江浙滬 (堪富利士道) (已結業)

之前聽同事講話呢間野好好食，今日中午咁啱經開尖沙咀所以就同朋友來試吓，我哋四個人叫咗一共四個麵，炸銀絲卷，小籠包。野食不過不失啦，不過我哋有兩個人叫咗兩碗嫩雞煨麵，其中一碗有好多雞粒而另一碗得果幾粒。我哋之後同店員反應，佢回覆話因為佢哋廚房係一齊煮既，所以可能會唔平均😑咁樣就完左。佢完全冇話換過一碗或者補返d 雞粒比佢，我朋友就話算啦反正唔係好肚餓，就係咁佢要食一碗得幾粒雞粒既麵。除咗呢樣我覺得需要改善之外其他冇咩問題。

江浙滬喺尖沙咀，樓上鋪餐廳，好難吸引顧客，地鋪實在太多選擇，地下嗰個派傳單姐姐，非常之落力，咁啱又想食上海嘢，所以想去試吓。午餐$7-80 +1，包一杯嘢飲，一個小食，同埋一個主食。少咗一個炒年糕，分量充足，材料除咗年糕之外，仲有肉絲同筍絲，調味適當，唔會太鹹。另外叫咗一條小黃魚，由於係即刻炸魚，時間稍為要等耐少少，另外包一個白飯。 其實條黃魚都唔算小，非常之大條，兩個人食，非常足夠 。小食叫咗水晶肉同埋小籠包。我叫咗熱豆漿，但係唔係熱嘅，係室溫。整體而言味道唔錯，價錢合理。

有親友從外國來香港，特意找一間位置方便，位於尖沙咀A出口對面嘅「江浙滬」一聚！首先，呢間餐廳嘅環境都幾舒適，我哋9人仲安排咗廂房，所以傾偈大聲啲都好自在。上海菜式都是濃油赤醬，味道偏甜酸，材料注重鮮，「江浙滬」味道可算是正宗，好似我幾次喺上海食嘅味道。而且，佢嘅煮法同份量都好啱，唔會太過油膩，點小菜估唔到份量都十足。我哋9人點咗5個小菜、3個主食、1窩湯同埋點心甜品，結果都夠哂食，所有菜色都唔錯，而其中我最推薦嘅菜式係佢嘅「冰梅小排骨」、「腌篤鮮」同「雞絲粉皮」。「雞絲粉皮」嘅雞絲嘅份量非常足，粉皮同埋雞絲嘅比例都岩岩好，唔會有任何份量唔夠嘅問題。啲粉皮都好滑口，雞絲又好嫩，同埋淋上啲香嘅醬汁，味道就更加出色啦！「冰梅小排骨」係醃製過嘅排骨，非常入味同埋好咬，而且又有啲酸酸甜甜嘅味道，好消暑開胃！「醃篤鮮」係江南的傳統名菜，醃肉和春筍、百葉結煮出嚟嘅湯口鹹鮮，湯白汁濃。春筍煲過仍然清香脆嫩，真的很推介。其實其他菜色都好味，例如「上海炒年糕」，啲年糕係好有咬口，炒得剛剛好，有煙韌嘅口感，調味適中；「豆沙窩餅」都炸得餅皮香脆，豆沙微甜，好適合作為結尾！總括而言，「江浙滬」係一間非常值得嚟試

情人節無book到餐廳，喺尖沙咀幾乎搵唔到嘢食。路過見到呢間好似唔錯，就上到去試吓。結果好驚喜兩人叫咗個例牌雞煲，份量好多，好夠鑊氣，上菜時幾乎成間舖頭啲人都望埋黎。味道都啱啱好，唔會太重口味不斷飲水。然後干煸四季豆都好夠鑊氣，不過啲肉碎偏鹹，送飯就一流。炸饅頭賣相就好吸引，炸到閃令令金黃色，好香口🔅舖頭唔算好大，因為兩間包廂，所以啲枱唔算太多，但係都分隔得OK唔會太迫情人節都無最低消費，加上openrice訂位仲有折，會再幫襯

