池記幸運星

營業中

休息中

小店越來越少，當然要支持下香港地道小店。原來池記是香港僅存的數間自設工廠、生產竹昇麵的雲吞麵店。所有竹昇麵用傳統方法在池記香港製造最欣賞係要保持食物真材實料和匠人的傳承精神。雲吞竹昇麵雲吞皮很薄仲拖住長長的尾巴蝦肉新鮮結實彈牙竹昇麵硬度剛好，湯底夠熱份量算適中啦～門口麵包好多人幫襯

凍檸茶冇茶底味，有點過份，淡茂茂下午茶個價錢好似吃緊晚飯咁，細細碗，啲麵又冇以前咁彈牙嚡熠熠唔知點解都仲咁多人食，湯底又冇大地魚的味道，啲牛腩好實🤣已經冇咗細個嘅味道商業化了．大紅浙醋又溝水好淡叉燒雞扒滑蛋飯，個叉燒都玩幾好食 一啲汁都冇好慘，枱面又冇豉油，乾吃好慘滑蛋一啲都唔滑😂😂蛋撻都冇以前咁好食了🙂再見係咪換咗班廚房呀，陰公通常一開咗分店做得商業化味道就不如以往細個冇晒童年回憶，好可憐囉

早上10點半剛好經過池記幸運星茶餐廳見室內都幾多人堂食，想著從來未食過就打算試下A餐$58一碗面，一碟炒蛋，一個包，一杯飲品B餐$52是A餐沒有炒蛋C餐是B餐沒有包全場滿座，感覺味道應該會與出面不到40蚊的早餐肯定不同結論是不敢恭維........原以為是劏遊客的存在，但前後左右都是講廣東話。。。不明白，那人流是因為什麼如果是因為比其他茶記換了菠蘿包/雞尾包，那就更不值了這些面包相比去牛奶冰室，紅磡餐室完全不在同一個層次裡，可以說以屋邨舊面包店質素和味道一樣不香 不濃 沒有特別咖啡菠蘿包沒有咖啡味只有絲絲苦雞尾包完全沒有特別面類就更加和其他普通茶記沒有分別所以到底人流是因為什麼？

這間茶餐廳的沙嗲牛肉出前一丁面可說是非常美味。首先，牛肉的切割均勻且嫩滑，入口即化。肉與麵相融合的口感令人滿足。調味料的選擇非常恰到好處，增添了風味和深度。辣椒和香料的微妙平衡，使每一口都有深邃的味道，但不會過於辛辣。此外，面的煮熟程度也十分恰到好處，保持了彈性和口感。這道沙嗲牛肉出前一丁面的份量十足，給人一種滿足感，而且價格也相當合理。此外，茶餐廳的環境舒適，服務態度友好。整體而言，這是一家非常值得品嚐的茶餐廳，尤其是對於喜歡味道豐富且具有一定辛辣度的料理的人來說，絕對不可錯過。

諗住以前池記最出名嘅雲吞麵及牛腩麵，剛剛見到銅鑼灣新開就入去嘗試一下，但係一見到粒雲吞及牛筋腩，食落去就非常失望，完全覺得好似飲緊味精湯一樣牛筋腩非常之嚡口雖然話送細蛋撻但整體都差不多要$87，真係唔係好值現在香港食嘢可能有一半已經俾咗租金，所以食材就會下降我相信只會幫襯這次以後都唔會再幫襯

朋友約咗響銅鑼灣附近食午飯傾少少嘢，但係又驚太多人搵唔到位，跟住有人竟然想食雲吞麵，但係又想坐得好啲，結果其中一個朋友介紹咗你池記幸運星。門面環境都乾淨企理，排咗一陣隊就已經入得去，三個人坐一個轉彎位勉勉強強坐得晒，最主要係轉彎位有梳化位，所以坐得真係幾舒服，仲有大玻璃望到出邊，以食雲吞麵餐廳嚟計地方真係冇得輸。叫咗個牛腩筋雲吞竹升麵，湯底幾香，但係對我嚟講有少少偏鹹，竹升麵嘅口感還可以，但係唔算太突出，雲吞係屬於細細粒嗰種，食落去到食到雲吞味嘅，牛筋腩份量一般般，牛筋得一舊仔，牛腩有三舊，整體份量唔算好大碗。另外仲叫咗一個蛋撻，雖然我比較喜歡酥皮蛋撻，但係佢呢個蛋撻做得都算幾好味，亦都唔會太甜。總括嚟講響銅鑼灣食雲吞麵加埋坐嘅環境黎計，其實都算係幾好嘅。

