江浙滬 (京華大樓)

營業中

休息中

上海菜有許多經典菜品，如小籠包、紅燒肉等，喜歡上海菜講究原汁原味，口味清淡、鮮美，而且注重色香味形的平衡。呢日行完街，特登過黎「江浙滬」一嚐上海菜的經典美食，味道都非常唔錯😋😋呢日我叫左招牌鮮肉小籠包（$48）、雞絲粉皮（$58）、擔擔麵（$58），以及一杯凍檸茶（$22）。招牌鮮肉小籠包這家店的招牌鮮肉小籠包做得非常出色，皮薄、汁多、肉鮮，非常美味。每個小籠包都是一個小藝術品，看起來非常精緻，吃起來湯汁鮮美，更是讓人回味無窮。雞絲粉皮口感柔軟、爽滑，味道鮮美。店家的雞絲切得很細，配上薄薄的粉皮，吃起來非常爽口。醬料的味道也很好，甜中帶咸，不會太重口味。整道菜的味道相當清新，非常適合夏天食用。擔擔麵以紅油、花生醬和肉碎調味，口感辣味十足。這家店的擔擔麵做得非常好，辣而不燥、味道均衡，十分美味。麵條有彈性，配上香辣的肉醬，非常開胃。江浙滬地址：銅鑼灣渣甸坊37-39號地舖

今日又喺銅鑼灣覓食，朋友最鍾意食小籠包，所以就決定咗食依間老牌上海菜館。門口掛咗好多紅色嘅小燈籠，裝修十分有風味。今日叫咗招牌鮮肉小籠包 - 新鮮熱辣蒸起，小籠包皮都幾薄，十分juicy, 一口一個大滿足！ 必食😋回味口水雞 - 叫咗微辣，口水雞個汁超惹味，凍凍地辣辣地，食完十分開胃上海粗炒 - 分量十足，炒得有火喉，麵底煙靭豆沙鍋餅 - 比出邊啲豆沙窩餅足料，入邊嘅餡料好厚，外層皮脆👍🏻喺店內都見到有啲外國人/日本人特登嚟食，下次有外國朋友黎都可以帶佢試吓依間

本打算簡簡單單食一餐，選擇了這間店。這是一家主營江浙滬菜品的餐廳，我點了一碗牛肉麵，配上一份溏心蛋，再來一份花雕雞。這家店的牛肉麵口感鮮美，麵條Q彈有嚼勁，湯頭濃郁，牛肉鮮嫩多汁，口感十分滿足。配上溏心蛋，蛋黃柔軟，口感細膩，兩者結合相得益彰，真是絕佳搭配！花雕雞味道香濃，肉質鮮嫩多汁，非常美味。此外，這家店的配菜也相當不錯，牛肉麵的配菜包括蔥花、小青菜等，既豐富口感又爽口開胃。總而言之，牛肉麵湯頭鮮美濃郁，讓人欲罷不能；溏心蛋柔軟細膩，是點睛之筆；花雕雞香濃肉嫩，令人回味。

江淅滬銅鑼灣美食過江之鯽，但一家我去了數十遍也未生厭！原因有三1）當然是美味！令人去完又去2）便宜量多！價錢十分公道，比起連鎖式的上海飯店便宜一半有多3）地點方面！銅鑼灣地鐵站出口直行兩分鐘今天我和女兒學琴後懶煮飯，便去大快朵頤江南白糖桂花糕 $38新鮮蒸起，一籠4大件，香甜軟糯又飄著陣陣桂花香味，咬落又非常鬆軟👍招牌鮮肉小籠包 $48價錢吸引之外，亦非常出色！皮薄但不易穿，保留全部肉汁在小籠包之內，用匙羹吃連湯汁一起吃...好正上海粗炒非常大碟夠3-4人吃粗炒非常有咬勁之餘，配料亦多，醬汁調味剛好，配上小許豆板醬，非常惹味！女兒吃完一碗又一碗，最後更清碟🫣酒釀桂花小丸子滿滿的丸子，碗上酒釀和桂花，非常正宗，每次必吃薑茶芝麻湯圓女兒的甜品，很香濃的薑茶配上兩粒軟滑的芝麻湯圓，不比甜品店遜色