有圖有真相。。。。。。此回鍋肉，極油極咸，唔知自己食緊咩，lunch $90可以好多選擇，唔好中伏！環境衛生服務正常。但廚房真係有待改善，，，，，，，唔會再幫襯！

喺尖沙咀呢間江浙滬有呢個SEAFOOD LOVES SAKE嘅活動，係會提供日本清酒同海鮮菜式所配搭菜單，呢度所提供嘅係清炒蝦仁配加茂錦 荷札酒 生詰 黃水仙 。清炒蝦仁係一款正宗傳統嘅江蘇名菜，用嘅係新鮮嘅河蝦，爽口彈牙嘅口感手，味道清新夾雜蝦嘅鮮味。雖然用料只係得河蝦，但食得出江蘇菜嘅風味。而呢枝嚟自日本清酒王國新潟縣，以花命名，以黃水仙花語純潔嚟形容酒本身嘅純淨度同清純嘅感覺。入口有香草同蘋果嘅香味，口感清爽，甘酸平衡，酒精濃度較低，好啱配搭鮮味嘅清炒河蝦，更能突出蝦仁嘅鮮甜。

江浙滬 (堪富利士道) (尖沙咀)尖沙咀堪富利士道11號2-3樓酸菜魚 酸菜魚屬於四川重慶經典菜式，傳統是用原條草魚，港式酸菜魚為了迎合一般市民口味，用上起骨魚片，容易入口。味道方面，由於加入大量酸菜以及麻辣香料，口感獨特。地道嘅川菜特色，心得香港人口味歡心。🥳🥳🥳秋鹿純米吟釀上秋鹿純米吟釀，酒體帶米香，清新感十足。食酸菜魚配純米吟釀完全係fusion 到極致，又配襯到一絕。👏🏻👏🏻👏🏻

今日到尖沙咀上堂，便到附近來個午餐，到了這間店，叫了兩個套餐，一個冰梅小排骨，一個咕嚕肉，可惜的是咕嚕肉暫時未能供應，於是轉叫了酸菜魚，另外跟餐叫小籠包同薏米水，豆漿；冰梅小排骨酸酸甜甜，十分惹味，很好食；不過酸菜魚就略為遜色，無平時食開湯中酸中帶辣又麻麻脾脾既感覺，而湯又略為咸了點；小籠包就一般。因為午餐快閃快食關係，試不到太多食品；下次有機會再試其他食品。

尖沙咀食肆好多，疫情中能夠開到十幾廿年嘅就真係唔多。基本上一年都會幫襯幾次，同朋友聚舊要搵間交通方便價錢合理嘅上海菜，一定會諗起佢。佢哋嘅烤麩，鎮江餚肉，雪菜百葉，上海鱔糊，口水雞，松子魚。質素穩定。最重要嘅係，一晚坐幾個鐘，都唔會講你走。

今次都費事影相叫左脆炸黃膳 ： 脆到好似食齋燒鵝咁，黑糖醋味，唔好食菠蘿咕嚕肉：偏酸，好普通，啲肉都唔係外脆內軟東坡肉：有4件包配，肉還好有4件，正常，我就覺得唔好味，家人就覺得ok蔥油餅：正常，係薄脆，唔係包果隻紅油抄手：個皮好厚，唔好食蒜蓉津白：夠淋，夠蒜味但佢蒜子味，唔係蒜茸松子魚：味道好正常但係松子勁少，我地走青豆，佢俾左勁多粟米當松子，松子個數量真係數得出咁少擔擔面：唔好食，個湯完全唔得，個麵有啲硼砂味又唔夠麻醬，覺得係無Tim雞絲粉皮：幾好，夠多麻醬上海粗炒：正常，算好食少少豆漿：好飲又會好甜夠濃整體而言，呢一餐都幾差下，好多野都唔好味，難怪星期日都唔full booking，walk in都有位，不過上網訂位有9折餐廳裝潢係有點特色不過餐廳唔大，食物質素都係唔得，好少食上海菜覺得成餐一啲閃光點都無，好普通好普通，唔覺得係好食，有點失望切餅費$100如果要間安靜無人嘅食店呢間都適合嘅，不過唔好有期望

