江浙滬 (京華大樓)

營業中

休息中

不是常客的我。餐桌上有下午茶套餐餐牌 。牌上亦無註明下午茶時間。見有牌就點單。怎料原來當小食部分上時。發現原跟下午茶餐的兩粒變為4粒。接著問。才知因未夠鐘。就只可單點計算。其。錢不是問題。是。絕大部分食市下午茶有兩個做法免爭議。一。寫明時段。二。未有提供之套餐餐牌收起。兼侍應應有責任問一問或提醒客人收費有別才是。所以。不老實店絕不再惠顧

平時喺銅鑼灣返工見近近地，出咗新嘅外賣，諗住去試吓。點知，真係俾佢嚇親！外賣盒竟然可以收$5 ，其他餐廳最多都係一兩蚊，收費點解可以咁狼死！仲要超難食，真係想再幫襯到難！想幫襯嘅朋友們真係要好好考慮吓

3個人食晚餐去咗銅鑼灣。先黎個素鵝，個皮好脆，衣個要食呀。再叫咗蔥油撈麵，個蔥油好香，個豉油就一般啲。同埋蔥油餅，脆卜卜，好味。小籠包個皮就厚小小，即蒸，好熱。青瓜海蜇頭，出面街通常係一條條，佢係個邊咁，好爽。酸辣湯麵，小辣的，好大碗。仲有砂鍋魚頭豆腐湯，勁大碗，每人都3碗。好多菜，豆腐，魚頭滑，薑味重，驅風一流。環境就一般，舊派裝修，有二層，人手唔太夠。最好搵姐姐落單，用電話落要等好耐先有。窗邊位就比較熱。

今晚有點夜唔少餐廰都收工了，但突然好想食小籠包🥹我唔制！！行遠少少就比我搵到間夜收舖又不錯的老字號🤤🥢▸ 招牌鮮肉小籠包 (4隻) $𝟒𝟖我一個可以食好幾籠😂😂隻隻都好～多湯汁又鮮甜皮薄但夾起唔易爛 餡足肉嫩入味必叫！值得一試👍🏻▸ 鮮蝦小餛飩 (8粒) $𝟓𝟖見有唔少人叫 我又試下先細細粒一口一隻 蝦肉新鮮彈牙加上蛋花紫菜芫荽湯底清清地▸ 雞絲粉皮 $𝟓𝟖雞肉幾嫩滑配上粉皮有咬口雖伴有青瓜絲但可惜整體都係有點油膩▸ 魚湯蒜子津白 $𝟔𝟖娃娃菜鮮甜煮得夠腍加上有蒜香嘅加持更惹味

小朋友過親銅鑼灣上興趣班都話要食呢間，話炸饅頭同上海粗炒好好味，仲我自己就覺得個上海粗炒味道偏鹹咗少少，但係個麵底就炒得好好，唔會太淋或者太硬、另外豆沙窩餅太好食，完全唔記得影相🤣呢間餐廳係喺呢條街黎講相對上坐得較為舒服嘅，唔會太迫，又近地鐵站，好適合同小朋友行到攰入去醫肚👍🏻btw食緊嘢嗰時見到有人訂房先知原來呢度好似有兩層，喺呢條咁繁忙，咁多人嘅街嚟講呢間餐廳算係大啲闊落d，加上價錢唔算貴，行街行到攰又或者買到一袋二袋想揾餐廳醫肚，呢度係唔錯嘅選擇👍🏻

話說我朋友同我一齊去呢間渣甸坊嘅「江浙滬」食午餐嗰海，簡直係個充滿驚喜嘅滋味之旅 🍽️💖。一入到去，得個感覺就係空間開揚得嚟環境仲好乾淨。望望餐牌，我哋決定叫啲傳統上海佳餚。首先係鮮肉小籠包，皮薄到透明，啲肉汁爆出嚟滋味鮮美得令人一啖接一啖😍。生煎包嘅香脆底同肉餡呢，真係夠晒掂，焦香而唔會太硬，美妙到停唔到口。再講講嗰碟揚州炒飯，料夠齊、飯粒爽口，正宗鑊氣四溢，食到都係滿足感爆棚👌。最後，豆沙鍋餅就真係收貨時刻，外層酥脆，入面豆沙又甜又順滑，食落啲味道絲滑得嚟唔膩口，真係得意！整體黎講，呢個地方既食物質素高，又唔洗搞到太煩燥，真心推介比想要品嚐地道上海味嘅你。下次再約埋啲舊朋友，順便重溫下美味～間間都係滿分推介！👍🎉🤤