食物昂貴但份量少而味道只是一般。牛筋腩只得四件,雲吞味道過得去但係麵唔夠爽而食後好快口渴,好失望!職員態度尚可。與其他雲呑麵舖比較,佢嘅出品失色得多。售賣食物種類太雜,唔夠專業,不倫不類。

豬軟骨竹昇麵池記幸運星係銅鑼灣地鐵站A1出口唔遠嘅一間餐廳，佢嘅豬軟骨竹昇麵口感好正，麵條有嚼勁，湯底濃郁香口，而豬軟骨同竹昇嘅加入更增添咗豐富嘅層次感。豬軟骨嚟嘅口感有啲軟滑，但又唔會太腍口，好適合搭配麵條同湯底一齊食。竹昇嘅口感清爽彈牙，同埋有啲爽脆嘅質感，同豬軟骨一齊食嘅效果好好。總括黎講，豬軟骨竹昇麵係一份好出色嘅麵食，值得一試。下午茶連一杯熱飲都係$54，仲可以用$6優惠卷，所以係銅鑼灣算係抵食之選。

去開銅鑼灣附近，搵食黎到池記幸運星試一下。呢度話出名竹昇麵，所以試左個沙爹牛麵，牛肉夠嫩，麵都夠爽口嘅，煎雙蛋不過不失。仲試左個咖啡菠蘿包，都可以嘅，價位係銅鑼灣地段，算係咁。

📍池記幸運星銅鑼灣白沙道1-3號地舖已幫襯過呢間茶餐廳幾次，食物的確唔差，但價錢都比較貴。同市面新式茶餐廳一樣，佢都keep住有新鮮出爐蛋撻麵包。今天叫咗三個下午茶☕️豬軟骨雲吞米線🍜，熱齋啡☕️($64-HKD)。味道一般啦，又無話好好食，無乜特別。叉燒炒蛋菠蘿包，熱奶茶($50-HKD)。甜甜哋嘅菠蘿包配上咸咸哋嘅叉燒炒蛋，味道幾好。而呢度嘅奶茶相當濃郁，都算滑，不錯。邪惡鮮油菠蘿包配上熱奶茶($42-HKD)，呢間餐廳菠蘿包算好食，外皮脆脆，包軟熟。

個人唔係咁鍾意食湯麵，所以點咗炸醬麵，竹昇麵口感好好，好彈牙，至於食完碗麵都冇話好口乾。之後試埋蛋撻同雞批都好酥脆，一啲都唔會輸比酥皮既口感，甚至覺得有之過而無不及。

呢間餐廳主打昇竹麵，於是我叫左碗牛筋腩雲吞昇竹麵（$75）試下。雖然麵係彈牙，但又好似同一般既麵差唔多口感。牛腩同雲吞就可圈可點，反而飲品做得唔錯，我鐘意飲佢既熱薑檸蜜，好夠薑！

肚餓得滯 去呢間買個成$11既菠蘿包嘩 個阿姐勁順手拎個面包夾篤完個收銀電腦mon就再拎黎夾面包如果唔係餓得滯我實話唔要走人永遠冇下次當著客面都咁做後面做咩真係可能仲衰

講到雲吞麵，最出名的當中必屬池記。所謂老子號，最傳統特色的雲吞竹昇麵。有幸經過銅鑼灣，當然地段限制，價格都相對高級。但高級背後的質素與服務相當重要。而銅鑼灣池記幸運星都俾到相對高的CP值水平。雖然係池記 + 幸運星餐廳，款式類別不是太多選擇。下午茶就包餐飲，而餐飲中都有熱薑蜜、熱薏米水都不用加錢。下午茶的雲吞竹昇麵，雖然細碗，但味道唔錯，湯底清濃；雲吞有四粒，蝦肉新鮮、雲吞皮夠薄；麵質幼滑、彈牙、鹼水味偏重，整體味道不錯。雖然整體價錢算進取，但質素方面都值回票價。

以前成日都係池記食下午茶最鍾意食就係呢個豬軟骨米粉$50一大碗下午茶來講相當足料同食個午餐冇分別加多10幾蚊仲可以要雙拼就會有雲吞不過今日只係冇食晏晝想食個下午茶就唔想特別叫太多熱薑檸蜜係唔需要加錢但係都大大杯銅鑼灣來講$50嘅下午茶我覺得都算係咁味道上其實都唔錯㗎湯底嘅味索晒落啲米粉度豬軟骨夠晒腍又唔太肥得閒都會經過呢邊食吓下午茶下次試返個菠蘿油先！