之前試過銅鑼灣嗰間麻麻地，今次黎尖沙咀試多次。佢好似8月時裝修過，但入到去又唔覺邊度好新淨，同埋人都唔算多。叫左個醉雞、涼伴海蜇頭青瓜、清炒河蝦仁、酸辣湯、小籠包同埋擔擔麵，最後再叫多個豆沙窩餅做甜品。醉雞不錯，好香花雕酒香，又不會太嗆喉，而且雞都有啲鮮味，肉質結實滑嫩。涼伴海蜇頭青瓜相對失色，海蜇頭同一般的有分別，好薄同埋深色，雖然好爽脆，但不夠厚身影響口感。清炒河蝦仁性價比就好低，個份量好似得一半咁，雖然味道不錯，但相對幾貴下。酸辣湯夠大碗，2個人分都得，又辣又酸，好味。小籠包皮好厚，不過味道都不錯。擔擔麵就好香花生味，湯底濃郁，麵條軟滑。豆沙窩餅有驚喜，唔算好油，煎炸得好香水口，豆沙餡好多，份量又大，有8塊，吃到好足。尖沙咀分店比銅鑼灣好。

环境一般，食物水平中等，价格偏高，服务态度亦一般。OK啦！不要有太高期望。下午二時刚过已没有顾客，可以理解为非太受欢迎。半條古法蒸鲥鱼要1400多元，难有人吃，其实鲥鱼要在长江流域才好，在香港不用试。

一間我非常喜歡嘅上海菜館係少數我會不斷咁去都唔厭嘅餐廳基本上每一道菜式都極之高質每一樣都係頂尖嘅美味而且裝修非常古色古香鐘意食上海菜嘅朋友一定要去試- 酸辣湯- 金陵鹽水鴨- 上海糯米燒賣- 招牌鮮肉小籠包- 麻辣水煮魚- 擔擔麵- 檸檬薏米水尖沙咀堪富利士道11號2-3樓

成日驚星期日搵唔到野食，所以一早就係OPENRICE呢度訂埋枱黎呢度食~ 其實之前都同友人黎過~ 呢度真係尖沙咀的清泉~ 真心勁好食~其實呢度都容納到好多人，不過人多就可能會覺得有dd迫同嘈咁啦~ 不過可能真係因為covid的關係，所以呢晚黎食都係無咩人~咁今日有3人一齊食~ 所以叫左都幾多野食檸檬薏米水 - 呢杯野夠凍又解喝，薏米都比好多架~ 薏米好去濕~ 係呢個熱屎辣辣既天氣度飲~ 真係好爽皮，而且佢無冰但都好夠凍，甜度已經岩岩好我覺得呢杯野真係降溫一流的選擇金陵鹽水鴨呢個都唔錯，肉質厚實得黎唔係好硬身入口味道咸香，相當唔錯，前菜黎講，份量個人覺得還可以太多就會覺得有點怪。水煮魚片 (辣度 : 小辣)呢個水煮魚片，份量相當勁! 魚片都厚身得黎唔係梅個隻，肉質嫩滑水煮湯辣度我覺得下次可以再叫辣一點點~ 麻度都夠~ 加上底部有吸收晒所有湯的精華的薯粉我個人建議一黎到快d食~ 因為放得太耐~ 個D調味會沉底咁會有DD過咸~酸辣湯 (窩) 3個人叫一窩都真係好夠食~ 每人都食到好多碗~ 最重要係佢好足料而且濃郁度好好，唔會係太水個隻，唔會係過"傑"，我覺得呢個質感好好味道唔洗講~ 我真心覺

其實已經差不多有2年沒有光顧，再次前來一切依舊，食物的味道仍然保持水準，當天剛好有客人預定了片皮鴨，所以老闆亦預定了多幾隻，因此我亦點了一隻，有幸可以品嚐，而且現在很多食市價格都已經上漲，但這家的價格真是非常非常公道合理，希望食物水準能一直保持下去。