盒盒都收我六七十蚊，又唔係特別平，盒年糕仲要80幾蚊，啲份量少到離晒譜，得半盒，埋單400幾蚊完全唔夠，本身仲諗住4個人食，宜家3個人先啱啱好除咗水餃用件數計，無得呃秤之外….其他真係嚇親我擔擔面仲衰啲湯完全唔夠浸啲面，唔講以為去咗日式沾麵咁，已經分湯，d麵線都係淋到一pat嘢，好似廚餘過咁……我知旺區d嘢係貴啲，但個份量會唔會要對得住個價錢少少🤏🏻賺錢賺得咁肉酸，欺負外賣無check?好唔好食都無下次

乾煸四季豆😀四季豆過油處理過，唔會太乾身，仲帶點水份，所以食起黎有D脆感，鹹香+小量辣度，用黎佐飯定下酒都一流。欖菜烏黑油亮，味道鹹香回甘，食完係齒頰留香。如果份量再多D就更好了!雪菜肉絲麵😊湯底一啲都唔死鹹 簡單又美味~ 嫩鷄煨麵 😁上海幼麵直接放入白雪雪既高湯煨煮，湯底都幾濃稠，麵條吸收哂高湯精華，軟身得黎又唔爛，小棠菜粒同雞粒，食起黎鮮甜味美。招牌鮮肉小籠包❤都幾大隻，隻隻咬開都好多湯汁，薄透既外皮肉餡都好多，啖啖都滿滿鮮肉湯汁既香氣，豬肉亦都冇腥味~

🎈江浙滬餐廳屹立於渣甸坊多年，係食上海菜的老字號食到小籠包、擔擔麵、上海粗炒等經典菜式🎈擔擔麵一碗香濃擔擔麵令人相當滿足湯底有花生香🥜質地偏稠，口感唔錯麵條細滑又掛湯，加上肉碎、花生碎提香味道更昇華🎈素鴨素鴨外層厚薄適中，金黃酥脆香口而不油膩，沾上香醋，簡單而美味🎈雪菜毛豆百頁顧名思義，材料有雪菜、新鮮毛豆及百頁豆腐味道清甜，食到材料原味道，清新無負擔🎈熱豆漿豆漿甜度剛好，口感濃厚有豆香

呢條街真係無論weekdays夜晚定weekend都好多人嚟搵食!男朋友最唔鍾意等位+同人逼~呢間上海菜有得即入又唔多人~可能…性價比一般😅但其實佢好食!!!仲啱晒我哋🥰🥰因為我哋兩個都鍾意上海菜😋特別係每次我一定要食嘅<<招牌鮮肉小籠包>>($48)其實當小籠包上檯嘅時候…我都驚驚哋係咪有伏😳點解扁晒嘅?!😓好彩入口係超多湯而且好鮮!豬肉餡都好多! 最緊要係皮薄⚠️💯<<菜肉大餛飩>>都一樣好食~但始終冇小籠包嗰種…一咬爆汁嘅感覺~稍為冇咁驚艷🙃而且$66得6粒真係少貴🤏🏻另一樣我每次食上海菜必點嘅係💁🏻‍♀️<<嫩雞煨麵>>($66)因為好種意呢種麵條又幼又滑又掛湯🥰清甜順喉嘅湯底配埋青菜粒，係簡單清新嘅好味!!!!佢嘅雞肉粒都唔少~喺銅鑼灣嚟講，算對得住個價錢🙌🏻相反嗰碟<<蒜茸白菜仔>>就貴咗啲😹$68得好少……<<有機豆漿>>都係…一細杯就要$18😐之後去對面街買台飲好過🤫

收工後隨便在附近開餐，平靚正的江浙滬正合我意！玻璃外牆，感覺開揚！座位寬敞，環境尚可！有大量不同套餐可供選擇，性價比不錯👌點了冷盤花雕醉香雞 $78花雕味道濃郁，雞肉嫩滑，凍食口感涼快！夏日炎炎，最好不過！主菜杭州東坡肉配蝴蝶包 $98是五層的豬腩肉，肥瘦均衡入味，腩肉吸滿了惹味的東坡汁，好好食！跟來了幾件蝴蝶包，夾起來一拼吃很正！但肉太厚，要分半才可放進包內😋😋擔擔麵 $58不知是否少辣原故，味道較淡口，勝在麵條質地不錯，三扒兩撥的，已把麵條吃光光了 😂😂簡簡單單的吃過晚飯，趕快回家煲劇 😌😌