有日放工同同事去銅鑼灣食飯，心血來潮想食上海菜，揀咗呢間「江浙滬」！😋我哋兩個點咗以下餐點。。。1️⃣🥟特色煎餃（3件）$66外型似春卷，裡面包住🦐鮮蝦、🐷豬肉、香蔥，煎到外脆內軟。👍🏻2️⃣🍜雪菜肉絲麵$58雪菜鹹度適中，肉絲嫩滑，麵條爽滑彈牙。👍🏻3️⃣🐔花雕醉香雞$78酒味香濃，肉質嫩滑。👍🏻4️⃣招牌鮮肉小籠包（4隻）$48小籠包皮薄餡靚，肉質Juicy。5️⃣回鍋肉$85回鍋肉肥而不膩，同椰菜一齊炒得入味。6️⃣🥛有機豆漿$18豆味濃郁，清甜可口。👍🏻下次想品嚐下佢哋嘅酸菜魚！🐟❤️

銅鑼灣人來人往，要搵個坐得舒服嘅地方，食午餐，都唔容易今日同同事嚟到依間餐廳，感覺唔錯，地方寬敞，仲有唔少卡位食物選擇選幾多，不過午餐就冇一人套餐，睇啱食乜嘢，就要散叫四喜烤麩醬汁份量恰到好處，味道甜甜地，唔會太鹹。除咗烤麩，仲有青豆，香菇，筍同埋木耳，口感豐富，涼浸浸，夠晒開胃推薦佢哋嘅小籠包肉餡好多，而且湯汁清澈個皮好滑，唔厚，好食🫶🏻嫩雞煨麵簡單美味嘅菜式，麵條滑溜，唔易斷開個湯都幾清甜，配埋青菜，係健康清新嘅選擇上海炒年糕賣相閃令令😎份量都幾多年糕柔軟煙靭有肉絲，同埋蔬菜，口感唔錯味道唔會太鹹

📍江浙滬 (京華中心)銅鑼灣渣甸坊37-39號地舖銅鑼灣好多嘢食，但次次行過都唔知食咩好。是但見到呢間食上海菜就入去試下！環境乾，有中餐廳味道。1️⃣花雕醉香雞 $78｜唔推薦，隻雞少少霉，醉雞汁偏鹹，雞唔入味。2️⃣招牌鮮肉小籠包（4隻） $48｜上菜時熱辣辣，小籠包皮薄餡靚，咬落去啖啖湯汁肉汁，唔錯唔錯！3️⃣嫩雞燶麵 $66｜麵線煮得偏腍，個湯偏淡，雞粒得好少4️⃣杭州東坡肉（配蝴蝶包） $98｜推薦！東坡肉肥膏同肉嘅比例係1:1，唔理quota照食真係好正！東坡肉炆得好腍，稱得上入口即溶！夾埋蝴蝶包一齊食中和咗肥膩感，口感層次都豐富咗～另收加一，人均$100想再嚟食東坡肉！

[ Jiangsu & Zhejiang 江浙滬| 銅鑼灣 ]I was in the mood for Chinese food and decided upon this long established restaurant serving Shanghai food in Jardine’s Bazaar, a street with many Chinese (namely Shanghai) cuisine. The restaurant is quite large and the table setting is quite traditional. I enjoyed the ambience as it felt comfortable but —— —— 上海燻魚Shanghai Smoked fish $78 First time trying this appetiser and I absolutely love it. Easily ate the entire bowl! On contrary to the name, the fish is act

銅鑼灣希慎附近都有條食街💓見呢間上海菜好大間 餐牌選擇又多 就入去試下 又幾好味喎小籠包 $48即叫即蒸 熱辣辣 皮嘅厚度適中 摺位亦唔會特別厚 內裡有湯汁有肉汁 稍得上皮薄餡靚👍🏼餡料有鮮味 合格有餘呀蔥油拌麵 $48一黎到以為得一碗齋麵🍜原來d汁喺哂碗底 撈勻哂之後每條麵都比蔥油包圍住 油香十足 雖然係淨麵 但同時食到蔥花同醬油香味 好惹味 估佢唔到🤣花雕醉雞 $78酒味唔會太苦 但雞肉夠入味🍶有酒香 肉質不錯豆沙鍋餅 $46呢度都有唔少傳統嘅上海甜品🥣有酒釀丸子、薑茶湯圓、白糖糕等等 今次叫左即炸鍋餅🫔非常香脆 又唔算好油淋淋 外皮唔會好重粉感 中間嘅紅豆沙餡份量足 香甜可口

