeed full of alcohol flavor, and i personally not a fan of alcohol and just soso for me but i’d say the chicken meat is tender in cold temperatureXiaolongbao tasting good to me haa, thin layer  and good taste, very juicy insid

現在裝修中⋯之前食左未上傳，補返啲相先 今次一個人食左👇🏻😋担担麵 味道濃郁 🤩份糧十足 ⋯湯底醉雞 ～雞夠滑 醉味還欠一點點 如果多一點花雕就好了，所以我外帶了回家 自己加了花雕這個👆🏻十分正宗 每次都要吃，仲有個🐟薰魚 都係一定要食的，最近裝修 摸門釘 來到才知道😞下次再見吧～估計因為疫情只見一位員工 ，雖然要舉手幾次才見到 不過她不是故意的，要她落單、改單、取外賣盒、埋單⋯等！叫左幾次 我都有點唔肊意思，她還是很好禮貌，好好服務，謝謝！！！

放假出街玩完又到左要醫肚嘅時候喇，朋友仔一個話想食中菜，一個就話上海嘢，另一個就無所謂。行行下見到呢間就決定入去試下。入到去等左陣就有枱，因為咁啱有人食飽埋單。裝修都幾古色古香，好似去左大陸咁，啲server都幾切合文化，一於唔理你，叫多幾次就好大聲喝番你轉頭。如果係咁嘅服務，就算係幾好食都唔會再去，更何況係好普通而且唔平。喺尖沙嘴呢個咁多美食選擇嘅地方，如果想食得好少少又唔想俾人咁對待，奉勸大家三思。

又嚟銅鑼灣搵野食，每次經過江浙滬都冇被吸引入去食，但今晚想試試新口味，又唔駛排隊就入去嚐鮮。其實本身就冇咩期待，但意外又覺得好正宗同好味😋！叫咗碗嫩雞煨麵$52暖下胃，湯底好清甜，碗上白菜好健康～但雞份量好少⋯$52出面都食到成塊雞扒份量😅😅青椒毛豆炒肉絲$78意外好好味，食唔停口，裡面3款料3款口感～好味！碗白飯一流！但份量細咗啲！特色煎餃 $52 6件本身都唔識咩係特色煎餃，但又意外幾香口好味！外脆內軟👍🏻👍🏻👍🏻👍🏻👍🏻另外唔夠飽再叫多碗擔擔麵，又真係幾好吃，湯底濃濃花生香，麵條口感適中！夠正宗！

兩個人叫咗6樣野食醉雞、咕嚕肉、雜菌鱔糊、小籠包、上海炒年糕、酸辣湯醉雞啲雞好霉，個酒調得太甜咕嚕肉太多汁，又唔知點解落咗椰果，有兩舊肉一食就知原本係諗住整東坡肉嘅肥肉鱔糊啲鱔唔新鮮，唔脆口小籠肉啲肉用咗肉碎整，個味都唔啱上海炒年糕根本就係上海粗炒轉年榚，成件事錯晒酸辣湯個調味好怪，有啲唔靚嘅豉油味唔可以話好差，不過調味方面怪怪地。兩個9折埋$400左右，尖沙咀食上海菜晚餐唔算好貴，但係應該唔會再幫襯

我想反應今次用餐情況，當我和我的家人到達餐廳後，幾乎沒有人招呼，然後過了一會兒他們安排了我們坐下，大約過了15分鐘，我們覺得很熱，便詢問餐廳職員可否把冷氣調大，餐廳職員卻說冷氣壞了，我們已經覺得很崩潰。因為餐廳空間不大，人亦很多，沒有足夠的冷氣情況下進食，真的十分辛苦！今天的用餐是慶祝老人家生日，可是老人家也吃到留了大汗吃不下。我真的想向餐廳反映，如果冷氣壞了，你們是否應該一早通知我們呢？唔係要等到我哋坐低，覺得好熱問咗你哋好多次，你哋先至話俾我哋知冷氣原來壞左，今時今日仲要有疫情，空氣唔流通真係好辛苦。總括而言，整個晚餐很不愉快，十分差。

今晚慶祝紀念日，最終都係放棄左原本既韓燒放題轉為選擇食松子桂花魚😆為左食松子桂花魚，就OpenRice 一下，選擇左呢間上海菜館松子桂花魚 $188正常size，價錢ok，搵過出面好幾間都要over $200。味道唔錯呀，炸出黎，熱辣辣脆口，只係視覺上無其他店既彩椒色彩點綴上海生煎包$46整體都過得去，皮薄煎得剛剛好，但餡料就唔多雞絲粉皮$48呢個價錢算大碟，不過粉皮略為硬身茶位每人$5 OpenRice 訂位有9折