突然想食上海菜，想起經常經過呢間上海菜館就嚟試吓，菜式款式很多，想食嘅都有，同事有川菜，我今晚很專一，只食上海菜。揀了兩款前菜，雞絲粉皮及四喜烤麩，是期望中的味道，好吃。乾煎黃魚煎得很香口，皮脆肉嫩，味道豐富，$98有兩條魚，一啲都唔貴。招牌鮮肉小籠包，個包紮實，裏面有汁紅燒獅子頭熱辣辣，很淋很滑，吸晒啲汁，又香又好味，撈麵食一流。最後上嫩雞煨麵，麵條滑，湯很清。店舖不細小，光猛整齊，坐得舒適，價錢實惠。

約咗朋友一聚，順便一起吃頓午餐。選了位於渣甸坊嘅「江浙滬」，餐廳離銅鑼灣港鐵站不遠，交通十分方便。店內地方頗大，設有卡位和兩列長長嘅梳化座，環境光猛，坐得舒適自在。餐廳主打江南美食，餐牌選項非常豐富，有涼菜、小菜、飯麵、年糕、點心、甜品及飲品等。點咗兩款點心 同 一客炒飯，一於留肚食甜品。招牌鮮肉小籠包 ($48)  小籠包外皮搓得很薄，摺紋清晰，入面嘅豬肉餡好鬆化，鮮甜又唔油膩，一咬爆汁。另外呢客上海生煎包 ($48)  水準亦唔錯，包底煎得好香脆，但又唔會過燶，包身十分軟熟，肉餡粉嫩，吃時更會不斷滴出肉汁。至於碟揚州炒飯 ($82)  用料亦十分慷慨，有蝦仁、牛肉、雞粒同粟米等，米飯炒至粒粒分明，鑊氣十足，一啲都唔 hea，足見廚師功夫了得！     壓軸甜品點了豆沙鍋餅 ($46)  外皮煎炸得又香又脆，入面嘅豆沙蓉柔軟綿密，甜而不膩，令人一塊又一塊咁放入口。

江浙滬 (京華中心)地址: 銅鑼灣渣甸坊37-39號地舖#yauyau_銅鑼灣有日係銅鑼灣行唔想搵位就入咗去，呢間餐廳定位係啲行過就會有位但係少少貴嘅。座位闊度正常，兩個人坐卡位，但係就冇乜服務啦，位自己搵，水要問先有要嚟qr code 自助落單。菜式味道正常，份量少偏貴。🍖🍖招牌鮮肉小籠包 $48每粒小籠包都裝滿鮮肉，肥瘦適中唔會放太多肥肉，皮薄餡多，汁多肉嫩，非常好味。咬開就爆哂湯汁，勁juicy ar 。🍗🍗回味口水雞 $78雞肉嫩滑多汁，配上花生碎同口水辣汁，回味無窮，好啱開胃，口感非常好，個汁入哂雞肉度，肉汁層次豐富。🍖🍖杭州東坡肉（配蝴蝶包）$98豬肉肥瘦相間，煮得啱啱好，入口即化，鬆軟彈牙，搭配蝴蝶包，口感更加豐富，一甜一咸，一乾一濕，食到lamlam 脷。🍲🍲上海粗炒 $82啲配菜炒得恰到好處，面質q彈，蔬菜爽脆，香氣四溢，醬油味道濃郁，係有啲細份。味道: 3.5/5服務: 3/5環境: 4/5番兜: 3/5#銅鑼灣美食 #美食 #好吃 #instafood #foodstagram #foodphotography #yummy #foodiehk #hkfoodie

係尖沙咀同銅鑼灣成日行過都見到同埋都有聽過下佢個名但係事實令人失望第一價錢比出面既餐廳貴而且質素唔好食真心失望左仲以為有啲名氣會好食D所以都冇叫好多野食小籠包個皮厚 肉都唔係好好味唔夠熱 傷心生煎包個底都OK 但可以更脆皮都係太厚紅豆煎餅都OK 即整既如果個碟唔好咁油就好喇海蜇唔好味下次會試其他餐廳