心血來潮 見到朋友食咗上海菜 咁啱喺銅鑼灣收工 都想睇吓附近有冇好食嘅上海菜 google完 最近一間喺渣甸街就慢慢行咗過去 順便試吓好唔好食 舖頭人都幾多 可能開喺銅鑼灣中心嘅關係一入到去，店員已經話我哋拎上餐牌同埋兩杯熱茶，服務態度非常好，我哋今晚就叫做一個擔擔面，東坡肉，同埋一籠小籠包。飲品方面，我哋另外加咗一個豆漿擔擔麵嘅湯底非常香，配上我最愛嘅麻醬味道，請問識落唔會有一種死辣感覺，面質亦都非常適中，唔會有太硬嘅情況出現。東坡肉就配一個類似蒸包形式去食，我哋每人兩件，其實份量都幾足夠，東坡肉調味好有特色，朋友食完都話好鍾意小籠包就正常，冇乜太大特別兩個人埋單，大約$250，銅鑼灣黎講食上海菜係一個合理嘅價位

已經唔止一次食過呢個鋪，第一次去既時候係lunch time 突然好想食小籠包，見到附近有所以過黎試下，點知一食真係有比佢個小籠包驚艷到，咬落去啲湯汁慢慢流阻黎，勁有味道👍🏻👍🏻仲熱辣辣饅頭我會覺得自己係屋企都好容易蒸到所以每次去都會叫炸饅頭，炸饅頭係外脆內軟，加埋煉奶無得輸🤤🤤🤤以前既茶係唔使錢，不過今次去就變左要加5蚊啦，但我點都會加既😂因為飲下熱菜舒服啲！醉雞啲雞好嫩滑，好有酒味😋上海粗炒又係好夠味！呢間真係好值得黎👍🏻👍🏻👍🏻👍🏻

呢間係一間老舖，不過，之前每次行過都冇入過嚟！最近，朋友約嚟食晚飯，终於試咗一次。好味，價錢亦合理！於是，今日帶媽咪👵嚟食午餐，叫咗三個餸，東坡肉+小黃魚+蒜蓉白菜仔，兩個白飯，兩杯熱豆漿。估唔到👵&我，竟然只ko淨半碗白飯。另外要讚...係服務員態度好好，仲好Nice，好細心，我哋個肚皮好滿足，愉快的午餐，一定會再嚟！

Hubby 話食上海菜，想起去過這間在銅鑼灣登龍街的上菜鋪，上次午餐印象不錯，有熱辣辣的開水供洗杯洗碗，我對食店的衛生要求比較嚴格🤣點了：1、招牌口水雞 - 麻辣雞涼食，叫了微辣2、菜肉雲吞 -有紫菜，大大粒的蔥粒，一定要加豆板醬，一碗6大隻3、酸辣湯麵 - 份量很足，麵的軟硬度適中4、蒜蓉津白 - 用了乾蒜炒，口感有軟有硬，有趣5、 甜品- 小米糕，原來是鬆糕，一客4小件，不太甜也很軟綿綿茶是玄米茶，我的至愛。另叫了凍豆漿，可以再淡一些會比較健康。但侍應十問九唔應，視線永遠在地板上😅

朋友係港島做野就約港島既中心點 銅鑼灣食飯之前係尖沙咀行過都對依間餐廳有印像但一直未試過 所以試試佢好有中國風既餐具款式都好多種而且入面好多人'食上海野必叫既雞絲粉皮大大塊粉皮好有咬口醬好有花生味海硩 大大片夠晒彈牙再加埋佢d醬汁 一流小籠包handmade外形出黎都係熱 再加埋佢側邊d醋點黎食可以昇華依件事生煎包 脆底 肉汁juicy外形脹卜卜 好好睇豆沙鍋餅外脆 內起沙好熱 最尾食佢係一個完滿既結束

年二九，老闆好人，提早收工!於是打算係銅鑼灣食晚飯之後，去維園巿花行.經過江浙滬，又好似有段時間無食上海菜，於是入去幫襯.今次食完上海菜，第二日年三十又去另一間餐廳太子沪小館食上海菜，一比之下，江浙滬即時比下去.首先蟹粉小籠包，蟹味清淡，好明顯蟹份量不足.生煎包外貌好普通毫無吸引力，慶幸包底夠脆，哩點我極重視，合格.清炒河蝦仁份量略有不足，而且口感唔夠彈牙.最失望係松子魚，先講味道，其實味道唔差，外表香脆魚肉嫩滑，茨汁酸中帶甜夠惹味，問題係外貌，完全無 "松子" 效果，只係一"舊"魚放係碟上.最後，樓面兩件姐姐係到嘈，嘈到收銀都喝佢地收聲，攪到食慾大減，有咩辦法唔負評呢?