公司聚餐 有同事提議食大閘蟹 二話不說即刻book位 預訂了vip房 房間舒適 有超大電視 唔錯～預訂了6両半 第一次食六両半 以為六両半既蟹會多膏D 原來都係撞手神😂不過爆膏程度相當滿意 影相期間 D膏多到滿瀉 蟹膏有陣油香 蟹腳啖啖肉 好肥美 好鮮甜🥰總共叫左兩隻六両半蟹公同一隻四両蟹乸 食完六両半先再食四両 隻蟹乸睇落比較細隻 點知剪開隻蟹先發現成個身都係膏 正❤️蟹乸既膏比較硬身 襯白飯真係超級夾🥰配埋濃濃既薑茶 真係一流🍵今餐淨係食蟹都夠哂喉 過足癮～🦀🦀

聽聞已久的上海菜，終於試到喇，樣樣都想食🤣前菜有醉雞，薰魚，海蜇頭，醉鴿，四喜烤麩⋯⋯今日選擇了海蜇頭 好爽呀 加少少黑醋 仲更添味道醉雞好滑 仲有烤麩味道好好 好傳統👍🏻薰魚難得有得食，好耐無見過 ，凍食更佳！四款都有好正宗嘅味道呀⋯⋯超讚回味無窮，前菜有五星酒店水準，老師傅果然名不虛傳下午時間食，仲有午餐添，超抵回鍋肉水煮魚拼牛午餐仲有配小食小龍飽炸曼頭白飯飲品最後仲加左豆沙鍋餅（餅皮有點厚）味道卻不錯👍🏻

酸菜魚： 魚片夠滑 無骨 不過薄了些 底下有綠豆粉而不是薯粉 個人比較喜歡綠豆粉 湯不會太酸 也帶一點點辣 整體不俗 份量足夠 性價比高小籠包： 正常水平 皮厚度適中 也帶一點湯 沒有之前的食評描繪那麼差樟茶鴨： 肉不算嫩滑 肉帶茶味 本人雖不好鴨 但也覺得味道不錯 值得一提的是那壺茶 應該是蕎麥茶 很喜歡那種味道 有一種麥甘香 讓人回味地理位置優越 在地鐵站出口附近 不過容易錯過進門的入口 外牆裝飾有特色 價格也合適 味道屬中上 可與朋友久坐 會再回顧的餐廳

2021年9月24日 時晴時雨朋友ge 同事食過話幾抵食又ok, 今晚就黎試下先招牌鮮肉小籠包 $46, 小籠包皮都夠薄, 但比較黏, 一夾會痴住筷子。食落都有湯汁, 唔算特別。普普通通但又未算差。不過有d 咸。金/銀小饅頭 $46, 可以揀蒸/炸。炸得都幾香脆, 入面都幾綿密, 好食美味酸菜魚 $138, 估唔到呢個價都咁有咁大份魚片冇骨且滑, 仲有綠豆粉條, 湯底唔太酸仲辣辣地。好味樟茶鴨 $88, 皮炸到好脆, 好香。食落唔太油, 有d 似煙鴨胸gr 味。仲配有4塊包, 如果係起肉夾包會更方便。經Openrice 訂位仲有9折, 2 個人食到好飽都係百幾蚊一人，抵

老婆附近睇醫生，午餐試下，又有bb櫈，good！酸菜魚68蚊有小食有豆漿，OpenRice pay仲有9折👋🏻，裝修都古色古香，又有風味，但睇落係藥小小！總結:尖沙咀咁嘅價錢，咁嘅質素，其實係抵，可以再來！

午餐。行完展覽，約了友人吃午餐，openrice 預訂位有9折。門口有塊很醒目的招牌。天氣太熱叫幾個涼菜，拌海哲，爽口。雞絲粉皮，醬濃濃的，同行友人略嫌味重了一點。毛豆百頁，是日冠軍。味道清新，咸淡適中。梅子排骨，濃油赤醬的代表，我個人就不太喜歡，同很友人吃得很滋味。生煎包，大家都覺得過於精緻，味道一般。此行目的－醃篤鮮，不得了，因為兩人而已，每人一盅，上檯時平平無奇，一個湯匙插下去，嘩！也太足了吧！不要看到那麽多肥肉，咬下去肉湯灌滿口腔，咸鮮味很豐厚，下一啖吃荀片，立即將豐厚轉為清爽，最後吃完百頁結，口舌得到莫大的滿足。此湯比我第一次在上海吃的更美味，下次兩人都要叫大窩。是日order得確實多了一點，最後包＆排骨打包帶走。